وبعدين نرجع نقول احنا بنفشل ليه ؟

[aif]

قصة واقعية
حصلت ف العباسية
جنب بيتنا بشوية
من اسبوعين وشوية
.....
واحد اجر محل
هو مش محل اوي
هو سلخة من محل واجهتها لا تزيد عن متر وربع بعمق حوالي مترين ونص
علي الشارع الرئيسي امام المستشفى اليوناني
كويس جدا
ربنا يرزقه ويوفقه
عمل المحل مشروبات .... عصائر و قهوة وشاي وكدة
ربنا يكرمه ويوفقه هو واللي زيه
لكن تعالي شوف بقي سيادته عمل ايه
اول حاجة عملها بعد ما فتح .... تفتكرو ايه ؟
عمل دعايا ... ﻷ
عمل افتتاح ....ﻷ
وزع مشروبات مجانا .... ﻷ طبعا
وزع كروت ع البيوت اللي جنبه ...أنسى
راح سيادته جايب طوبة خرسانة كبيرة جدا من اللي بيعملو بيها حرف الرصيف وحاططها مع طوبة تانية زيها ومانع حد يركن العربية قدام سلخة المحل بتاعه .. مع ان الرصيف قدامه عرضه 3 متر ومتبلط وزي الفل والناس رايحة جاية وقدامة كلية الهندسة والطلبة رايحة جاية
وراح حايب يافطة كبيرة وراشقها في الطوبة دي زي يعني ما يكون بيحدد منطقة نفوذه كما يحدث في الغابات
مكتوب عليها بخط عريييض " اللهم أعطي الناس ما يتمنونه لي "
مش ح اطول عليكم ( قولو طول ) فتح اسبوعين وقفل ومشي
ولم يبقي من ذكراة غير الطوبتين اللي طبعا اتشالو علي جنب عشان الناس تركن عربياتهم
وطبعا زمانه بينعي بخته ويقول هو الناس ما كانوش بيشترو مني حاجة ليه
ده مثال صغير علي مجتمع كبير
مجرد موقف للتأمل

[Mahmoud/Nabil]

من كتر ما الناس دعت عليه قفل .... لا ضرر ولا ضرار

[محمد عز]

لازم يتم تنشيط دور الاحياء والمحليات

وده دور المحافظين

عن طريق كل حى لازم يبقى فيه وحدة ملهاش اى دور غير التفتيش على حالات التعدى على حرم الطريق

أول أسبوعين يعملوا حملات على جميع المحلات اللى بالشكل ده مع أعطاءه تنبيه مكتوب بدون اى غرامات مجرد إرشاد ونصيحة بضرورة إزالة اشغالات الطريق لاما هيعرض نفسه للمخالفات والمسئولية القانونية

بعد ما الاسبوعين يخلصوا حملات يومية مستمرة لامد الامدين مع دفع غرامات وعقوبات مغلظة حتى يستقر فى أذهان الجميع ان الطريق له حرمة وممنوع اشغال اى جزء منه او وضع طوب او حديد لحجز المكان او موقف وهكذا

[ahmedwagdy03]

طالما مفهوم الحرية و الديموقراطية فى المجتمع المصرى هو إفعل ماتريد أينما تريد وقتما تريد و لا تعبأ بالآخرين فتأكد أننا نعيش عصر المواطنين الشرفاء!!!!

[احمد فهمى]

معظم مصر كده تلاقى اي محل فارش بره المحل بضاعه اكتر من اللى جوه المحل وطبعآ الطوب لمنع الركن اساسى ولو حاولت تركن يقولك ده مكان اكل عيش ده طبعآ قبل ما يقل ادبو ولو صممت ترجع تلاقى عربيتك اتعمل معاها الواجب للأسف انا بطلت اركز في الكلام ده لأن مفيش فايده ولا فى دوله

[aif]

كل واحد في بلدنا مصمم ياخد اكتر من حقه
مع ان لو كل واحد اكتفى بحقه ... كلنا ح نعيش مبسوطين

[amr011111]

كويس ان قفل
عقبال كل اللى زيه

[lena jo]

