هواووى ايه رائيكوا فيه

[midoabdeen]

السلام عليكم ورحمة الله وبركاته
حد جرب موبايلات هواوى قبل كده
ايه رائيكوا فيها
هل ماركه كويسه ولا اى كلام
لانى قلقان من انها ماركه مش معروفه
وكمان هو صناعته ايه صيني ولا حاجه تانيه
انا عاجبني الجهاز دا

شاشه 4.7 "
1.5 رباعي النواه
2 جيجا رام
اندرويد 4.2.2
720*1280 دقه الشاشه

ودا لينك ليه
مراجعة هاتف Ascend P6 من شركة هواوي - عالم التقنية

[marsguy]

هواوي ماركه محترمه جداً واسعارها كويسه
أنا جايب موبايلين وتابليت هواوي ولحد دلوقت مافيش منهم مشاكل

بس هاتتعب عشان تلاقيله أي إكسسوارات

[M!SHO]

ارفع موبايل نزل لغاية دلوقتي

وتصميمه حلو وماتريل كويسه

سعره في السعوديه حوالي ١٤٠٠ الي ١٥٠٠ ريال

انا مجربتوش قبل كده بس شف review من فتره وأعتقد كان عيبه البطاريه وانه بيسخن جامد مع الشغل التقيل وكده

[mahmoud_ali]

كان مع واحد قريبى وبيشتكى منه ومش لاقيله قطع غيار

[midoabdeen]

هواوي ماركه محترمه جداً واسعارها كويسه
أنا جايب موبايلين وتابليت هواوي ولحد دلوقت مافيش منهم مشاكل

بس هاتتعب عشان تلاقيله أي إكسسوارات

مش هتفرق معايا موضوع الاكسسوارات لانى اصلا شايل سونى من زمان وبعاني من نفس الموضوع
بس انا اصلا مش بحب جو الجرابات والاكسسوارات وكده بشيل التليفون زى ماهو

ارفع موبايل نزل لغاية دلوقتي

وتصميمه حلو وماتريل كويسه

سعره في السعوديه حوالي ١٤٠٠ الي ١٥٠٠ ريال

انا مجربتوش قبل كده بس شف review من فتره وأعتقد كان عيبه البطاريه وانه بيسخن جامد مع الشغل التقيل وكده

هو فعلا رفيييييع جداااااااا وتصميمه وشكله تحفه جدااااا
بس البطاريه تقعد فتره قد ايه تقريبا زيها زى السامسونج ولا اقل
لانى واخد على بطاريع السونى بتقعد معايا يومين وممكن تدخلل لنص اليوم الثالث

كان مع واحد قريبى وبيشتكى منه ومش لاقيله قطع غيار

قطع غيار كصيانه و لا لااكسسوارات عاديه
وهل هو اعتمادي ويستحمل ولا زى الصيني يبوظ بسرعه واى كلام

[mohammedgido]

دا سعره كام في مصر ؟

[heshom]

هواوى ماركة محترمة
معى هواوى y300 من حوالى خمسة أشهر ممتاز ولكن لم أجد له جراب فى مصر و وجدت له جراب و لصقة للشاشة على موقع أمازون سوف أرسل لشرائها عن طريق موقع إدفعلى
شوف هواوى g610 موجود فى موبايل شوب بسعر 1500 تقريبا وأراء المستخدمين فيه إيجابية جدا شاشة 5 بوصة رامات 1 جيجا كاميرا 5 ميجا بيكسل ذاكرة داخلية 4 جيجا
أدخل على موقع موبيل فور مى و شوف أراء المستخدمين و بالتوفيق

[zrzr1]

واوي شركه جامده جدا يا باشا وجهاز اعتمادي وشكله حلو

[مصطفى-حسن]

عيبة انة ملوش خدمات ما بعد البيع
يعنى ممكن تلف كتير على ما تلاقى جراب او لزقة او سماعة
وممكن تدوخ السبع دوخات عشان تلاقى شاحن او بطارية

اما لا قدر الله لو شاشة اتكسرت او طتش او احتاج صيانة داخلية يبقى معاك ربنا

[pro_samir]

بشكل عام ممتاز انا مجرب y511 جهازين و جهاز g700

و الكاتيل كذلك

بالنسبة للجرابات مش هتلاقيها غير عند واحد فقط في العتبة الشارع بتاع قطع الغيار و الاكسسوار الجملة ده مش فاكر اسمة ايه ، المحل اسمة الامير و معروف هناك لو سألت عليه

هو بيستهبل وبيبيع الجراب الضهر ب35ج بس عادي مش غالي قوي ، والاسكرين بروتيتكتور ب25ج لكن اي لزقة كبيرة ممكن تتقص عليه مش لازم بتاعته ، اللزقة العادية بخمسة جنية من العتبة او 10 كبيرها :)

والجراب اللي هو ضهر و وش بيتفتح ويتقفل ده موجود عند المحل ده لكل الهاواوي تقريبا ، وموجود في موبايل شوب واكتر من مكان للتليفون y511 فقط

[midoabdeen]

الواضح ان الناس كلها اجمعت انه تليفون كويس

طيب لو هحطه فى مقارنه مع السوني v مين يكسب

[Ayman_Amer]

شوف هواوي g610
او xperia c

ابعد عن xperia v لأن بطاريته مش حلوة
وكمان هواوي p6 عالي

والأفضل ان تنتظر Xperia M2

[midoabdeen]

شوف هواوي g610
او xperia c

ابعد عن xperia v لأن بطاريته مش حلوة
وكمان هواوي p6 عالي

والأفضل ان تنتظر xperia m2

تقصد عالي امكانيات ولا سعر

وكمان محدش يعرف هو صناعه ايه

ياعنى مثلا ايفون امريكى سامسونج كورى وكده

[Ayman_Amer]

شركة هواوي محترمة جدا
وانا فصدت ان p6 مرتفع السعر بالنسبة لمواصفاته وبالنسبة لأجهزة اخري مقاربة.
ورشحت لك هواوي g610 بسعر 1500ج
او xperia c بسعر 2000ح تقريبا

[aboomar22]

انا معايا g610 بصراحة ماشاء الله جهاز رائع والجراب بتاعة موجود في راية بجد حاجة جميلة عيبة الوحيد من وجهة نظري وكيله شركة دلتا مقرفين مجربهم في السوني قبل كده غير كده انصح بيه اللي عايز موبايل شاشة كبيرة وامكانيات كويسة بسعر كويس