(( فــخــور لانـى مــصـرى ))..

[Terrible_DaRsH]

فرحانين بحضارة 7000 سنة
احنا عمالين نفتكر وهما بيورونا

شوف انا قلت ايه ...! وانت بتقول ايه !!!

افتخر بأنى سليل اول حضارة فى التاريخ

اولا بس يا اخ سبعاوى ..معلش .
انت شخصيا عملت ايه فى الحضارة دى !!
ثانيا لو كان جزء من الحضارة دى كان فى عصر فرعون ( الكافر ) يبقي لك الحق انك تفتخر ..
وكمان فى مقطوعه شهيرة لواحد كده ... لو تفتكر ( الحضارة شويه حجارة)
ثالثا وده الاهم ...
اليابانيين لو كانوا كلهم زيك وقعدوا يفتكروا تاريخهم ما كانوا تحركوا ولو خطوة للامام ..
اين تاريخ اليابانيين يا اخ سبعاوى !!!! واين هم الان !!!!

ربما اننا نمر بظروف صعبة، لكنها كالمرض العارض ، يمر وينتهى ويبقى البناْء الشامخ،

الجمله دى بتفكرنى بالتلميذ اللى كل يوم يقول هعمل الواجب بكره .
يـــا رب ســــــتـــــرك وعــــفـــــوك ورضـــــاك ...

[medo55]

تريبل ههههههه بالراحه عالناس شويه :)

فعلا انا مش عاجبني حال البلد لا حكومه ولا شعب

حكومه مستقطعه الشعب .. وشعب نايم كل همه انه يقعد في بيته وسط عياله يربيهم والمشكله اصلا ان العيال بتطلع مش متربيه اصلا

فاكر 6 ابريل غير كتير جدا لكن بسرعه الشعب هدي ب 30% علاوه :)

تعرف انت قصة العابد الي كان كل يوم يطلع عايز يروح يقطع شجره ويقابله الشيطان وكل مره يقوله هسيبلك فلوس تحت المخده كل يوم وتنسى موضوع الشجره دا

اهو نفس النظام عمله النظام مع الشعب سابله 30% في مقابل انه يسكت بعد 6 ابريل


المشكله فينا احنا احنا من ايام فرعون واحنا معروفين اننا ساكتين للحاكم بتاعنا

قريت الايه دي ؟

{فَاسْتَخَفَّ قَوْمَهُ فَأَطَاعُوهُ إِنَّهُمْ كَانُوا قَوْمًا فَاسِقِينَ} (54) سورة الزخرف

انهم كانو قوما فاسقين ... دا الشعب لما بعد عن الله وبئى قوم فاسق قدر فرعون انه يسيطر عليهم وانه يعيشهم في فقر وذل وانه المتحكم الوحيد في مرتباتهم ويدفعهم ضرايب اد كدا ويدفعهم فواتير كهرباوغاز وتليفون وميه باضعاف ما بيبيعها لاسرائيل !!!

المشكله فينا بنتهاون في كل حاجه حتى كرامتنا علشان لقمة العيش .. والكلمه الشهيره عند المصريين .. انا طالب الستر بس

[Mosso]

الي ملوش خير في بلده معندوش خير اصلا,
انا لسه عند رأيي مينفعش اقول مش فخور اني مصري
و لسه عند رأيي برضه الي كاره البلد يسيبها

[Terrible_DaRsH]

تريبل ههههههه بالراحه عالناس شويه :)

هههههههههه من عينى حاضر ..

فعلا انا مش عاجبني حال البلد لا حكومه ولا شعب

ده الرد السليم ..

والمشكله اصلا ان العيال بتطلع مش متربيه اصلا

ده جزء من الامثال اللى قولتها ..

فاكر 6 ابريل غير كتير جدا لكن بسرعه الشعب هدي ب 30% علاوه :)

قصدك 30% حلاوة

{فَاسْتَخَفَّ قَوْمَهُ فَأَطَاعُوهُ إِنَّهُمْ كَانُوا قَوْمًا فَاسِقِينَ} (54) سورة الزخرف

الله يــنــور عـلـيك
بس ربنا انتقم من فرعون وقومه...و فرعون كان سبب الكفر اللى فى البلد.
يا ترى مين السبب فى الفساد اللى موجود علشان ندعى عليه زى فرعون.

