سلك الموتور مش محمل

[OMAR11112010]

السلام عليكم
عندي موتور 2 حصان في العمارة راكب بقاله اسبوع بسلك ترموبلاست والسلك دا واصل لحد الدور السابع المهم امبارح صوت الموتور كان ضعيف جدا نزلت جبت كهربائي ووصلنا الموتور بسلك مباشر بمدخل البيت اشتغل عادي جدا
لما نوصله بالسلك بتاعه للدور السابع ميشتغلش رغم تاكدنا من ان السلك سليم
روحنا لبتاع المواتير قال لازم السلك يتغير عشان دا موتور اتنين حصان والسلك اللي راكب حاليا مش محمل
وهنا حصل خلاف بين الكهربائي وبين بتاع المواتير
ياتري مين صح واحد بيقول السلك مفيهوش مشكلة والتاني يقول السلك لازم يكون اتخن من كدا يعني محمل باللغة بتاعتهم
ياريت حد يفيدني
وشكرا لكم

[أحمد كمال]

السلك لازم يكون اتخن و بما انه ماشي مسافة اطول فطول السلك بيزود المقاومة

[OMAR11112010]

متشكرين علي رد حضرتك
بس خلي بالك ان الموتور كان شغال اسبوع كامل علي السلك دا ملي ونص وبعدين مشتغلش
انا مشكلتي ان المشكلة تكون في الموتور مش في السلك وخصوصا ان تكلفة السلك الجديد 3 ملي هيخش في 300 جنيه ولا حاجة عشان طوله هيبقي خمسين متر تقريبا
مش عاوز اجيبه واركبه ويطلع المشكلة من حاجة تانية

[أحمد كمال]

بتقول اشتغل كويس اما وصلته بالبيت

[OMAR11112010]

اه يا باشا بس خلي بالك هو لما بيتوصل بالمدخل تحت السلك بيبقي قصير طبعا حوالي تلاتة متر بس وسمكه ملي ونص وساعتها بيشتغل تمام لكن نفس السلك لما بيتوصل بالشقة فوق بيبقي طوله 50 متر ساعتها مش بيشتغل الكلام دلوقتي انه لازم سلك اتخن عشان كدا السلك طويل جدا ودا اتنين حصان

[Ahmed_selmy]

بص يا باشا المواتير عموما يا ابيض يا اسود.....يعنى لو اشتغل مع السلك القصير اذا المشكله فى السلك انه محتاج يتخن...لانه لو هو بايظ مكانش اشتغل اصلا سواء مع السلك القصير او السلك الطويل.
وبردوا علشان تتاكد لو حضرتك تعرف تفك السلك الطويل وتوصله من نفس المصدربتاع السلك القصير وعمل نفس المشكله يبقى ان شاء الله هو السلك مفيش غيروا.

[heshom]

يا عزيزى موتور 2 حصان تياره المقنن حوالى 8 أمبير و لحظة التشغيل الاولى سوف يسحب تيارا أعلى بكثير
و لو السلك المغذى 1.5 مللى فعلا فمؤكد ان الموتور لن يستطيع القيام بالحمل بسبب حدوث إنخفاض فى الجهد (الفولت) بسبب طول المسافة بين مصدر التغذية و الموتور مع سلك مساحة مقطعه كذلك
أذا كان كما تقول الموتور إشتغل سابقا بنفس الظروف فهذا راجع ربما لأن الجهد عندك كان أعلى من 220
أنت فى الواقع تحتاج سلك بمساحة مقطع 3 مللى متر على الاقل
لكن كيف تكون المسافة من الأول للسابع 50 متر
لو حسبت المسافة العمودية من الأول للسابع 7*3=21 متر و زد 10 متر انحناءات فيكون الطول المطلوب للسلك حوالى 30 متر أو 35 متر على الأكثر

[ابوحبيبة2010]

بص يا باشا المواتير عموما يا ابيض يا اسود.....يعنى لو اشتغل مع السلك القصير اذا المشكله فى السلك انه محتاج يتخن...لانه لو هو بايظ مكانش اشتغل اصلا سواء مع السلك القصير او السلك الطويل.
وبردوا علشان تتاكد لو حضرتك تعرف تفك السلك الطويل وتوصله من نفس المصدربتاع السلك القصير وعمل نفس المشكله يبقى ان شاء الله هو السلك مفيش غيروا.

[OMAR11112010]

يا عزيزى موتور 2 حصان تياره المقنن حوالى 8 أمبير و لحظة التشغيل الاولى سوف يسحب تيارا أعلى بكثير
و لو السلك المغذى 1.5 مللى فعلا فمؤكد ان الموتور لن يستطيع القيام بالحمل بسبب حدوث إنخفاض فى الجهد (الفولت) بسبب طول المسافة بين مصدر التغذية و الموتور مع سلك مساحة مقطعه كذلك
أذا كان كما تقول الموتور إشتغل سابقا بنفس الظروف فهذا راجع ربما لأن الجهد عندك كان أعلى من 220
أنت فى الواقع تحتاج سلك بمساحة مقطع 3 مللى متر على الاقل
لكن كيف تكون المسافة من الأول للسابع 50 متر
لو حسبت المسافة العمودية من الأول للسابع 7*3=21 متر و زد 10 متر انحناءات فيكون الطول المطلوب للسلك حوالى 30 متر أو 35 متر على الأكثر

شكرا يا باشا
للاسف ياباشا العمارة عندنا مبنية بطريقة ان المنور مش واصل للارضي فالسلك بيلف لفة غريبة وعجيبة وطويلة لحد ما يوصل للشقة عندي
الناس قالوا سلك 3 مللي فعلا اجيبه 4 مللي احتياطي ولا ايه

[heshom]

يا عزيزىكابل2* 3 مم ماركة معروفة زى السمكتين كويس لأن لما يكون مكتوب عليه 3 مم فهى 3 مم فعلا أما الأنواع مجهولة المصدر و المصنعة تحت السلم فهذه لا تدفع فيها قرشا
السويدى طبعا رقم واحد بس أغلى من السمكتين

[heshom]

و كمان اطمنك ان كابل 2*3 مم ممكن يتحمل حتى 10 أمبير للمسافة اللى عندك بأمان