حد حاول يبص للرصيف (وما احولش )

[al_manara]

السلام عليكم

السؤال : لية الرصيف عندنا ملون !

مين وهو سايق بص علي الرصيف وعينية ماتعبتش ؟
واحد حبيبي هو الي لفت نظري للموضوع دة لانة عايش برة مصر
لية الرصيف مش لون واحد (اظنة سهل يتعمل )
نقدم طلب وعلية دمغة والموضوع يتحل

خلينا نشوف

الرصيف عندنا




وخلينا نشوف البلاد المتخلفة

امريكا







وبلد تانية متخلفة

اليابان







كوريا








الجميل اني لاحظت وانا بدور علي الصور في جوجل
ان الارصفة كلها واطية جدا .
واحنا عندنا الناس الكبار بيتقطم وسطها

[Ahmed_Rahem]

علشان استخدام الرصيف عندهم غير عندنا !
هناك الرصيف لاستخدام المشاة، هنا الرصيف لاى حاجة تانية غير استخدام المشاه.
محل يفرش ماشى، قهوة او غرزة شغال، عربية تركن علية ممكن، انما مشاه يمشوا علية! لا والف لا، اهو دة الى كان ناقص، مشاه يمشوا ويطلعوا وينزلوا من على رصيف المشاه!

[lena jo]

للأسف في مصر مفيش حاجة مدروسه كله عشوائي. في شارع قريب مني من حوالي اسبوعين او اكثر فوجئت ان الرصيف اللي في نص الشارع طوليا علوه جدا . هو كان كويس و سليم . طب حد يفهمني هما معاهم فلوس زيادة بيرموها في الرصيف؟ خلاص سفلتوا الشوارع و سدوا الحفر و مش ناقص غير تعلية الرصيف؟ شكله مستفز عايز سلم لكبار السن عشان يطلعوا عليه . مفيش مواصفات قياسيه يمشوا عليها؟ محدش بيحاسب الناس دي؟ . هنفضل في القاع طول ماحنا كده . نفسي اعرف اللي قرر يعلي الرصيف ده مفكرش انه معمول للبني ادمين . فيه اطفال و كبار و عجزه هيطلعوا عليه و اكيد هيدعوا علي اللي قرر يعليه بمنتهي الغباء ده.

[mohamed_selim]

يعنى ايه رصيف ... معندناش اصلا الاختراع ده !

[M R. Z E C O]

هو لو فرضا جدلا ان في رصيف فمش المسكله اللون عادي بره يبقى ملون احنا قضيتنا الرصيغ

[prof2013]

للأسف في مصر مفيش حاجة مدروسه كله عشوائي. في شارع قريب مني من حوالي اسبوعين او اكثر فوجئت ان الرصيف اللي في نص الشارع طوليا علوه جدا . هو كان كويس و سليم . طب حد يفهمني هما معاهم فلوس زيادة بيرموها في الرصيف؟ خلاص سفلتوا الشوارع و سدوا الحفر و مش ناقص غير تعلية الرصيف؟ شكله مستفز عايز سلم لكبار السن عشان يطلعوا عليه . مفيش مواصفات قياسيه يمشوا عليها؟ محدش بيحاسب الناس دي؟ . هنفضل في القاع طول ماحنا كده . نفسي اعرف اللي قرر يعلي الرصيف ده مفكرش انه معمول للبني ادمين . فيه اطفال و كبار و عجزه هيطلعوا عليه و اكيد هيدعوا علي اللي قرر يعليه بمنتهي الغباء ده.

فكرتيني برصيف الجامعه كان عالي جدا عليا وكنت بطلعها على مرتين او تلاته هههههههه يعنى اجي ارفع رجلي لفوق في المره الاولى معرفش اضع كفه القدم على سطح الرصيف اقوم راجع تاني وبكل قوة حتى اتمكن من وضع القدم وبعدها استطيع الوقوف التام على الرصيف لاستكمل السير على الطريق
اصلا تخطيط الطرق والكباري كلها غلط في غلط وعلشان تتصلح محتاجه هدم منازل كتيرة علشان يتم عمل طرق ممهده على الطريقه الاوروبيه وتناسب جميع اصناف البشر

[M R. Z E C O]

ههههه ده كده ارتفاعه متر

[prof2013]

ههههه ده كده ارتفاعه متر

هههههه قوليله يا اخت لينا
اصله مش فاهم

[M R. Z E C O]

ده على كده درجات الاهرام هترجع تاني

[drcobra]

علشان يقنعوك انهم عملوا حاجة

[S O P H O S]

بصراحة صور برا
تخلي الواحد يزعل الي الحاجات الغريبة الي عندنا دي

[A_H_M_A_D]

انا نفسي الإختراع اللي اسمه الرصيف ده يدخل مصر , وساعتها مش هايفرق يلونوه بأنهي لون , براحتهم خالص

انا لما سافرت بره عرفت يعني ايه رصيف للمشاه الواحد يمشي عليه بكل احترام و امان , لا فيه طلوع و نزول و لا كل 3 متر شكل و لون , رصيف الشارع كله ارتفاع واحد و لون واحد و مفيهوش اي موانع تعوق المشاه

ياريت بجد يبقى عندنا رصيف للمشاه في مصر عشان نريح الناس اللي ماشيه و كمان الناس اللي سايقة عربياتها ومش ملاحقين من المشاه اللي ماشيين في الشارع لعدم وجود مكان على الارصفة للمشي