استفسارات عن موبايلات لسه منزلتش !

[SAbuhashem]

I-phone

Nokia_5800

HTC_HD , Dual

BlackBerry_9500 Storm

SonyEricsson_C905

Nokia_E66

Nokia_N96


من خلال متابعتكم وقراءتكم عن المواصفات والامكانيات لكل موبايل من دول مين فيهم أحسن

أي واحد فيه أحسن و أحدث Bluetooth ، Wifi ، Software ، Cam , 3G Ability, شاشة ، أسرع تصفح للنترنت ، وباقي المواصفات ؟
والصيانة داخل المحروسه بغض النظر عن وجود وكيل من عدمه

معتقدش إن في منهم مجرب لأن معظمهم هينزل على أخر السنة اللا ال- E66 و ال-I-Phone وال N96


Thanks
Eng.Sherif Shaker

[blazer]

مش عارف بصراحه معلومات كتير عن الموبايلات دى بس اللى اعرفه
هو انا صديق لى اشترى من اسبوع sony erricson c 902
الموبايل 5mp
بس بصراحه الكاميرا مش حلوه
الشاشه فىها زراير تحكم للكاميرا تاتش و الموبايل ال frame بتاعه metal احمر فى فضى و شكله شيك جدا
واعتقد ال c 905 مش هيكون مختلف اختلاف كبير عنه
ارجو اكون عرفت افيدك

[إسلام شاهين]

شريف باشا إزيك

بص يا باشا ال إي 66 وال إن 96 وال أي فون الثري جي نزلوا هنا في الدوحة وده رأي في الثلاثة :

الآي فون الثري جي محترم وكل حاجه وبرامجه تحفه وسريع في التصفح لكن فيه عيب غبي قوي قوي إن البلوتوث بتاعه بيشتغل للسماعه بس يعني ما تقدرش تنقل بيه ولا صور ولا نغمات ولا فيديو مش عارف لييييييييييييه ؟؟؟؟؟؟؟؟؟؟

أما الإي 66 شكله بصراحه شيك جدا ونحيف وبرستيج حلو لكن كامرته ضعيفه شوية لأنها 3.2 لكن انتشر هنا جدا وشغال حلو وتصفحه معقول

أما الإن 96 فهو ممتاز وإن كان لا جديد فيه لأن الشكل متاخذ من اإن 81 بالضبط مع زياده الحجم فقط والتليفزيون الليي فيه لا يعمل مباشرة إلا باشتراك مع شركة الخطوط وشاشاته بصراحه جبااااااااااااااااارة وصوته وكاميرته أكثر من ممتاز 5 ميجا بيكسل وتصفحه سريع جدا وللللللللللللللللكن عيبه الخطير البطارية زبالة وما بتقعدش خالص وناس كثير جدا اشتكوا منه كثير جدا

أما التحفه بقه اللي أنا مستنيه ال 5800 لسه هينزل بعد يومين ممتاز من مواصلفاته من موقع نوكيا وشاشته تاتش وصوته جبار بس برضه موضوع إن الكاميرا 3.2 ديه لسه فيها كلام بس استنى لما ينزل وأديلك تقرير عنه .

تحت أمرك في أي موبايل يا باش مهندس

[SAbuhashem]

شكراً يا Blazer
أنا شفت ال C902 وسبحان الله شكله معجبنيش خالص :)
بس عجبني شكل ال - C905 علشان Slide و- إن ال-cam ٨٫١ Cyber Shot !


حبيبي إسلام
كنت مستني منك الشرح المفصل و - الرائع

أنا كده شكلي هلغي ال-Iphone علشان البلوتوث مهم جداً ليا في العربيه

عجبني أنا كمان ال E66 وفي مقدمة الاختيارات

ال N96 حطيته على مضض لسمعته بعد ال N95 ! لكن بصراحة حابب التانيين أكتر وهو في أخر القائمة

أما بقى ال 5800 فواضح من المواصفات المعلنه إنه جامد وبردو حستنى منك تقرير المستخدم المحترف :)

كان ليا سؤالين بقى ، ال-E66 بينزل ب navigator ٣ شهور بس
معنى كدة إنه في مصر مش هيشتغل لأن مفيش خدمة الاشتراك أساساً وهل ال 5800 نفس الموضوع ؟


