إعـــــــلان

Collapse

.

,
See more
See less

حد جرب not coursesووصل لنتيجة مرضية؟؟؟

Collapse
X
 
  • Filter
  • الوقت
  • Show
Clear All
new posts

  • حد جرب not coursesووصل لنتيجة مرضية؟؟؟

    من زمان وانا بسمع عن كورسات الانجليش الجديدة اللي اسمها(not courses)وبصراحة طريقتهم جديدة ومبنية علي المنطق(نظريا هتبقي بيرفيكت في الانجليش) عايز اعرف النتيجة العملية للي خلص الكورس ايه؟؟؟هل فعلا بقي زي الاجانب بالظبط ولا لا؟؟؟وهل نظرية التلقين لطفل بيتعلم النطق تنطبق علي شخص كبير وتعليم لغة تانية مش لغته الاساسية؟؟؟ الموضوع جديد ومبهر بس انا خايف اصرف مبلغ كبير واضيع وقت وموصلش للنتيجة اللي عايزها وخاصة انهم غالين بالنسبة للاماكن الاخري،ياريت لو حد خلص الكورس يقولنا رايه واستفاد ايه ومتشكر جدا....

  • #2
    نصيحة خليك في المضمون وابعد عن المراكز دي
    أنا كنت متابعهم على صفحة الفيس بوك ولقيت هجوم كتير عليهم لحد ما صاحب المركز اسمه محمود تقريبا نشر فيديو بيرد على المهاجمين دول بيقول فيه احنا أفضل مركز تعليم إنجليزي في العالم !! ولما انتقدته في الكلام ده طردني علطول من الصفحة وبقوا أي حد ينتقدهم يطردوه بدون تفاهم
    زائد إن السيستم بتاعهم كل شوية بيغيروه ويقولك اكتشفنا أخطاء في السيستم القديم ! والسيستم الحالي إن الكورس مدته 5 ساعات في اليوم !!
    خليك في المعهد البريطاني أو الجامعة الأمريكية على الأقل هتاخد شهادات معتمدة مش من جهات مجهولة المصدر
    [SIZE="4"][COLOR="Blue"][FONT="Century Gothic"]Freelancer Web Designer & E-marketer[/FONT][/COLOR][/SIZE]
    [SIZE="5"] ( --- [COLOR="Green"][URL="http://www.nilemotors.net/Nile/search.php?do=finduser&u=129815&starteronly=1"]جــمــيــــع مــوضــوعـــاتـي[/URL][/COLOR] --- )[/SIZE]

    [SIGPIC][/SIGPIC]

    Comment


    • #3
      المشاركة الأصلية كتبت بواسطة أبو آسر مشاهدة المشاركة
      نصيحة خليك في المضمون وابعد عن المراكز دي
      أنا كنت متابعهم على صفحة الفيس بوك ولقيت هجوم كتير عليهم لحد ما صاحب المركز اسمه محمود تقريبا نشر فيديو بيرد على المهاجمين دول بيقول فيه احنا أفضل مركز تعليم إنجليزي في العالم !! ولما انتقدته في الكلام ده طردني علطول من الصفحة وبقوا أي حد ينتقدهم يطردوه بدون تفاهم
      زائد إن السيستم بتاعهم كل شوية بيغيروه ويقولك اكتشفنا أخطاء في السيستم القديم ! والسيستم الحالي إن الكورس مدته 5 ساعات في اليوم !!
      خليك في المعهد البريطاني أو الجامعة الأمريكية على الأقل هتاخد شهادات معتمدة مش من جهات مجهولة المصدر
      شكرا لحضرتك،اللي اعرفه ان المعهد البريطاني مش ده اسلوب الكورسات فيه يعني بيتبع الاسلوب القليدي،انا بس نفسي اشوف حد من ال7000 شخص اللي كاتبين علي موقعهم انهم اتخرجوا من عندهم وساعتها هعرف ان كان جد ولا حوار، من الاخر لازم حد يكون خلص الكورس عشان يقدر يحكم حتي لو جرب ومكملش مش هيحكم صح علي ما اعتقد....

