تكلفة بناء منزل

[M I D O]

بسم الله الرحمن الرحيم

زي ماهو واضح من العنوان انا ناوي ان شاء الله ابدء في بناء بيتي الخاص ومش عارف التكلفة هتبقي قد اية وانا عاوز اعرف البيت دور واحد علوي هيكلفني قد اية بالظبط وعاوز من حضراتكم المساعدة ...
الارض موجودة الحمد لله ومساحتها 140 متر صافي بعد حذف الشوارع هتبقي بالظبط 118 متر ولسة الارض فاضية يعني معملتش فيها اي حاجة وانا عاوز ابنيها دور واحد علوي ومش هعمل اي شغل في البيت من برة عشان التكلفة والشغل هيبقي في الشقة من جوة ..
دلوقتي انا عاوز اعرف المساحة دي تعمل شقة كام اوضة والمساحات بتاعة الاوض و الصالة وتبقي واسعة ولا ضيقة ولا اية بالظبط وعاوز اعرف تكلفة البناء قد اية يعني الاساسات لو هعمل قواعد بس ولو هعمل حصيرة خرسانة زي ما بيسموها هتبقي قد اية و البيت يتبني ويبقي واقف علي التشطيبات بس يعني يبقي علي المحارة بس تكلفتة هتبقي كام لحد كدة ولو حبيت اشطبة هتبقي التكلفة كام ..
انا اسف انا عارف اني طولت عليكم بس معلش ماليش حد اسئلة واثق فية فقلت استشير اخواتي و اصدقائي في نايل موتورز

[Eng_hatemfathy]

وعليكم السلام ورحمة الله وبركاته
طبعا اللى بيححد لبشة ولا قواعد منفصله هى نسبة مساحة القواعد للمساحة الكلية وفى ارض صغيره كده يبقى لبشه على طول وتكلفة البناء تقريبا بتبقى 700 جنيه للمتر المربع شامل القواعد والخرسانات وموزعة بالمتوسط على الادوار يعنى 118 متر فى 700 جنيه وانت ناوى تبنى دورعلوى يعنى دورين يبقى تقريبا 160 الف جنيه بخلاف الرخصه والجسات
ودى مساحة شقة 3 غرف وحمامبن ومطبخ وريسبشن 40 متر تقريبا ببلكونه صغيره
الغرف هتبقى اتنين 3 فى 3.8 واحده ماستر 5 فى 3.5 ومطبخ 3 فى 2.25 وحمام 2.25 فى 2.25 وحمام متر فى متر ونص وطرقة
اتمنى اكون ساعدت شيئا ما

[mostafa3000]

تحيد نوعية الأساسات ليعتمد علي نوعية التربة وعدد الأدوار المبناة
ومن الافضل اولا عمل التصميم المعماري والانشائي قبل البدء في التنفيذ
وبالنسبة للتربة فينصح بعمل جسة وفي الغالب التربة لو طينية بيكون إجهاد التربة في حدود 1.5
لو رملية ممكن توصل ل 2 كجم علي المتر المسطح
لو في اي استفسار ممكن تبعتلي علي الخاص وانا تحت امرك
ومستعد لأي نصيحة لك في التصميم والتنفيذ بدون اي مقابل

[M I D O]

وعليكم السلام ورحمة الله وبركاته
طبعا اللى بيححد لبشة ولا قواعد منفصله هى نسبة مساحة القواعد للمساحة الكلية وفى ارض صغيره كده يبقى لبشه على طول وتكلفة البناء تقريبا بتبقى 700 جنيه للمتر المربع شامل القواعد والخرسانات وموزعة بالمتوسط على الادوار يعنى 118 متر فى 700 جنيه وانت ناوى تبنى دورعلوى يعنى دورين يبقى تقريبا 160 الف جنيه بخلاف الرخصه والجسات
ودى مساحة شقة 3 غرف وحمامبن ومطبخ وريسبشن 40 متر تقريبا ببلكونه صغيره
الغرف هتبقى اتنين 3 فى 3.8 واحده ماستر 5 فى 3.5 ومطبخ 3 فى 2.25 وحمام 2.25 فى 2.25 وحمام متر فى متر ونص وطرقة
اتمنى اكون ساعدت شيئا ما

