هل توجد علاقة بين درجة تشغيل التكييف وبين سحب الكهرباء ؟!

[أبو آسر]

السلام عليكم
السؤال باختصار لو أنا شغلت التكييف على درجة حرارة 20 مثلا هل كده بيسحب كهرباء أكتر مما لو شغلته على 24 مثلا ولا طالما شغال بيسحب نفس الكهرباء على أي درجة كانت ؟
ولو في فرق فهل الفرق بيبقى كبير ولا فرق لا يذكر ؟
وشكرا

[mr_green]

طبعا بيفرق

أفضل درجة موفرة للكهرباء و فى نفس الوقت حرارة كويسة هى 25

على الفان على أوتو أو هاى و إعمل 25 - ولو ساقع إعمل 26 حر يبقى 24

[أبو آسر]

طبعا بيفرق

أفضل درجة موفرة للكهرباء و فى نفس الوقت حرارة كويسة هى 25

على الفان على أوتو أو هاى و إعمل 25 - ولو ساقع إعمل 26 حر يبقى 24

أنا فعلا عامله دلوقتي على 25 والفان أوتو بس المشكلة شوية كده ال25 دي مش هتعمل حاجة لأن القوضة بتسخن جامد في الصيف وبيبقى لازم مش أقل من 23
هل الفرق ده بيفرق جامد يعني ؟
يعني يا ريت لو في حسبة بطريقة علمية توضح الاستهلاك على درجة 25 مثلا بيبقى كام كيلو وات / ساعة ولو على 23 مثلا بيبقى كام وكده

[A_H_M_A_D]

كل درجة حراره أقل بتزود في استهلاك الكهربا أكتر , وده بسبب انك بكده بتشغل الكومبريسور فترات أطول وبتقلل فترات الفصل والراحه

والاستهلاك العالي بيكون سببه الاساسي الكومبريسور نفسه مش المروحه , وتقدر تتأكد من ده بنفسك انك تتفرج على حركة عداد الكهربا اثناء الفصل و اثناء تشغيل الكومبريسور , هاتلاقي فرق رهيب في سرعة سحب الكهربا

[mr_green]

بالظبط الموضوع إنك بتفصل الكباس أكثر - عشان كل ما يقوم أكثر كل ما يسحب كهربا أكثر المروحة سرعتها مش هاتفرق فى الكهربا عشان كدا عليها قدر الإمكان عشان تساعدك تقلل الدرجة

[م/ سامح]

وبرده لو عملت درجة الحرارة قريبة من حرارة الغرفة العادية يبقي الكباس هيشتغل ويفصل كتير وبالتالي بتقصر عمر الكباس

[marsguy]

السلام عليكم ورحمة الله وبركاته،،،

عاوز أقول كمان إنك ممكن تجيب تكييف أكبر بس يوفرلك كهرباء

لو الغرفه كبيره أو حر أوي, ممكن التكييف الصغير يكون مش مناسب ليها. وده يخلي الكباس يشتغل على طول أو يشتغل فتره كبيره جداً عشان يقدر يوصل لدرجة التبريد المطلوبه, ده إن وصلها. وده طبعاً يؤدي لزياده كبيره في إستهلاك الكهرباء وإستهلاك الكباس نفسه.

للأسف في بياعين تكييف كتير عاوزين يبيعوا وخلاص ويقولك كفايه أوي واحد ونص حصان على الغرفه من غير ما يحسب صح.

شكراً

[Abo Yasso]

التكييـــف ..
جهاز التكييف من اكثر الأجهزة استخداماً لارتفاع درجة الحرارة أثناء الصيف حيث يستهلك هذا الجهاز قدراً كبيراً من الطاقة الكهربائية تنعكس على فاتورة الاستهلاك وفيما يلي طرق ترشيد الطاقة الكهربائية المستخدمة في المكيفات .
إغلاق النوافذ والأبواب لمنع دخول الهواء الحار إلى الداخل. الحرص على سد الثقوب لمنع دخول الهواء الحار وذلك بوضع الحشوات حول إطارات الأبواب والنوافذ ومراوح الشفط وأية أماكن أخرى تمر فيها الأسلاك والأنابيب من خلال الجدران.
إسدال الستائر (العازلة) للنوافذ لمنع دخول الحرارة الخارجية إلى الداخل .
تفادي تركيب المكيفات الجدارية (Window Type ) في المناور أو الأماكن الضيقة لضمان تهوية جيد للجهاز وعدم زيادة الاستهلاك .
الاهتمام بتنظيف مرشحات أجهزة التكييف ، فمن الصعب أن يمر الهواء خلال مرشحات غير نظيفة وبالتالي تستهلك المكيفات مزيداً من الطاقة وترفع من قيمة فاتورة الاستهلاك .
غسل المكيف لدى مراكز الصيانة قبل دخول فصل الصيف .
التأكد من إطفاء المكيفات عند الخروج من الغرفة أو المكتب.
تركيب النوافذ من الزجاج العاكس للحرارة والمزدوج لتقليل انتقال الحرارة إلى داخل الغرفة .
ضبط ثرموستات المكيف (جهاز ضبط الحرارة) عند درجة 25 مئوية (75 فهرنهايت) وهي الدرجة الأنسب للتبريد المريح.
تستهلك مكيفات الفريون الجدارية بسعاتها المختلفة ( 12000 – 24000 وحدة حرارية ) طاقة كهربائية تتراوح بين 2000 إلى 4000 وات/ ساعة ( 2 – 4 كيلوات/ ساعة ) وتعادل هذه الطاقة تقريبا استهلاك 100 – 250 وحدة إضاءة فلورسنت عادية . ويتوقف مقدار الطاقة المستهلكة على فترة التشغيل ، فكلما طالت هذه الفترة كلما زادت الطاقة المستهلكة والعكس صحيح .
ونظرا لزيادة استهلاك المكيف للكهرباء ،ولترشيد هذا الاستهلاك و الحد من هذه الزيادة ينصح باتباع الإرشادات التالية:

مكيف الفريون :
التأكد من سلامة عمل منظم الحرارة (الترموستات ) حيث يتسبب عطل المنظم في استمرار المكيف بالعمل دون فصل الضاغط الكمبرسور
إغلاق الأبواب والنوافذ وأي فتحات في الجدران أثناء تشغيل المكيف لمنع تسرب الهواء .
تجنب تركيب المكيف الجداري في المناور الضيقة ما أمكن ذلك
تنظيف مرشح الهواء (الفلتر) بصفة دورية ( كل أسبوعين تقريبا
اختيار سعات وأحجام المكيفات المناسبة لأحجام وسعات الغرف المراد تكييفها مع الأخذ في الاعتبار الكفاءة الجيدة عند الاختيار
ضبط منظم الحرارة (الترموستات ) على الدرجة المعتدلة حيث يؤدي ضبط الترموستات على الدرجة القصوى إلى تكون الجليد في المكيف وبالتالي تقليل كفاءته بشكل كبير ..
إجراء الفحص والصيانة الدورية للمكيف للتأكد من سلامة الأجزاء الداخلية وعدم وجود تسرب لغاز الفريون
يستخدم هذا الجهاز لتبريد الهواء داخل المباني فى فصل الصيف وذلك بسحب الهواء الخارجي بواسطة



منقول

[S O P H O S]

طبعا بيزيد
والدرجة المعقولة فالاستهلاك هي 25
بس مش هتعمل حاجة فالصيف ده فرأي