Tweet
السلام عليكم ورحمة الله وبركاته،،،
حصلي موقفين مش كويسين في كوستا كوفي وحبيت أحكيلكم عليهم عشان الكل يستفيد.
أنا باروح كوستا بمعدل مرتين أو ثلاثه في الشهر مثلاً، وفي معظم اﻷوقات باطلب حاجه إسمها فريسكاتو موكا ودية عباره عن مشروب كده عامل زي الجرانيتا بس بطعم القهوه.
رحت قعدت في كوسنا اللي قدام نادي هليوبوليس أول يوم العيد بالليل، وطلبت الطلب المعتاد فريسكاتو موكا راح الجرسون قاللي والـ desert إيه؟ قولتله مش فاهم ليه عاوزني أخد حلو؟ قال لي ماهو إنهارده في طبق حلو جديد نازل عشان العيد، قلت له ماشي بس أنا مش عاوز، أنا جاي عشان أشرب بس مش أكتر وأصدقائي قالو له نفس الكلام ، قال طب خلاص أجيبلكم طبقين ليكم كلكم؟ قلنا له ﻷ مش عاوزين. راح قايل طب أجيبلكم طبق واحد ليكم كلكم؟ قلنا له ﻷ برضه. راح قايل ﻷ إنتو لازم تاخدوا على الأقل طبق واحد. قلت له ده مبدأ مرفوض إنك تديني حاجه بالعافيه وقلناله سؤال: لو ما خدناش desert نقوم نمشي يعني ولا إيه؟ قال لأ مش هاتمشوا ولا حاجه. قلنا له خلاص مش هاناخد وعاوزين نشرب فقط. والموضوع خلص على كده.
تاني موقف في فرع سيتي ستارز اللي جنب السينيما يوم السبت اللي فات.
أنا طلبت كيك تيراميسو، راح الجرسون قال لي وعاوز الأيس كريم فانيليا ولا شيكولاته؟ وكان بيديني إحساس إن ده لازم ييجي مع الكيك أو بييجي معاه كده كده، قلت له شيكولاته.
انا طبعاً بما إني مش باطلب كيك على طول فا شربت الخدعه وصدقت إن الأيس كريم ده بينزل مع الكيك.
بعد كده صديقي طلب فريسكاتو راح برضه الجرسون سأله والأيس كريم إيه؟ هنا بقى أنا قلت لنفسي هو في إيه؟ هو من إمتى الفريسكاتو بييجي معاه أيس كريم؟ ده هو أصلاً متلج ومش محتاج معاه أيس كريم.
صديقي التالت طلب برضه فريسكاتو راح برضه الجرسون سأله والأيس كريم إيه؟
صديقي الرابع طلب كيك ومشروب سخن، راح برضه الجرسون سأله واﻷيس كريم فانيليا ولا شيكولاته؟ طب يا جماعه إزاي هاشرب حاجه سخنه وهاكل معاها كيك وأيس كريم في نفس الوقت؟ هنا بقى أنا قلت ﻷ أكيد في حاجه غلط.
قلت للجرسون معلش هو اﻷيس كريم اللي بييحي مع الفريسكاتو ده إيه؟ قال ده الـ flavor قولتله مش فاهم يعني ما أنا طول عمري باشرب فريسكاتو من غير أيس كريم؟ قال لي ما أنا باقولك على نوع الأيس كريم اللي ينفع مع الفريسكاتو اللي إنت طلبته!!!!!!!!!! المشكله إنه حسسنا إن ده حاجه بتيجي مع الطلب بشكل إفتراضي ومسلم بيه، أو بتيجي ببلاش مع الطلب.
قلتله طيب واﻷيس كريم اللي مع الكيك ده كمان إيه؟ هو بييجي مع الكيك كده كده قال لي ﻷ، قلت له خلاص أنا مش عاوز أيس كريم مع الكيك.
لما الطلبات نزلت لقينا الطلبات نازله أكبر حجم، طالما إنت ما حددتش حجم معين يبقى هاتشرب أكبر حجم! وطبعاً إحنا ما حددناش حجم عشان إحنا ما إتسألناش أصلاً على حجم الطلبات.
وبرضه ساعة الحساب لقيتا حط أيس كريم على الفريسكاتو عشان أنا بس اللي قلت له مش عاوز أيس كريم مع الكيك، مع إن أصحابي كلهم كانوا معترضين زيي على مبدأ تلبيس الطلبات ده. وعلى فكره اﻷيس كريم محسوب البوله بـ 11 جنيه ونص من غير ضريبه.
المشكله إن كوستا كوفي مش مكان واقع ولا إيراده قليل عشان يلجأ للأساليب التعبانه دية، ده ما شاء الله مليان 24 ساعه.
وواضح إن الأسلوب ده بإيعاز من الإداره وده ﻷنه تكرر في أكثر من فرع.
أنا حبيت أحذركم وكنت عاوز أستشيركم لو حبيت أبعت شكوى عشان الموضوع ده أبعتها لمين؟
أنا جبت إيميل كوستا الرئيسي في إنجلترا وبعتلهم إيميل باسألهم فيه إني لو عاوز أبعت شكوى أبعتها فين، بس لسه ما حدش رد علي. وأديني مستني.
لو حد عنده طريقه يقول.