[Abo_Lina]

انا مش فخور و لكن مش مستعر..
حاليا لا يوجد ما يشجع على الفخر اللهم الا حصولنا على كأس الامم 2006 و 2008 على التوازي ..
و طبعا حصول الفنانة المصرية المغتربة في امريكا من 80 سنة سامية حمادة على جائزة نوبل للسينما عن فيلمها (سوسو حمادة) و سمعني سلام ظغرطي ياام صلاح

[medo55]

أكيد فرعون برضو هو السبب برضو :) ماهو كل ما حد يفكر انه يتكلم بيروح يسقي الزرع في المزرعه :s

mosso على فكره انا بحب البلد جدا جدا بس بكره الحكومه جدا ومتضايق من الشعب لانه نايم على نفسه اوي .. فين الشعب فين الهمه زي ما قال تريبيل اليابان كانت ايه ؟ اتدمرت بقنبله ذريه ودلوقتي ايه ؟

شوف باكستان من شهر واحد بس مش من بعيد عملت ايه ؟ عزلت النظام !! واحنا بئالنا 27 سنه مش عارفين نعمل حاجه :)

الشعب المصري عمل ايه ؟ انا مش بقول ان انا حلو بس انا بحاول اكون حلو لكن 69 مليون مواطن على الاقل راضيين بالي هم فيه مفيش حد عايز يعمل حاجه لنفسه اكتر من الي هو فيه

انا بحب مصر وبحب بلدي والحمد لله عايش فيها . في ناس غيرنا مش لاقيين بلد ليهم !!

بس مش راضي عن البلد وحالها الي بئيت بتكسف اني اقول مصري في وسط الاجانب :S

خلاص اتشهرنا باننا اذل شعب وافقر شعب .. دا غير طبعا اننا نصابين على مستوى عالمي :s يعني من خلال كام تعامل ليا مع شركات عالمين ابلغوني بكامل اسفهم انهم مش هيقدرو يوفرو لي خدماتهم لاني من مصر

في الحاله دي الحسنه بتخص والسيئه بتعم مفيش حد يقولي علشان 1000 واحد نصب يبئى الشعب كله نصاب .. هقولك بس هو مش اتعامل مع ال 80 مليون هو اتعامل مع 1000 وطلعو كلهم نصابين

[Mosso]

و مين قال؟
انا كمان مش راضي عن الحكومه
ولا راضي عن الشعب كمان
والشعب و الحكومه بنتبادل الدور الرئيسي في الي احنا عايشين فيه
بس ده عمره مينفع مبرر اننا نقول ( انا مش فخور اني مصري )
في فيلم مافيا حسين فهمي قال جمله غريبه قوي و اثرت في كل الي سمعها
انا عارف انها جمله في فيلم بس صحيحه 100% و هي ان محدش بيحب امه عشان هي اجمل واحده في الدنيا

انا مش معترض على الفكره الي هي نغير من نفسنا و نغير الحكومه و نكون دوله نفتخر و نتباهى بيها

بس برضه متوصلش لدرجه اني مش فخور اني مصري

معترض على الاسلوب مش اكتر

[Ahmed Selim]

مش عارف أقول أيه بس لقيت اللى ممكن يعبر عن اللى جوايا فى أغنية....أسمحولى

" وليه تسكتى ....ايييه زمن.....أتكلمى
ليه تدفعى وحدك التمن....اتكلمى
وتنامى ليه تحت الليالى .....اتكلمى
المشربية عيونك بتحكى عللى خانوكي
واللى سنين هملوكى
جوة الجبال سلسلوكى
وليه تسكتى ....ايييه زمن.....أتكلمى
ليه تدفعى وحدك التمن....اتكلمى
وتنامى ليه تحت الليالى .....اتكلمى
المشربية عيونك بتحكى على خلق ولت
سهرت وصلت وعلت
فى الصخر شقت ما كلت
أنا أبن كل اللى صانك
رمسيس وأحمس ومينا
كل اللى زرعوا فى وادينا
حكمة تضلل علينا "

[sab3aawy]

اولا بس يا اخ سبعاوى ..معلش .
انت شخصيا عملت ايه فى الحضارة دى !!

