ايه رايكم في مولدات الكهربا بالبطارية ؟

[dr-mohamed]

فيه اعلان على الفيس عن مولدات كهربا بتشتغل بالبطارية
وبصراحة انا كنت ادبي وتخصص شغلي ادبي وكل اللى فاكره من العلوم هو h2so4
ايه راي الباشمهندزين في المولدات دي ؟

https://www.facebook.com/silentgeneratoregypt

[dr-mohamed]

الادارة عارفة انه مش اعلان اكيد لكن لو فيه مشكلة ممكن يحذفوا الموضوع مفيش اي مشكلة اطلاقا او يحذفوا اللينك يعني للادارة مطلق التصرف كما تري طبعا
بس يا ريت لو هايبقي فيه حذف يبقي للينك وتتركوا الموضوع عشان يمكن نستفيد

[AlGazar2]

هو مسموش مولد بالمعنى الحرفى

هو بيحول التيار ال 12 فولت الثابت لتيار 220 مستمر

انا جايبه حاليا و لذيذ جدا خصوصا ان الكهرباء بقت بتقطع كتير

بس انا جبته ارخص من كده نفس الشكل بس مش اوتوماتك

هتلاقيه فى راديو طلعت 2000 فى العتبه و فى باب اللوق و شارع نجيب و الجمهورية
انا جايب من راديو طلعت 2000 و من عبد الشافى فى العتبة

السعر من 950 ل 1000 على حسب الفصال ده بالنسبة للانفرتر ال 1500 وات بشاحن

[dr-mohamed]

هو مسموش مولد بالمعنى الحرفى

هو بيحول التيار ال 12 فولت الثابت لتيار 220 مستمر

انا جايبه حاليا و لذيذ جدا خصوصا ان الكهرباء بقت بتقطع كتير

بس انا جبته ارخص من كده نفس الشكل بس مش اوتوماتك

هتلاقيه فى راديو طلعت 2000 فى العتبه و فى باب اللوق و شارع نجيب و الجمهورية
انا جايب من راديو طلعت 2000 و من عبد الشافى فى العتبة

السعر من 950 ل 1000 على حسب الفصال ده بالنسبة للانفرتر ال 1500 وات بشاحن

اولا الف شكر يا جزار على الرد
ثانيا فهمني ايه حكايته من البداية للنهاية معلش اخوك جاهل تماما بالحاجات دي
يعني قولي بيعمل ايه بيشتغل ازاي بيستمر وقت تشغيل اد ايه بيشحن ازاي الانفرتر للى عندك بيشغل ادوات ايه ولمدة كام ساعة
معلش اشرح كل حاجة من اول ما خرجت من البيت تشتريه لغاية ما بتشغله والنور قاطع دلوقت

[AlGazar2]

معلش على التأخير الكبير اوى ده فى الرد

مبدأيا

بيشتغل عن طريق بطارية 12 فولت سواء بطارية عربية عادية جافة او سائلة او بطارية ديب سايكل مخصصة للاستخدام ده
وظيفته انه بيحول الكهرباء ال 12 فولت لكهرباء 220 فولت
على البطارية ال 70 باحمال متوسطة تلفزيونين كام لمبه كمبيوتر لاب ريسيفر بيشتغل حوالى ساعتين ساعتين و ربع و ده اقصى وقت الكهرباء قطعت عندى فيه لغايه دلوقتى

بيتشحن عن طريق تونجر او بتجيب جهاز فيه شاحن ( انا جايب الجهاز الى فيه شاحن عشان ميبقاش فى اجهزة كتيره ) و بياخد شحن على حسب قوة التونجر بس فى الغالب البطارية بتتشحن بالكامل فى حوالى 4 ساعات لان عندى الشاحن 15 امبير

انا بوصله عن طريق انى بفصل الكهرباء عن اللوحة الرئيسية المفتاح الرئيسى و الارضى و بنزل المفاتيح بتاعه الاحمال العالية زى التلاجة و الغسالة و السخان و المكيفات و غيرها ( عندى انا فاصلهم على مفتاح لوحدهم عشان منزلش مفاتيحهم كل شويه ) و بوصل الجهاز باى فيشة و اشغله و ابدأ اشغل الاحمال بالتدريج على الجهاز لغاية ما اشغل كل الى انا عايزة - اكتر حاجة بتأثر عليه و مبتخليش الجهاز يشتغل بسرعة شاحن اللاب و اللمبات الموفرة بس بشغلهم حاجة حاجة و بيشتغلوا عادى بعد كده من غير اى مشاكل خالص

طبعا من اكبر عيوب الجهاز ان لو انا نايم و النور قطع يبقى لازم يصحونى اشغله او يصحونى فى محاولة تشغليه
غير كده بيهون شويه من موضوع قطع النور ده

و بعتذر مره تانية عن التأخر فى الرد

و فى جروب على الفيس بوك اسمه الحرفيين الهواة ممكن تعمل join ليه لو حابب تسأل اكتر

[marsguy]

فيه اعلان على الفيس عن مولدات كهربا بتشتغل بالبطارية
وبصراحة انا كنت ادبي وتخصص شغلي ادبي وكل اللى فاكره من العلوم هو h2so4
ايه راي الباشمهندزين في المولدات دي ؟
https://www.facebook.com/silentgeneratoregypt

السلام عليكم ورحمة الله وبركاته،،،

الموضوع ده هاتلاقي معلومات كتير أوي عن اللي إنت عاوزه

بس حاول تقرأه للآخر

http://www.nilemotors.net/Nile/409408-power-inverter.html

شكراً

[marsguy]

السلام عليكم ورحمة الله وبركاته،،،

الموضوع ده هاتلاقي معلومات كتير أوي عن اللي إنت عاوزه

بس حاول تقرأه للآخر

http://www.nilemotors.net/Nile/409408-power-inverter.html

شكراً

والموضوع ده كمان:

http://www.nilemotors.net/Nile/415518-power-inverter.html

[drcobra]

الخلاصة
الانفرتير ا فضل من المولد فى حاجات كتير
بس عيبة هو 1- السعر المقابل للمولد الكهربى اعلى شوية
ثانيا- عمر البطارية اللى هتجيبها بيعتمد على استخدامك يعنى لو البطارية بتفضى للاخر عمرها هيقل كتير
ثالثا- لو الكهربا بتقطع كتير مش هتلحق تشحن الجهاز او لو الكهربا بتقطع اكتر من 3 ساعات الجهاز مش هيسعفك

[mk3]

الخلاصة
الانفرتير ا فضل من المولد فى حاجات كتير
بس عيبة هو 1- السعر المقابل للمولد الكهربى اعلى شوية
ثانيا- عمر البطارية اللى هتجيبها بيعتمد على استخدامك يعنى لو البطارية بتفضى للاخر عمرها هيقل كتير
ثالثا- لو الكهربا بتقطع كتير مش هتلحق تشحن الجهاز او لو الكهربا بتقطع اكتر من 3 ساعات الجهاز مش هيسعفك

يا زميل الانفرتر مفيش حاجه اسمها مش هتلحق تشحن ومش هيسعفك ..لكل مقام مقال لان التونجر اللى جوه الجهاز فى منه من اول 10 امبير و 20 امبير فى الساعه وانت طالع...يعنى متجيش انت كهرباتك بتقطع كتير وتجيب ابو شاحن عادى وترجع تشتكى