إعـــــــلان

Collapse

.

,
See more
See less

اشتغلت ايام الدراسه ؟ طب في الاجازه حتى ؟ تعالى اقولك انا اشتغلت ايه ..!!!

Collapse
X
 
  • Filter
  • الوقت
  • Show
Clear All
new posts

  • #61
    المشاركة الأصلية كتبت بواسطة hilal مشاهدة المشاركة
    تقبل تحياتي على هذا الموضوع الرائع
    وتحياتي لوالدك الكريم الذي وافق على ذلك رغم المخاطر التي كنت تتعرض لها
    شكرا لحضرتك
    بس عايز اقولك ان والدي ماوافقش بسهوله... دا انا فضلت اتحايل عليه من 3 ابتدائي ... وفين وفين على ماوافق في اجازه اولى اعدادي

    Comment


    • #62
      المشاركة الأصلية كتبت بواسطة abo yasso مشاهدة المشاركة
      يااااااااااااااااااااه
      شكرا لصاحب الفكره ولكل اللى شاركو
      فعلا اطنان من الذكريات نزلت على الواحد
      انا مش هخبى عليكما اصلى اتمرمط قوى والرصيف خد منى كتير
      واكيد لازم اكتب واقول
      بس اللى شاغل تفكرى بشكل فظيع دلوقتى ( ابنى الغالى ) اعمل معاه ايه
      مش قادر اخد قرار عشان كده مش عارف احكى ملحوظه :( انا حبيت ابويا الله يرحمه اكتر واكتر بعد ما خلفت) عشان حسيت بحب الاب لل أبن عامل ازاى مع ان ابويا كان ميت وانا عندى عشر سنين
      انا جاى جاى معاكو ان شاء الله بس مش عارف اكتب والله من كتر التفكير فى الباشا بتاعى
      لا ياباشا مش هاينفع ..... لازم تحكيلنا كل حاجه وبالتفصيل طبعا....

      Comment


      • #63
        انا اشتغلت امن شركة في مدينة نصر
        واشتغلت تايم شير
        بس كانت ايام ربنا ما يخليني اشوفها تاني
        الحمد لله ع كل شيء

        Comment


        • #64
          بعد كل المأسي اللي وضحتها في المشاركات اللي فاتت ..
          حاليا أنا طبيب بشري عمري 27 سنه فقط .. تخصص أطفال بمستشفي أبو الريش الجامعي ..
          بحضر ماستر في نفس التخصص ..
          معايا دبلومه تغذيه رياضيه .. و دبلومه في التعامل مع الإصابات ..
          بشتغل في إستيراد المكملات الغذائيه بقالي أكتر من 6 سنين متتاليه " كشغلي الخاص "
          واخد توكيل أكتر من شركه أمريكيه و ألمانيه و سويسريه ..
          أمتلك - بفضل الله - 5 stores لبيع المكملات الغذائيه بالشراكه من أصدقاء لي ..
          أمتلكت حتي الان 4 سيارات بفضل الله .. أولهم الفنتازيا و أخرهم الفلوينس فيس ليفت ..
          كل ما قمت بذكره لا يحمل إلا معني واحد .. بما إن حضراتكم جميعا شاركتوني المأسي السابقه من حقكم أن تعلموا ان الله كافئني خير مكافئه .. ع الأقل بزوجه صالحه و بنت زي القمر .. لسه مولوده من إسبوع بس ..

          الحمد لله كما ينبغي لجلال وجهه و عظيم سلطانه ..
          الحمد لله عدد خلقه و رضاء نفسه و زنه عرشه و مداد كلماته ..

          شكرا لصاحب الموضوع للمره الألف .. شكرا لكل واحد شارك و شكرا لكل واحد شاركني أنا شخصيا حكاياتي اللي أنا عيشتها .. اللي مفيش ولا واحده فيهم تشبه بعضها :) ..

