عايز ارخص سلاح

[eng.m7md.ali]

بعد اللي حصلي وبعد التقليبات الكتير اللي بتحصل اليومين دول وكل سنة والشرطة طيبة وبخير والناس تدافع وتبرر اللي بيحصل

دلوقتي عايز ارخص سلاح ايه الاجراءات او الشروط المطلوبة؟؟

انا عندنا بيت في العبور وماادركو مالعبور بعد الساعة 7 .. سمعت ان يجوز ترخيص سلاح في الحالة دي

بس المشكلة ان البيت بأسم والدي ووالدي مش في مصر هل ممكن يطلع الترخيص بأسمي؟

[salodas]

إنسى .

[amr011111]

متابع

[eng wael]

الاخ الفاضل
موضوع البيت مش مبرر للترخيص لانه مش هيتسرق يعنى
وموضوع المنطقه برضه مش مبرر لان فى الاخر هيتقالك احنا كفيلين بتامينك
لازم يكون فيه سبب ومبررات قويه لان الموضوع بقى صعب جدا جدا كان مفتوح شويه ايام مرسى بس دلوقت بقى موقوف ومحتاج واسطه جامده يعنى مش اقل من مدير الامن
ابدأ فى الموضوع لو حابب تخوض التجربه بتقديم الورق لرئيس مباحث المنطقه اللى حضرتك تابع ليها
الورق بيكون صحيفه حاله جنائيه
شهاده طبيه
4 صور
كل المبررات من حيازة اراضى او خلافه وطبيعه عمل
لو اتقبل الورق منك فى القسم يبقى الامل موجود ان شاء الله
تحياتى

[Secret-Man]

مفيش حد هيرخصلك لان ناس كتير حواليك ممكن ترخص كده

ثانيا للاسف الشرطه عايزه الحرق فعلا وشوفت ادامى مواقف كتير لناس معارف وبيخدمو اوى وبيشتغلو ولو مواطن عادى بيشتكى لاى مصيبه حصلتله ولا بيعبروه ولا بيهتمو وانا واحد من الناس ديه شقتى اتسرقت كلها ولا حد اهتم وكل سنه وانت طيب

[DODGE2013]

قدم الورق عادي وجرب

[waleed0]

حتي لو رخصت سلاح , مهو وارد يطلعلك اتنين تلاته معاهم رشاشات وساعتها سلاحك مش حينفعك
شئ اخر
سلاح يعني خطر عليك قبل ما يكون حماية ليك ,يعني ممكن انت لو سريع الغضب والانفعال تطلع السلاح وتضرب اللي قدامك وتقضي بقية حياتك في السجن علشان لحظة غضب .
الافضل فى الوقت الحالي من وجهه نظري انك تتجنب الخروج فى اوقات متاخرة وكمان الاماكن المظلمة وتأمن نفسك علي اد متقدر .

[طارق _عبد السلام]

المصيبه ان السلاح لو معاك بيكون مطمع للبلطجى مش مسئله حمايه
يعنى لو البلطجى عرف ان معاك سلاح بيعمل المستحيل علشان عايز حته السلاح دى يعنى اتنين تلاته برشاشات وتثبيته وطلعوا كمان بحته سلاح

[eng.m7md.ali]

شكرا لكل الناس اللي متابعة معانا وبردو شكراً للناس اللي قفلتهالي بالضبة والمفتاح :) .. طب عالاقل ادوني امل يااخونا :(

ماعلينا

دلوقتي عندنا ارض في سرابيوم وقبل كل العرباوية حاولو يستولو عليها بس لولا فضل الله ثم الحراس اللي هناك كان زمانهم خدوها وضع يد .. هل ممكن الموضوع ده يطلعنا خطوة قدام بالنسبة للموضوع الاصلي؟

[hugan]

مش هاتعرف ترخص
او تقدر تقول مستحيل
الترخيص
ضباط الشرطه
الجيش
القضاء
بدون رخصه معاهم ضبطيه قضائيه
لازم تكون
من كبار رجال الاعمال
كبار الاطباء المشهورين
كبار المحامين زي مرتضي كده وفريد الديب
كبار الصحفيين
كبار لاعبي الكوره زي متعب
غير كده انسي الموضوع

[miceg]

الحوار ده بيخلص بس بفلوس
يعني على ماسمع بيخلص ب 30-60 ألف
وكل سنة والحكومة طيبين :d

[DODGE2013]

الحوار ده بيخلص بس بفلوس
يعني على ماسمع بيخلص ب 30-60 ألف
وكل سنة والحكومة طيبين :d

كنت عايز اقولها بس كبرت دماغي هو بيخلص فعلا

طيب وبعد ما تاخد الترخيص عارف حتجيب طبنجه ايه ؟؟؟؟

تعالى بقى وانا افيدك

حتدور على المحلي حتلاقي حلاون

الي لو بتصوب على رجل حد حتلاقي المسدس طلع لفوق وجت في بطنه

بلاش ديه بيصدي سعات ,,, بلاش بيتسد سعات ,,,,

اقولك لو حبيت تجيب حاجه ايطاليا ولا الماني سعرها بقى معدي دلوقتي

اخرتها لو دفعت في الطبنجه 80 ولا 100 الف جنيه حتعمل زينا حتخليها في البيت

يحسن تتسرق هههههههههههههههههههههههه

او تستورد قطعه بالترخيص عن طريق اي تاجر سلاح مرخص في مصر بس شغلانه

وكأنك مستورد دبابه مش حتت طبنجه 9 ملي

لو عايز نصيحة واحد مجرب الطبنجه دلوقتي زي عدمها اخرها تخليها عندك في البيت احتياط مش اكتر

