التعليم بره

[Eslam.Elrefaey]

انا دلوقتى فى كلية هندسة وجايلى فرصه انى اكمل بره ايه رأيكم اكمل هنا ولا اسافر ولا اعمل ايه

[amrezzat82]

يا بشمهندس ده سؤال برضه
بغض النظر على المتاح لك دلوقتى بس مفيش مقارنة خالص
اتوكل على الله و كمل دراسة بره و أشتغل كمان لو عرفت
مقتوفتش الفرصة لأنها لا تأتي مرتين

[أحمد كمال]

اهنب يا منيجييييييييييييييييييييي

[Mohab.Nabil]

حسب هتسافر فين ؟

و حسب تعرف شوية فى لغة البلد و لا لا اللى رايحها

و حسب التعليم هناك بأى لغة

و حسب عامل حسابك على مصاريفك هناك ولا لا لأن المعيشة برة فى اى حتة حتى لو هتعيش على القد خالص هتبقى غالية بسبب السعر المتدنى للجنيه قدام اى عملة تانية

و حسب انت مرتاح فى الجامعة هنا ولا لا

سؤالك عام اوى بصراحة و مينفعش يترد عليه الا بشوية تفاصيل لأن كل حاجة تفرق فى الموضوع ده

[pro_samir]

الصوره دي أبلغ رد مبدأياً !

[Mohab.Nabil]

يا جماعة انا فاهم طبعا وجهة نظركوا و عارف ان مصر فيها عيوب كتير جدا دلوقتى

بس

اى مكان ليه عيوبه و لازم يفكر برضه لأن الموضوع مش سهل ، اكيد حضراتكوا مجربين الغربة و انها مش سهلة .. بتبعد عن اهلك و اصحابك .. لو رحت لمجتمع مختلف فكريا ( اللى هى معظم البلاد المتقدمة يعنى ) هتلاقى نفسك مش فاهم المجتمع و صعب جدا تتأقلم لأن هما ليهم تفكيرهم و ليهم طريقة حياة مختلفة فى كل حاجة عننا .. و مهما كانت الناس متقبلة الاخر لو عايز تحافظ على تقاليدك هتفضل فى نظرهم غريب .. و دا مش عيب فى حد بس دا فرق تفكير و فرق ثفافة غير طبعا انك لو رحت بلد مش بتتكلم اللغة بتاعتها هتلاقى مشكلة كبيرة فى الاول خصوصا لو دراستك بنفس اللغة ديه و الانجلش هيساعدك اه بس برضه غير انك تعرف تتكلم مع الناس .. تخيل نفسك فى مصر و مش بتعرف تتكلم عربى و بتتكلم انجلش بس .. و انا و الله مش بخوفك و اكيد برضه فيه مميزات كتيرة هتاخدها مستقبل افضل و احتكاك مع حضارات مختلفة و ممكن تبنى حياة جديدة خالص هناك بس لازم تفكر فى الموضوع من كل النواحى عشان مش صح انك تبقى متخيل انك رايح على جنة و تتصدم اول ما تروح هناك و فى الاخر بالتوفيق ان شاء الله

[ENG.MaRk]

سافر و اتكل علي الله و لو عرفت تبعتلي أجيلك هابقي شاكر جدا :d

[Eslam.Elrefaey]

حسب هتسافر فين ؟
إن شاء الله جايلى فرصه جمهورية التشيك
و حسب تعرف شوية فى لغة البلد و لا لا اللى رايحها
لأ بس كله قالى سهل تتعلمها هناك فى كورس سنه ومجانى منهم كمان
و حسب التعليم هناك بأى لغة
انجليزى
و حسب عامل حسابك على مصاريفك هناك ولا لا لأن المعيشة برة فى اى حتة حتى لو هتعيش على القد خالص هتبقى غالية بسبب السعر المتدنى للجنيه قدام اى عملة تانية
هى دى بقا الفكره المصاريف .....لسبب ان هنا مقارنة بهناك ببلاش خالص وده هيكون السبب الوحيد الى مخلينى اقعد انى كنت اوفر فلوس الدراسة دى لغاية متخرج احسن فمش عارف كده احسن ولا انى اسافر احسن
و حسب انت مرتاح فى الجامعة هنا ولا لا
لأ خالص مع انى يعتبر فى برنامج مميز بمصاريف حوالى 12 الف فى السنه بس فى هندسة حكومى يعنى 50 طالب بس فى الدفعة بس برضه لأ حاسس ان مفيش تعليم اصلا
سؤالك عام اوى بصراحة و مينفعش يترد عليه الا بشوية تفاصيل لأن كل حاجة تفرق فى الموضوع ده

