جهازين لاسلكي

[wallace]

السلام عليكم ورحمة الله

لو سمحتم كنت عايز اشتري جهازين لاسلكي ,كنت زمان بشوف جهازين لعبة للأطفال بيستخدموا لمسافات بعيدة والصوت بيكون واضح

الفكرة كلها اني عايز استخدم الجهازين دول داخل عمارة واحدة بين شخصين ,فهل فيه قطعتين لاسلكي متوفرين يقوموا بالوظيفة دي ؟ ,علماً بإن المسافة بين الجهازين لن تتعدي 100 متر بكل الأحوال

ياريت معلومة حول مكان بيعهم وسعرهم ان امكن وهل هما بشحن ولا ببطارية ؟

[أبو صلاح]

كان عندي زمان تليفون لاسلكي بيجيب لحد مسافة 500 متر
الميزة اللي فيه منه تليفون ومنه انه ممكن يعمل مكالمات لاسلكي مابين الجهازين اللاسلكي او بينهم وبين القاعدة
يعني بيربط 3 امكان مع بعض
والشحن بتاعه بيقعد لحد 24 ساعة
كنا جايبينه مش شارع عبد العزيز ونوعه باناسونيك

[م. حاتم السباعي]

السلام عليكم ورحمة الله

لو سمحتم كنت عايز اشتري جهازين لاسلكي ,كنت زمان بشوف جهازين لعبة للأطفال بيستخدموا لمسافات بعيدة والصوت بيكون واضح

الفكرة كلها اني عايز استخدم الجهازين دول داخل عمارة واحدة بين شخصين ,فهل فيه قطعتين لاسلكي متوفرين يقوموا بالوظيفة دي ؟ ,علماً بإن المسافة بين الجهازين لن تتعدي 100 متر بكل الأحوال

ياريت معلومة حول مكان بيعهم وسعرهم ان امكن وهل هما بشحن ولا ببطارية ؟

الاخ الكريم الفاضل wallace

بالنسبة لطلب حضرتك فهو الان احتمالات عدم توفره كبيرة بسبب العامل الامني فسواء اللاسلكيات الصغيرة ( الواكي توكي ) او اللاسلكيات الكبيرة فهي عليها حظر كبير الان وكان النوع الصغير بيباع عند العجيل و عند مكتبات برناسوس و في وسط البلد وباب اللوق الخ الخ الخ عادي جدا و بدون اي حظر و كانو بيتعرضو في الفترينات ايضا

اما الان فكل هذا اصبح ممنوع وعليه حظر لذلك من الصعب ان تجده و عموما اسأل اي توكيل اجهزة ملاحية او مساحية من علي النت كتوكيلات ( سوكيا و توبكون و ترمبل و لايكا ) كل هذه التوكيلات لديها ارقام تليفونات علي النت ممكن حضرتك تسأل في المبيعات مدي توفره

و ممكن ايضا ان تشتري ( انتركم سلكي ) عادي جدا و رخيص جدا عن وحدتي اللاسلكي بما ان الغرض هو محادثة داخل عمارة واحدة فيمكن تمرير سلك في المنور او من البلكونة او مع سلك الدش و يغنيك تماما عن موضوع اللاسلكي اللي ممكن يكون فيه صعوبة في توفره الان

و الانتركم متوفر في وسط البلد بغزارة

تحياتي اليك

[islamnabil]

لو المسافة مش كبيرة يبقى تليفون باناسونيك لاسلكي بعدتين يقضي الغرض

[Abo Yasso]

لو فى نفس العماره يبقى انتركم
ارخص وا اوفر فى الصيانه ووضوح الصوت

[Qmax]

الأجهزه دي كانت بتتباع في شارع الأزهر زمان وتقريبا لسه موجوده

لكنها غير أمنه ممكن اي حد يسمعك وانت بتتكلم من خلال الراديو او موجات ال uhf

[wallace]

الف شكر يا رجالة علي تعبكم ,وإن شاء الله هسأل علي التليفون الباناسونيك لو فعلاً فيه عدتين منهم تليفون ومنهم يكلموا بعض

الأجهزه دي كانت بتتباع في شارع الأزهر زمان وتقريبا لسه موجوده

لكنها غير أمنه ممكن اي حد يسمعك وانت بتتكلم من خلال الراديو او موجات ال uhf

هو مش المفروض أي جهازين بينهم ربط بيكون بينهم تشفير ؟ ,ولا حضرتك بتتكلم علي الأجهزة الرخصية ؟

[Qmax]

الف شكر يا رجالة علي تعبكم ,وإن شاء الله هسأل علي التليفون الباناسونيك لو فعلاً فيه عدتين منهم تليفون ومنهم يكلموا بعض



هو مش المفروض أي جهازين بينهم ربط بيكون بينهم تشفير ؟ ,ولا حضرتك بتتكلم علي الأجهزة الرخصية ؟

اقصد الأجهزه الغير أصليه