عايز أشترى شقة فى زايد أو اكتوبر ومحتاج مساعدتكم

[Never_Mind]

السلام عليكم ..

يارب تكونوا فى احسن صحة وحال .. اخوكم عايز يشترى شقة فى أكتوبر او زايد بس المشكلة انى معرفش عنهم غير معلومات بسيطة فقولت أطلب منكم المساعدة بالنصح والإرشاد

الميزانية من 250 ل 300 ألف
نوع التشطيب مش مهم
المساحة المطلوبة 100 متر على الأقل
مواصفات المكان المطلوب: كويس نوعاً ما - مش شعبى - هادى بس مش ميت - آمن - نسبة توافر الخدمات مقبولة

ياريت تقولولى أيه انسب الأحياء سواء فى زايد أو اكتوبر اللى يتناسبوا معايا ؟ وأدور فين وازاى؟

[Hesham Alaa]

سعر المتر فى زايد على الطوب مش اقل من 3600 جنية

[ehab_mansour]

لسه شاريين شقة في الحي الثامن بأكتوبر من افضل الاحياء هدوءا و الخدمات كلها موجوده و نضيف جدا ب 250 الف جنيه صافي حوالي 92 متر و شامله مرافقها حوالي 110 متر

المميزات :- الخدمات كلها موجوده (مياة و غاز و كهرباء و رصف و نظافة يوميه و شوارع نضيفة )
العيوب :- الشقة علي تشطيب الجهاز القديم و لكن لم تستعمل لمده 13 الي 14 سنة و بعدهم انا اخدتها ايجار سنة و بعدها اشتريتها لاخويا
الشقة بالمجاورة الرابعه قريبه من مستشفي الزهور و محور جمال عبدالناصر

عندك التوسعات الشمالية فيها كتير و خلف البشاير و عندك غرب سوميد و اكتوبر فيها كتير جديد و قديم و لو عايز رقم تليفون مقاول عقارات اعرفه راجل محترم قوي و بيبني جديد في احياء كثيرة و عنده شقة نصف تشطيب بتتباع في الحي الخامس و بيبني جديد كل فترة
و بالتوفيق لك و للجميع
انا كمان بدور و ربنا يكرم

[Never_Mind]

سعر المتر فى زايد على الطوب مش اقل من 3600 جنية

حضرتك متأكد من الرقم ده؟ وفى اى حى؟ اهالى ولا كمبوند؟

[Never_Mind]

لسه شاريين شقة في الحي الثامن بأكتوبر من افضل الاحياء هدوءا و الخدمات كلها موجوده و نضيف جدا ب 250 الف جنيه صافي حوالي 92 متر و شامله مرافقها حوالي 110 متر

المميزات :- الخدمات كلها موجوده (مياة و غاز و كهرباء و رصف و نظافة يوميه و شوارع نضيفة )
العيوب :- الشقة علي تشطيب الجهاز القديم و لكن لم تستعمل لمده 13 الي 14 سنة و بعدهم انا اخدتها ايجار سنة و بعدها اشتريتها لاخويا
الشقة بالمجاورة الرابعه قريبه من مستشفي الزهور و محور جمال عبدالناصر

عندك التوسعات الشمالية فيها كتير و خلف البشاير و عندك غرب سوميد و اكتوبر فيها كتير جديد و قديم و لو عايز رقم تليفون مقاول عقارات اعرفه راجل محترم قوي و بيبني جديد في احياء كثيرة و عنده شقة نصف تشطيب بتتباع في الحي الخامس و بيبني جديد كل فترة
و بالتوفيق لك و للجميع
انا كمان بدور و ربنا يكرم

شكرا جدا على مشاركتك المنظمة .. وان شاء الله ربنا يكرمك بشقة مناسبة
لى زميل نصحنى بالحى الثالث او الرابع او الخامس وبيقول انهم افضل احياء بالنسبة لى فى حدود ميزانيتى .. ايه رأى حضرتك؟
بالنسبة للشقة اللى ذكرتها حلوة ماشاء الله بس بالنسبالى طالما التشطيب قديم يبقى نص تشطيب أفضل واشطبها براحتى بعدين لأنها هتكون شقة الزوجية وبداية حياتى إن شاء الله ..
ياريت حضرتك تبعتلى رقم المقاول ده وتقولى الأنسب من وجهة نظرك مع العلم إن عملى بالقرية الذكية وعامل الأمان مهم عشان هسيب زوجتى المستقبلية فترة كبيرة لوحدها

[Never_Mind]

ياريت ياشباب اللى يقدر يفيدنى ميبخلش عليا بمعلومة

[ehab_mansour]

بعتلك علي الخاص
و اتمني تكلمني علي رقمي اليوم و ان شاء الله هحاول اساعدك قدر المستطاع و ربنا يوفقنا جميعا لما يحبه و يرضاه

فيه شقة معروضة ب 370 الف نص تشطيب في الحي الخامس مساحة 170 متر ثاني بلكونه مناسبة لك و لما تكلمني هقلك علي تفاصيل اخري هتعجبك
و ادعيلي ربنا يوفقني انا كمان و الاقي شيء يناسبني

[Never_Mind]

بعتلك علي الخاص
و اتمني تكلمني علي رقمي اليوم و ان شاء الله هحاول اساعدك قدر المستطاع و ربنا يوفقنا جميعا لما يحبه و يرضاه

فيه شقة معروضة ب 370 الف نص تشطيب في الحي الخامس مساحة 170 متر ثاني بلكونه مناسبة لك و لما تكلمني هقلك علي تفاصيل اخري هتعجبك
و ادعيلي ربنا يوفقني انا كمان و الاقي شيء يناسبني

إن شاء الله هكلم حضرتك قريب .. بالنسبة ل 170 متر هتبقى كبيرة عليا .. وسعرها عالى بالنسبالى .. أنا هشتريها تمويل عقارى إن شاء الله فمحتاج حاجة معقولة أبدأ بيها حياتى وأبقى أكبر بعدين