          Comment


          • #65
            اشكرك على الموضوع الرائع ... وقصه كفاحك نموذج مشرف لكل الشباب ليتهم مثلك
            بالنسبه لي
            لم اعمل ابدا في اي مجال سواء كانت ايام الدراسه او في الاجازة وكنت اتمنى ان اعمل كي اكتسب خبرات في الحياه ولكن اعاقتي حالت بيني وبين ذالك والحمد لله على كل حال
            الهدف من رغبتي في العمل هو اكتساب الخبرات وليس تحسين مستوى المعيشه
            ولكن ما يجعلني اشعر بالفخر تجاه نفسي
            اني كنت احصل على اعلى الدرجات في المدرسه دون ان اقدم على درس خصوصي واحد حتى اخر لحظه انهيت فيها المرحله التعليميه في الجامعه
            ففي الثانويه العامه على سبيل المثال حصلت على 91 بالمائه في الصف الثاني الثانوي دون ان اقدم على اي دروس خصوصيه بما فيها ماده الرياضيات التي تحتاج لدرس خصوصي بالفعل فكل اصدقائي كانوا يأخذون درس خصوصي في هذه الماده الا انا الوحيد الذي لم يقدم على ذالك وحصلت على 50/50 الدرجه النهائيه في هذه الماده
            وكنت اتمنى ان ادخل كليه هندسه قسم الكترونيات ولكن لظروف ما لا داعي للافصاح عنها دخلت القسم الادبي وغيرت طموحي من هندسه لكليه التجارة وفي النهايه دخلت كليه الاداب ! نصيب
            الفكره التي اصبوا اليها في قصتي هو رغم اني لم اعمل واساعد ابي في مصاريف الاسرة الا اني وفرت عليه الكثير بعدم اخذ مصروف يومي منه وعدم الاقدام على الدروس الخصوصيه .... الخ حتى في الجامعه لم يتعدى مصروفي 100 جنيه في العام كله فكانت مصاريف المواصلات لا لشيء اخر هههههه لاني لم اقدم على شراء اي كتاب يوما من الايام ولم اذهب الى الجامعه الا ايام الامتحانات فقط
            اما في الوقت الحالي فأعمل في مجالين فقط وهما (التدريس وهي الوظيفه الحكوميه التي من الله علي بها بعد تخرجي مباشرة من الجامعه فقد تخرجت سنه 2012 وبعدها بحوالي اربعة اشهر جائني جواب التعيين بعد التقديم في مسابقه توظيف 5% التي اعلنها الدكتور مرسي بارك الله فيه وفك كربه هو وسائر المعتقلين وسوف اسرد موضوع له ان شاء الله بخصوص هذا الشأن واما الوظيفه التانيه هي الفوركس ولكن تركتها منذ عده اشهر وربما اعود اليها مره اخرى)
            وفي النهايه احاول تزويج نفسي بما املك من المال وما سوف املكه ان شاء الله
            فقد حصلت حتى الان على 5 الاف جنيه من الفوركس و 3 الاف من التدريس اي ان الاجمالي 8 الاف جنيه قمت بتحصيلها بنفسي دون مساعده الاخرين والحمد لله وما زال الكفاح قائم

