تحذير من شراء اسماك من على الطريق

[rompo10]

طريف العجمي برج العرب اللي هو من عند سيدي كرير بعد كارفور في ناس بتبيع سمك علي الطريق اشتريت منهم سمك بوري ويحلف مليون يمين انه طازه المهم السمك طلع كله معفن ورميته حبيت اقولكم لان في ناس كتير بتشتري من عندهم واكتر السمك عندهم قاروس و وقار



تم تعديل العنوان

[أبو آسر]

نصيحة ذهبية
إياك ثم إياك ثم إياك تشتري من أي حد بيفرش وبيبيع أي حاجة على أي طريق كان لأن 99% منهم نصابين وحرامية وبيستغلوا إن الناس بتقف بالعربية وتشتري وتمشي ولو رجعله تاني مش هيلاقيه واقف مكانه
أنا في يوم اشتريت جزر أحمر من واحد فارش عالطريق في العبور لقيته بيوزنلي الجزر بعرشه وعايز يشيلني بتاع 10 كيلو ولقيته بيقولي الحساب 50 جنيه !! جيت أكلمه وأقوله أنا مقلتلكش عايز 10 كيلو ومينفعش توزن الجزر بعرشه ومش عارف إيه لقيته ماسك السكينة المدورة دي اللي بيقطع بيها العروش وبيكلمني بأسلوب بلطجة يعني من الآخر هتشيل الليلة وتدفع ولا أموتك وملكش دية ! المهم دفعت حوالي 30 جنيه بالعافية وخلعت وقلت الحمد لله إني طلعت سليم !
ربنا ينتقم منهم

[lena jo]

الموضوع ده من زمان علي طريق السفر كانوا بيحذروا من بائعين الطريق . عارفين انك مسافر مش هترجع لهم تاني و بيبيعوا اللي هما عايزينه

[J A G U A R]

عالم فى النصب ملهاش حل

[mostafa magdy]

مبشتريش أي سمك الحقيقه غير من سوق للسمك .. في واحد في المنيب يوميه و السمك اللي فيها ولا أروع ..
لأني بحب المأكولات البحريه و مش عايز أتصدم فيها الصراحه ..
معلش يا كبير .. و في 60 داهيه المهم حضرتك كويس

[أحمد كمال]

مرة اشتريت جمبري من بياعين في الشارع في مدينة نصر قدام الكنيسة اللي في الشارع الموازي لمصطفى النحاس ....... روحت لقيته غاشش في الميزان و مالي الكيس تلج ........

[hilal]

بالمناسبة
اوعى حد يشتري لحمة من على الطريق
توجد بلدة اسمها طنامل على طريق بنها المنصورة مشهورة ببيع الحوم على الطريق
واحد من نفس البلدة اقسم لي ان كلهم بيبيعوا لحوم مضروبة ما عدا شخصين
يعني لما فلاح يكون عنده جاموسة او بقرة مريضة على وشك الموت
يتصل بجزارين طنامل يشتريها بما لا يزيد عن 300 جنيه ويذبحها ويبيعها على الطريق

[S O P H O S]

علشان كده بقلق
من اي شئ بيتباع عالطريق

[fepsceasar]

وفى على طريق الغردقة ناس بتبيع جمبرى مجمد ويقولك سويسي ده طبعا هجايص

[محمود سامح]

انا اشتريت 20 ك بصل من الدائرى رجعت البيت وجدتهم 12 ك فقط

[waleed0]

لو بطلنا نشتري من الباعة الجائلين , مش حتلاقي النصب دا ومش حتلاقي حد يفرش فى الشارع او يمشي بمكروفون مزعج ,ومش حتلاقي سرقة كهربا ووو......
دايما بقول ان سبب انتشار الباعة الجائلين هو احنا , لو ملقاش حد يعبره مكنش وقف الوقفة دي

[الريس حميدو]

نصيحة عند شراء السمك افحص الغلاصم وهي مخرج الهواء مكان تنفس السمك لابد يكون لونها زهري فاتح و هذا يعني ان السمك طازة
كل ماكان اللون غامق فهذا يعني ان السمك قديم ومعفن

اما عن السرقة فانا مرة اشتريت فخذ خروف وطلبت من الجزار يبعلي كمان ريش
لما رجعت البيت وكانت المسافة حوالي 36 كليو شكيت في وزن الريش رحت وازنهم لقيت الوزن 750 غرام
فشلت بعضي ورحت للجزار تاني مع انه بعيد عني ب 36 كيلو والهانم سيبك منو بلاش
دخلت الجزار وانا نافش ريشي زي الطاووس ونزلت فيه زعيق
قام الجزار فتح الكيس وطلعلي عظم
الكيس كله عظم بس المفاجاة ان الكيس ده كان هدية من الجزار عظم للشوربة والريش كانت في كيس تاني لوحدها
طبعا شكلي بعدها صار زي الفأر

[محمود السيد]

حسبى الله ونعم الوكيل