لو انت معاك المبلغ دة هتعمل بيه ايه ؟

[afrikano]

السلام عليكم

انا فتحت الموضوع دة لانى محتار جدا بصراحة
انا معايا مبلغ جمعته وهو " 120 الف جنيه " فكرت اشترى سيراتو 2014 بالتقسيط
اولا لانى نفسى فيها بصراحة
وثانيا قولت اشغلها فى شركة " وانا اللى هشتغل عليها "

وبعدين قولت اشوف مشروع اعمله بيهم .. مش لاقى فكرة مشروع حلوه
واغلب المشاريع اللى جت فى دماغى مشكلتها المكان .. لازم مكان كويس يعنى هتدفع مبلغ وقدرة

فحبيت اعرض عليكم الموضوع واشوف راى حضراتكم


واللى يعرف شركة طالبة سيارة كيا سيراتو 2014 بعقد سنوى بالسائق ... ياريت يبلغنى

[bassemali]

مانصحكش بموضوع إنك تجيب العربيه وتأجرها .. فكرت ف الموضوع ده ولقيت الموضوع مليان نصب وبهدله للعربيه ولو حسبتها ف الأخر على سبيل المثال :
السيراتوا بيأجرها منك وإنت اللي بتسوقها ب 5000 جنيه ف الشهر والبنزين والابطاريه والكاوتش والصيانه والتأمين كله عليك ...يعني طلع منهم حوالي 1500 جنيه صيانه وبنزين .. أيوه 1500 جنيه لإنك بترقع كل يوم مشاوير مش أقل من 150 كيلو .. يعني بالكتير هتعمل صيانه وتغير زيت ال 10 الاف كل شهرين .. ده غير البنزين .. يبقى الصافي 3500 جنيه ف السنه بحوالي 42000 جنيه .. طلع منهم كمان حوالي 8000 جنيه تأمين وتراخيص ... ده غير الكاوتش والبطاريه اللي أنا هافترض برضه إنهم هيستحملوا معاك الهري ده كله 3 سنين .. صافي 34000 .. ف 3 سنين مدة العقد ... يعملوا 102000 لما تيجي بقى تبيع العربيه وهيا عامله أكتر من 200 الف كيلو ف ال3 سنين دول لو إفترضنا إنك جايب الهاي لاين أم 190000 مش هتجيب أكتر من 120 الف وإنت كل مكسبك ف ال3 سنين 102 الف يبقى إجمالي اللي معاك دلوقت :
120 تمن العربيه +102 مكسبك ف ال3 سنين = 222000 .. والعربيه كانت 190000 يبقى مكسبك ف 3 سنين = 32000 ... يعني السنه بأقل من 12000 .. يعني الشهر بألف جنيه ... لا شكرا ..أشتري عربيه على قدي وأنزل أشتغل ف أي حته بأكتر من الأف جنيه دي .. ولا المرمطه .. والمخاطره .. لاقدر الله تمشي بالعربيه تتثبت .. أو تعمل حادثه .. بلاش من الموضوع ده أحسن ... زي ماقولتلك أنا بقى كبرت دماغي وجبت إسبرانزا .. ودمتم .

[canner]

لو انا معايا ال 120 الف دول و مش معايا غيرهم اكيد مش ح اشترى بيهم عربية

[mustafavet]

اعمل بيهم حاجة تقدر تكبرك
مزارع سمكية او الجي - مصنع غزل

[drcobra]

البيع والشراء والتجارة هى الافضل

[afrikano]