            Comment


            • #66
              المشاركة الأصلية كتبت بواسطة prof2013
              اشكرك على الموضوع الرائع ... وقصه كفاحك نموذج مشرف لكل الشباب ليتهم مثلك
              بالنسبه لي
              لم اعمل ابدا في اي مجال سواء كانت ايام الدراسه او في الاجازة وكنت اتمنى ان اعمل كي اكتسب خبرات في الحياه ولكن اعاقتي حالت بيني وبين ذالك والحمد لله على كل حال
              الهدف من رغبتي في العمل هو اكتساب الخبرات وليس تحسين مستوى المعيشه
              ولكن ما يجعلني اشعر بالفخر تجاه نفسي
              اني كنت احصل على اعلى الدرجات في المدرسه دون ان اقدم على درس خصوصي واحد حتى اخر لحظه انهيت فيها المرحله التعليميه في الجامعه
              ففي الثانويه العامه على سبيل المثال حصلت على 91 بالمائه في الصف الثاني الثانوي دون ان اقدم على اي دروس خصوصيه بما فيها ماده الرياضيات التي تحتاج لدرس خصوصي بالفعل فكل اصدقائي كانوا يأخذون درس خصوصي في هذه الماده الا انا الوحيد الذي لم يقدم على ذالك وحصلت على 50/50 الدرجه النهائيه في هذه الماده
              وكنت اتمنى ان ادخل كليه هندسه قسم الكترونيات ولكن لظروف ما لا داعي للافصاح عنها دخلت القسم الادبي وغيرت طموحي من هندسه لكليه التجارة وفي النهايه دخلت كليه الاداب ! نصيب
              الفكره التي اصبوا اليها في قصتي هو رغم اني لم اعمل واساعد ابي في مصاريف الاسرة الا اني وفرت عليه الكثير بعدم اخذ مصروف يومي منه وعدم الاقدام على الدروس الخصوصيه .... الخ حتى في الجامعه لم يتعدى مصروفي 100 جنيه في العام كله فكانت مصاريف المواصلات لا لشيء اخر هههههه لاني لم اقدم على شراء اي كتاب يوما من الايام ولم اذهب الى الجامعه الا ايام الامتحانات فقط
              اما في الوقت الحالي فأعمل في مجالين فقط وهما (التدريس وهي الوظيفه الحكوميه التي من الله علي بها بعد تخرجي مباشرة من الجامعه فقد تخرجت سنه 2012 وبعدها بحوالي اربعة اشهر جائني جواب التعيين بعد التقديم في مسابقه توظيف 5% التي اعلنها الدكتور مرسي بارك الله فيه وفك كربه هو وسائر المعتقلين وسوف اسرد موضوع له ان شاء الله بخصوص هذا الشأن واما الوظيفه التانيه هي الفوركس ولكن تركتها منذ عده اشهر وربما اعود اليها مره اخرى)
              وفي النهايه احاول تزويج نفسي بما املك من المال وما سوف املكه ان شاء الله
              فقد حصلت حتى الان على 5 الاف جنيه من الفوركس و 3 الاف من التدريس اي ان الاجمالي 8 الاف جنيه قمت بتحصيلها بنفسي دون مساعده الاخرين والحمد لله وما زال الكفاح قائم
              كفايه انك مخدتش دروس ده لوحده كفاح

              Comment


              • #67
                المشاركة الأصلية كتبت بواسطة elfarashah مشاهدة المشاركة
                سلام الله عليكم ورحمته وبركاته

                موضوع أحييك عليه لأنه يستحق القراءة والمتابعة والإشادة

                ولكن

                بصراحة أنا صعب أعمل كدة لو ليا إبن دا مش صعب وبس دا مستحيل كمان

                بمنطق أي أب وأي أم يصعب عليهم يبهدلوا ابنهم خاصة لو مش محتاج ده

                يدرس ويخلص ويسلمني شهادته وبعدين في حفظ الله بقى مع نفسه

                يعمل اللي هو عايزه ومش معنى كدة إني أقفل عليه أو أمنعه من خبرات الحياة

                لكن مش بالضرورة يكون بالشكل ده ..يعني مثلا لو في كلية وحب يشتغل

                حاجة معقولة في الصيف على سبيل التجربة ( مفيش مشاكل ) لكن غير كدة

                إستحالة .. برغم إني معجبة بكفاحك وخبرتك لكن للأسف معنديش الجرأة ولا القلب

                اللي يخلوني أتصرف كدة مع ابني بعدين

                إحترامي لشخصك ولموضوعك الرائع

                برعاية الله حفظه

                شكرا لمشاركه حضرتك ...
                وطبعا حضرتك بتتكلمي من خلال قلب وعطف وحنان الام على ابنها
                بس خلى بالك !!!! مش كل الناس اللي هيتعامل معاهم ابنك بعد كده ... هما انتي
                مش كلهم هايخافوا عليه كده
                والله شفت شباب زي الورد كانوا بيعيطوا بالدموع مع اول مشكله تقابلهم في الشغل

