لو مكاني هتعمل ايه؟

[drcobra]

خليك فى المجال اللى انت اشتغلت فيه
وهات عربية ربع نقل ليك وللشغل

[osama 2014]

خليك برا مصر دلوقتي.

خلص الكلام.

أنا كدا شكلي هقضي عمري كله برا دي بقت حاجه تقرف

مبدئيا أنت راجل طيب ومحترم وغالبا الناس اللى كده ما بتنفعش فى التجاره

ثانيا عن تجارب ماحك جلدك مثل ظفرك والله لو أخوك أوعى تعمل مشروع ما بتفهمش فيه كويس جدا علشان ما تخسرش فلوسك وما تخسرش صحابك

ثالثا أنت فى نعمه أوعى تتبتر عليها لأن 3/4 الناس هنا عاوزه تسافر ومش عارفه

رابعا حرام تدفع شقا عمرك فى عربيه على 4 عجلات كاوتش أنت ممكن تأجر عربيه شهر ولا حاجه تقضى بيها أجازتك وترجع معزز مكرم أو شوفلك زلمكه عندك نضيفه بحسبة 10000 جنيه ولا حاجه أنزل بيها وعيش يومينك باشا وأرجع بيها تانى وما تنساش تملاها أجهزه كهربائيه و بطاطين وأنت جى هاتبيعهم هنا وتجيب مصاريف الأجازه

خامسا مفيش شغلانه بنت حلال كده عندك هههههههههههههههههه

هههههههههه انت تنورنا

[mr_vampire]

[QUOTE=osama 2014;3875544801]أنا كدا شكلي هقضي عمري كله برا دي بقت حاجه تقرف
QUOTE]

هتنزل مصر هتتقرف اكتر وهتندم اشد الندم انك اختارت التوقيت ده عشان تنزل نهائي.

[bmya]

ربنا يوفقك بس انا ليه واحد قريبي عمل كده وخسر فلوسه كلها هو كان شغال بره وعمل شويه فلوس وقال يرجع بقه ويستقر هنا وفكر في حوار قريب اوي من بتاعك لكن هو قال يعمل شونه خشب كان عنده أرض فاضيه ظبطها واشترى خشب وعمل شونه خشب ولان ده مش مجاله وهو مش فاهم فيه واتعامل بثقه زياده مع الناس اتصب عليه واتسرق خسر فلوسه وسافر تاني الكلام ده من يجي 18 سنه كده ولحد دلوقتي ما رجعش ولا عاوز يرجع ولما بينزل اجازه ضغطه بيعلى وبيكره اليوم اللي نزل فيه

حاليا خليك مكانك في شغلك وحياتك صحيح الغربه صعبه بس احسن ماتنزل وتعمل زي قريبي اصبر على الاقل على البلد مانعرف هترسى على فين وانتخابات الرئاسه دي تمر ونشوف ايه الوضع واخيرا ربنا ييسر لك حالك وحالنا وحال المسلمين ويفرجها علينا أجمعين يارب

[osama 2014]

نصيحتى للسائل .
لو حضرتك واثق من الصنايعية جدا ممكن تبدأ وربنا معاك ،، وانا أعرف ناس ربنا كرمها جدا ف النجارة والتجارة
اما لو مش متردد يبق تشتري أرض وتعمل عليها أساسات عمارة متينة وواحدة واحدة كملها وتبيع شقق بالتقسيط
،، لو الآرض بتاعتك زراعية ممكن تبيعها وتشتري أرض مبانى وتعمل مشروع العقارات .
أخيرا ،، خليك عندك احسن .

اولا اوعي تتهور و تسيب شغلك. خليك في غربتك احسن . هنا غربة اكثر منها. العربية خسارة تشتريها و تصرف عليها صيانة علشان شهرين.مشروع الورشة حضرتك مبتفهمش فيه خالص و لا عارف السوق و لا الخشب و لا اي حاجة و كمان مش موجود و مش متابع و اي مشروع تاني لو حضرتك لا يوجد عندك خبرة فيه و مش هتتابعه يبقي بلاش منه احسن. سيبك من ناس شاطرة و بس ، المهم الضمييييييير. مين الان في مصر عنده ضمير و مش مستغل و كداب؟ قلة قليلة مندسة. كمان الارض و الشقة و الحاجات دي الان ممكن حد يستولي عليها او ينصب عليك . لو اشتريت شقة خليها مقفولة احسن لان لو حد تاني اجرهالك و انت مش متابع الله اعلم هيحصل فيها ايه .لا تضع رقبتك تحت رحمة احد. ده فيه شخص بس ترك مفتاح شقته مع الجيران و للاسف استولوا عليها و استعملوها!!! اما الشخص الثقة دة فيكون اب ، اخ ....يعني قريب درجة اولي غير كدة يبقي شقي عمرك بايد غيرك. و بعدين الامن كمان مشكله و الموظفين او العمال اللي بيوردوا فلوس او لو بيوصلوا بضاعة معرضين للسرقة في الطريق و فيه كام عضو هنا اشتكوا من كده في مواضيع مختلفة.اللبلد متلصمة. خليك عندك احسن.اسفة انا مش باحبطك بس ده واقع. انزل و اسأل بنفسك و شوف احوال اصحاب المشاريع