طيب يا باشا 160 الف دي بالمصنعيات و بالتشطيبات ولا علي المحارة فقط ؟؟ ومعلش يعني اية لبشة
ولو انا عاوز اعمل الشقة اوضتين بس واحدة للنوم وتكون بحمام خاص يكون حجمة كويس و التانية اطفال و مطبخ كبير وحمام ضيوف متوسط الحجم وريسيبشن يبقي المساحات قد اية و البيت عندي هتبقي بلاكونة في وش البيت بس لان ورايا بيت وجمبي يمين وشمال بيوت
وشكرا جزيلا علي الرد وجزاك الله كل خير

[M I D O]

تحيد نوعية الأساسات ليعتمد علي نوعية التربة وعدد الأدوار المبناة
ومن الافضل اولا عمل التصميم المعماري والانشائي قبل البدء في التنفيذ
وبالنسبة للتربة فينصح بعمل جسة وفي الغالب التربة لو طينية بيكون إجهاد التربة في حدود 1.5
لو رملية ممكن توصل ل 2 كجم علي المتر المسطح
لو في اي استفسار ممكن تبعتلي علي الخاص وانا تحت امرك
ومستعد لأي نصيحة لك في التصميم والتنفيذ بدون اي مقابل

الف شكر علي الرد وربنا يخليك يا باشا ..
الارض عندنا كانت زراعية ودخلت مباني من 5 سنين ولحد دلوقتي في ناس بياجروها يزرعوها بس اخر مدة الايجار شهر 5 وانا ناوي انبي ان شاء الله في 6 وعاوز اعرف التكلفة في رايك تبقي كام ؟؟

[احمد فهمى]

700 جنيه ده متر الخرسانه فقط وطبعا شامل مصنعيه الحداده والنجاره والصب طن الحديد حاليا
عز ب5200
الكومى 4900
بشاي 5000
طن الاسمنت قنا بيعمل 700 وسيمكس 720
الالف طوبه ب300 جنيه ومصنعية البنا حوالى 120 جنيه للمتر
متر الرمل 45 جنيه
متر الظلط 35 جنيه
مصنعية الحداده النجاره والصب 120 جنيه للمتر من الدور الاول وتزيد 10 جنيه كل دور
اهم حاجه مهندس معمارى محترم يرسملك العماره لأن الغالب للأسف مبيفهموش فيسلحلك كتير عشان يأمن نفسو ومن جيبك ويضيعلك المساحه الداخليه ويطلعلك عمدان فى كل مكان ملهاش لازمه ...

وبالنسبه للأساسات والقواعد بتحدد حسب طبيعة التربه اللى عندك اهم حاجه هكررهالك المهندس والرسم الهندسي الباقى كلو سهل واي اسئله انا تحت امرك فى اى استشاره وربنا معك..

[M I D O]

700 جنيه ده متر الخرسانه فقط وطبعا شامل مصنعيه الحداده والنجاره والصب طن الحديد حاليا
عز ب5200
الكومى 4900
بشاي 5000
طن الاسمنت قنا بيعمل 700 وسيمكس 720
الالف طوبه ب300 جنيه ومصنعية البنا حوالى 120 جنيه للمتر
متر الرمل 45 جنيه
متر الظلط 35 جنيه
مصنعية الحداده النجاره والصب 120 جنيه للمتر من الدور الاول وتزيد 10 جنيه كل دور
اهم حاجه مهندس معمارى محترم يرسملك العماره لأن الغالب للأسف مبيفهموش فيسلحلك كتير عشان يأمن نفسو ومن جيبك ويضيعلك المساحه الداخليه ويطلعلك عمدان فى كل مكان ملهاش لازمه ...