      Comment


      • #4
        المشاركة الأصلية كتبت بواسطة doc mohamed مشاهدة المشاركة
        شكرا لحضرتك،اللي اعرفه ان المعهد البريطاني مش ده اسلوب الكورسات فيه يعني بيتبع الاسلوب القليدي،انا بس نفسي اشوف حد من ال7000 شخص اللي كاتبين علي موقعهم انهم اتخرجوا من عندهم وساعتها هعرف ان كان جد ولا حوار، من الاخر لازم حد يكون خلص الكورس عشان يقدر يحكم حتي لو جرب ومكملش مش هيحكم صح علي ما اعتقد....
        المعهد البريطاني أسلوبه أكاديمي معتمد دوليا واتخرج منه عشرات الآلاف وعليه إقبال رهيب وبالحجز و waiting list لدرجة إن الكلاس الواحد بياخد 20 طالب شوف بقى في كام كلاس يوميا في كام فرع وده دليل على النجاح مش ناس لسة بتجرب
        وعلى فكرة المعهد بيعتمد على تحسين مهارات اللغة في كل النواحي يعني استماع ونطق وكتابة أما الجرامر فللعلم منهج المعهد بيخليه آخر حاجة في الاهتمام مش زي ما الناس فاكرة ، وأنا شخصيا الinstructor بتاعي قالنا كده فعلا وأكد علينا الموضوع ده إن الجرامر بيتاخد كده على الماشي لكن أهم حاجة ازاي تقدر تتكلم والجرامر هييجي مع نفسه ودي النقطة الوحيدة اللي بيركز عليها "مش كورسات" أوي في الترويج والدعاية لنفسه مع إن أنا شخصيا شايف إن إهمال الجرامر كلية ده خطأ لأن في حاجات عمرها ما هتيجي مع الممارسة لازم تتعلمها كقواعد أو على الأقل تاخد فكرة عنها
        خليك في المضمون ومتغامرش بوقتك وفلوسك
        [SIZE="4"][COLOR="Blue"][FONT="Century Gothic"]Freelancer Web Designer & E-marketer[/FONT][/COLOR][/SIZE]
        [SIZE="5"] ( --- [COLOR="Green"][URL="http://www.nilemotors.net/Nile/search.php?do=finduser&u=129815&starteronly=1"]جــمــيــــع مــوضــوعـــاتـي[/URL][/COLOR] --- )[/SIZE]

        [SIGPIC][/SIGPIC]

        Comment


        • #5
          المشاركة الأصلية كتبت بواسطة أبو آسر مشاهدة المشاركة
          المعهد البريطاني أسلوبه أكاديمي معتمد دوليا واتخرج منه عشرات الآلاف وعليه إقبال رهيب وبالحجز و waiting list لدرجة إن الكلاس الواحد بياخد 20 طالب شوف بقى في كام كلاس يوميا في كام فرع وده دليل على النجاح مش ناس لسة بتجرب
          وعلى فكرة المعهد بيعتمد على تحسين مهارات اللغة في كل النواحي يعني استماع ونطق وكتابة أما الجرامر فللعلم منهج المعهد بيخليه آخر حاجة في الاهتمام مش زي ما الناس فاكرة ، وأنا شخصيا الinstructor بتاعي قالنا كده فعلا وأكد علينا الموضوع ده إن الجرامر بيتاخد كده على الماشي لكن أهم حاجة ازاي تقدر تتكلم والجرامر هييجي مع نفسه ودي النقطة الوحيدة اللي بيركز عليها "مش كورسات" أوي في الترويج والدعاية لنفسه مع إن أنا شخصيا شايف إن إهمال الجرامر كلية ده خطأ لأن في حاجات عمرها ما هتيجي مع الممارسة لازم تتعلمها كقواعد أو على الأقل تاخد فكرة عنها
          خليك في المضمون ومتغامرش بوقتك وفلوسك
          متشكر لحضرتك ومعلش تعبتك معايا اتمني حد يكون كمل ال16 مستوي ويخش يرد علينا ويقولنا الخلاصة لاني متاكد ان المعظم مش بيكمل للاسف...