                حضرتك ممكن تخليه ينزل في الاجازه مع حد معرفه
                مثلا الحلاق بتاعكوا
                مثلا نجار معرفه ويكون امين
                وهكذا
                صدقيني هيفرق كتير

                Comment


                • #68
                  المشاركة الأصلية كتبت بواسطة msa142 مشاهدة المشاركة
                  انا حياتي شبهك كدا اول مره اشتغل كنت ف تانيه ابتدائي كان ليا صحاب كتير بيشتغلو شغله اهلهم وكدا
                  المهم اشتغلت مع حد صاحبي ف الخرده كنت ف اليوم بجيب فوق ال 5 جنيه طبعا مبلغ ضخم بالنسبه لحد ف سني ساعتها وكنت بلف عشان اي حته حديده كان الكيلو بيعمل ربع جنيه او نص مش فاكر
                  وبعدها قررت افتح شغل مع نفسي وبقيت بشوي دره ع الكورنيش وبعديها فضلت اشتغل باليوميه ف شركه تعبئه سمنه وبعد كدا انقطعت عن الشغل لانشغالي بالدراسه بعد كدا رجعت اشتغلت ف مجال الكمبيوتر كنت كل صيف اشتغل في محل شكل واكتسبت خبره كويسه جدا ف الفوتوشوب والاوتوكاد نفعوني ف دراستي دلوقتي واخيرا اشتغلت ف شركه الزجاج الدوائي السنه الي فاتت
                  ودلوقتي انا ف كليه هندسه قسم عماره
                  عموما انا كنت بشتغل عشان مكنتش،بلاقي نفسي ف عيشه اللعب واكل واشرب من غير متعب ف لقمه عيشي واعرف قيمتها
                  1- معاك حق فعلا كنت تحس ان عقلنا اكبر من سننا... وفعلا مكناش بنلاقي نفسنا في اللعب

                  2- وكنت عايز اقول لكل الناس ... لما تشوف طفل سارح بغزل البنات او بيبيع دره مشوي او بيلم خرده او .. او .. او ... بلاش تستحقره
                  انت ماتعرفش ظروفه ايه .... وياريت لو تتعرف عليه وتساعده ... واديكوا شوفتوا كل الاخوه الاعضاء بقوا مهندسين ودكاتره ومحاسبين

                  ع الهامش... لما كنت في ثانويه عامه .. كنت ساعتها شغال بائع متجول (بياع ف السوق يعني)
                  واول لما النتيجه طلعت كنت عايز اجري بسرعه اروح المدرسه عشان اشوف النتيجه بتاعتي
                  ساعتها كان في ست بنت حلال كده واقفه بتشتري مني ... تصدقوا بالله اول لما عرفت اني في ثانويه عامه ... والله عيطت بالدموع
                  وماكنتش مصدقه
                  قالتي روح يابني والله ربنا هايكرمك .. وكمان خد الحلاوه اهيه (50 جنيه طبعا كانت كبيره جدا ساعتها)
                  والاسبوع اللي بعده جتلي مخصوص عشان تباركلي
                  سبحان الله ... مش ناسي شكلها لحد دلوقتي

                  Comment


                  • #69
                    المشاركة الأصلية كتبت بواسطة ahmedalaahosny مشاهدة المشاركة
                    متابع باهتمام
                    شكرا للمتابعه
                    وياريت لو عندك تجربه ماتبخلش علينا بيها
                    وياريت كمان تقولنا لو عندك ابن هاتعمل معاه ايه ؟

