لو عندك رووف فوق شقتك تقدر تستغله فى مشروع

[samoreception]

يا جماعة لو حد يقدر يساعدنى ويقولى على مشروع ممكن انفذه على رووف فوق شقتى يبقى جزاه الله خير
والرووف بمساحة 140 متر صافى

[مصطفى-حسن]

حاجات كتير ممكن تعملها بس دة بيرجع لاكتر من حاجة
1 - انت عايش فين
2 - انت بتفهم فى اية
3 - الرووف فى الدور رقم كام
4 - متفرغ ولا شغال
5 - راس المال المتاح معاك اد اية

[eng wael]

شويه كتاكيت وبط وحمام :-)

[samoreception]

حاجات كتير ممكن تعملها بس دة بيرجع لاكتر من حاجة
1 - انت عايش فين
2 - انت بتفهم فى اية
3 - الرووف فى الدور رقم كام
4 - متفرغ ولا شغال
5 - راس المال المتاح معاك اد اية

اولا شكرا لرد حضرتك على موضوعى
ثانيا هجاوب حضرتك بالظبط
1- عايش فى حدائق الاهرام
2-مليش خبرة فى اى حاجة غير فى ادارة الفنادق وكنت شغال فى دبى مش فى مصر وكان ليا هوايات تربية الحيوانات والطيور بس ما اظنش انها ممكن تحققلى مكسب كويس
3-الرووف يعتبر الدور السادس وشقتى اللى تحته فى الدور الخامس
4-حاليا متفرغ تماما
5-راس المال عربية ممكن ابيعها وازاود عليها وساعتها هيبقى معايا فى حدود 80 الف

[samoreception]

شويه كتاكيت وبط وحمام :-)

شكرا لرد حضرتك على الموضوع
بس تفتكر انه ده ممكن يبقى مشروع اقدر اعيش من دخله

[eng wael]

شكرا لرد حضرتك على الموضوع
بس تفتكر انه ده ممكن يبقى مشروع اقدر اعيش من دخله

اكيد لا طبعا الا لو عملته على مساحه كبيرة وده ممنوع طبعا واكيد الناس هتبلغ عنك
انا كنت متخيل حضرتك عايز تستغل المساحه مش اكتر
انما موضوع مشروع ليحقق مكسب تتعايش منه فده محتاج بحث وتفكير وتوجيه لامكانياتك
انتظر ردود اصحاب الخبرة
موفق ان شاء الله

[wshoman]

اكيد لا طبعا الا لو عملته على مساحه كبيرة وده ممنوع طبعا واكيد الناس هتبلغ عنك
انا كنت متخيل حضرتك عايز تستغل المساحه مش اكتر
انما موضوع مشروع ليحقق مكسب تتعايش منه فده محتاج بحث وتفكير وتوجيه لامكانياتك
انتظر ردود اصحاب الخبرة
موفق ان شاء الله

بالامانة احلي مشروع تقدر تعمله - هو عربية فول مودرن شوية مش بلدي - غطيها بالزجاج زي عربات تركيا واقف في حتة كويسة واهم حاجة النظافه - اعتقد لو متوسط الناس اي حتاكل عندك ١٠٠ واحد يوميا يبقي ٤٠٠ جنية يوميا وصافي ربحك حيبقي متين جنية يوميا - بس مش عايزة كسوف وتقول انا خريج جامعه - انت لو سافرت برة ممكن تغسل صحون ليه ماتبقاش صاحب مشروع جوه بلدك وحاول تبتكر وتطور وده الجديد - لانك متعلم وبتفهم احسن من الي واخدين بشله وواقفين علي عربية فول
وابقي اعزمني علي العربية لما تفتحها - ،،،،،،،

Facebook.com/wshoman
وائل شومان ١١١١١١٧٠٧٧

[samoreception]

شكرا يا جماعة للرد والمساعدة ويارب اوصل لمشروع كويس

[eng wael]