          Comment


          • #6
            والله انا زي حضرتك بالظبط سمعت عنهم من خلال الفيديوهات والبيدج بتاعتهم على الفيس بوك بس الصراحة متفائل فيهم خير ومستني يفتحوا فرع الاسكندرية علشان اروح اجرب خصوصا ان طريقتهم بعيدة عن الجرامر المقرف والنظام الاكاديمي اللي اتخنقت منه واللي معظم الاماكن اللي بتدي كورسات للغة في مصر كدة .
            انا حاليا في المستوى الرابع في امديست ودة يعتبر من الاماكن التوب في مصر ومعتمد وشهادة معتمدة والليفل ب 980 جنيه غير الكتاب ب 213 جنيه يعني غالي ويعتبر من اغلى الاماكن بعد البريتش والبيرلتز وكدة .
            بس الصراحة استفدت في الاربع مستويات بس مش الاستفادة الملحوظة او الاستفادة اللي كنت منتظرها خصوصا في مكان كويس زي دة , علشان كدة هجرب مش كورسات وشوف الطريقة اللي بيدرسوا بيها خصوصا انهم بيقولوا من غير كتاب ولا سي دي ولا جرامر ولو على الشهادة المعتمدة طظ مش فارقة معاايا المهم اللاقي نفسي فعلا استفدت واقدر اتكلم فعلا دي هيا امنية حياتي .

            Comment


            • #7
              ياجماعة بطلوا تبصوا على اسم المكان والشهاده المعتمده بتاعته اللى ولا ليها اى لازمه وانت مش عارف تنطق انجليزى
              فى بعض الجمعيات الخيريه الصغيره بيكون الكورس حوالى 5 او 6 افراد مع مدرب امريكى او انجليزى ولا يفهم اى شىء عربى وبسعل اقل بكتيييييييييير من كل الكلام الفارغ ده..وبيدرس من مناهج الجامعة الامريكيه والبريتش كونسول والبرلتز والكلام ده كله
              كل ده عن تجارب وهتطلع منه مستفيد مليون مره احسن من كورس فيه 30 واحد ولو كل واحد سأل سؤءال يبقى الكورس خلص
              نصيحة لو بتدور على شهاده روح المراكز المشهوره
              لو بتدور على تعليم بجد دور على مركز زى ده

              Comment


              • #8
                بص يا سيدى الفاضل
                انا مجربتوش....لكن جربت مكان اسمه بيرلتز وده مبنى على المحادثات والرول بلاى و بينفض للجرامر وعندهم جمله مشهورة ان الطفل الانجليزى او الامريكى 4 سنوات بيتكلم انجليزى لبلب بدون ما يفهم ان I بعدها am والعك ده. يعنى اكتساب ...انا كنت داخل ميح من مستوى 1 خدت 1 و 2 و 3 و4 خرجت من عندهم فى فرق جامد جدا وده اكدلى انى قدمت فى مكان اسمه امديست دخلت السابع ....الخلاصه لو not courses نفس الفكره واحدث اتجه فورا
                الانفرتر الهندى من البدايه للنهايه
                http://www.nilemotors.net/Nile/430457-a.html

                Comment


                • #9
                  انا رايى الشخصى فى محمود صاحب الفكره ديه هو انسان وصولى جدا كل همه الفلوس وبس والشهره

                  والدليل عمل تحديد مستوى واختبارات كل اختبار ب 100 جنيه وهو نفسه اعترف فى البدايه انه لم فلوس كتير جدا والناس ديه للاسف سقطت ومدخلتش السنتر