                    Comment


                    • #70
                      المشاركة الأصلية كتبت بواسطة mostafa magdy مشاهدة المشاركة
                      بعد كل المأسي اللي وضحتها في المشاركات اللي فاتت ..
                      حاليا أنا طبيب بشري عمري 27 سنه فقط .. تخصص أطفال بمستشفي أبو الريش الجامعي ..
                      بحضر ماستر في نفس التخصص ..
                      معايا دبلومه تغذيه رياضيه .. و دبلومه في التعامل مع الإصابات ..
                      بشتغل في إستيراد المكملات الغذائيه بقالي أكتر من 6 سنين متتاليه " كشغلي الخاص "
                      واخد توكيل أكتر من شركه أمريكيه و ألمانيه و سويسريه ..
                      أمتلك - بفضل الله - 5 stores لبيع المكملات الغذائيه بالشراكه من أصدقاء لي ..
                      أمتلكت حتي الان 4 سيارات بفضل الله .. أولهم الفنتازيا و أخرهم الفلوينس فيس ليفت ..
                      كل ما قمت بذكره لا يحمل إلا معني واحد .. بما إن حضراتكم جميعا شاركتوني المأسي السابقه من حقكم أن تعلموا ان الله كافئني خير مكافئه .. ع الأقل بزوجه صالحه و بنت زي القمر .. لسه مولوده من إسبوع بس ..

                      الحمد لله كما ينبغي لجلال وجهه و عظيم سلطانه ..
                      الحمد لله عدد خلقه و رضاء نفسه و زنه عرشه و مداد كلماته ..

                      شكرا لصاحب الموضوع للمره الألف .. شكرا لكل واحد شارك و شكرا لكل واحد شاركني أنا شخصيا حكاياتي اللي أنا عيشتها .. اللي مفيش ولا واحده فيهم تشبه بعضها :) ..
                      ماشاء الله لا قوة الا بالله
                      خلي بالك عشان الحسد
                      واكثر من الصدقات

                      Comment


                      • #71
                        المشاركة الأصلية كتبت بواسطة د.محمود صلاح مشاهدة المشاركة
                        كنت بشتغل كل صيف اثناء الدراسة في الكلية في نادي اجتماعي لعمل العاب وانشطة للأطفال .. واخذت دورات تدريبية لإعداد القادة في هذا المجال .. في البداية كنت متطوع وبعدين بقيت آخذ أجر .. وبعدين انشغلت في الحياة العملية بعد التخرج ..

                        موضوع ممتاز ..

                        ياريت تقولنا لو عندك اولاد هاتعمل معاهم ايه ؟

                        Comment


                        • #72
                          المشاركة الأصلية كتبت بواسطة أبو آسر مشاهدة المشاركة
                          أنا أيام الكحرتة والشقاوة من أكتر من 14 سنة اشتغلت كذا شغلانة بردة في الصيف منها waiter في نادي الأطباء بالجربي برأس البر واتعرفت على ناس برده كانت بتحترمني جدا لما بيعرفوا إني طالب بالجامعة وبشتغل في الأجازة ومنهم كانوا بييجوا النادي يسألوا عليا مخصوص علشان يدوني التيبس في إيدي :)
                          وقبلها كنت شغال ببيع دباديب واكسسوارات حريمي على فرشة في شارع النيل برأس البر برده :)
                          واشتغلت برده في شركة تايم شير وكنت بقف أمام محلات مشهورة بالمنصورة والمحلة ورأس البر أوقف الناس وأديهم دعوة لحضور حفلة للتعرف على التايم شير زي الناس الرخمة اللي بتشوفوهم دلوقتي أمام كارفور وفي البنزينات :) وطبعا كنت بقابل أشكال وألوان منهم ناس كانت بتجري ورانا في الشارع وتبقى عايزة تضربنا ههههههههههه وناس تانية اتعرفت عليهم منهم رجل أعمال لبناني أعجب بيا وبأسلوبي وحب يشغلني معاه في استيراد وتوزيع ماكينات من ألمانيا وحوار كبير كده مكملتش فيه
                          بصراحة كانت تجارب ممتعة ومفيدة وأكسبتني خبرات جامدة في الحياة وعلى عكس ما كنت متوقع إنها شغلانات بعضها مهين كانت الناس بتحترمني جدا وتقدرني واكتشفت أن العمل لا يعيب الشخص بل يرفع من قدره أحسن ما أقعد في البيت وآخد مصروفي من بابي ومامي :)

