جميع الاسفسارات فى المولدات الكهربائية

[نجم]

بسم الله الرحمن الرحيم انا مدير شركة مولدات كهربائية بيع وايجار بدون زكر اسم الشركة ولاحظة مناقشات كثيرة فى المنتدى عن شراء المولدات واريد انصح اخوانى اعضاء المنتدى بعدم شراء اى نوع من الانواع المتواجدة فى السوق من الانواع الصينى حتى لو قال التاجر هذا تقفيل ايطالى او اجزاء يبانى واشياء من هذا القبيل هذا لخداع المشترى جميع التواجد فى السوق صينى ولا يقوم حتى بنصف حملة بمعنى 3500 وات يحمل 1500 و 5000 يحمل 2000 وات ولا يشغل مواتير لان اى موتور يحتاج الى ضعف قوة كى يعمل الانواع التى ممكن شرائها من السوق هوندا و دنيو و كوماتسو و ايرمان و نيشا و نيبون شريو و هينو ده بالنسبة لليبانى اقل سعر هو الهوندا و فى اماكن لبيع المستعمل لجميع القدرات ملاحظة للمولدات الصينى لا يوجد قطع غيار للمحرك وعند احتراق الدينمو لفة يساوى ثمن المولد وانا منتظر الاسئلة ا/محمد ياسين

[الفجر]

طيب استاذ ياسين

ممكن ترشح لينا موتور غاز لان ااصلا احنا مش لاقيين بنزين ولا سولار

فشراء موتور غاز هو الحل الامثل وبيكون يشتغل على انبوبة ؟؟

[drcobra]

يا ريت حضرتك تقولنا رأيك فى موديل برافا هوندا وهل قدرة 3 كيلو خرج حقيقى ولا لا
اماكن شراء المستعمل؟ واسعارهم لو سمحت

[esam_refaat]

متابع

[ahmedamgad18]

متابع

[الفجر]

ولا رد على اى استفسار ياباشا !!!!!

[lugo]

الصينى مناسب لامكانياتنا ويعمل جيدا عند الكثيرين

[ابوحبيبة2010]

الصينى مناسب لامكانياتنا ويعمل جيدا عند الكثيرين

نعم كلامك مظبوط

[ahmedamgad18]

انا بعد بحث فى عدد كبير من المحلات بالاسكندرية 90% من الموجود فى السوق صينى ولما تسأل التاجر على ضمان يقولك .... ياعم الضامن ربنا ...

اى صينى موجود فى الضمان اة تايلاندى بيبدأ من 3600 جنيه .....

فى واحد تانى صينى ماركته apt فى محل واخد توكيله وبيأكد لى ان له ضمان ومركز صيانه .... حد جرب الماركة ديه من قبل ؟؟ وايه نظامها ؟؟

[SoFiMaN]

انا بعد بحث فى عدد كبير من المحلات بالاسكندرية 90% من الموجود فى السوق صينى ولما تسأل التاجر على ضمان يقولك .... ياعم الضامن ربنا ...

اى صينى موجود فى الضمان اة تايلاندى بيبدأ من 3600 جنيه .....

فى واحد تانى صينى ماركته apt فى محل واخد توكيله وبيأكد لى ان له ضمان ومركز صيانه .... حد جرب الماركة ديه من قبل ؟؟ وايه نظامها ؟؟

انا برضه لفيت كذا مكان هنا في اسكندرية و لقيت الوحيد اللي له ضمان هو هوندا برافا و كان ال7.5كيلو (بيصفي 6.5كيلو) عامل 10300جنيه في شركة الهندسية و المحاريث في محطة مصر.

apt سمعت عنها فعلا كهربائي مرة كان بيشكر فيها هي و ماركة تانية اسمها لوتيان و بيقول انهم ملفاتهم نحاس حقيقي مش المونيوم مدهون نحاس

بس ممكن تقولي لقيته فين و اسعاره كام؟

[ahmedamgad18]

ده محل فاتح جديد وعليه علامة ( apt ) موجود بشارع متقاطع مع اسكندر ابراهيم بميامى الشارع اللى على امته سفنكس للصرافة اول ما تدخل الشارع على اليمين ....
المولد قدره 2.2 كيلو وات بسعر 2400 جنيه ؛ ملف نحاس ... بنزين لوحده ؛ زيت لوحده ..... ده على كلام الراجل اللى هناك واهم حاجة سألت عليه ان لو فترة ضمان ومركز صيانة .... وهو اكد لى المعلومة ديه ... يارب يطلع صادق .

[أحمد عبدالله]

متابع

[drcobra]

وهوندا برافا 2.7 وتقريبا بيصفى 2.2 سعرة 3250 فى شارع الجمهورية

[ahmedamgad18]

شارع الجمهورية ده اكيد فى القاهرة ?

[dedi]

وهوندا برافا 2.7 وتقريبا بيصفى 2.2 سعرة 3250 فى شارع الجمهورية

يعنى 6 كيلو صافى يعدى 10000
2.2 صافى 3250جنية ازاى دة بمعنى 3 امثال ارخص من الجهاز الواحد دة مفروض العكس