بالامانة احلي مشروع تقدر تعمله - هو عربية فول مودرن شوية مش بلدي - غطيها بالزجاج زي عربات تركيا واقف في حتة كويسة واهم حاجة النظافه - اعتقد لو متوسط الناس اي حتاكل عندك ١٠٠ واحد يوميا يبقي ٤٠٠ جنية يوميا وصافي ربحك حيبقي متين جنية يوميا - بس مش عايزة كسوف وتقول انا خريج جامعه - انت لو سافرت برة ممكن تغسل صحون ليه ماتبقاش صاحب مشروع جوه بلدك وحاول تبتكر وتطور وده الجديد - لانك متعلم وبتفهم احسن من الي واخدين بشله وواقفين علي عربية فول
وابقي اعزمني علي العربية لما تفتحها - ،،،،،،،

facebook.com/wshoman
وائل شومان ١١١١١١٧٠٧٧

رغم انى مش صاحب السؤال بس دائما وابدا بقول انه احسن مشروع ومكسبه ممتاز ومستخبى يعنى محدش هيبصلك فيه رغم ان ذى ما حضرتك بتقول ممكن يدخل اكتر من 400 جنيه يوميا
وربنا يوسع علينا جميعا
تحياتى

[komanda_vip]

مزرعة جمبرى مكسب ممتازززززززززز
واظن انته عارف اسعار الجمبرى
اسمع عن ناس عملتها وماشيه معاهم كويس
وانا نفسى اعملها بس مش عارف ازاى

[minicooper20]

انا بس عايز احزرك من حاجه انتا و شقتك و الروف بتاعك اصلن مخلفين لان الحدايق ٤ ادوار
انا على فكره شارى فى الخامس بس بالارضى
و صديق ليا عمل تجربتك و عمل الروف مشروع
و خلى الحى و الكهربا و الميه و كل الجهات الحكوميه خدت بالها من العماره دى اولا
تانى حاجه حلبوه فلوس انتا عارف بقى الشاى
و فى الاخر قفلها و باع شقه و رجع سعوديه
احزر لان هما بيسكتو على مخلفات المبانى لاكن يشوف مشروع تلقيه فى ثانيه عندك عايز الاتاوه
وولاد الحلال كتير

[mostafa magdy]

لو المكان كويس .. ممكن يبقي Cafe كويس أوي .. و في كافيه في المهندسين نفس الحكايه و شغال زي الفل ما شاء الله .. و ربنا يوسع عليك ..

[samoreception]

انا بس عايز احزرك من حاجه انتا و شقتك و الروف بتاعك اصلن مخلفين لان الحدايق ٤ ادوار
انا على فكره شارى فى الخامس بس بالارضى
و صديق ليا عمل تجربتك و عمل الروف مشروع
و خلى الحى و الكهربا و الميه و كل الجهات الحكوميه خدت بالها من العماره دى اولا
تانى حاجه حلبوه فلوس انتا عارف بقى الشاى
و فى الاخر قفلها و باع شقه و رجع سعوديه
احزر لان هما بيسكتو على مخلفات المبانى لاكن يشوف مشروع تلقيه فى ثانيه عندك عايز الاتاوه
وولاد الحلال كتير

شكرا ليك وفعلا كلامك صح انا اقصد مشروع على الهادى كده انا لوحدى اشتغل فيه يعنى بطاريات ارانب او حاجة كده

[samoreception]

لو المكان كويس .. ممكن يبقي cafe كويس أوي .. و في كافيه في المهندسين نفس الحكايه و شغال زي الفل ما شاء الله .. و ربنا يوسع عليك ..

للاسف عندى مينفعش اعمل كافية لانه مخالف وكمان هعمل ازعاج للسكان وفى الاول والاخر دول جيرانى وانا مش عاوز مشاكل

[qkash.com]

متابع باهتمام

متابع باهتمام وجزيل الشكر لكل من يشاركنا بافكار قد تفيد وتكون سبباً في خير ورزق لبعض مننا