نوكيا 5800 ضربة موجعة ل اي فون

[Karim_Monir]

انا سكت للاخر عشان اسمع كل الاراء
انا واحد من النا اتعامل مع كل انواع الموبيالات تقريبا
الا فون جهاز فقير بمعني الكلمة
وغبي ايون غبي
تخيل عشان تجيلك مسج باسم صاحبها مش رقمه لازم تسجل الارقام مرتين
البلوتوث زفت واخر يتوصل بسماعة في داتا
ماحدش يقارن سوفت ويرمفتوح زي السيمباين بسوفت وير مقفول زي الجافا بتاع معاك
طب ماي سوفت جافا صعب جدا يهنج بس اوبشن انسى ما عدا الويندوز موبيال
ودي بقى انت شايل لاب توب صغير في جيبك
سريع التهنيج وبرامج كتير ولخمة لو حد مش عايز تليفون عملي
انا كان معايا tytn II
واحد من اقوى اجهزة البوكيت واتسرق والحمد لله
متعب جدا وبعدة جبت نوكيا وكررتهاش تاني
وكانا عاجبني الايفون جدا بس استغبيتة لما اتعاملت معاه
ولم اجد افضل من السيمبيان وخاصة لما بينزل من نوكيا
لما نزل من سوني وانا من اشد المعجبين بيها لقيتة مليان عيوب واخطاء اتمنى تلاشيها وكلامي على w960
عشان كدة شايف ان الجهاز ده هايعمل طفرة حقيقية في اجهزة التاتش ذوات الشاشة الكبيرة

[brown-eyes]

علي فكرة ياجماعة انتو ظالمين الايفون جدا الايفون مش فقير خالص وقريب جدا هتسمعو انه بينافس ال psp في الالعاب بتاعته
وكمان السوفت وير الجديد اللي هو بيدا من v 2.0
جامد جدا بس الجهاز محتاج حد يكون بيحب ينزي برامج وعنده وقت
بالنسبة لبرنامج الفيديو نزله برنامج بيسجل وقت مفتوح وصورته نقية جدا
وموضوع copy & pste بردو نزلو برنامج ونزلز برنامج جافا كمان وهينزل فلاش بلير قريب جدا
ونزل كمان برامج تخليك تستخدم الجهاز كا فلاش ديسك
وكمان برنامج عشان تشغل كذا برنامج يعني ممكن تعمل مانميز للبرامج مش زي الاول لازم تقفل البرنامج عشان تفتح برنامج تاني
ده غير برنامج المؤذن والقران الكامل بالتفسير واللي ممكن تسمعه بصوت اي قارئ انت عايزه
بس هو الجهاز دايما محتاج وايرلس عشان تتمتع بامكانياته
وفي برنامج كمان يخليك تتحكم في البي سي بتاعك عن طريق الوايرلس او الشبكة حاجة كده زي remote desktop

[Goodle]

متابع باهتمام

[hero]

يا جماعه السيبميان اوبارتنج سيستم ...
دة اصلا نظام تشغيل معمول ومتفصل للموبايلات الذكية Smart Phone ودة غير الويندوز موبايل ايلي كان معمول للـ PDAs وايلي هي عبارة عن صورة مصغرة من االلاب توب...بالابليكاشن بتاعتة..

مش هاتكلم عن الويندوز لان كل الناس ايلي شغالة في حقل الـ IT عارفة نظام التشغيل دة وعارفة عيوبة وعدم استقرارة ...ودة كلام من مايكروسوفت نفسها مش كلام الناس ايلي جربت ....والشركة وعدت انها تصلح عيوبها في الاجيال القادمة ...واولها 6.1

نرجع بقي للسيمبيان...وايلي هو اصلا نظام تشغيل تليفونات...
ايلي بيتابع تطور النظام دة...هايلاقي انة بقي منافس قوي جدااا للوندوز...ودة بسبب انة اغلب البرامج ايلي الناس كانت محتاجها من الويندوز بقت متوفرة علي السيمبيان ...زي اية..
1-نتيجة او اجاندة او اورجانيزر
2- برامج Email
3-مالتيميديا ...صوت وصورة...وفيديو وخلافة
4-برامج خرايط و GPD

يعني حاليا السيبميان بيقدم نفس الكفاءة والجودة لبرامج الويندوز ..دة غير ان نظام مفتوح ...يعني اي واحد ممكن يبني البرنامج بتاعه...ودة ايلي سبب انتشار رهيب وتنوع في برامج السيمبيان عن الويندوز....

نيجي بقي لاهم شيء ....وهو ان الموبايل ..الهدف الاول منة الاتصالات التليفونية....ودة المحور الاساسي فية عمر البطارية ...واستهلاك الموبايل ليها....

