لو مكاني هتعمل ايه؟

[osama 2014]

بفكر أعمل مشروع ينهي غربتي الطويله وجا في بالي أني أعمل ورشة موبيليا .. أنا عندي أرض مساحتها كبيرة في قرية تبعد عن المدينة 10 كيلو تقريبا ممكن أبني فيها ورشه أعمل فيها الشغل وأفتح معرض في المدينه للبيع وفي نفس الوقت محتاج عربية في الشهرين اللي بنزلهم أجازه فحبيت أعرف آرائكم ونصائحكم ليا .. المبلغ المتوفر معايا200 ألف وحبيت أطرح أسئلتي في نقاط لسهولة الرد عليها.
1_ رأيكم في مشروع الموبيليا أساسا في ظل الظروف الحالية
2_ هتكلف كام العدد اللازمة للمشروع يعني 200 ألف تكفي ولا لأ
3_ المشروع اللي زي ده ممكن يقف على رجليه في خلال كام سنه علشان أقدر أعتمد عليه ؟
4_ الأحسن أجيب عربية دلوقتي وأروق دماغي منها ولا أركن موضوع العربية على جمب دلوقتي وأفكر في المشروع وأصبر سنتين ولا ثلاثة لحد ربنا مايسهلها وأقدر أجيب عربية


وأخيرا أشكر لكم سعة صدركم وتفكيركم في مشاكل الناس وربنا يجازيكم ألف خير

[minicooper20]

هو انتا نجار
لو انتا نجار مربح جدا
هتجيب عمال
هتخسر جدا جدا

[shiko85]

هتفتح الورشه و تجيب فيها صنعيه يشتغلوا ولا بتشتغل بنفسك ؟؟
الموبيليا مربحه جدا بس ده يتوقف على جوده الشغل بتاعك
اعتقد ان المبلغ قليل على تجهيز ورشه و معرض
العربيه فحدود كام ؟ و علشان الشهريين بس ولا انت هتفتح الورشه و تستقر فمصر ؟؟

[shiko85]

هو انتا نجار
لو انتا نجار مربح جدا
هتجيب عمال
هتخسر جدا جدا

+111111

[osama 2014]

أنا ممكن أفتح الورشه وأخد معرض إيجار ده ينفع ولا لأ بس المشكله أني معرفش حاجه في النجاره بس عندي ناس ثقه ممكن يتابعوا الورشه وأنا عايز أفتح المشروع وأول ما يبدأ يبقى ليه دخل كويس أنزل وبالنسبه للعربية أنا عايز عربة في حدود 150

[shiko85]

أنا ممكن أفتح الورشه وأخد معرض إيجار ده ينفع ولا لأ بس المشكله أني معرفش حاجه في النجاره بس عندي ناس ثقه ممكن يتابعوا الورشه وأنا عايز أفتح المشروع وأول ما يبدأ يبقى ليه دخل كويس أنزل وبالنسبه للعربية أنا عايز عربة في حدود 150

لو مش شغلتك اصلا و مش انت اللى هتباشر الشغل بنفسك يبقى هتخسر كل فلوسك
شوف مشروع تكون فاهم فيه علشان محدش ينصب عليك

[osama 2014]

لو مش شغلتك اصلا و مش انت اللى هتباشر الشغل بنفسك يبقى هتخسر كل فلوسك
شوف مشروع تكون فاهم فيه علشان محدش ينصب عليك

طيب ايه المشروع اللي ممكن اعمله في مصر وأنا شغلي مدرس

[shiko85]

طيب ايه المشروع اللي ممكن اعمله في مصر وأنا شغلي مدرس

[mr_vampire]

خليك برا مصر دلوقتي.

خلص الكلام.