وبالنسبه للأساسات والقواعد بتحدد حسب طبيعة التربه اللى عندك اهم حاجه هكررهالك المهندس والرسم الهندسي الباقى كلو سهل واي اسئله انا تحت امرك فى اى استشاره وربنا معك..

مشكور يا باشا علي الرد ..
بعيدا عن اسعار الخامات انا عاوز اعرف التكلفة النهائية هتبقي في حدود كام دور اول علوي و اساسات تشيل 4 ادوار لان عندنا اصلا اعلي ترخيص 4 ادوار بس

[mohamed hussei]

اشمعنا عز اغلي واحد

[drcobra]

صحيح فى حدود 150 الف

[M I D O]

في حدود 150 الف بالتشطيب ولا محارة ؟؟

[M I D O]

Help ...

[Eng_hatemfathy]

ال 700جنيه ده متوسط سعر البناء للمتر المربع شامل القواعد والاعمده والاسقف وكمان الطوب
التشطيب المتوسط بيعمل حوالى 750 جنيه بيزيد حسب مستوى التشطيب
واللبشة بعنى القواعد كلها متصلة فى قاعدة واعدة مش قواعد منفصلة و مربوطة بسيملات ودى بيلجأ ليها لو وجد ان مساحة القواعد مجمعة حوالى نص مساحة الارض يبقى الارخص ةالاسهل لبشه
والمساحة دى بحكم موقعا وحصارها من 3 نواحى فكده هتبقى مضطر تعمل نتور كبير ينور ويهوى غرف النوم وده على الاقل 3 فى 3 او 3 فى 4 يعنى فى غرفه طارت كده من التصميم وموضوع حمامين واحد لفرفة النوم الماستر وواحد للضيوف ممكن يضطرك تعمل منور تانى صغير للمواسير وشباك للمطبخ ادينى الابعاد وممكن اظبطلك اقتراحات ليها

[drcobra]

150 الف على الطوب بالعافية

[M I D O]

ال 700جنيه ده متوسط سعر البناء للمتر المربع شامل القواعد والاعمده والاسقف وكمان الطوب
التشطيب المتوسط بيعمل حوالى 750 جنيه بيزيد حسب مستوى التشطيب
واللبشة بعنى القواعد كلها متصلة فى قاعدة واعدة مش قواعد منفصلة و مربوطة بسيملات ودى بيلجأ ليها لو وجد ان مساحة القواعد مجمعة حوالى نص مساحة الارض يبقى الارخص ةالاسهل لبشه
والمساحة دى بحكم موقعا وحصارها من 3 نواحى فكده هتبقى مضطر تعمل نتور كبير ينور ويهوى غرف النوم وده على الاقل 3 فى 3 او 3 فى 4 يعنى فى غرفه طارت كده من التصميم وموضوع حمامين واحد لفرفة النوم الماستر وواحد للضيوف ممكن يضطرك تعمل منور تانى صغير للمواسير وشباك للمطبخ ادينى الابعاد وممكن اظبطلك اقتراحات ليها

انا عاوز اعمل منور واحد يلم اوضة النوم الرئيسية و المطبخ و الحمام بتاع الضيوف واوضة النوم التانية هتبقي علي الشارع ف مش هحتاج منور تاني و عندنا واحد لسة باني جمبي عامل قواعد في الارض بس يعني حفر علي حجم القواعد بس وبعدين طلع بالعماويد وصب السقف ونفس مساحة ارضي و الابعاد مش عارفها بالظبط بس الارض عندي شبة مربعة يعني مفيش اي عوجان في الارض بس وش الارض اطول شوية من الجمب بحوالي 2 متر ونص

[M I D O]

150 الف على الطوب بالعافية

امال بالتشطيب هتبقي بكام ؟؟
رايحة بينا علي فين يا مصر