هو دا الطبيعي ولا نصب

[midoabdeen]

السلام عليكم ورحمة الله وبركاته

هو المفروض اللى بيبنى بيشيل قد ايه من مساحه الشقه فى المرافق

ياعنى انا اشتريت شقه فى حدائق الاهرام

125 م المفروض اللى عرفته ان بيتشال 20% من مساحه الشقه ياعنى 100م صافي

اقيس الشقه النهارده الاقيها 95 م صافى بما فيهم المنور هو حوالى متر * متر مش كبير

هل دا كده الطبيعي ولا ناس نصابين

لان 30 ممتر فرق ياعنى حوالى 33000 جنيه

[مصطفى-حسن]

فكرتنى مرة جيت اشترى شقة وبعد ما تفرجت عليها بقول للراجل دى كام متر
قالى 110 متر
قلتلة دى مفصلة اوضتين معقولين وصالة معقولة ومطبخ وحمام بس
قالى ياباشا بقولك 110 متر العقد مكتوب فية كدة
قلتلة هو انا هسكن جوة العقد
......!!!!!!!!؟؟؟؟؟؟؟؟؟؟

[eng wael]

تقريبا بتكون حوالى 20 فى الميه بس المفروض ان حضرتك بتشوف الشقه وتعاينها كويس قبل الشراء ولو حتى النسبه اكتر فبرضه دى حاجه ترجع لحضرتك فأكيد لو اشتريتها فانت مقتنع بيها
انما ماينفعش بعد الشراء تتشكك فى الموضوع ده وتضايق نفسك
قدر الله وماشاء فعل

[rompo10]

العمارات الجديده 25 في المائه الي 30 انا واخد في حدايق الاهرام 140 صافي 105 ولو دخلت علي شركات التسويق في أي مكان هاتلاقي مساحات الشقه بالتفصيل علي ورق ضربها في بعضها هاتطلع المساحه الصافيه وهي اقل من العقد ب 25 تقريبا حتي في التجمع الخامس كده

[midoabdeen]

تقريبا بتكون حوالى 20 فى الميه بس المفروض ان حضرتك بتشوف الشقه وتعاينها كويس قبل الشراء ولو حتى النسبه اكتر فبرضه دى حاجه ترجع لحضرتك فأكيد لو اشتريتها فانت مقتنع بيها
انما ماينفعش بعد الشراء تتشكك فى الموضوع ده وتضايق نفسك
قدر الله وماشاء فعل

يا باشا انا مش متضايق ولا حاجه
انا بس زعلان على الحال اللى وصلنا ليه
شويه سفاحين بيتاجروا فى عرق الناس

ياعنى شوف الناس دى كانت واخدا الارض بكام وصرف كام فى البنا وفى الاخر بيبيع بكام ليك انت

وكمان بيشيلك حاجه برا شقتك المفروض انك مش مستفاد منها وهو اصلا كسبان كتييييير جدا حتى لو باعلك بالصافي
الحكومه لو وفرت سكن للناس مش هيبقى فى الزباله اللى اسمهم تجار دول لان سوقهم هيوقف ويتقوا ربنا ويكسبوا بالمعقول

ربنا يرحمنا

[أبو آسر]

خلي بالك من نقطة مهمة هي إنك مينفعش تحسب المساحة الصافية من خلال صافي مساحات الغرف من جوة بس لأنك كده بتطلع الحيطان والأعمدة ودي ممكن تاخد مساحة متقلش عن 5-10 متر حسب تقسيمة الشقة عندك وطبعا دول من ضمن مساحة الشقة مينفعش تطلعهم من مساحتها !
يعني لو افترضنا عندك رسبشن مساحته 7 × 7 م وفيه 3 حيطان مثلا ، لو قلنا عرض الطوبة 10 سم اضربهم في 7 متر = 70 سم × 3 حوائط = 2.1 متر ، ده الرسبشن بس فما بالك بباقي الشقة ؟!

[midoabdeen]

اه مانا فاهم دا
انا حسبت الشقه مربع وقيست طول فى عرض

[محمد بدر]

متابع

[minicooper20]

الحدايق ٢٥٪'و دى مش نصب و لا حاجه دى بالبلدى كده خدمات
يعنى السلم خدمات
المنور خدمات المدخل خدمات
منور الاسناسير خدمات البروز و المشحات المهره خدمات
و الزبون بيدفع
متتعبش نفسك و تفضل تقيس
ده غير انو هياخد منك ١٠ الف اسانسير و عداد ده لو مكنش خدهم

[midoabdeen]

لا العداد بس 3000 ج
لانى فى اول دور
مش هدفع فى الاسانسير هو عايز يدفعنى فيه بس انا مش شايف ليه لازمه اصلا فى اول دور