اللي النور قطع عنده النهاردة ااقل من 3 مرات يدخل ضروري

[waleed0]

بصراحه بصراحه بصراحه
هو ماقطعشى عندى امبارح
لكن قطع اول امبارح

قولنا ساكن فين بسرعة علشان نسكن جنبك

[ramymechanics]

الله اكبر ولله الحمد وحصوة فى عينك ياللى ما تصلى على حضرة النبى مقطعش من الصيف اللى فات الا مرة او مرتين

الرحاب - القاهرة الجديدة

[friendship7897]

إستغلال فترات قطع النور
قطع النور دا ظاهرة وطنية مصرية قديمة
وإستمرارها واضح أنه إستمرار أبدي
ومصر هتفضل غليا عليا مهما حصل
ومهما تم تهريب أو تخريب مصر هتفضل آد الدنيا
ولذلك أحب أنوه أننا لازم نستفاد بهذه الفترات في الآتي :-
1) الإستغفار ( لأن لما يكون فيه نور بيكون الواحد مشغول بميت حاجة ) وكدة هيكون فيه تركيز في الإستغفار .
2) الدعاء ( الدعاء للأشخاص أو على الأشخاص ) حدد أنت ما تحتاجه .
3) نام بدري علشان تصحي بدري - علشان تشوف شغلك كويس بدل ما أنت قاعد على النت .
4) أعتبر أن النور اللي قطع دا توفير علشان الفاتورة تقل شوية .
5) إحساس بشوية رومانسية - ولع شمعة - لو كل مواطن ولع شمعة البلد هتتحرق - أقصد البلد هتولع - يووووه أقصد البلد هتنوررر

لما كان النور بيقطع بتلعنوا ........ وسنينه
ولما كان البنزين يشح ...... كان يتسب دينه
طب خلاص ....... إتخطف
فين يا شعب العز فينه
لسة برضوا النور بيقطع
بس صوتكوا مكممينه
((( لا تضع مكان النقط أسم رئيس مخطوووف )))))

منورين ههههههه

[waleed0]

إستغلال فترات قطع النور
قطع النور دا ظاهرة وطنية مصرية قديمة
وإستمرارها واضح أنه إستمرار أبدي
ومصر هتفضل غليا عليا مهما حصل
ومهما تم تهريب أو تخريب مصر هتفضل آد الدنيا
ولذلك أحب أنوه أننا لازم نستفاد بهذه الفترات في الآتي :-
1) الإستغفار ( لأن لما يكون فيه نور بيكون الواحد مشغول بميت حاجة ) وكدة هيكون فيه تركيز في الإستغفار .
2) الدعاء ( الدعاء للأشخاص أو على الأشخاص ) حدد أنت ما تحتاجه .
3) نام بدري علشان تصحي بدري - علشان تشوف شغلك كويس بدل ما أنت قاعد على النت .
4) أعتبر أن النور اللي قطع دا توفير علشان الفاتورة تقل شوية .
5) إحساس بشوية رومانسية - ولع شمعة - لو كل مواطن ولع شمعة البلد هتتحرق - أقصد البلد هتولع - يووووه أقصد البلد هتنوررر

لما كان النور بيقطع بتلعنوا ........ وسنينه
ولما كان البنزين يشح ...... كان يتسب دينه
طب خلاص ....... إتخطف
فين يا شعب العز فينه
لسة برضوا النور بيقطع
بس صوتكوا مكممينه
((( لا تضع مكان النقط أسم رئيس مخطوووف )))))

منورين ههههههه

انا واحد من الناس ايام مرسي مكنتش بشتم والعن فيه لاني عارف ان المشكلة مش هو السبب فيها وانها بسبب الدعم ,بس معلش يعني مهو برضوا المشكلة كانت موجودة ايامه ومعرفش يحلها يبقي ملوش معني كلامك دا .
انا عارف ان في ناس كانت بتسب وتلعن فيه وتظيط بس برضوا محبي مرسي كانوا دايما بيدافعوا عنه باستماته بدون برضوا منطق ,انعدام المنطق موجود في الطرفين , والدليل كلام حضرتك اللي انتي كتباه وكأن ايام مرسي تم حل المشكلة والناس مكنش عجبها .
حكومة مرسي كانت حكومة فاشلة والحكومة الحالية فاشلة واي حكومة مش حتحل مشاكل الشعب بشكل علمي ومدروس تبقي حكومة فاشلة .