                  الناس الحالين بيشتكو من ارتفاع مستوى الكورس الى وصل ل 600 جنيه وبيقولك احنا مش بندى شهادات معتمده ولا اى شيىء لاننا مش كورسات طب لما الشاب يروح انترفيو يقوله معلش اصل انا مش كورسات لو فكر يشتغل مترجم ولا فى مكان بيحتاج اى دليل انه عارف انجلش كويس

                  ياريت نفكر لاى حد بيفتح مشروع وبيقنع الشباب انه بيدى فكره جديد ويبيجرب فى الناس وخلاص

                  انا والله سالته على الفيس بوك سوال منطقى قولتله انت موهلاتك وخبراتك ايه فى مجال الانجلش وتدريسه رد عليا وقالى انا مهندس مساحه ومسح الكومنت بتاعى

                  واكيد هو مفكرش فى فكره غايبه عن المراكز والاماكن الكبيره الى ليها اسمها فهى اولى بتطبيق الفكره لو هى فعلا سليمه وعالميه على كلامه

                  [B][SIZE="4"]Take it Or Leave it.[/SIZE][/B]

                  Comment


                  • #10
                    المشاركة الأصلية كتبت بواسطة secret-man
                    انا رايى الشخصى فى محمود صاحب الفكره ديه هو انسان وصولى جدا كل همه الفلوس وبس والشهره

                    والدليل عمل تحديد مستوى واختبارات كل اختبار ب 100 جنيه وهو نفسه اعترف فى البدايه انه لم فلوس كتير جدا والناس ديه للاسف سقطت ومدخلتش السنتر

                    الناس الحالين بيشتكو من ارتفاع مستوى الكورس الى وصل ل 600 جنيه وبيقولك احنا مش بندى شهادات معتمده ولا اى شيىء لاننا مش كورسات طب لما الشاب يروح انترفيو يقوله معلش اصل انا مش كورسات لو فكر يشتغل مترجم ولا فى مكان بيحتاج اى دليل انه عارف انجلش كويس

                    ياريت نفكر لاى حد بيفتح مشروع وبيقنع الشباب انه بيدى فكره جديد ويبيجرب فى الناس وخلاص

                    انا والله سالته على الفيس بوك سوال منطقى قولتله انت موهلاتك وخبراتك ايه فى مجال الانجلش وتدريسه رد عليا وقالى انا مهندس مساحه ومسح الكومنت بتاعى

                    واكيد هو مفكرش فى فكره غايبه عن المراكز والاماكن الكبيره الى ليها اسمها فهى ا بتطبيق الفكره لو هى فعلا سليمه وعالميه على كلامه
                    مع احترامى
                    احنا بلد شهادات صحيح
                    الانفرتر الهندى من البدايه للنهايه
                    http://www.nilemotors.net/Nile/430457-a.html

                    Comment


                    • #11
                      انا اتعمللى بان من الصفحة لمجرد تعليق عادى جدا ، على جوب اوفر بتاع PHP developer اقل ما يقال عنه انه اعلان انهم عايزين عبيد مش ناس تشتغل ، ورغم ان تعليقى كان عادى وليس خارج ، اتعمللى بان فورا انا وكل اللى ايدنى في الرأي !!!!!

                      كمان واحد صاحبى بيقول نصابين وحالف ليفضل وراهم بس مش عارف هل له تجربة شخصية فعلا ولا لا وكشف النصب ازاى
                      احساسى الشخصى ، كله في الهجايص والبلد مليانة فهلوية

                      Comment


                      • #12
                        المشاركة الأصلية كتبت بواسطة mk3 مشاهدة المشاركة
                        مع احترامى
                        احنا بلد شهادات صحيح
                        للاسف ده الواقع والشهادات مش فى كل الاحوال منظر لكن فى ناس واخده شهادات بحق فعلا واد المسئوليه واصحاب علم وخبرات
                        [B][SIZE="4"]Take it Or Leave it.[/SIZE][/B]

