فنون الدفاع عن النفس

[amr011111]

السلام عليكم ورحمة الله وبركاته
ما هى احسن رياضه لفنون الدفاع عن النفس
الواحد يتعملها على كبر

وتكون حاجه عمليه مش نظام حركات استعراضيه

ولو فيه اقتراح لمركز كويس لتعلمها
وشكراً

[khaled_rafea]

ام ام ايه, او مواى تاى او كيك بوكسينج, المراكز ابتدت تنتشر فى مصر بس السعر غالى شوية , حوالى 250 جنيه شهريا, و الكورس 6 شهور تقريبا, انا ساكن فى المقطم و عندنا حوالى 3 او اربع مراكز تقريبا

[amr011111]

والايكيدو؟

[khaled_rafea]

ممكن برده بس مش حتلاقى مدرب محترف ايكيدو بسهولة, الام ام ايه دلوقتى هو المنتشر و المطلوب, و هو الأصلح لخناقات الشوارع لو ده هدفك, ممكن تنزل جيم كام شهر كده و بعدين تشترك فى فايتنج كلب

[Mahmoudyoussif]

متابع بشدة فين في المقم

[amr011111]

ياريت لو فيه مراكز قريبه من الهرم
وهل بيحتاج الواحد يوصل لوزن معين الاول

[khaled_rafea]

فيه عندك اكستريم جيم خلف الاندلس, و فيه فى شارع 9 فى شارع جانبى بعد العزبى , و فيه احسن مركز بعد متعدى كشرى التحرير و انت طالع على النافورة ادخل الشارع اللى على الشمال, حتلاقى النادى على شمالك مش فاكر اسم المراكز ايه بس لو حابب اسألك, المركز الأخير ده كنت رحت اسال و اتفرج لقيتهم جايبين مدربين اسيويين و نازلين طحن فى العيال, هههههههههه انا و الله نفسى اروح اتدرب بس مفيش وقت خالص اليومين دول بسبب شغل الماستر

[khaled_rafea]

ياريت لو فيه مراكز قريبه من الهرم
وهل بيحتاج الواحد يوصل لوزن معين الاول

مش عارف والله بالنسبة للهرم, بس اعتقد فيه واحد اسمه الصاوى بطل مشهور عنده مركز اسمه هيرو اعتقد انه فى الجيزة بس مش عارف مكانه, اعمل سيرش, بالنسبة للوزن هما بيعرفو ازاى يخسسوك كويس جدا, معدل الحرق فى اللعب دى بيبقى عالى جدا, بس لو حتقدر تستحمل اللى حيحصلك

[أبو آسر]

متابع جداااااا
لو حاجة نواحي جسر السويس أو النزهة ياريت حد يفيدنا يا جماعة

[amr011111]

يبقى كده نركز فى رياضة الـ mma
ياريت كله اللى عنده عنوان مركز كويس يكتبه

[elhelwany188]

فيه مراكز زى دى فى حلوان ...

[khaled_sabry]

متابع بغباء :)
ياريت لو فيه حاجه قريبه لعين شمس او مصر الجديده

[amr011111]

عاوزين اسم مدرب كويس
فى كل منطقه

[fepsceasar]

هو الناس كلها عاوزة تبقى بلطجية.. اومال مين اللى هيتضرب!!
توفيق الدقن ستايل

[r0xer]

الاول خلينا نعرف انت كم كم سنة وكم وزنك وكم طولك ولعبت رياضات قبل كدا ايه وكنت كام سنة وجسمك شكله عامل ازاي هل فيه ترهلات او حاجة ولالا؟ وهل عندك اصابات في جسمك قوية ؟ كسور في الضلوع او الفخد الخ الخ؟

ثانياً انت عايز تتعلم رياضة عشان تدافع عن نفسك وهتتعلم كام تكنيك وتبطل ولا انت عايز تلعب رياضة وتستمر فيها لفترة طويلة ؟

نسيت اقولك، مفيش حاجة اسمها تروح تلعب MMA انت بتحلم!!!

الاجابة على الاسئلة دي هتخلينا نقدر نقولك ايه احسن لعبة تلعبها لانه الدفاع عن النفس تقريبا في كل الألعاب الرياضية لو لعبت حتى كاراتيه هتقدر تدافع عن نفسك على الاقل ضد 5 افراد في نفس الوقت طالما انهم مش fighters وشوية عيال صيع بمطاوي.