تاني حاجه لما بوصل ال N80 على البلوتوث في العربية ماكنش بيظهر ال phone book بتاع التيلفون ولا أخر مكالمات عملتها
على شاشة العربية أما في ال-Sonyericsson W910I كان بيظهر كل حاجه
يا ترى هل دة ناتج عن فرق في نسخة البلوتوث في الاتنين ؟؟
وأي موبايل من دول في نفس نسخة ال w910I علشان يظهرلي ال Phonebook في العربية و ميعقدنيش زي ال N80

عجبني قوي ال-HTC HD كمان ومعرفش حاجه عن ال-BlackBerry إلا إنه في نفس مكانة الموبايلات دي وممكن يكون ليكوا رأي فيه يقنعني




Thanks
Eng.Sherif Shaker

[إسلام شاهين]

بص يا شريف كل الموبايلات هنا بتنزل بانفيجيتور 3 أو 6 شهور مجانا لكن فيه برنامج تاني رائع اسمه الجارمن ده مجاني وبدون اشتراكات بس تستيبه على الموبايل متعب شوية بس بصراحه يستاهل أنا نزلته على ال 95 وكان أكثر من رائع بس لغاية دلوقتي جاري البحث عن خريطة لمصر لأنه مافيهوش غير خرائط الخليج .

بالنسبة لموضوع البلوتوث حاول تحدث السوفت وير بتاع ال إن 80 وإن شاء الله الفون بوك يشتغل معاك .

أما عن السوني إريكسون والبلاك بري والإتش بي فللأسف أنا مش هقدر أفيدك فيهم لأني ماتعاملتش معاهم أساسا وده لعدة أسباب منها إني سريع التغيير وهما سعرهم عند إعادة البيع زيررررررررررو بيخسروا جامد وكمان النوكيا دلع شوية وسوفت وير محدث باستمرار وسهل التعامل بيهم

أنا عن نفسي مستني ال 5800 هو قدامه يومين بالكثير هو وال 85 وأول ما ينزلوا هديلك تقرير عنهم بالتفصصيل إن شاء الله .

[SAbuhashem]

شكراً يا إسلام ومستني معلوماتك عن 5800 وال-N85


Thanks
Eng.Sherif Shaker

[Ramy_2R]

ب النسبه لل أى فون ال 5800
دى مقارنه لقيتها قولت ممكن تفيدك
-1-
الذاكرة:
نوكيا 5800 يأتي مع ذاكرة داخلية 81 ميجا بايت بالإضافة إلى قارئ ذاكرة microSD حتى 16 جيجا بايت.لكن يأتي اي فون بسعة 8 جيجا بايت و 16 جيجا بايت و لا يمكن زيادة هذه السعة أبداً. لا يوجد قارئ ذاكرة في اي فون. و هذا ينطبق أيضاً على ثري جي و تو جي اي فون.
-2-
خيارات إدخال النصوص و ستيلوس:
لطباعة نص معين يمكنك إستغلال عدة خيارات في نوكيا 5800 اكسبرس ميوزيك. هناك الكتابة باليد عن طريق ستيلوس stylus، و كيبورد QWERTY صغير تخيلي يظهر على الشاشة، و كيبورد QWERTY كبير مع لوحات أرقام يظهر على الشاشة. يجب التنويه هنا أن كيبورد QWERTY في نوكيا اكسبرس ميوزيك يمكن أن يظهر بشكل عرضي landscape.
على الجانب الآخر اي فون حيث ليس هناك ستيلوس stylus. مع أنه يمكن اضافته كإكسسوار. و ليس هناك كيبورد QWERTY بعرض الشاشة.
-3-
السعر
نوكيا اكسبرس ميوزيك 5800 هو جوال ثري جي بسعر فعلاً مغري. إن سعر نوكيا 5800 يبلغ حوالي 390 دولار أمريكي بعد الضرائب. لكن عند مقارنته باي فون، فإن سعر اي فون ثري جي 8 جيجا بايت يبلغ من 600 إلى 700 دولار أمريكي. هنا نرى أن الفرق واضح جداً.
-4-
مشغل أدوبي فلاش:
ليس سراً أن شركة أدوبي تعمل على تطوير مشغل فلاش للآي فون. هذا يعني أن على مستخدمي اي فون الإنتظار.
أما مستخدمي نوكيا 5800 فلا داعي للإنتظار أبداً. فجوال نوكيا اكسبرس ميوزيك يدعم فلاش بكل ثقة. نحن نعلم أن الكثير من مواقع الإنترنت تحتوي على فلاش في دخلها. هذا يعني أن مستخدمي اي فون لا يحققون تجربة مثالية في تصفح الإنترنت. و هذا يعني الحقيقة المخيفة أنك لن تستطيع مشاهدة جميع مقاطع الفيديو على موقع يوتيوب باستخدام اي فون.
-5-
الرسائل النصية:
على عكس الاي فون الذي يمنع المستخدم من تحويل الرسائل النصية أو رسائل الملتميديا. فإن نوكيا 5800 يتيح منتهى الحرية للمستخدم في وظائف الرسائل. يمكنك أن تقوم بإرسال الرسائل النصية و أن تشطبها و يدعم نوكيا 5800 رسائل MMS، و يبلغ حجم الرسالة النصية المسموح به حتى 600 كيلو بايت. ويقوم نوكيا 5800 كذلك بتحجيم رسائل الصور تلقائياً.
أما في الآي فون، يمكن فقط إرسال رسائل نصية و لا يمكن إرسال الرسائل لأكثر من شخص في نفس الوقت. كذلك لا يمكن طلب الأرقام عن طريق الصوت كما هو الحال في معظم جوالات نوكيا.