الجمله دى بتفكرنى بالتلميذ اللى كل يوم يقول هعمل الواجب بكره .
يـــا رب ســــــتـــــرك وعــــفـــــوك ورضـــــاك ...

طب بس متزقش

هو فيه ايه يا عم، انت داخل تقول حاجة ومش عايز تسمع غير الأراء الموافقة لرأيك، انا راجعت كل رودك على الناس وحسيت انك داخل تسال الناس "انت فخور انك مصرى وللا مش فخور" وعايز كل الناس ترد تقول" لا مش فخورين علشان مصر دى اساسا بلد بنت جزمة" وعمال تصحح الردود على السؤال بتاعك زى المدرس ما بيصحح كراريس الاجابة، اللى يقول مش فخور تقول له "كدة صح" واللى يقول فخور تشغل عليه السلخ ، هو الموضوع مناقشة حرة كل واحد حر يقول رأيه فيها وللا امتحان تربية قومية والأجابة لازم تكون من المقرر

ياسيدى انا عملت اللى اقدر عليه فى الحضارة دى، فإلى جانب انى اتعلمت كويس وبحاول اكون ناجح فى حياتى وعضو مفيد فى المجتمع بشكل لا يقل عما يفعله اى مواطن امريكى او يابانى او اوروبى، فانا ايضا ولله الحمد قريت كل وصل ليدى عما كتب عن كل هذة الحضارات الللى مرت بيها بلدنا وبحاول انقله للى بعدى، ويوم ما ربنا يكرمنى باطفال برضه هعلمهم كويس وربنا يقدرنى اخلى منهم مواطنين صالحين

وصدقنى احنا مش محتاجين اكتر من ان كل واحد يحاول يعمل اللى عليه، وبالتالى واجبى انا عملته النهاردة مش مستنى بكرة علشان اعمله، عقبال لما باقى التلامذة تعمل الواجب بدل ماهى عمالة تقول المدرسة زبالة زى ما طلبة المدارس اللى حوالينا بيحاولوا يقنعونا بالعافية وللأسف فيه ناس مصدقاهم

عموما لو كنت فهمت الامتحان بتاعك غلط واعتقدت انه مناقشة حره فانا آسف لسوء الفهم ، ولو كنت اعرف من البداية انه امتحان تربية قومية مكنتش جاوبت فيه لانى بطلت اروح مدارس من 19 سنة

وبعدين معلش، سؤال ساذج كدة من واحد فهمه على قده: هو ايه لزوم انك تختم ردك عليا ب"يا رب سترك وعفوك ورضاك" ، كلنا بندعى ربنا فى كل وقت بالستر والعفو والرضا فى كل لحظة لكن لما تحطها فى ردك تحديدا فاكيد مهياش محطوطة اعتباطا ، مهو انا ادعى بالستر لما اكون خايف من الفضيحة وادعى بالعفو لما اكون خايف من نقمة ربنا، وادعى بالرضا لما اكون خايف من غضب ربنا، وانا بصراحة مش شايف ان اعتزازى ببلدى ، حتى لو كان مش مناسب لذوقك فيه اى مجلبة للفضيحة ولا غضب الله ولا نقمته

والنبى يا عم بالراحة علينا شوية

[سمير يونس]

في فيلم مافيا حسين فهمي قال جمله غريبه قوي و اثرت في كل الي سمعها
انا عارف انها جمله في فيلم بس صحيحه 100% و هي ان محدش بيحب امه عشان هي اجمل واحده في الدنيا

لا يا سيدي العزيز .....
دعني أختلف معك هذه المرة
اكيد كل واحد فينا بيحب أمه مش عشان هي أجمل واحدة في الدنيا
بس ممكن يكره أمه و يستعر منها و من نسبه ليها لو كانت هذه الأم ساقطة
و ممكن سعادتك تنزل من برجك العاجي لأرض الواقع مدة خمس دقائق فقط عشان تعرف مدى السقوط اللذي وصلت اليه مصرنا الحبيبة في جميع المجالات
و على فكرة أنا مبحبش كلمة اللي مش عاجبه يمشي و يشوف له بلد تانية