                          بمناسبه التيبس ... في بدايه شغلي كنت برفض اخد التيبس ده ابدا وكنت بعتبره انه حاجه زياده عن حقي ... بس بعد كده قالولي ان الزبون بيكون مبسوط من الشغل وراضي عنه ف عشان كده بيدي تيبس واحنا كمان مش بنطلبه بنفسنا .... ف بعد كده بقيت اخده بصراحه
                          طبعا من كلام حضرتك نفهم انك موافق من حيث المبدأ ان ابنك يشتغل في الاجازه

                          Comment


                          • #73
                            المشاركة الأصلية كتبت بواسطة sherifmt مشاهدة المشاركة
                            السلام عليكم .......شكرا علي الموضوع التاريخي .... بجد كانت ايام جميلة وافتخر بيها وانا بحكي عنها لاولادي ....اول مره بدأت شغل كان واناعندي 9 سنين علشان كنت شاطر جدا في عمل الطيارة الورق وحالنا علي قدنا كنت عايش انا وجدتي فقط في الشقة ... اصحابي وجيراني اللي في سني واكبر كمان كانت بتعجبهم طياراتي لما كنا بنلعب بيها وبدأت ابيع ب 5 قروش الطيارة وبعدين 10 قروش الطيارة وكانت بتكلفني قرشين فقط للزق والجلاد الملون والعيدان كنت بقطعها من أقفاص الخضار وبعدين اصبحت موضة في الصيف وكنت مشهور في الجيزة وطياراتي كلها كان ليها علامة ان الميزان معمول بخيط شلة برتقالي وبدات اوسع نشاطي .. هاها ها ها .....وابيع جملة للمكتبات كنت بيبيع الطيارة جملة ب 7 قروش والمكتبه تبيعها ب 10 قروش ( كنت بالعب ) او بشتغل 7 ساعات في اليوم بعمل 200 طيارة في اليوم = 14 جنيه في اليوم ويوم الثلا ثاء كنت ببيع في السوق الطيارة ب 10 قروش (كنت بتكسف لما حد من الجيران يشوفني وانا ببيع لكن المكسب ليه نشوة كانت بتغلب الكسوف) 3 سنين والموضة انحصرت واشتغلت بلية ميكانيكي لمدة 3 ايام ومرة خالتي شافتني زعقتلي واديتني جنية وقالتلي روح ومتشتغلش كدة تاني واشتكتني لجدتي ( ستي ) طيب وبعدين انا كنت اتعودت ادي الفلوس لجدتي تصرف علي البيت ووالدي كان بيبعت لجدتي 5 جنية فقط مصروفي طول الشهر !!! نزلت كلمت صاحب مكتبة جنب البيت من اللي كنت باتعامل معاهم يشغلني عنده ووافق وقالي هديلك 5 جنية في الاسبوع وكان عندي 12 سنه وكنت سعيد جدا اتعلمت حاجات كتير جدا وكانو 3 سنين شغل كل يوم حتي في الدراسة لما كانت مدرستي مسائي كنت بفتح المكتبة الساعة 6 صباحا لغاية ميعاد المدرسة وارجع اكمل