استفسار عن paintball

[yalahwy2010]

انا بفكر أروح paintball اللى فى الرحاب او 6 أكتوبر
عندى كام سؤال كدة........
ايه رأيكم فيها......هل هى شيقة وفيها تغيير.......؟
وتفاصيلها وأسعارة ايه؟
ومواعيد العمل؟
مين أفضل.....اللى فى الرحاب ولا اللى فى 6 أكتوبر؟
واقل عدد ممكن تبتدى بيه؟

[yalahwy2010]

ايه يا جماعة.........هى وحشة اوى كدة؟؟؟

[dede_dodo88]

أنا جربت اللي في الرحاب و واحدة تانية في العبور..
بتاعة العبور كانت أحلى لأن الأرض أكبر, بس الصراحة أنا مش عارف مكانها فين بالظبط لأني كنت رايح مع ناس..
بالنسبة للعبة الـPaintball نفسها فهي حلوة و فيها حركة كتير و فرهدة و أكيد طبعاً فيها تغيير..
عدد اللاعبين بيبقى على حسب مساحة أرض المعركة, بس نقول مثلاً حد أدني 5 لاعبين لكل فريق..
ضربة الطلقة بتلسوع شوية حلوين خصوصاً لو أتضربت في حتة مش لابس عليها واقي أو درع..
تفاصيل الأسعار و المواعيد مش هقدر أفيدك فيهم لأني زي ما قولت أني كنت بروح مع ناس هما اللي كانوا بيظبطوا الموضوع..

[M R. Z E C O]

والله انا نفسي اجربها انا كمان

[canner]

انا لاحظت الاعلان بتاع اكتوبر و كنت عاوز اجربه ان شاء الله

[yalahwy2010]

ألف شكر يا جماعة
انا كلمت اللى فى الرحاب والاسعار كالتالى
الفرد ب 120 جنيه بياخد 100 طلقة
المكان فى نادى الرحاب
بالنسبة ل اللى فى 6 اكتوبر..... الفرد ب 150 وبياخد 50 طلقة بس
دى اللى اسمها أدرينالين بارك
اللى فى الرحاب دى مش تبعهم...............بس اللى فى الرحاب ليهم فروع تانية زى اللى فى العبور وليهم فى 6 اكتوبر
بتحجز قبليها بالتليفون من غير اى فلوس وتروح فى معادك بالظبط عشان مايرحش عليك الميعاد لو فى زحمة
عيب اللى فى الرحاب انها لازم تدفع تذكرة دخول للنادى..........اللى انا فاكره ان التذكرة ب 40 جنيه
بس اللى كلمته من paintball الرحا قللى ب 10 جنيه
حد يعرف يا جماعة تمن تذكرة الدخول كام لنادى الرحاب؟؟؟؟

[M R. Z E C O]

هو انا لازم اجيب فريق معايا والسلاح بيبقى مظبوط على سرعة معينه ولا ممكن اعليه على الاخر اصلي مفتري شوية

[yalahwy2010]

هو انا لازم اجيب فريق معايا والسلاح بيبقى مظبوط على سرعة معينه ولا ممكن اعليه على الاخر اصلي مفتري شوية

طبعا المفروض يكون معاك اصحابك اللي هتلعب معاهم... موضوع السلاح ده مافتيش بصراحة، انا عمري ما جربت.... هقولك كمان يومين ان شاء الله