العلاقة بين الكلورى -الكيلو كالورى - الكيلو جول

[salodas]

سؤال بسيط جدا .
الى يعرف العلاقة بين (الكلورى -الكيلو كالورى - الكيلو جول )

لأننى زهقت بصراحة ... كان البيبسى مكتوب عليه 41 كيلو كالورى ... يعنى كام كالورى ؟؟؟

[مصطفى-حسن]

سؤال بسيط جدا .
الى يعرف العلاقة بين (الكلورى -الكيلو كالورى - الكيلو جول )

لأننى زهقت بصراحة ... كان البيبسى مكتوب عليه 41 كيلو كالورى ... يعنى كام كالورى ؟؟؟

اية اللخبطة دى
الاسهل تكبر دماغك من البيبسى خالص وتشرب عصير قصب
...............
هههههههه بهزر اوعى تزعل

[eng.salama93]

الكليو كالوري = 1000 كالوري
الكالوري = 4.184 جول
يعني ال 41 كيلو كالوري = 41000 كالوري

[salodas]

ينهاااااااااار ابيض
يعنى جسم الأنسان بيحتاج يوميا 2000 كالورى كإجمالى 24 ساعة .. وأنا لو شربت كان واحد بيبسى أكون أخدت 20 ضعف الى جسمى بيحتاجة .
ده في حد ذاته كارثة .... المهم دلوقتى انا فعلا متلخبط لأن كان فيه ناس بتقول ان الكالورى = كيلو كالورى وده بس عبارة عن تعبير عن السعرات الحرارية .

[eng.salama93]

كلمه كيلو ف أي مصطلح بمعني ألف
مثلا .. كيلو متر = 1000 متر
كيلو وات = 1000 وات
كيلو نيوتن = الف نيوتن
كيلو باسكال = 1000 باسكال
كيلو جول = 1000 جول
دي حاجة اسمها الميترك بريفكس

[mostafa magdy]

عزيزي السائل ..
القول الفاصل و الصريح .. بدول الدخول في تفاصيل معقده
ال Calorie هو ال " K.Cal " يعني الكالوري هو الكيلو كالوري مفيش فرق ..
اللي هو تعريفه العلمي : كميه الحراره " الطاقه " اللازمه لرفع درجه حراره 1 كيلو من الماء 1 درجه مئويه ..

زجاجه البيبسي تحتوي .. علي 41 كيلو كالوري ده المكتوب .. لعدد معين من المللي اللي فيها و تأكد بنفسكمبيعملوش أبدأ كام كالوري علي الكميه كلها .. بيعملوها علي 100 مللي بس تقريبا .. أكيد ال 350 مللي بيبسي هيدخلوا في 250 إلي 300 كالوري مستريح ..
انا عشان أحرق 300 كالوري جول .. بجري جري من متوسط إلي عالي لمده نص ساعه !!
في حين إن التفاحه فيها 17 كالوري !!! و مليانه Simple Carbohydrates بتمتص بمنتهي السهوله .
تحياتي

[salodas]

اشكرك د. مصطفى .
الشكر موصول لكل من تفاعل ورد على الموضوع .