الفكره ان اختى عايشة هناك فهتسهلى الدنيا هناك شويه

[Eslam.Elrefaey]

يا جماعة انا فاهم طبعا وجهة نظركوا و عارف ان مصر فيها عيوب كتير جدا دلوقتى

بس

اى مكان ليه عيوبه و لازم يفكر برضه لأن الموضوع مش سهل ، اكيد حضراتكوا مجربين الغربة و انها مش سهلة .. بتبعد عن اهلك و اصحابك .. لو رحت لمجتمع مختلف فكريا ( اللى هى معظم البلاد المتقدمة يعنى ) هتلاقى نفسك مش فاهم المجتمع و صعب جدا تتأقلم لأن هما ليهم تفكيرهم و ليهم طريقة حياة مختلفة فى كل حاجة عننا .. و مهما كانت الناس متقبلة الاخر لو عايز تحافظ على تقاليدك هتفضل فى نظرهم غريب .. و دا مش عيب فى حد بس دا فرق تفكير و فرق ثفافة غير طبعا انك لو رحت بلد مش بتتكلم اللغة بتاعتها هتلاقى مشكلة كبيرة فى الاول خصوصا لو دراستك بنفس اللغة ديه و الانجلش هيساعدك اه بس برضه غير انك تعرف تتكلم مع الناس .. تخيل نفسك فى مصر و مش بتعرف تتكلم عربى و بتتكلم انجلش بس .. و انا و الله مش بخوفك و اكيد برضه فيه مميزات كتيرة هتاخدها مستقبل افضل و احتكاك مع حضارات مختلفة و ممكن تبنى حياة جديدة خالص هناك بس لازم تفكر فى الموضوع من كل النواحى عشان مش صح انك تبقى متخيل انك رايح على جنة و تتصدم اول ما تروح هناك و فى الاخر بالتوفيق ان شاء الله

هوا ده الى كان فى دماغى برضه حوار التقاليد وده الى خلانى كنت عايز اسافر ماليزيا بس محصلش نصيب وبعدين جاتلى الفرصه دى بقا

[mohamed_selim]

التشيك بلد جميله جدا و رخيصه نوعا ما مقارنة باوروبا
روح يابنى و ربنا معاك

[Mohab.Nabil]

الفكره ان اختى عايشة هناك فهتسهلى الدنيا هناك شويه

انت كده فى credit hours صح ؟ انا كنت فى نفس ظروفك بالظبط و سافرت برضه اوروبا

عامة حسب كلامك كده انا اقولك سافر طبعا .. يعنى اختك هناك ديه نقطة ايجابية جدا على الاقل هتبقى عارف ان ليك حد يسندك فى اى مشكلة او اى حوار لا قدر الله فى البلد ... التشيك من الدول الجميلة فعلا و الاسعار هناك معقولة جدا

و لو عندك اى سؤال فى الموضوع عامة ان شاء الله احاول افيدك باللى اعرفه و بالتجربة اللى حصلت معايا

بالتوفيق ان شاء الله

[ahmedwagdy03]

إنت مهندس مهما كان تخصصك . إنسى حاجة إسمها تعليم فى مصر خلاص .

أنا مهندس زيك و بأشتغل برة و أقولك الخلاصة :

المهندس المصرى اللى بيطلع برة سواء الخليج أو غيرة بيشتغل فى أماكن تعبانة و مرتبات ضعيفة لسببين : الأول إستغلال الحاجة و الفقر و معروف الظروف المنيلة اللى بتخليه يقبل و السبب التانى و الأهم إن الكل عارف دلوقتى مستوى التعليم المنحط مقارنة ببلاد كثيرة

طبعا الشركات الكبيرة و التقيلة بتجيب من أوروبا و بتدفع جامد و بصراحة من خبرتى فيهم ناس تستاهل ثم طبعا اللبنانى - لإن اللبنانيين لديهم إهتمام هستيرى بتعليم أولادهم لأعلى المستويات ماشاء الله عليهم -ثم الأردنيين و فى الذيل المصريين .

