وامصيبتاة زكارثتاة وا فلوساة زيادة سعر الغاز الطبيعى 4 اضعاف

[الفجر]

مع العلم ان زيادة سعر الغاز سيؤدى لا محالة الى زيادة السلع الغذائية

للعلم ايضا الزيادة للشعب فقط وليس للصناعات كصناعات الاسمنت و الحديد والالومنيوم رغم انها صناعة مربحة جدا لاصحابها !!!!!!!!!!!!!

[ahmedwagdy03]

إرتفاع أسعار الغاز و الوقود أمر حتمى و لابد منه و قد تهربت منه الحكومات الكثيرة من أيام عاطف صدقى حتى البلاوى لكن خلاص لا مفر بالسعر العالمى لبنزين 92 مثلا يدور حول متوسط 4.5-5 جنية إلا فى مصر . ما الداعى أن تقوم الحكومة بتمويل وقود سيارة لموظف بنك مثلا يتقاضى آلاف الجنيهات أو بمعنى أدق لماذا يقوم الفقير المحشور فى الأتوبيس بتمويل وقود سيارة الشاب موظف البنك .

أنا أؤيد بشدة رفع أسعار الوقود و الغاز و الكهرباء ........................و لكن

1- كما يتم رفع أسعار الخدمات لتقليل الدعم و الإقتراب من الأسعار العالمية فلابد أن يكون مستوى الدخول متساوى مع الزيادة يعنى ما ينفعش موظف يقبض ما يعادل 150-200 دولار شهريا و تقوله إدفع سعر الغاز و الكهرباء و المياة بحوالى 50 دولار مثلا و يلاقى المواطن الأوروبى بيدفع 200 دولار مقابل ذلك و فى نفس الوقت راتبه 2000 دولار.

2- ماينفعش أبدا الموظف الغلبان يدفع سعر الغاز و البنزين بالسعر العالمى و فى نفس الوقت ساويرس و أبو العنين و أحمد عز يحصلوا على الغاز بربع الثمن و يبيعلى الأسمنت و السيراميك و الحديد بالسعر العالمى .

ماينفعش أبدا ترفع لتر البنزين و السولار و بالتالى أجرة المواصلات بما فيها مواصلات الحكومة تتضاعف أربع و خمس مرات و لا أجد وسيلة مواصلات آدمية .

ماينفعش أبدا المواطن البسيط هو اللى يدفع فاتورة القروض و الديون المتراكمة و الأموال المنهوبة من عشرات السنين

[hilal]

نسيتوا ان سعر ساندويتش الفول والطعمية وطبق الكشري لازم يزيد
بلاش الحلويات لانها طعام الاثرياء ، خلينا في ساندويتش البطاطس والباذنجان
لا عزاء للفقراء ، روحوا موتوا قبل ما يرفعوا سعر الموت والحانوتي

[eng.m7md.ali]

في كل زمان وكل مكان هتلاقي المبرراتية

ماهو البنزين لو اترفع من 1.85 الى 2.85 نقول اهو بنزين الاغنية وياخدو على دماغهم عادي .. بس المصيبة في السولار اللي هيترفع من 1.1 جنيه الى 2 جنيه

[AHMED12345678]

أغنياء أية وبتاع أية
وموضف اية الى محشور فى اتوبيس الى هيدعم موظف بنك
أتقوا الله
هو الى راكب فيرنا ولا لانوس ولا اكسنت ولا اكسيل ولا سبرانزا ولا جيلى ولا ام جؤاند وغيرها كتير
ده يعتبر غنى؟؟؟؟؟؟؟؟؟؟؟؟
هى دى عربيات اصلا مع كامل الاحترام لملاكها
هو اية الى زنقنقا على العربيات دى الا قلة الدخل وارتفاع الجمارك ومعرفش اية وبتاع اية
غير الى شاريين العربيات بالقسط
هما دول اغنياء
اغنياء ازاى عاوز حد يفهمنى