[waleed0]

الله اكبر ولله الحمد وحصوة فى عينك ياللى ما تصلى على حضرة النبى مقطعش من الصيف اللى فات الا مرة او مرتين

الرحاب - القاهرة الجديدة

هي الرحاب ليها محطات لوحدها بما انها مدينة خاصة يعني ؟
لان برضوا لي زميل فى العمل ساكن هناك وبرضوا بيقلي النور مش بيقطع

[MR A7MED]

الحمدلله الكهربا مش بتقطع عندنا نهاااااااااااائى
اخر مره قطعت كان من حوالى 25 يوم وكانت قاطعه لمده ربع ساعه بيعملوا صيانه تحت البيت
وكله يمسك الخشب :)

[waleed0]

الحمدلله الكهربا مش بتقطع عندنا نهاااااااااااائى
اخر مره قطعت كان من حوالى 25 يوم وكانت قاطعه لمده ربع ساعه بيعملوا صيانه تحت البيت
وكله يمسك الخشب :)

اكيد انت مش مصري اعترف انت ساكن فين

[ميرو اسامه]

الحمدلله الكهربا مش بتقطع عندنا نهاااااااااااائى
اخر مره قطعت كان من حوالى 25 يوم وكانت قاطعه لمده ربع ساعه بيعملوا صيانه تحت البيت
وكله يمسك الخشب :)

+ 1

[ramymechanics]

هي الرحاب ليها محطات لوحدها بما انها مدينة خاصة يعني ؟
لان برضوا لي زميل فى العمل ساكن هناك وبرضوا بيقلي النور مش بيقطع

باشا مفيش مكان ليه محطات لوحده القصة ان اﻷحمال هناك محسوبة ﻷن عدد الشقق محسوب باﻹضافة ان كل مجموعة ليها محول والمحول بيبقى واخد من مصدرين تقريبا فلو واحد فصل بينقل على التانى اوتوماتيك وحتى لو النور هيقطع ﻷى سبب اﻷمن بيعدى يقولنا وغالبا المدة لا تتعدى النص ساعة

[MR A7MED]

اكيد انت مش مصري اعترف انت ساكن فين

+ 1

لا والله انا مصرى اباا عن جد وعمرى ما سافرت بره حتى

انا فى جنوب سيناء تحديدا مدينه طور سيناء
الكهربا عمرها ما بتقطع هنا سواء بقى ايام مرسى ولا دلوقتى مالناش علاقه باللى بيحصل عندكم

[ابو لؤى]

لا والله انا مصرى اباا عن جد وعمرى ما سافرت بره حتى

انا فى جنوب سيناء تحديدا مدينه طور سيناء
الكهربا عمرها ما بتقطع هنا سواء بقى ايام مرسى ولا دلوقتى مالناش علاقه باللى بيحصل عندكم

يابختك

[waleed0]

لا والله انا مصرى اباا عن جد وعمرى ما سافرت بره حتى

انا فى جنوب سيناء تحديدا مدينه طور سيناء
الكهربا عمرها ما بتقطع هنا سواء بقى ايام مرسى ولا دلوقتى مالناش علاقه باللى بيحصل عندكم

فالنذهب جميعا الي سيناء الحبيبة

[waleed0]

باشا مفيش مكان ليه محطات لوحده القصة ان اﻷحمال هناك محسوبة ﻷن عدد الشقق محسوب باﻹضافة ان كل مجموعة ليها محول والمحول بيبقى واخد من مصدرين تقريبا فلو واحد فصل بينقل على التانى اوتوماتيك وحتى لو النور هيقطع ﻷى سبب اﻷمن بيعدى يقولنا وغالبا المدة لا تتعدى النص ساعة

مهو شركة الكهربا المفروض انها بتخفف الاحمال علي الجميع مش علي المكان اللي فيه ضغط وسحب بس ,والدليل ان في مناطق كتير احمالها ضعيفه ومع ذلك بتتقطع عنها الكهربا .
اعتقد ان طالما الرحاب ملهاش محطات كهربا خاصة بيها يبقي الموضوع ليه علاقة بالكوسه بما ان الرحاب منطقة راقية وفيها سكان تقال

[ramymechanics]

مهو شركة الكهربا المفروض انها بتخفف الاحمال علي الجميع مش علي المكان اللي فيه ضغط وسحب بس ,والدليل ان في مناطق كتير احمالها ضعيفه ومع ذلك بتتقطع عنها الكهربا .
اعتقد ان طالما الرحاب ملهاش محطات كهربا خاصة بيها يبقي الموضوع ليه علاقة بالكوسه بما ان الرحاب منطقة راقية وفيها سكان تقال :copy of majd(4):

دة نظم حسد بقا ولا ايه هههههههههههههههه

[miceg]

يارب النور يقطع قبل الماتش
بدل مايقطع في وقت الماتش
ساعة يوميا
وامبارح كان 3 ساعات متقطعه
بصراحة ربنا يخليكو لينااااااااااااا
شكل الثورة الجايه ثورة عرااااااااه