اشتري محل أو شقة بالمبلغ ده وانساهم أو أجرهم بشرط يكون حد ثـقـة متابع موضوع الإيجار ويحطهولك في حساب جاري في البنك أو يبعتهولك كل شهر وخليك برة زي ما انت متنزلش

واضح ان الحال في مصر واقع أوي وواضح كمان أن في إجماع على كده ........ أنا شكلي هكمل هنا لحد ماربنا يفرجها وأهو عصفور في اليد أحسن من عشرة على الشجره ؟؟؟ عشرة ايه أنا هكدب من أولها دا مفيش عصافير أصلا .
المهم أنا عايز أركب عربية في مصر وجربت ونزلت بعربيتي السنه اللي فاتت واتبهدلت آخر بهدله صرفت أكتر من 10 الاف من الميناء اللي مفيهوش حاجه تدل على كدا غير اليافطه اللي برا وطبعا طول مانت ماشي الناس بتقولك كل سنه وانت طيب طبعا انتو عارفين بيحصل بعديها ايه من الآخر مصاريف كتير على الفاضي بفكر أأجر عربيه السنادي بس خايف من البلاوي اللي بتحصل
أنتو رأيكم ايه اشتري عربيه وخلاص وأكبر دماغي واالي يحصل يحصل ولا أعمل أيه اذا كان الأرض والشقق كمان ممكن تتاخد منك الواحد يعمل ايه بس ربنا يستر على البلد دي .

واخيرا أحب أشكر كل الناس اللي اهتمت بالموضوع بجد لسا فيه خير في الدنيا ولسا فيه ناس بتساعدك بدون أي مصلحه وبدون ماتعرفك اصلا

[osama 2014]

ربنا يوفقك بس انا ليه واحد قريبي عمل كده وخسر فلوسه كلها هو كان شغال بره وعمل شويه فلوس وقال يرجع بقه ويستقر هنا وفكر في حوار قريب اوي من بتاعك لكن هو قال يعمل شونه خشب كان عنده أرض فاضيه ظبطها واشترى خشب وعمل شونه خشب ولان ده مش مجاله وهو مش فاهم فيه واتعامل بثقه زياده مع الناس اتصب عليه واتسرق خسر فلوسه وسافر تاني الكلام ده من يجي 18 سنه كده ولحد دلوقتي ما رجعش ولا عاوز يرجع ولما بينزل اجازه ضغطه بيعلى وبيكره اليوم اللي نزل فيه

حاليا خليك مكانك في شغلك وحياتك صحيح الغربه صعبه بس احسن ماتنزل وتعمل زي قريبي اصبر على الاقل على البلد مانعرف هترسى على فين وانتخابات الرئاسه دي تمر ونشوف ايه الوضع واخيرا ربنا ييسر لك حالك وحالنا وحال المسلمين ويفرجها علينا أجمعين يارب

الف شكر على النصيحه الغاليه دي وان شاء الله هفكر في في اي حاجه اشتريها أرض أو شقه وخلاص ولما أنزل نهائي ربنا يسهلها بقى بس المشكله هي فين الأرض أو الشقه اللي ب200 ألف

[bmya]

اي مدينه جديده هتلاقي فيها شقق واراضي بالعبيط وبالسعر ده اكتوبر عبور شروق العاشر دمياط الجديده طبعا المدن القديمه لا اعتقد تلاقي حاجه بالسعر ده الا اذا كانت خساره يدفع فيها فلوس اصلا

ملحوظه لو هتشتري حاجه وناوي تأ<رها يبقى لازم لازم حدا يكون متابعها ليك طالما انك مسافر عشان المصريين اتغيروا اوي عن زمان :) ممكن تأجر ارض لواحد ويلبد فيها ومايطلعش اه والله :(

[reda elgohary]

موفق ان شاء الله .
تحياتى لصاحب الموضوع .

[shiko85]

اي مدينه جديده هتلاقي فيها شقق واراضي بالعبيط وبالسعر ده اكتوبر عبور شروق العاشر دمياط الجديده طبعا المدن القديمه لا اعتقد تلاقي حاجه بالسعر ده الا اذا كانت خساره يدفع فيها فلوس اصلا
(

اعتقد صعب يلاقى حاجه بـ 200 الف فأكتوبر

[osama 2014]

موفق ان شاء الله .
تحياتى لصاحب الموضوع .

الف شكر ليك على الدعوه الحلوه دي وربنا يجعلها من نصيبنا ونصيبك