طبعا الويندوز موبايل ...بيجي في اخر مرتبة...لان الويندوز نفسة كنظام تشغيل ...بيستهلك طاقة عالية من الجهاز....علي عكس السيبميان ايلي مش محتاج طاقة خاصة بدعمة..

والسبب دة لواحدة...كان ورا ان ناس كتير تحول من ويندوز موبايل لسيمبيان....

الاصدارات الجديدة من السيمبيان...وايلي نوكيا مسمياها Feature Packs...دي عملت انقلاب ...في امكانيات السيبميان ...لدرجة خلتة يتفوق علي الويندوز بمراحل...

وايلي متابع ...هايعرف ان نوكيا عارضة انها تشتري السيبميان اوبراتنج سيستم ويبقي ملك ليها وتطورة بمعرفتها ..

-------------------------------

بالنسبة للنوكيا 5800 دة يا دوبك اول نسخة من السيبميان UI

المفروض ان N97 الجديد هايبقي النسخة او الترقية التانية...

وكل الاجيال القادمة من السيبميان بتدعم التاتش سكرين..
-----------------
علي فكرة نوكيا وضعت سعر للموبايل 5800 في اوروبا للمستهكين ...بـ 280 يورو فقط....قبل الخصومات....Sim Free
يعني سعر مالوش منافس....حاليا....

---------------------------

[Powert]

وايلي متابع ...هايعرف ان نوكيا عارضة انها تشتري السيبميان اوبراتنج سيستم ويبقي ملك ليها وتطورة بمعرفتها ..
-----------------
علي فكرة نوكيا وضعت سعر للموبايل 5800 في اوروبا للمستهكين ...بـ 280 يورو فقط....قبل الخصومات....Sim Free
يعني سعر مالوش منافس....حاليا....

للعلم نوكيا رفعت تمن الموبايل الى 380 يورو
لان رقم 280 يورو كان تقديري وكان بدون ضرايب

ولازال الرقم ده اقل من تمن الاي فوون

نوكيا اشترت سيمبيان ب 264 ميلون يورو من 24/7/2008

لانها كانت تمتلك 48% من سيمبيان و5 شركة موبايل اخى كانت تملك 51%



الهدف هو تطوير نظام موحد للأجهزة النقالة و المتجولة

هتشغل برامج نوكيا عادي او سامسونج او ال جي مش لازم تدور على برامج لموبيل بتاعك

اي برنامج لسيمبيان هيمشي عادي

وسبب ان نوكيا انها اشترت سيمبيان لظهور شركتين واقفين قدامها وهما جوجل وابل

وده كان بيمثل خطر على برامجها علشان كده عملت الوحدة دي

والصورة دي بتوضح التحالف الجديد والشركات اللي وعدت باستخدام النظام سيمبيان


السؤال الذي يبقى هل سيشتخدم العالم نظام سيمبيان الجيل الخامس الجدي والمخصص لتاتش اسكرين

ولا هيكون في نظام اخر بدلا من التاتش اسكرين

[Powert]

كثيرون هم من حاولوا التصدي لاي فون ثري جي و هزيمته. لكن بإمكاننا القول أن جميعهم فشلوا حتى هذه اللحظة. لكن هل سيبقى الحال كما هو عليه؟ هل سيبقى اي فون مسيطراً حتى نهاية هذا العام؟ ربما لا، خاصة بعدما اطلقت نوكيا الجوال التحفة نوكيا 5800 اكسبرس ميوزيك. إن هذا الجوال يتمتع بمواصفات تجعله منافساً حقيقياً و قوياً للاي فون.




بعد قراءتك هذا الموضوع ستفكر جدياً بالتخلص من اي فونك و إستبداله بنوكيا 5800. دعونا نستكشف



-1-
الذاكرة:
نوكيا 5800 يأتي مع ذاكرة داخلية 81 ميجا بايت بالإضافة إلى قارئ ذاكرة microSD حتى 16 جيجا بايت.لكن يأتي اي فون بسعة 8 جيجا بايت و 16 جيجا بايت و لا يمكن زيادة هذه السعة أبداً. لا يوجد قارئ ذاكرة في اي فون. و هذا ينطبق أيضاً على ثري جي و تو جي اي فون.

-2-
خيارات إدخال النصوص و ستيلوس:
لطباعة نص معين يمكنك إستغلال عدة خيارات في نوكيا 5800 اكسبرس ميوزيك. هناك الكتابة باليد عن طريق ستيلوس stylus، و كيبورد QWERTY صغير تخيلي يظهر على الشاشة، و كيبورد QWERTY كبير مع لوحات أرقام يظهر على الشاشة. يجب التنويه هنا أن كيبورد QWERTY في نوكيا اكسبرس ميوزيك يمكن أن يظهر بشكل عرضي landscape.على الجانب الآخر اي فون حيث ليس هناك ستيلوس stylus. مع أنه يمكن اضافته كإكسسوار. و ليس هناك كيبورد QWERTY بعرض الشاشة.