لاكن بره بطمع الي قدامك فعلا او حتغضب لازم تضرب بيها

ومتقولش لا يمكن حتضرب بيها احنا قلنا كده في الاول ( الشيطان ملوش حل )

من الاخر خليها على الله واقرا ايات الحفظ وادعي ان ربنا يحفظك


المكتوب مكتوب والله لو مسكت ak 47 الي ربنا كاتبه حيحصل

انت قبل ما تتولد وقدرك في الدنيا ونصيبك مكتوب في كتاباً مبين

سلام

[ibrahim sallam]

كنت عايز اقولها بس كبرت دماغي هو بيخلص فعلا

طيب وبعد ما تاخد الترخيص عارف حتجيب طبنجه ايه ؟؟؟؟

تعالى بقى وانا افيدك

حتدور على المحلي حتلاقي حلاون

الي لو بتصوب على رجل حد حتلاقي المسدس طلع لفوق وجت في بطنه

بلاش ديه بيصدي سعات ,,, بلاش بيتسد سعات ,,,,

اقولك لو حبيت تجيب حاجه ايطاليا ولا الماني سعرها بقى معدي دلوقتي

اخرتها لو دفعت في الطبنجه 80 ولا 100 الف جنيه حتعمل زينا حتخليها في البيت

يحسن تتسرق هههههههههههههههههههههههه

او تستورد قطعه بالترخيص عن طريق اي تاجر سلاح مرخص في مصر بس شغلانه

وكأنك مستورد دبابه مش حتت طبنجه 9 ملي

لو عايز نصيحة واحد مجرب الطبنجه دلوقتي زي عدمها اخرها تخليها عندك في البيت احتياط مش اكتر

لاكن بره بطمع الي قدامك فعلا او حتغضب لازم تضرب بيها

ومتقولش لا يمكن حتضرب بيها احنا قلنا كده في الاول ( الشيطان ملوش حل )

من الاخر خليها على الله واقرا ايات الحفظ وادعي ان ربنا يحفظك


المكتوب مكتوب والله لو مسكت ak 47

انا عملت المشاركه مخصوص عشان اعرف ايه ديه

وعشان اكون صادق معاك فعلا ضحكتني خليها لحسن تتسرق ههههه

الي ربنا كاتبه حيحصل

انت قبل ما تتولد وقدرك في الدنيا ونصيبك مكتوب في كتاباً مبين

سلام

إ

[DODGE2013]

؟؟؟

انا بقول لو هوا جاب طبنجه غاليه ب 100 الف مثلا ممكن حد يترصدله ويطلع عليه كام واحد باللي

ويخلصوا عليه وياخدوا منه السلاح فا حيضطر يخليها في البيت يحسن تتسرق ( قصدي الطبنجه تتسرق) مش البيت

ولعلمك بعض السرقات الي بتحصل بتبقى عن طريق صاحبك او صاحب صاحبك في وسط قاعده يقعد يحكي لصحابه

عنك اصل فلان معاه مش عارف ايه وجاب طبنجه بكام وانت عارف الي في ضائقه ماليه ممكن يعمل كتير

ممكن يكون واحد في وسطهم يتربصلك وده بيحصل ممكن تسال


النقطه التانيه ال ak47 ده الالي (الكلاشينكوف) يعني !!!!!!!!!!!!!! معقول مش عارف ؟؟؟ اومال لو قلت m240 حتعمل ايه

وكان قصدي المكتوب مكتوب لو مسك ak47 يعني حتى لو جاب اللي وطلع عليه حراميه ومكتوب ان نهايته في اللحظه ديه خلاص مش حينفعه الالي

{وَلِكُلِّ أُمَّةٍ أَجَلٌ فَإِذَا جَاء أَجَلُهُمْ لاَ يَسْتَأْخِرُونَ سَاعَةً وَلاَ يَسْتَقْدِمُونَ }الأعراف34

{قُل لاَّ أَمْلِكُ لِنَفْسِي ضَرّاً وَلاَ نَفْعاً إِلاَّ مَا شَاء اللّهُ لِكُلِّ أُمَّةٍ أَجَلٌ إِذَا جَاء أَجَلُهُمْ فَلاَ يَسْتَأْخِرُونَ سَاعَةً وَلاَ يَسْتَقْدِمُونَ }يونس49

ما علينا اتمنى تكون الرؤيه وضحت ومن الاخر السلاح بالنسبالي مش مهم اوي برا البيت بيبقى مهم

لو انت ساكن في حته فيها حراميه كتير او عليها العين او الامن ضعيف فيها فا مهم يكون في البيت سلاح (مرخص)

واحب اشد شويه على كلمة ان ممكن ,, ممكن يكون الي اترصدلك ده بسبب واحد انت تعرفه مش شرط يكون

صحبك هوا الي اترصدلك لا ممكن صحبك يعني واحد هو الي اترصدلك او الواحد ده حكى لواحد تاني

والتاني ده هو الي اترصدلك ولو تحب اجبلك حجات زي ديه حصلت انا جاهز فا من الاخر الواحد ينقي الناس الي بيقعد معاهم .. ازاي معرفش

وعموما والله خيرا حافظا وهو ارحم الراحمين

[dodo2000]

الطبنجة مش ميزة اصلا لان كل البلطجية و قطاع الطرق معاهم ألى و بنادق خراطيش ده حتى العيال السرسجية معاهم فرد خرطوش او ما يطلق عليه المقروطة و من الاخر مش هتدخل معاهم فى تبادل اطلاق نار لانك الخسران

توكل على الله هو الحافظ