أولاً لأن هذه المقولة تكريس للأمر الواقع بما فيه من فساد و تخلف و سقوط سياسي و إقتصادي و أخلاقي .... ألخ

ثانياً لأنها للأسف بلدنا كلنا و مش ملك خاص لأحد فينا عشان يطرد الآخرين منها

تقبل تحياتي

[Terrible_DaRsH]

والنبى يا عم بالراحة علينا شوية

خد البوسه دى يا عم لو زعلان :D

هو فيه ايه يا عم، انت داخل تقول حاجة ومش عايز تسمع غير الأراء الموافقة لرأيك،
وعايز كل الناس ترد تقول" لا مش فخورين علشان مصر دى اساسا بلد بنت جزمة"

انا ماقلتش كده ..
******************************

و انا بقول انى حاليا مش فخور بذلك ...
****************************

ياسيدى انا عملت اللى اقدر عليه فى الحضارة دى،

احنا ولاد النهارده ....
وكمان ماجوبتش عليا فى سؤالى عن اليابانيين ...

وبعدين معلش، سؤال ساذج كدة من واحد فهمه على قده: هو ايه لزوم انك تختم ردك عليا ب"يا رب سترك وعفوك ورضاك"

هو الدعاء الى الله ليه وقت ولا ايه !!!!

على فكره انا بحب البلد جدا جدا بس بكره الحكومه جدا ومتضايق من الشعب لانه نايم على نفسه اوي .. ؟

خلاص اتشهرنا باننا اذل شعب وافقر شعب .. دا غير طبعا اننا نصابين على مستوى عالمي :s يعني من خلال كام تعامل ليا مع شركات عالمين ابلغوني بكامل اسفهم انهم مش هيقدرو يوفرو لي خدماتهم لاني من مصر

لا تعليق ..!!!

تنبيه أخير للعضو بعدم الشخصنة حتى لا يتعرض لعقوبات المنتدى-الادارة

القاعدة رقم 13 من قواعد وقوانين المنتدى

13- ممنوع تماما التهجم أو التهكم أو شخصنة الحوار بين الأعضاء فى المنتدى سواء بالإهانة او السخرية او ايه اساليب مشابهة.
ستعامــل هــذه المشاركـــات بالحــذف
• فى حالـة مخالفـة هـذه القاعـدة أول مـرة سيتـم إنـذار أول العضـو مع إيقافـه أسبـوع .
• فى حالـة مخالفـة هـذه القاعـدة ثانى مرة سيتـم إنذار ثانى العضـو مع إيقافـه أسبوعيـن.
• فى حالـة مخالفـة هـذه القاعـدة ثالث مرة سيتـم إلغاء عضويتـه.
إن تدخل المشرف في هذا الحوار نهائي لا يصح بعده استكمال الفعل المستوجب للعقوبة مرة أخرى ، وأن إعادة تبادل الاتهامات في الموضوع ذاته يستوجب العقوبة الأشد فوراً .

رابط قواعد وقوانين المنتدى للمراحعة

http://nilemotors.net/Nile/announcement.php?f=60

الإدارة

[sab3aawy]

***********************************

**********************************

!!!

مش ملاحظ ان اسلوبك مستفز شوية ؟

انت يابنى داخل المنتدى مكملتش فيه شهر وطايح فى الناس كلها محدش عاجبك، لتانى مرة بقوللك بالراحة يا عم ، كل الناس اللى فى المنتدى هنا تعرف تتكلم زيك كدة بس مش ده اسلوبنا هنا ، بالراحة ، بالرااااااااااااااااااااااااحة

حاول تشوف الناس هنا بتتكلم ازاى وياريت تراجع قوانين المنتدى الخاصة بموضوع الشخصنة قبل ما تفتح مدافعك على الناس اللى انت لسة بتقول يا هادى معاهم

[Ahmed Samy]