-3-
السعر
نوكيا اكسبرس ميوزيك 5800 هو جوال ثري جي بسعر فعلاً مغري. إن سعر نوكيا 5800 يبلغ حوالي 390 دولار أمريكي بعد الضرائب. لكن عند مقارنته باي فون، فإن سعر اي فون ثري جي 8 جيجا بايت يبلغ من 600 إلى 700 دولار أمريكي. هنا نرى أن الفرق واضح جداً.

-4-
مشغل أدوبي فلاش:
ليس سراً أن شركة أدوبي تعمل على تطوير مشغل فلاش للآي فون. هذا يعني أن على مستخدمي اي فون الإنتظار.
أما مستخدمي نوكيا 5800 فلا داعي للإنتظار أبداً. فجوال نوكيا اكسبرس ميوزيك يدعم فلاش بكل ثقة. نحن نعلم أن الكثير من مواقع الإنترنت تحتوي على فلاش في دخلها. هذا يعني أن مستخدمي اي فون لا يحققون تجربة مثالية في تصفح الإنترنت. و هذا يعني الحقيقة المخيفة أنك لن تستطيع مشاهدة جميع مقاطع الفيديو على موقع يوتيوب باستخدام اي فون.

-5-
الرسائل النصية:
على عكس الاي فون الذي يمنع المستخدم من تحويل الرسائل النصية أو رسائل الملتميديا. فإن نوكيا 5800 يتيح منتهى الحرية للمستخدم في وظائف الرسائل. يمكنك أن تقوم بإرسال الرسائل النصية و أن تشطبها و يدعم نوكيا 5800 رسائل MMS، و يبلغ حجم الرسالة النصية المسموح به حتى 600 كيلو بايت. ويقوم نوكيا 5800 كذلك بتحجيم رسائل الصور تلقائياً.
أما في الآي فون، يمكن فقط إرسال رسائل نصية و لا يمكن إرسال الرسائل لأكثر من شخص في نفس الوقت. كذلك لا يمكن طلب الأرقام عن طريق الصوت كما هو الحال في معظم جوالات نوكيا.

-6-
ستيريو بلوتوث
يمكن وصل نوكيا 5800 اكسبرس ميوزيك مع سماعات ستيريو بلوتوث. طبعاً اي فون لا يستطيع فعل ذلك
و يدعم جوال نوكيا بلوتوث 2.0 مع تقنية A2DP. تعطي تقنية A2DP جودة صوت عالية لسماعات بلوتوث. للأسف، فإن اي فون لا يدعم هذه التقنية. كذلك لا يدعم ايفون مشاركة الصور و ملفات mp3 و الفيديو عبر بلوتوث.

-7-
البطارية
لم تعط أبل المرونة لمستخدميها حتى في إمكانية إستبدال البطارية. فقد اختلقت عذراً أن تزويد بطارية قابلة للإستبدال سيزيد من وزن اي فون. من يصدق ذلك؟
طبعاً العكس صحيح لنوكيا اكسبرس ميوزيك 5800. حيث يمكنك تبديل البطارية بكل سهولة. يمكن كذلك الحديث بجوال نوكيا لمدة 5 ساعات بتقنية ثري جي و 9 ساعات متواصلة بتقنية GSM. و يبلغ وقت الإنتظار ستندبي 17 يوم.
يمكن لمستخدم اي فون التحدث لمدة 300 دقيقة باستخدام ثري جي و 600 دقيقة باستخدام 2G. و يبلغ وقت الإنتظار 300 ساعة فقط.

-8-
موسيقى مجانية:
مع نوكيا 5800, و إبتداءً من عام 2009 سيصبح ممكناً لمستخدمي جوال نوكيا 5800 أن يتمتعوا بإشتراك مجاني لمدة عام كامل بخدمات نوكيا الجديدة Comes With Music أو بالعربية خدمة "يأتي مع موسيقى"
يأتي نوكيا 5800 عند شرائه محملاً بالموسيقى بأكثر من 1000 أغنية جاهزة. لكن بالنسبة لاي فون، فيمكن تنزيل أغاني من من خلال iTunes لكن لاشيء مجاني
و كما تدعي نوكيا سيصل عدد الأغاني في عام 2009 إلى ما يقارب 5000000 أغنية جاهزة للتنزيل.

