مساعدة في الذهاب الي عنوان

[moody_687]

نادى مستشارى هيئة قضايا الدولة 8 شارع أبو الفدا-الزمالك عشان انا من الاسكندرية وهركب مشروع او سوبر جيت فقولولي انزل فين بحيث يكون اقرب مكان للنادي ده
يعنى مثلا عند منطقة التحرير واركب من هناك ولا انزل رمسيس واركب من هناك ولا اروح فين واركب ايه

[moody_687]

ايه ياجماعة مفيش حد عارف يساعدنى هو المنتدى كله مفهوش حد من القاهرة !!!

[abdulkhaleq]

المواصله اللي انت راكبها لو ينفع تنزل منها في ميدان لبنان
او اسأل السواق لو هيكمل لحد الزمالك ينزلك عند السلم اللي فوق ساقية الصاوي

لو نزلت ميدان لبنان هتنط في تاكسي (5 جنيه بالكتير)
لو نزلت فوق ساقية الصاوي هتتمشى 5 دقائق بالظبط

اما لو مانفعش تنزل الا عبد المنعم رياض (هيلتون رمسيس)
يبقى هتنط في تاكسي برضه (مش اكتر من 10 جنيه ممكن 8 مثلا حسب العداد) وبرضه مش هتكون بعيد قوي يعني

[Omar.Shawki]

من الاسعاف (محطة جمال عبد الناصر فى المترو) تركب ميكروباص مطار امبابة وتقوله ينزلك ابو الفدا هتبقى فوق الكوبرى هتنزل والنيل على شمالك هتتمشى شوية هتلاقيه

[moody_687]

طيب انا هكون عند مديرية امن الجيزة اركب ايه من هناك يودينى الزمالك

[abdulkhaleq]

مافيش حاجه دايركت, انت اطلع عند اشارة المرور اللي عند المديريه (اللي قبل سفارة السعوديه على طول)
اقف على نفس صف السفاره يعني مش الجهه المقابله بحيث ان المديريه تكون في وشك
وقف تاكسي وقوله الزمالك
وبرضه مش بعيده مش هيكسر 10 جنيه ان شاء الله