يا جماعة انتو لسه بتتكلمو في مصر كويسة ولا لأ ؟؟

و أفتخر ولا لأ ؟؟؟


الميت اندفن يا شباب و ماتجوزش عليه الا الرحمة

مصر وحشة

و ما حدش يكابر و يفتخر بلا شئ

الباسبور المصري لا يساوي اكثر من ثمن ورقه و الجلده الخضراء اللي عليه

انا مش هاتكلم كتير أصلي اتناقشت في الفكرة دي مع طوب الأرض

و ما حدش قدر يثبت ان هناك ما يدعو للفخر

بس انا فرحان قوي بالشباب اللي لسه بيشتري سلعة "مصر هيا امي"

انا فخور بيكم

[tutankhamoun]

السلام على اهل السلام
السلام يا احفاد الفراعنة
السلام يا اتباع الرسول الكريم محمد و عيسى عليهما افضل الصلوات و التسليم

صاحب الموضوع الأخ تيربل ( فظيع و مريع ) :cute: بيتكلم صح
و كل اللي اتكلم في الموضوع بيتكلم صح

يعني ايه فخور بمصريتي ؟؟؟؟
احنا جايين الدنيا لمدة محددة و خارجين تاني
لا هاتنفعنا مصر و لا غيرها و مش هاينفعنا غير اعمالنا الصالحة
بس فيه حاجة اسمها الانتماء
يعني يكون عندي انتماء وولاء للمجتمع اللي انا عايش معاه حتى لو مش مجتمعي الاصلي

انا مثلا بحب مصر و في نفس الوقت مش طايق الشعب المصري
يعني من الاخر ..... احنا مش طايقين بعض ........ طيب ليه ؟؟؟
علشان اغلب الشعب المصري جاهل ثقافيا و بيحب الحداقة و الفهلوة و النصاحة و الكلام الفاضي بتاع
احنا اللي دهنا الهوا دوكو
و احنا اللي خرمنا التعريفة
و شوية كلام اهبل على شوية عبط و استهبال و الدنيا ماشية بلوظة

و كل يوم خناقات و حوادث على الطرق لسبب و من غير سبب علشان خاطر قلة النظام الناتج عن الفهلوة و الحداقة و النصاحة

علشان كدا تلاقي واحد مخنوق من البلد ...... بس البلد متبقاش بلد من غير ناس
يبقى الاصح ......... الواحد متغاظ من المصريين ......... بس في الاخر هما اهلنا و ناسنا

طيب و الله العظيم ثلاثة أنا من زمان و انا بحب اشتري حاجات مصري أو انتاج عربي او اسلامي اذا لم يتوفر المصري
و مازلت افعل ذلك ........ شئ داخلي يقول لي
لا تدفع مالك ليخرج خارج البلاد

و برضه و انا بسوق ........... بسوق ملتزم جدا و و الله العظيم تلاتة بأقف للناس تعدي و العربيات تدخل ادامي لما يكون واحد عايز يحود أو ما شابه
و مفيش حد بيقفلي خالص ......... و اقصد خالص
و الناس كلها مستعجلة
بس هانعمل ايه .... فقدوا اخلاقهم و صبرهم
ربنا يهدينا و يهديهم طبعا جميعا
في الاخر
مصر بلدنا اللي مش طايقين العيشة فيها دلوقتي
و برضه ما نقدرش نلغي انتمائنا ليها
لان هي ارض جدودنا من اول الفراعنة لحد اخر جد لينا

لذلك انا فخور اني مصر .......... بس مش طايق المصريين
انما ساعات بأتمنى اني اكون من بلد تاني بيحترم ادامية الناس ( ناس محترمة بتحترم بعض )

بس نصيبنا كدا

و تحيا مصر ........... و تحيا ج ع ع فوضاوية متخلفة الى الوقت الذي حدده الله لها لتكون كذلك
و يارب نعيش لما نشوفها دولة محترمة و ناسها محترمها

اخوكم المقهور
مواطن ج ع ع

[D . a .\ AYMAN]

السلام على اهل السلام
السلام يا احفاد الفراعنة
السلام يا اتباع الرسول الكريم محمد و عيسى عليهما افضل الصلوات و التسليم

صاحب الموضوع الأخ تيربل ( فظيع و مريع ) :cute: بيتكلم صح
و كل اللي اتكلم في الموضوع بيتكلم صح