-9-
. الكاميرا و الفيديو:
يتمتع نوكيا 5800 بكاميرا 3.2 بيكسل جيدة جداً بعدسة كارل زيس و ديجيتال زوم 3X، و اوتو فوكس و فلاش بضوء LED مزدوج. و هناك أيضاً كاميرا لمكالمات الفيديو.
بالمقابل فإن اي فون ثري جي يحتوي على كاميرا 2 ميجا بكسل بدون إمكانية تسجيل فيديو و بدون فلاش.
و بعكس اي فون أيضاً، فإن نوكيا 5800 يسجل فيديو حتى جودة 640X480 بكسل و 30 إطار في الثانية. و هناك ديجيتال زوم للفيديو 4X و يشغل نوكيا 5800 ملفات فيديو حتى 5.2 ساعات متواصلة. و يمكن تسجيل فيديو حتى 3.6 ساعات متواصلة.
للأسف، ليس هناك تسجيل فيديو في اي فون ثري جي و لا مكالمات فيديو. و ليس هناك زوم بصري كما في نوكيا 5800


مع كل هذه الأسباب المذكورة أعلاه. هناك إحتمال أن يكون نوكيا 5800 هو القاهر المحتمل لاي فون الصعب المنال. وحدة الزمن سيبين ذلك.

إلى جانب البرامج الكثيرة المتوفرة وعدم وجود قيود على الاستخدام في اي مكان وتدعم العربية 100%

((((((((((((منقول)))))))))))

[إسلام شاهين]

الجهاز ده جميلللللللللللل جدا وأنا شخصيا اشتريته النهارده بس ، وللأسف فعلا الأي فون مالوش هنا سوق قوي زي النوكيا كعادته في كل مكان .

الجهاز سعره هنا بضمان الشركة 1500 ريال قطري .

أي معلومات أو أسالة تحت أمركم ولو حاد عايزني أجيبهولو معايا من هنا أنا تحت الأمر .

[Rsarabia]

الاى فون جميل جدا و هو احلى فى الشكل و الالوان و الايقونات من نوكيا

لكن لكن لكن كقوائم و برامج و دعم و امكانيات مهووووووولة و فرق سعر رهيب لصالح نوكيا

ممكن اشترى ان شاء الله اى فون بس ممكن بعدين لما يوصل لنفس مستوى نوكيا و يكون فيه كل حاجة

[lancerevolution]

انا شوفت الجهاز دا و عجبنى بس مش موجود دلوقتى فى مصر عشان أنا سألت عليه و محدش سمع عنه

[1.8Tee]

انا شوفت الجهاز دا و عجبنى بس مش موجود دلوقتى فى مصر عشان أنا سألت عليه و محدش سمع عنه

أعتقد انة موجود فى رضوان العجيل اللى جمب مصطفى محمود.

[NaderNabil]

الجهاز ده جميلللللللللللل جدا وأنا شخصيا اشتريته النهارده بس ، وللأسف فعلا الأي فون مالوش هنا سوق قوي زي النوكيا كعادته في كل مكان .

الجهاز سعره هنا بضمان الشركة 1500 ريال قطري .

أي معلومات أو أسالة تحت أمركم ولو حاد عايزني أجيبهولو معايا من هنا أنا تحت الأمر .

مبرووووووووووووك:k49:

لما تستعمله شوية كده...محتاجين منك تقرير عن مميزاته و عيوبه...و ايه اللي مش مريحك فيه...

هو 1500 قطري يعني كام بالمصري؟ و اللي من غير ضمان بكام؟

[إسلام شاهين]

1500 ريال يعني تقريبا 2250 جنيه مصري .

وعنيه ليك يا نادر هجربه واكتبلك التقرير إنت تأمر بس علشان قربنا نبقى راكبين زي بعض ( فاهمني )؟؟

[NaderNabil]

فاهم يا معلم :)

[Sameh]

تخيل عشان تجيلك مسج باسم صاحبها مش رقمه لازم تسجل الارقام مرتين

الموضوع ده على فكرة إتعالج فى الفيرموير الجديد 2.2

[hero]

1500 ريال يعني تقريبا 2250 جنيه مصري .

وعنيه ليك يا نادر هجربه واكتبلك التقرير إنت تأمر بس علشان قربنا نبقى راكبين زي بعض ( فاهمني )؟؟

الف مبروك يا باشا علي الموبايل وربنا يباركلك فية..
ياريت بقي ريفيو كامل عن كل شيء ....ولو فية اي شيء مش عاجبك قولنا برضة علية....

انا بافكر اشترية وبفاضل بينة وبين الـ E70 لان برضة الموبايل دة تحفة حقيقة ...للناس ايلي عايز موبايل بينزنس مالوش حل...

سعرة في قطر كويس جدااا ودة معناة انة اقل في دبي بحوالي 200 درهم علي الاقل....لان قطر الموبايلات فيها اغلي من الامارات بكتير....

منتظرين تقييمك للموبايل الجديد...والف مبروك مرة تانية....