مانصحكش بموضوع إنك تجيب العربيه وتأجرها .. فكرت ف الموضوع ده ولقيت الموضوع مليان نصب وبهدله للعربيه ولو حسبتها ف الأخر على سبيل المثال :
السيراتوا بيأجرها منك وإنت اللي بتسوقها ب 5000 جنيه ف الشهر والبنزين والابطاريه والكاوتش والصيانه والتأمين كله عليك ...يعني طلع منهم حوالي 1500 جنيه صيانه وبنزين .. أيوه 1500 جنيه لإنك بترقع كل يوم مشاوير مش أقل من 150 كيلو .. يعني بالكتير هتعمل صيانه وتغير زيت ال 10 الاف كل شهرين .. ده غير البنزين .. يبقى الصافي 3500 جنيه ف السنه بحوالي 42000 جنيه .. طلع منهم كمان حوالي 8000 جنيه تأمين وتراخيص ... ده غير الكاوتش والبطاريه اللي أنا هافترض برضه إنهم هيستحملوا معاك الهري ده كله 3 سنين .. صافي 34000 .. ف 3 سنين مدة العقد ... يعملوا 102000 لما تيجي بقى تبيع العربيه وهيا عامله أكتر من 200 الف كيلو ف ال3 سنين دول لو إفترضنا إنك جايب الهاي لاين أم 190000 مش هتجيب أكتر من 120 الف وإنت كل مكسبك ف ال3 سنين 102 الف يبقى إجمالي اللي معاك دلوقت :
120 تمن العربيه +102 مكسبك ف ال3 سنين = 222000 .. والعربيه كانت 190000 يبقى مكسبك ف 3 سنين = 32000 ... يعني السنه بأقل من 12000 .. يعني الشهر بألف جنيه ... لا شكرا ..أشتري عربيه على قدي وأنزل أشتغل ف أي حته بأكتر من الأف جنيه دي .. ولا المرمطه .. والمخاطره .. لاقدر الله تمشي بالعربيه تتثبت .. أو تعمل حادثه .. بلاش من الموضوع ده أحسن ... زي ماقولتلك أنا بقى كبرت دماغي وجبت إسبرانزا .. ودمتم .

لا انا ان شاء الله ناوى اشوف شركة انا اللى اشتغل علي العربية
و90% من الشركات بتبقى الصيانه عليهم والبنزين وخلافة ..
وان شاء الله انا اللى السواق يعنى هحافظ على العربية اكيد افضل ما اعطيهم العربية
دة غير انى هأمن عليها تأمين شامل ضد السرقة والحوادث لاقدر الله

لو انا معايا ال 120 الف دول و مش معايا غيرهم اكيد مش ح اشترى بيهم عربية

ماهو كله بيقولى كدة
بس انا نفسى فى السيراتو بصراحة

اعمل بيهم حاجة تقدر تكبرك
مزارع سمكية او الجي - مصنع غزل

المشكلة كل الحاجات دى عاوزه خبره ومكان
والاتنين مش موجودين عندى

البيع والشراء والتجارة هى الافضل

اكيد التجارة مكسبها حلو
بس مشاكل التجارة بتتلخص مكان المحل
واى محل فى مكان كويس هتلاقى ايجارة عالى اوى

[M R. Z E C O]

صديقي العضو

اكيد هتصرف واجيب موكروباصين رخاص واشغلهم

تقبل مروري zeco

[Bassem Youssef]

لو ناوي تسافر يبقي دي فرصتك قبل ما الفلوس تتفرتك

غير كده يبقي افضل استثمار هو الاستثمار في العقارات

اشتري شقه في كومبوند جديد في منطقه حلوه

و بيعها بعد 5 سنين مثلا

[S O P H O S]

لو معكش غيرهم
متجبش عربية فرأي

[J A G U A R]

هاحط 100,000 فى بنك وامشى حالى بال 20

[مصطفى-حسن]

فية معلومة لازم تبقى عارفها
والكلام دة عن تجربة ودفتر وحساب وورقة قلم وشخص ( اللى هوة انا ) بيعمل 60% من صيانة عربيتة بايدة

المعلومة دى ان العربية المحترمة بنت الناس بتصرف فى كل كيلو متر بتمشية 35 قرش تقريبا

ال 35 قرش دول شاملين كلة حاجة بمعنى الكلمة

من اول ال 2 ج او 5ج اللى بتديهم للعيال الرخمة بتاعة الباركن لحد ال2 او 5ج برضو اللى بتدفعهم فى الورش للصبيان الصغيرة ما عدا الحوادث الكبيرة لاقدر الله

احسب حسبتك كويس