[hhhhhm]

مبدئيا أنت راجل طيب ومحترم وغالبا الناس اللى كده ما بتنفعش فى التجاره

ثانيا عن تجارب ماحك جلدك مثل ظفرك والله لو أخوك أوعى تعمل مشروع ما بتفهمش فيه كويس جدا علشان ما تخسرش فلوسك وما تخسرش صحابك

ثالثا أنت فى نعمه أوعى تتبتر عليها لأن 3/4 الناس هنا عاوزه تسافر ومش عارفه

رابعا حرام تدفع شقا عمرك فى عربيه على 4 عجلات كاوتش أنت ممكن تأجر عربيه شهر ولا حاجه تقضى بيها أجازتك وترجع معزز مكرم أو شوفلك زلمكه عندك نضيفه بحسبة 10000 جنيه ولا حاجه أنزل بيها وعيش يومينك باشا وأرجع بيها تانى وما تنساش تملاها أجهزه كهربائيه و بطاطين وأنت جى هاتبيعهم هنا وتجيب مصاريف الأجازه

خامسا مفيش شغلانه بنت حلال كده عندك هههههههههههههههههه

[أبو آسر]

اشتري محل أو شقة بالمبلغ ده وانساهم أو أجرهم بشرط يكون حد ثـقـة متابع موضوع الإيجار ويحطهولك في حساب جاري في البنك أو يبعتهولك كل شهر وخليك برة زي ما انت متنزلش

[starlanos]

خليك برا مصر دلوقتي.

خلص الكلام.

كلام ليم

[starlanos]

خليك برا مصر دلوقتي.

خلص الكلام.

كلام سليم
وممكن شقة تمليلك تاجرها مفروش او تسيبها فترة وتبيعها العقارات شغاله تمام

[reda elgohary]

نصيحتى للسائل .
لو حضرتك واثق من الصنايعية جدا ممكن تبدأ وربنا معاك ،، وانا أعرف ناس ربنا كرمها جدا ف النجارة والتجارة
اما لو مش متردد يبق تشتري أرض وتعمل عليها أساسات عمارة متينة وواحدة واحدة كملها وتبيع شقق بالتقسيط
،، لو الآرض بتاعتك زراعية ممكن تبيعها وتشتري أرض مبانى وتعمل مشروع العقارات .
أخيرا ،، خليك عندك احسن .

[lena jo]

اولا اوعي تتهور و تسيب شغلك. خليك في غربتك احسن . هنا غربة اكثر منها. العربية خسارة تشتريها و تصرف عليها صيانة علشان شهرين.مشروع الورشة حضرتك مبتفهمش فيه خالص و لا عارف السوق و لا الخشب و لا اي حاجة و كمان مش موجود و مش متابع و اي مشروع تاني لو حضرتك لا يوجد عندك خبرة فيه و مش هتتابعه يبقي بلاش منه احسن. سيبك من ناس شاطرة و بس ، المهم الضمييييييير. مين الان في مصر عنده ضمير و مش مستغل و كداب؟ قلة قليلة مندسة. كمان الارض و الشقة و الحاجات دي الان ممكن حد يستولي عليها او ينصب عليك . لو اشتريت شقة خليها مقفولة احسن لان لو حد تاني اجرهالك و انت مش متابع الله اعلم هيحصل فيها ايه .لا تضع رقبتك تحت رحمة احد. ده فيه شخص بس ترك مفتاح شقته مع الجيران و للاسف استولوا عليها و استعملوها!!! اما الشخص الثقة دة فيكون اب ، اخ ....يعني قريب درجة اولي غير كدة يبقي شقي عمرك بايد غيرك. و بعدين الامن كمان مشكله و الموظفين او العمال اللي بيوردوا فلوس او لو بيوصلوا بضاعة معرضين للسرقة في الطريق و فيه كام عضو هنا اشتكوا من كده في مواضيع مختلفة.اللبلد متلصمة. خليك عندك احسن.اسفة انا مش باحبطك بس ده واقع. انزل و اسأل بنفسك و شوف احوال اصحاب المشاريع