استشارة قانونية عاجلة بخصوص الشيكات ومشكلة عائلية

[أبو آسر]

السلام عليكم
في واحدة بينها وبين زوجها مشاكل واهلها عايزين يضمنوا حقها لانهم خايفين انه ياخد الطفل ويطردها من البيت وياكل حقها في القايمة والمؤخر وطبعا المحاكم يومها بسنة وممكن هو يجبرها تتنازل عن كل حقوقها في مقابل انه يطلقها
فأهلها بيفكروا يمضوه على شيك على بياض علشان يضمنوا حقهم لو فكر يلعب بديله
فايه افضل واضمن طريقة لعمل الموضوع ده لاني سمعت عن ان الشيكات مش كلها واحد وفي حاجة مضمونة وسريع الحكم فيها فايه تفاصيلها بالضبط مع العلم انه ممكن يكون ملوش حساب في بنك وبالتالي مش معاه دفتر شيكات
وشكرا

[HeMa_LanCeR]

ايصال الامانة اقوي من الشيك :)

[M R. Z E C O]

ايصال الامانة اقوي من الشيك :)

+1

[M R. Z E C O]

بس هو مش هيمضي اصلا ولو مضى هيطعن بالتزوير وتروح مباحث التزييف وموال

[احمد فهمى]

لو هى دي البدايه يبقى نصيحه بلاش منها الجوازه اصلآ

[أبو صلاح]

وهي حياة بنتهم تسوى شيك ؟

في مسلسل العار احمد رزق لما حب ينقم من مراته شفت عمل فيها ايه ؟
لاتقولي شيك ولا فلوس ولا عيال

[أبو آسر]

يا جماعة الموضوع مش كده خالص
البنت دي متجوزة بالفعل وفي مشاكل مع زوجها وبينهم طفل وهي غضبانة عند اهلها وهو كلمها عايزها ترجع بس اهلها خايفين انه يكون بيعمل حوار علشان ياخد الطفل ويطردها فعايزين يضمنوا انه ميغدرش بيهم مش اكتر مش مسألة بيبيعوا بنتهم والكلام ده !
النقطة التانية انا طول عمري اعرف ان الشيكات اضمن من وصولات الامانة وانا شخصيا واحد ناصب عليا ومعايا وصولات امانة ورفعت قضية ومخدتش منه اي حقوق والباشا مبرطع فالشيكات اضمن بلا شك واسرع في الحكم

[M R. Z E C O]

الشيكات والوصولات زي بعض بس لازم تثيت انو توقيعو يعني ممكن تصورزه وهو بيمضي

[Ahmed_Rahem]

الشيك لازم يكون طالع من حسابة فى البنك غير كدة ميبقاش شيك معترف بية.

[M R. Z E C O]

الشيك لازم يكون طالع من حسابة فى البنك غير كدة ميبقاش شيك معترف بية.

هو معندوش حساب..

[drcobra]

للاسف النوع اللى زى ده ملوش امان
ثانيا برضوا للاسف بعض القضاة بيحكموا فى وصل الامانة علطول باستحقاق المبلغ
والبعض الاخر بيحكم ان وصل الامانة بدون شهود على ان المتهم اخد الفلوس فعلا ملوش لازمة
يعنى انت وحظك
وللاسف تالت مرة مفيش قانون قاطع

[Ahmed_Rahem]

هو معندوش حساب..

مانا بقول لازم يكون الشيك يخص حساب فى بنك باسمة غير كدة لا يعترف بية كشيك،
من الاخر ممكن يتقال ورقة ولا ليها اية لازمة

[OMAR11112010]

حتي لو مضي وصل امانة او شيك زي ما انتو عاوزين هو موقفه اقوي لانه ممكن يوصلها لمرحلة انها تتطلب الطلاق وساعتها يساومكم ع الشيك او الوصل مش هيغلب اصلا
وبعدين لو الحياة مش هتمشي الا بوصل والكلام دا يبقي بلاش منها اصلا

[medo_31]

الشيك البنكي أقوي بالطبع من ايصال الأمانة , ولابد أن يكون له حساب بالبنك لأن الشيكات الخطية بتاعة زمان خلاص راحت عليها منذ فترة طويلة , وايصال الأمانة سهل جداً يطلع براءة منه لأنه ممكن يوقع عليه ويروح يعمل محضر اثبات حالة باتنين شهود وألف سلامة , لكن الشيك قوي جداً جداً ويكفي توقيعه فقط حتى لو تم ملأ البيانات بخط آخر , وحتى لو كتب تاريخ استحقاقه في موعد معين يمكنك أن تقيم عليه جنحة قبل الميعاد , كل ما عليه أن يعمل حساب بنكي في أحد البنوك ويستخرج دفتر شيكات

[M R. Z E C O]

مهو عشان كده بقول صوروه وهو بيمضي