يعني ايه فخور بمصريتي ؟؟؟؟
احنا جايين الدنيا لمدة محددة و خارجين تاني
لا هاتنفعنا مصر و لا غيرها و مش هاينفعنا غير اعمالنا الصالحة
بس فيه حاجة اسمها الانتماء
يعني يكون عندي انتماء وولاء للمجتمع اللي انا عايش معاه حتى لو مش مجتمعي الاصلي

انا مثلا بحب مصر و في نفس الوقت مش طايق الشعب المصري
يعني من الاخر ..... احنا مش طايقين بعض ........ طيب ليه ؟؟؟
علشان اغلب الشعب المصري جاهل ثقافيا و بيحب الحداقة و الفهلوة و النصاحة و الكلام الفاضي بتاع
احنا اللي دهنا الهوا دوكو
و احنا اللي خرمنا التعريفة
و شوية كلام اهبل على شوية عبط و استهبال و الدنيا ماشية بلوظة

و كل يوم خناقات و حوادث على الطرق لسبب و من غير سبب علشان خاطر قلة النظام الناتج عن الفهلوة و الحداقة و النصاحة

علشان كدا تلاقي واحد مخنوق من البلد ...... بس البلد متبقاش بلد من غير ناس
يبقى الاصح ......... الواحد متغاظ من المصريين ......... بس في الاخر هما اهلنا و ناسنا

طيب و الله العظيم ثلاثة أنا من زمان و انا بحب اشتري حاجات مصري أو انتاج عربي او اسلامي اذا لم يتوفر المصري
و مازلت افعل ذلك ........ شئ داخلي يقول لي
لا تدفع مالك ليخرج خارج البلاد

و برضه و انا بسوق ........... بسوق ملتزم جدا و و الله العظيم تلاتة بأقف للناس تعدي و العربيات تدخل ادامي لما يكون واحد عايز يحود أو ما شابه
و مفيش حد بيقفلي خالص ......... و اقصد خالص
و الناس كلها مستعجلة
بس هانعمل ايه .... فقدوا اخلاقهم و صبرهم
ربنا يهدينا و يهديهم طبعا جميعا
في الاخر
مصر بلدنا اللي مش طايقين العيشة فيها دلوقتي
و برضه ما نقدرش نلغي انتمائنا ليها
لان هي ارض جدودنا من اول الفراعنة لحد اخر جد لينا

لذلك انا فخور اني مصر .......... بس مش طايق المصريين
انما ساعات بأتمنى اني اكون من بلد تاني بيحترم ادامية الناس ( ناس محترمة بتحترم بعض )

بس نصيبنا كدا

و تحيا مصر ........... و تحيا ج ع ع فوضاوية متخلفة الى الوقت الذي حدده الله لها لتكون كذلك
و يارب نعيش لما نشوفها دولة محترمة و ناسها محترمها

اخوكم المقهور
مواطن ج ع ع

+100000000000000000000000000


انا متفق تماما مع كل حرف حضرتك قلته




عدا حاجة واحدة...

في ناس بيقفوا عشان يعدوني مش لحاجة غير لسعة صدرهم وتعقلهم وهدوئهم وصبرهم و ... و...

وفي ناس برضه بيقفوا لمراتي لما تكون هية اللي سايقة وواحد مرة لا أنساه وانا قاعد جنبها بعلمها لسة السواقة في البداية إفتكرنا مش عارفين نعدي الطريق دخل بعربيته في الطريق بالعرض فقط عشان يدينا فرصة نعدي ... عايز أقولك بس أبشر في أمل ... والله أنا كل يوم دلوقتي بقابل ناس كتير كويسة أكتر من الأول ... آه نسبة الفساد والجهل هية اللى طاغية بس برضه الكويسين بيزيدوا

انا مش فخور و لكن مش مستعر..
حاليا لا يوجد ما يشجع على الفخر اللهم الا حصولنا على كأس الامم 2006 و 2008 على التوازي ..
و طبعا حصول الفنانة المصرية المغتربة في امريكا من 80 سنة سامية حمادة على جائزة نوبل للسينما عن فيلمها (سوسو حمادة) و سمعني سلام ظغرطي ياام صلاح

+100000000000000000000000

لا تعليق