شكراً
حصلي موقفين مش كويسين في كوستا كوفي وحبيت أحكيلكم عليهم عشان الكل يستفيد.
أنا باروح كوستا بمعدل مرتين أو ثلاثه في الشهر مثلاً، وفي معظم اﻷوقات باطلب حاجه إسمها فريسكاتو موكا ودية عباره عن مشروب كده عامل زي الجرانيتا بس بطعم القهوه.
رحت قعدت في كوسنا اللي قدام نادي هليوبوليس أول يوم العيد بالليل، وطلبت الطلب المعتاد فريسكاتو موكا راح الجرسون قاللي والـ desert إيه؟ قولتله مش فاهم ليه عاوزني أخد حلو؟ قال لي ماهو إنهارده في طبق حلو جديد نازل عشان العيد، قلت له ماشي بس أنا مش عاوز، أنا جاي عشان أشرب بس مش أكتر وأصدقائي قالو له نفس الكلام ، قال طب خلاص أجيبلكم طبقين ليكم كلكم؟ قلنا له ﻷ مش عاوزين. راح قايل طب أجيبلكم طبق واحد ليكم كلكم؟ قلنا له ﻷ برضه. راح قايل ﻷ إنتو لازم تاخدوا على الأقل طبق واحد. قلت له ده مبدأ مرفوض إنك تديني حاجه بالعافيه وقلناله سؤال: لو ما خدناش desert نقوم نمشي يعني ولا إيه؟ قال لأ مش هاتمشوا ولا حاجه. قلنا له خلاص مش هاناخد وعاوزين نشرب فقط. والموضوع خلص على كده.
تاني موقف في فرع سيتي ستارز اللي جنب السينيما يوم السبت اللي فات.
أنا طلبت كيك تيراميسو، راح الجرسون قال لي وعاوز الأيس كريم فانيليا ولا شيكولاته؟ وكان بيديني إحساس إن ده لازم ييجي مع الكيك أو بييجي معاه كده كده، قلت له شيكولاته.
انا طبعاً بما إني مش باطلب كيك على طول فا شربت الخدعه وصدقت إن الأيس كريم ده بينزل مع الكيك.
بعد كده صديقي طلب فريسكاتو راح برضه الجرسون سأله والأيس كريم إيه؟ هنا بقى أنا قلت لنفسي هو في إيه؟ هو من إمتى الفريسكاتو بييجي معاه أيس كريم؟ ده هو أصلاً متلج ومش محتاج معاه أيس كريم.
صديقي التالت طلب برضه فريسكاتو راح برضه الجرسون سأله والأيس كريم إيه؟
صديقي الرابع طلب كيك ومشروب سخن، راح برضه الجرسون سأله واﻷيس كريم فانيليا ولا شيكولاته؟ طب يا جماعه إزاي هاشرب حاجه سخنه وهاكل معاها كيك وأيس كريم في نفس الوقت؟ هنا بقى أنا قلت ﻷ أكيد في حاجه غلط.
قلت للجرسون معلش هو اﻷيس كريم اللي بييحي مع الفريسكاتو ده إيه؟ قال ده الـ flavor قولتله مش فاهم يعني ما أنا طول عمري باشرب فريسكاتو من غير أيس كريم؟ قال لي ما أنا باقولك على نوع الأيس كريم اللي ينفع مع الفريسكاتو اللي إنت طلبته!!!!!!!!!! المشكله إنه حسسنا إن ده حاجه بتيجي مع الطلب بشكل إفتراضي ومسلم بيه، أو بتيجي ببلاش مع الطلب.
قلتله طيب واﻷيس كريم اللي مع الكيك ده كمان إيه؟ هو بييجي مع الكيك كده كده قال لي ﻷ، قلت له خلاص أنا مش عاوز أيس كريم مع الكيك.
لما الطلبات نزلت لقينا الطلبات نازله أكبر حجم، طالما إنت ما حددتش حجم معين يبقى هاتشرب أكبر حجم! وطبعاً إحنا ما حددناش حجم عشان إحنا ما إتسألناش أصلاً على حجم الطلبات.
وبرضه ساعة الحساب لقيتا حط أيس كريم على الفريسكاتو عشان أنا بس اللي قلت له مش عاوز أيس كريم مع الكيك، مع إن أصحابي كلهم كانوا معترضين زيي على مبدأ تلبيس الطلبات ده. وعلى فكره اﻷيس كريم محسوب البوله بـ 11 جنيه ونص من غير ضريبه.
المشكله إن كوستا كوفي مش مكان واقع ولا إيراده قليل عشان يلجأ للأساليب التعبانه دية، ده ما شاء الله مليان 24 ساعه.
وواضح إن الأسلوب ده بإيعاز من الإداره وده ﻷنه تكرر في أكثر من فرع.
أنا حبيت أحذركم وكنت عاوز أستشيركم لو حبيت أبعت شكوى عشان الموضوع ده أبعتها لمين؟
أنا جبت إيميل كوستا الرئيسي في إنجلترا وبعتلهم إيميل باسألهم فيه إني لو عاوز أبعت شكوى أبعتها فين، بس لسه ما حدش رد علي. وأديني مستني.
لو حد عنده طريقه يقول.
شكراً
وأقول شكرا جافة تقفل اي سبيل للحوار
وطلبت ارهاب وقلنا مش هندفع وهات لينا الشرطه تعمل محضر
Comment