لغاية 9 باليل ولما كانت المدرسة صباحي برضة بفتح معاه واسيبة وارجع اكمل بعد المرواح كان بيثق فيا جدا وعلمني كل شيء عن التجارة في المكتبات مع ان اولادة كانو تقريبا في سني لكن انا كنت اشطر وبحفظ اماكن الاشياء المختلفة بسرعة كنت بصلح كل حاجة بايظة خصوصا لعب الاطفال واتعلمت اصلح وصلات لمبات النيون وياما اتكهربت وكنت خفيف لدرجة اني لما كان عندي 15 سنة كان بيبعتني للفجالة والموسكي بالف جنية لوحدي اشتري بضاعة للمكتبة اشتريها واشيلها وانا جاي في الاوتوبيس او الميني باص ويديني 5 جنية في المشوار وبعدها كان لازم اركز في الاعدادية اعتزلت شغل المكتبة وظهرت موضة جديدة اطباق الحلويات واشتريت عجلة نصر وركبت عليها 2 برنيكة (زي القفص لكن بلاستيك) وبدات اوزع اطباق حلويات زي بلح الشام وجلاش وكنافة نص جملة كنت بشتري الطبق من المصنع في الطالبية ب 160 قرش وكنت ببيعة للبقالة والمكتبات في الجيزة ب 210 قرش وكان بيجمع 260 قرش وكنت ممكن اوزع لغاية 80 طبق في اليوم لو السوق شغال وايام كنت بوزع 20 طبق بالعافية علي العجلة 3 مرات في الاسبوع وطبعا المكسب بعد تصليح العجلة كان مجزي جداً وغيرها شغلانات كتير اللي اتعود علي الشقي من صغرةه تصعب عليه نفسه لو قعد في البيت ........وعمري في حياتي ما هنسي اني بكيت وانا بحمد ربنا وقلت الحمد لله راضي يا رب اول مرة طليت علي الكعبة المشرفة من شباك الجناح في الفندق اول مرة اجي مكة بعد ما اشتغلت في دول زي قطر والصين والامارات افتكرت لما كنت لسة بعمل طيارات ورق وابيعها ونا صغير.... الخلاصة الشغل بيربي الشخصية وبيعرفك القرش بييجي ازاي وبيديك ثقة بالنفس ويعلمك تصرف فلوسك فقط في اللي يستاهل وبيبعدك عن الشارع والصحاب اللي ملهومش لازمة ..... انا بحكي لولادي وانا فخور لكن الزمن اتغير ابني عمر السنة دي هيكمل 16 سنة علشان يشتغل انا اثق فية تماما لكن معنديش ثقة في اللي ممكن يشتغل معاهم علشان كدة انا بحكيلة واكلمة واناقشة وبحاول انقلة الصورة علي قد ما اقدر علشان يكون جاهز للحياة العملية لما بعد الدراسة ...... بحاول اجنبه السلبيات اللي بتتفرض في الشارع علشان هو مش مضطر يشتغل حاليا ..... لكن بمشيئه الله في الكلية الوضع مختلف علشان يكون تخطي مرحلة المراهقة ويبدأ يعتمد علي نفسة عن اقتناع وضروره نتيجة لاحتياجاته واهدافه اللي هو يحددها بنفسة......تحياتي من مكة (:

                            بسم الله ماشاء الله
                            قصتك دي عالميه بصراحه
                            وتتعمل افلام ومسلسلات وكتب وكل حاجه
                            ربنا يوفقك
                            الموضوع فعلا لمس حاجه حلوه جوانا كلنا
                            ياريت لو في حد عنده تجربه يححكيها
                            واللي ماعندوش ياريت يقولنا هل لو كان اشتغل اثناء الدراسه كان الموضوع هايفرق معاه بعد التخرج ولا عااااااادي ؟

                            Comment


                            • #74
                              المشاركة الأصلية كتبت بواسطة a_nbm مشاهدة المشاركة
                              بمناسبه التيبس ... في بدايه شغلي كنت برفض اخد التيبس ده ابدا وكنت بعتبره انه حاجه زياده عن حقي ... بس بعد كده قالولي ان الزبون بيكون مبسوط من الشغل وراضي عنه ف عشان كده بيدي تيبس واحنا كمان مش بنطلبه بنفسنا .... ف بعد كده بقيت اخده بصراحه
                              طبعا من كلام حضرتك نفهم انك موافق من حيث المبدأ ان ابنك يشتغل في الاجازه
                              موافق بس مش هشغله حاجة يحس فيها بإهانة ومرمطة
                              نفسي أشغلهم (عندي 3 ربنا يخلي :) حاجة محترمة يكسبوا منها عيش ويتعلموا منها يعتمدوا على نفسهم وتكون مشرفة في نفس الوقت
                              لذلك بفكر أنميهم من دلوقتي في مجال الكمبيوتر والإنترنت وأحاول أعلمهم مجالي في تصميم المواقع والتسويق الإلكتروني والربح من الإنترنت عموما يعني مثلا أعملهم موقع لبيع سلع معينة أونلاين ويمسكوه أو يصمموا هما مواقع بنفسهم ويبيعوها وهكذا ، مش عايز أشوفهم بيتمرمطوا ويتهانوا ويشتغلوا عند الناس زي ما كان بيحصل معانا لأن الظروف غير الظروف والزمن غير الزمن
                              لكن طبعا التخطيط حاجة والواقع غالبا بيبقى حاجة تانية خالص ! وممكن يطلعلي واحد منهم على الأقل ويعملي فيها محمد رياض مع عبد الغفور البرعي ويقولي: (لن أعيش في جلباب أبي) هههههههههه
                              والله أعلم الأيام مخبيالنا إيه
                              [SIZE="4"][COLOR="Blue"][FONT="Century Gothic"]Freelancer Web Designer & E-marketer[/FONT][/COLOR][/SIZE]
                              [SIZE="5"] ( --- [COLOR="Green"][URL="http://www.nilemotors.net/Nile/search.php?do=finduser&u=129815&starteronly=1"]جــمــيــــع مــوضــوعـــاتـي[/URL][/COLOR] --- )[/SIZE]

                              [SIGPIC][/SIGPIC]

                              Comment


                              • #75
                                ما شاء الله بارك الله فيكم جميعا قصص كفاحكم تستحق كل احترام. كثير وليس كل الشباب الان عايز يكسب من غير تعب. قصص حضراتكم دروس في الحياة و بجد يا ريت تتحول لافلام او مسلسل بحلقات منفصلة. و الله الافلام و المسلسلات دي اكثر شئ مؤثر و للاسف القدوة من ابطالها حتي لو سيئ زي عبده موته ربنا يهديه. لو حد يعرف منتج او مخرج محترم زي محمد صبحي و يعرض عليه القصص دي . هتكونوا قدوة حسنة و علي الاقل بعض الشباب التافه هيغير نظرته للحياة وهيتشجع و يتحمس لفكرة العمل و الكفاح عموما.
                                من ناحية اخري انا واحدة من الناس ادعو لكل الشباب المكافح بظهر الغيب علي طول ربنا يرزقهم و يوسع رزقكم لما بشوف حد في المترو بنات او شباب بيبع حاجة او امام الشركة بعض الشباب منهم من يبع الفطائر المغلفه من الفرن و عرفنا انه خريج حقوق و اخرون بيوزعوا حاجات نصف مجهزة لشركة مخبوزات زي السينابون و البيتزا و الكعك و البتيفور الجاهز و طبعا السيدات العاملات لا وقت عندهم فبيقبلوا علي هذه المنتجات و الميزة انها باسعار ارخص كتير من محلات المتخصصة زي البيتزا و الدوناتس مثلا. باحب اشجعهم واقول لزميلاتي عليهم لو مش شايفنهم و بضائع اخري ممكن الواحد يشتري حتي بس تشجيعا لهم و الان ايضا السوريين بيعملوا حلويات شرقية تحفة و خفيفة رغم الغربة وظروفهم الصعبة لكن واضح انهم بيحبوا الشغل و بيبحثوا عنه.انا مش بتكلم عن محلاتهم لكن حتي اللي مش معاهم فلوس بيقفوا بالحلويات دي علي ترابيزة في اي مكان و اكلهم مغلف و شيك و نظافة ربنا يرجعلهم بلدهم و يصلح حالهم و بارك الله لكم و لكل مكافح ووسع عليكم الرزق و علي الجميع.
                                وَلاَ تَحْسَبَنَّ اللّهَ غَافِلاً عَمَّا يَعْمَلُ الظَّالِمُونَ إِنَّمَا يُؤَخِّرُهُمْ لِيَوْمٍ تَشْخَصُ فِيهِ الأَبْصَارُ [14:42]

                                Comment

                                Working...
                                X