                        Comment


                        • #13
                          ياجدعان شهادات اية بس اللى انتوا عايزنها هو الانجليزى محتاج شهادة علشان اثبت انى بعرف اتكلم انجليزى كويس
                          ولو انت معاك مليون شهادة ودخلت الانتر فيو ومعرفتش تقول كلمة هتنفعك فى حاجة الشهادات دى
                          ولو العكس حصل وعملت انترفيوا تحفة واتكلمت بالباقة وعرفت تتكلم نطق صح هيقولك فين شهادتك
                          هى الخلاصة اخر حاجة بجد تبص عليها فى الانجليزى ان مركز يديك شهادة معتمدة مش عارف منين شهادتك هى لسانك وايدك فى الانجليزى
                          [CENTER][shr71=http://www.dieselstation.com/pics/Hyundai%20Accent%202009-car-pictures.jpg]Hyndai Accent 2011[/shr71][/CENTER]

                          Comment


                          • #14
                            الإخوة الأفاضل اللي معترضة على الشهادات محدش قال ان الناس بتروح المعهد البريطاني علشان الشهادة بس ! انت بتروحه علشان بتاخد منه تعليم احترافي من ناس متخصصة ودارسة مش هواة زائد ان شهادته معتمدة ومعترف بها دوليا لأنه مكان موثوق فيه وبالتالي مستحيل عقلا ومنطقا انك تاخد شهادة من المعهد البريطاني وانت مبتعرفش تتكلم انجليزي !!
                            ولو مشينا على المبدأ ده يبقى انا اروح اقعد في عيادة جنب دكتور اتعلم منه الطب وانفض للكلية واقول اهم حاجة اني اتعلم مش لازم الشهادة !!
                            لو عايز تتكلم انجليزي صح يبقى لازم تدرس على ايد متخصصين ولو بتتكلم صح من غير شهادة او عن طريق مراكز غير معترف بها زي مش كورسات ؛ مش هينفعك كلامك الصح ده لو روحت قدمت في اي وظيفة حتى لو قلتلهم انا دارس في "مش كورسات" !! وممكن واحد معاه شهادة معتمدة يقبل عنك حتى لو انت افضل منه فعليا بس للأسف مش معاك شهادة
                            وعلى فكرة مصر مش بلد شهادات ولا حاجة ، العالم كله عالم شهادات لأن الشهادة هي الدليل والإثبات على انك بتتقن المجال ده ، انت لو قدمت هجرة لاي دولة في العالم او لو عايز تشتغل برة أو تكمل دراستك لازم يكون معاك شهادة من مركز معتمد مش مسألة انك بتعرف تتكلم صح وخلاص !
                            [SIZE="4"][COLOR="Blue"][FONT="Century Gothic"]Freelancer Web Designer & E-marketer[/FONT][/COLOR][/SIZE]
                            [SIZE="5"] ( --- [COLOR="Green"][URL="http://www.nilemotors.net/Nile/search.php?do=finduser&u=129815&starteronly=1"]جــمــيــــع مــوضــوعـــاتـي[/URL][/COLOR] --- )[/SIZE]

                            [SIGPIC][/SIGPIC]

                            Comment


                            • #15
                              المشاركة الأصلية كتبت بواسطة mahamedaraby مشاهدة المشاركة
                              ياجدعان شهادات اية بس اللى انتوا عايزنها هو الانجليزى محتاج شهادة علشان اثبت انى بعرف اتكلم انجليزى كويس
                              ولو انت معاك مليون شهادة ودخلت الانتر فيو ومعرفتش تقول كلمة هتنفعك فى حاجة الشهادات دى
                              ولو العكس حصل وعملت انترفيوا تحفة واتكلمت بالباقة وعرفت تتكلم نطق صح هيقولك فين شهادتك
                              هى الخلاصة اخر حاجة بجد تبص عليها فى الانجليزى ان مركز يديك شهادة معتمدة مش عارف منين شهادتك هى لسانك وايدك فى الانجليزى
                              انت برنس :)

                              Comment

                              Working...
                              X