الحكومة عاوز ترفع الدعم وتعلى سعر البنزين ..... ماشى
بس كمان تشيل الجمارك والذى منه

عوزة يا حكومة تبيعيلى البنزين بالسعر العالمى ....... انا موافق
بس كمان بيعيلى العربيات بالسعر العالمى

[مصطفى-حسن]

الحكومة عاوز ترفع الدعم وتعلى سعر البنزين ..... ماشى
بس كمان تشيل الجمارك والذى منه

عوزة يا حكومة تبيعيلى البنزين بالسعر العالمى ....... انا موافق
بس كمان بيعيلى العربيات بالسعر العالمى

معاك فى النقطة دى

[مصطفى-حسن]

بس فية خبر لسة طازة على الاهرام (الجريدة الرسمية) من دقائق بعد انتهاء اجتماع المجموعة الوزارية الاقتصادية بيقول فيها مفيش زيادة

انا محتار بصراحة

نص الخبر
وزير البترول: لا زيادة فى أسعار البنزين خلال الفترة المقبلة - بوابة الأهرام

[hossam_elwani]

دولة الجبايه

[almohaor]

انتوا نور عينينا
واستنونى بعد الانتخابات
راح تشوفوا العجب
موش راح تقدر تغمض عينيك من كتر المفاجآت
احنا فعلا نستاهل اللى يجرى لنا لان السكوت علامة الرضا
الحرامية نهبوا البلد ومصوا دمها والدور علينا احنا الشعب يربونا ويعلمونا الادب

[paul_walker]

ونقول تــــــــــــــــــــــانى نقطه ومن اول السطر ...

[Ayman_Amer]

وبكره تشوفوا مصر !!!؟؟؟
ولسه المجرمين الحرامية عندهم مفاجأت اكتر اذا استتب لهم الأمر ولكن والله لن يكون وسيحاسبوا قريبا بإذن الله

[M R. Z E C O]

مع العلم ان زيادة سعر الغاز سيؤدى لا محالة الى زيادة السلع الغذائية

للعلم ايضا الزيادة للشعب فقط وليس للصناعات كصناعات الاسمنت و الحديد والالومنيوم رغم انها صناعة مربحة جدا لاصحابها !!!!!!!!!!!!!

ده لو هيزيد اربع اضعاف يبقى معلش مع احترامي لكل الناس وكل المستويات ومستوايا ان شخصيا ومستوى جميع الاعضاء وغير الاعضاء ......حد يروح يدور على انشراح بسرعه على راي باسم

[أبو آسر]

يا رجالة الراجل بيوفي بوعده لأنه راجل صادق
هو قال هنشيل الدعم وبدأ ينفذ فعلا من قبل حتى ما يمسك رسمي
كده فاضل وعده بأن اللي بيستقبل المكالمة (مش اللي بيتصل) هيدفع هو كمان زيه زي اللي بيتكلم ودي احنا مستنيينها بفارغ الصبر علشان نتأكد إنه راجل صادق وبينفذ وعوده
وبكرة تشوفوا ماسر

[mido_soliman]

يا رجالة الراجل بيوفي بوعده لأنه راجل صادق
هو قال هنشيل الدعم وبدأ ينفذ فعلا من قبل حتى ما يمسك رسمي
كده فاضل وعده بأن اللي بيستقبل المكالمة (مش اللي بيتصل) هيدفع هو كمان زيه زي اللي بيتكلم ودي احنا مستنيينها بفارغ الصبر علشان نتأكد إنه راجل صادق وبينفذ وعوده
وبكرة تشوفوا ماسر

معلش ممكن حضرتك توضح حضرتك كاتب مصر بالشكل دة ليه ؟؟ اصلى بصراحه مش فاهم ليه بتتكتب بالمنظر دة !!

[أبو آسر]

معلش ممكن حضرتك توضح حضرتك كاتب مصر بالشكل دة ليه ؟؟ اصلى بصراحه مش فاهم ليه بتتكتب بالمنظر دة !!

الفكيك بينطقها كده فأنا بكتبها زي ما بينطقها