المفاجأة الكبرى و التى لا يعلمها الغالبية : المهندس السعودى و الإماراتى . فعلا فيه مهندسين سعوديين و عمانيين و إماراتيين و على مستوى رائع و مع الطفرة المالية فإن معظمهم يكمل دراسته فى أوروبا و أمريكا و فعلا العلم يصقل العقل . و عندما أتحدث معهم أجدهم درسوا أشياء لم أدرسها و لكن تعلمتها بعد سنوات فى العمل و عندما أتحدث لمهندس مصرى حديث التخرج أجده لم يزل يدرس ما درسته من سنوااااااات .


الخلاصة يا أخى لا تتردد فى التعلم بالخارج إذا أردت أن يكون لك مستقبل محترم -خارج مصر طبعا - و ستشعر بالفارق .

[Eslam.Elrefaey]

انت كده فى credit hours صح ؟ انا كنت فى نفس ظروفك بالظبط و سافرت برضه اوروبا

عامة حسب كلامك كده انا اقولك سافر طبعا .. يعنى اختك هناك ديه نقطة ايجابية جدا على الاقل هتبقى عارف ان ليك حد يسندك فى اى مشكلة او اى حوار لا قدر الله فى البلد ... التشيك من الدول الجميلة فعلا و الاسعار هناك معقولة جدا

و لو عندك اى سؤال فى الموضوع عامة ان شاء الله احاول افيدك باللى اعرفه و بالتجربة اللى حصلت معايا

بالتوفيق ان شاء الله

أه كريدت...شكرا ليك ولو ربنا اراد إنى أسافر إن شاء الله هسأل حضرتك أكيد لو أحتاجت إنى افهم حاجة

[Eslam.Elrefaey]

إنت مهندس مهما كان تخصصك . إنسى حاجة إسمها تعليم فى مصر خلاص .

أنا مهندس زيك و بأشتغل برة و أقولك الخلاصة :

المهندس المصرى اللى بيطلع برة سواء الخليج أو غيرة بيشتغل فى أماكن تعبانة و مرتبات ضعيفة لسببين : الأول إستغلال الحاجة و الفقر و معروف الظروف المنيلة اللى بتخليه يقبل و السبب التانى و الأهم إن الكل عارف دلوقتى مستوى التعليم المنحط مقارنة ببلاد كثيرة

طبعا الشركات الكبيرة و التقيلة بتجيب من أوروبا و بتدفع جامد و بصراحة من خبرتى فيهم ناس تستاهل ثم طبعا اللبنانى - لإن اللبنانيين لديهم إهتمام هستيرى بتعليم أولادهم لأعلى المستويات ماشاء الله عليهم -ثم الأردنيين و فى الذيل المصريين .

المفاجأة الكبرى و التى لا يعلمها الغالبية : المهندس السعودى و الإماراتى . فعلا فيه مهندسين سعوديين و عمانيين و إماراتيين و على مستوى رائع و مع الطفرة المالية فإن معظمهم يكمل دراسته فى أوروبا و أمريكا و فعلا العلم يصقل العقل . و عندما أتحدث معهم أجدهم درسوا أشياء لم أدرسها و لكن تعلمتها بعد سنوات فى العمل و عندما أتحدث لمهندس مصرى حديث التخرج أجده لم يزل يدرس ما درسته من سنوااااااات .


الخلاصة يا أخى لا تتردد فى التعلم بالخارج إذا أردت أن يكون لك مستقبل محترم -خارج مصر طبعا - و ستشعر بالفارق .

شكرا ليك ....أنا فعلا ده الى حاسه مفيش تعليم أساسا هما كلمتين احفظهم خش اكتبهم فى الامتحان تلقين من الآخر