نادى وادى دجله...

[a_samy]

أحد مندوبى المبيعات فى نادى وادى دجله أتصل بى وعرض على الإشتراك فى النادى,,,لا أعرف أى شىء عن النادى ولا عن إمكانياته ولا عن مستوى الأعضاء فى النادى..فإذا كان أحد أعضاء الجروب مشترك فى هذا النادى برجاء إفادتى هلى أشترك فى نادى وادى دجله أم لا, لأنى أرغب بالإشتراك فى أحد النوادى الرياضيه.

[Amr.Fathy]

متابع

[salodas]

انا مشترك في النادى .
النادى في الأجمال كويس.
لكن زحمة جدا .... كمان بصراحة المستويات الى بتدخلة (فيها شوية شمال) ولكن الحق يقال .. الأمن والكنترول جوة النادى شايف شغلة كويس جدا .. ولا يسمحو بأى تعدى .

[doc mohamed]

بص انا مشترك فيه بقالي سنة بس مش بروح كتير لان ابني لسه صغير بس انطباعي (بروح فرع المعادي)انه نادي محترم وهيفيد الاولاد جدا بس بيبقي زحمة اوي ايام الاجازات انما الايام العادية بيبقي وسط واعتقد زي ما قال عضو لحضرتك ان الادارة قوية لاني كل شوية بشوف كمية اسامي وخده ايقاف لمدد مختلفة نتيجة تجاوزات وانا راي اختار النادي الاقرب ليك

[doc mohamed]

بالنسبة للامكانيات متهيالي بتختلف من فرع لفرع واعتقد ان اعلاهم في الامكانيات فرع المعادي مساحة كبيرة جدا العاب للاطفال منتشرة ملاعب كتير ومختلفة المساحات وحمامات سباحة للاطفال والكبار ومطاعم جيدة شوف اقرب فرع لحضرتك وروح اتفرج عليه كويس وبعدين قرر بالنسبة لمستوي الاعضاء زي اي مكان فيه الكويس والوحش وربنا يوفقك في الاختيار

[maged]

انا كمان لسه مشترك من اسبوعين
النادى انا شايفه كويس وضرورى للى عنده اطفال
بالنسبه للزحمه فكل النوادى فى الويك اند بتبقى زحمه لكن الحق يتقال معاملة العاملين بالنادى فوق الممتازه
انا اقرب فرع ليا بتاع الشيراتون عيبه ان المساحة المخصصه للاطفال الصغيرين محدوده جدا انما اسمع ان الفروع التانيه افضل
لكن لبعد المسافه لم اذهب الى اى فرع اخر حتى الان لكن بعد انتهاء العام الدراسى سنقوم بزيارة كل الفروع
وربنا يوفقك

[Ahmed_selmy]

انا بردوا مشترك بقالى سنه....
بص يا سيدى من حيث النادى ومستواه انا شايفه كويس
الامن منتشر فى كل حته ....والناس محترمه اوى
بالنسبه للاكل ...انا عن نفسى بجيب اكلى معايا
حمامات السباحه معقوله وبيهتموا اوى بحمام الاطفال يعنى كل شويه يطلعوا الاطفال منه علشان التنضيف ومرة طفل عمل حمام من العيار التقيل طلعوا كل الاطفال فورا وغيروا مية الحمام.....بالاضافه ان دايما فيه اكتر من مراقب على الاطفال علشان لو فيه اى حاجه يتعامل علطول
بالنسبه لاماكن الالعاب يعنى فى المتوسط لا كبيره ولا صغيره .....بس اهو حاجه الاطفال تطلع فيها طاقتها
بالنسبه للزحمه ....الموضوع متفاوت ....يعنى اوقات الاعياد فعلا بتلاقى الدنيا زحمه جدا بس مفيش مره روحت وملقتش حته اقعد فيها.....وفى اوقات تانيه كنت بلاقى نفسى لوحدى انا واسرتى فى منطقة الالعاب ومفيش حد خالص.
معرفش حاجه عن التدريب فيه زى الكوره والسباحه وغيروا بس ناوى ابدا اسأل علشان اشترك لبنتى.
انا بروح فرع التجمع علطول لانه الاقرب ليا.

[a_samy]

أشكركم جميعا على إهتمامكم وردكم :)

[qkash.com]

اشتراكه كام

ياتري اشتراكه كام نادي وادي دجلة ونظام الدفع ازاي

افيدونا اذا سمحتم