عقبال كل القهاوي و المحلات المبلطجة ان شاء الله اللي مستوليين علي ارض الدولة زيهم زي اللي كنا بنحاسبهم بعد الثورة. و في الاخر كل واحد فاكرها تكية. فيه كافيه اسمه قمر الليالي في شارع الجزائر بالمعادي. شارع كبير و مهم و مع ذلك امام القهوة كراسي و ترابيزات كبيرة لمسافة رهيبة واكل اكثر من نصف الشارع. منتهي الاستفزاز . كل يوم اعدي عليه بباص الشغل و ادعي عليه. نفسي اشوف البلدية بتنحت الكراسي دي ببلدوزر. حاجة تقرف و طبعا اكيد السكان الغلابه مبيركنوش امامه. و من ده كثير بعد الثورة. للاسف البلدية نايمة او ربنا يعلم مين مالك الاماكن دي عشان يفرش بالجباروت ده. اكيد الناس اشتكت. ربنا ينتقم منهم.و طبعا نفشل . هو ايه يدعو للنجاح . الناس بقت لا بتخاف و لا بتختشي. للاسف القانون هو اللي كان ماسكهم شوية لكن محدش عنده ضمير. و الان ولا حتي القانون. لكي الله يا مصر . العيب مش فيها ، العيب في شعبها اللي ميستحقش ضفرها

[drcobra]

يا فندم للاسف الظابط وامين الشرطة والحى مبيقوموش بوظيفتهم بل بالعكس اغلبهم مرتشين
البلد دى يتعيش فيها ظالم يا تعيش مظلوم
والجزاء من جنس العمل

[Y a r i s]

طـــــــــــــــــــــــــــــــول

----------------
ياباشا في منطقة ناحية غمرة مش فاكر تقريباً الزتون أو مش عارف أسمها بالزبط دخلتها لقيتها كوميدية مفهاش ولا عربية وكل عمارة حطة خوازيق قدام بابها ومنظر الشارع كلووو خوازيق وطووووب .

لكن فعلاً مصــــــــــر بقت كلها خوازيق وطوووب ... والى الأن لم أفهم أيه الضرر لو واحد ركن قدامك ومتقليش بننزل بضاعه ... أسم الله على السوق والنشاط الاقتصادي والي يسمعك كده يقول محطم الرقم القياسي في المبيعات بس تقول أيه غير وساخت شعـب ووساخت مخ ضلم وفكـــر خاطئ الأرزاق بيد الله وعمر ما عربية هتمنع رزق بني أدم ... ده والله ثم واللهي ... أحياناً الواحد يكون في بيتهم أو في المسجد بيصلي وتلاقي رزقوا قاعد قدام محلووو مستنيه .

[S O P H O S]

مفهوم الحرية اتقلب للقوة

[almohaor]

طيب الراجل ده طلع غلبان قوى وطموحه جه على قد طوبتين حطهم قدام محله
امال تقولوا ايه بقى فيه قهاوى عندنا فى شارع الجيش بالاربعين والله العظيم واخدين من الشارع موش الرصيف عرض خمسة او ستة متر لغاية عشرة متر فى شارع رئيسى بالسويس عينى عينك يعنى الزبائن قاعده فى عرض الطريق وكمان معاهم عربياتهم منتهى الاستهتار بحق المشاة فى الطريق والعجيبة انه لاالمرافق ولا الداخلية ولا جيش تسلم الايادى بيعمل لهم حاجة وطز فى الطريق وحرمة الطريق والا ماشى فيه سواء على رجله والا حتى راكب عربية

[drcobra]

والله البلد دى محتاجة رجالة
البلد بقت مليانة خرفان
يعنى شرطة وسلاح وقوة وعدد وقانون ومش عارفين يطبقوا القانون
عايز تعرف البلد دى اتعدلت ولا لا بص للشارع لو الشارع مظبوط يبقى البلد تمام

[Elawany13]

كويس انه غار فى داهيه
ربنا لا يكسبهم دنيا ولا آخرة اللى بيعملوا كده
وبيحطوا مواسير وحجارة وبلاوى زارقه فى الشارع
حسبنا الله ونعم الوكيل فيهم

[الاستاذ]

حرمة الطريق انه يكون فاضى ونضيف وفى شجر
مش كل شارع عملينه جراج
اشترك فى جراج افضل
التعدى على الاحياء بقا سخيف
انا لو المحافظ لانزل بقوة من الشرطة والجيش وونش واعدى على كل منطقة واشيل القرف دة