اروح فين في دبي خلال ٦ ساعات

[elrasy]

اروح فين في دبي خلال ٦ ساعات

رحت دبي اكتر من مرة بس بيكون شغل بس بدون ما اتفسح

عندي شغل هناك كمان يومين
و اخر يوم هيكون عندي وقت فاضي قبل رحلة العودة حوالي ٦ ساعات
فقلت استعين باهل الخبرة هناك

[Ahmed_Rahem]

انت بتحب تعمل اية

[elrasy]

انت بتحب تعمل اية

اي حاجة جديدة و مسلية
سمعت عن اكواريوم مميز هناك

[dede_dodo88]

دبي مول طبعاً.
انت هتقضي فيه يوم كامل و مش هتلحق تخلصه..

[minicooper20]

الحبطور جراند

[amrelsha3er]

Dubai mall

[elrasy]

خلاص يبقى دبى مول ان شاء الله

[ahmedwagdy03]

لو لفيت فى السوق الحرة فى مطار دبى حتحتاج أكتر من 6 ساعات

[swimmer25]

Jumairah Railways قطار وسط جزيرة النخلة
Dubai Mall..اكواريوم والنافورة ليلا وبرج خليفة
Miracle Garden حديقة زهور بأشكال جميلة
Ibn Batuta mall ..تسوق ورموز لرحلات ابن بطوطة
..Wafi Mall.. عرض فرعوني صوت وضوء ليلا
حديقة الخور..لو التليفريك شغال يكون أحسن
أوت ليت مول..تسوق
السوق الصيني ...تسوق

[mostafa magdy]

رحله سعيده ..
تحياتي ..

[dede_dodo88]

خلاص يبقى دبى مول ان شاء الله

لو هتروح دبي مول حاول ظبط نفسك بقى على حاجات معينة تعملها عشان الوقت ميسرقكش لان المول عبارة عن مدينة صغيرة محتاج وقت كبير اوي عشان تلفه..
برج خليفة اعتقد هيكون صعب لان كان هيحتاج تحجزله قبلها بفترة..
انا اكتر حاجة عجبتني اوي هناك هي النافورة الراقصة, و دي بتشتغل بليل..
الاكواريوم لطيف برضه و فيه كائنات بحرية عجيبة بس مش بنفس جمودية فقرة النافورة..

[elrasy]

رحت دبى مول و دخلت الاكورايوم
و كنت ناوى على برج خليفة بس الوقت خلص

تحياتى ليكوا جميعا,,

[tmz9111]

لو لفيت فى السوق الحرة فى مطار دبى حتحتاج أكتر من 6 ساعات