تحذير من الشيبسى (حشرات بداخل الكيس)

[YahiaAshraf]

السلام عليكم

طبعا كلنا متابعين اطعمة شيبسى الجديدة من دول مختلفة فنزلت و اشتريت طعم الصلصة اليابانية الحجم الكبير

وبعد ما لهفت نص الكيس مسكت واحدة شيبسى ولسه يدوب هكلها لاقيت كائن غريب لازق فى الشيبسى انا مش عارف اسمه بس هى شبه البورص و صغيرة أوى بصراحه نفسى اتسدت ورميت الكيس كله



للعلم دى مش أول مره تحصل معايا قبل كده حصلت معايا فى شيبسى بالجبنة الحجم الجامبو وكانت حشرة سودا مش عارف اسمها ايه و برده رميت الكيس و من ساعة اخر موقف حصل معايا حلفت انى ما اشترى شيبسى تانى وربنا يسترها علينا

[starlanos]

انا بقي حصلت معايا في فانتا برتقال لقيت صرصار بس الحمد لله مكنتش لسه فتحتها

[prof2013]

نسمع كثيرا عن خطورة ادمان الخمر والمخدرات
ولكن هناك ما هو اخطر الا وهو الشيبسي والبيبسي سبحان الله على وزن واحد
فأنا كنت احد مدمني البيبسي الا ان من الله عليا بتركها بعد العزيمه والاصرار على البعد عنها
ولكن ما زلت اتناول الشيبسي
عقبالها هي كمان

[Bassem Youssef]

دي مناعه يا اخوانا و بعدين الحشرات دي جايه منين ؟ جايه من الشعب المصري و رايحه للشعب المصري

انتوا بتتكلموا في ايه يا جماعه ؟ :d

[wahba87]

يا ريتك كنت صورتها

[moody_687]

ياجماعة ف افريقيا والبلاد المتحضرة بياكلوا الحشرات عادي احنا بس شعب فافي شوية ومعدته نضيفة
وربنا وربنا لو حصل الموضوع ده برة كان زمانه اترفع بيه قضية وتعويض بالملايين وبما ان صاحب الموضوع واحد من الشعب المصري العظيم فلو عمل ايه باللذي مش هيعرف يعمل حاجة مع بتوع الشيبسي لكن برة مصر الدنيا تقوم وتحط ع الشركة

[محمود سامح]

لا حول ولا قوة إلا بالله لمن نشكى الا لك يا الله

[kayson]

فى اليابان فى اطعمة مكونتها من الحشرات فاكيد طعم الصلصة اليابانية حبوا يعيشوك فى جو اليابان بزيادة ههههههههههههههههههههههههه

[a7medsh3rawi]

عايزين صور لكل اللى حاجه من دى علشان لما نعمل شكوى يكون معانا اللى يثبت حقنا

[starlanos]

لاء الاجمد
من فتره دخلت سوبر ماركت كبير في السيدة اسمه الونش ثلاجة السجق واللحوم الاقي ايه خير الاقي صراصير في الحروف من جوا اقول للبائع يقولي هنبقي نغسله زعقت في المحل لقيت واحد جه وقله فضيها واغسلها
من ساعتها مرحتش هناك تاني

[wawamoha]

حشرات مستويه ................... يعني بروطين

[أبو آسر]

ألف شكر على التحذير
والشيبسي ده في حد ذاته بغض النظر عن الحشرات كارثة وبلوة
شوف الموضوع ده للفائدة

http://www.nilemotors.net/Nile/391200-a.html

[ahmad--ezzat]

الشيبسي بقي مرض...مواد حافظه...ونكهات غريبه...وتحس انه مسرطن وكله زيوت بتترسب في الاوعيه الدمويه علي المدي الطويل...حاول تستبدله ب سوداني او اي حاجه

وربنا يرحمنا من البلد اللي كلها سموم دي

[أبو آسر]

ولو عايز تكره الشيبسي فعلا وتقرر إنك عمرك ما هتشتريه
شوف الفيديو ده

https://www.youtube.com/watch?v=yBGMtB2967w

[omaranes77]

انا كرهتة خلتص