-6-
ستيريو بلوتوث
يمكن وصل نوكيا 5800 اكسبرس ميوزيك مع سماعات ستيريو بلوتوث. طبعاً اي فون لا يستطيع فعل ذلك
و يدعم جوال نوكيا بلوتوث 2.0 مع تقنية A2DP. تعطي تقنية A2DP جودة صوت عالية لسماعات بلوتوث. للأسف، فإن اي فون لا يدعم هذه التقنية. كذلك لا يدعم ايفون مشاركة الصور و ملفات mp3 و الفيديو عبر بلوتوث.
-7-
البطارية
لم تعط أبل المرونة لمستخدميها حتى في إمكانية إستبدال البطارية. فقد اختلقت عذراً أن تزويد بطارية قابلة للإستبدال سيزيد من وزن اي فون. من يصدق ذلك؟
طبعاً العكس صحيح لنوكيا اكسبرس ميوزيك 5800. حيث يمكنك تبديل البطارية بكل سهولة. يمكن كذلك الحديث بجوال نوكيا لمدة 5 ساعات بتقنية ثري جي و 9 ساعات متواصلة بتقنية GSM. و يبلغ وقت الإنتظار ستندبي 17 يوم.
يمكن لمستخدم اي فون التحدث لمدة 300 دقيقة باستخدام ثري جي و 600 دقيقة باستخدام 2G. و يبلغ وقت الإنتظار 300 ساعة فقط.
-8-
موسيقى مجانية:
مع نوكيا 5800, و إبتداءً من عام 2009 سيصبح ممكناً لمستخدمي جوال نوكيا 5800 أن يتمتعوا بإشتراك مجاني لمدة عام كامل بخدمات نوكيا الجديدة Comes With Music أو بالعربية خدمة "يأتي مع موسيقى"
يأتي نوكيا 5800 عند شرائه محملاً بالموسيقى بأكثر من 1000 أغنية جاهزة. لكن بالنسبة لاي فون، فيمكن تنزيل أغاني من من خلال iTunes لكن لاشيء مجاني
و كما تدعي نوكيا سيصل عدد الأغاني في عام 2009 إلى ما يقارب 5000000 أغنية جاهزة للتنزيل.
-9-
. الكاميرا و الفيديو:
يتمتع نوكيا 5800 بكاميرا 3.2 بيكسل جيدة جداً بعدسة كارل زيس و ديجيتال زوم 3X، و اوتو فوكس و فلاش بضوء LED مزدوج. و هناك أيضاً كاميرا لمكالمات الفيديو.
بالمقابل فإن اي فون ثري جي يحتوي على كاميرا 2 ميجا بكسل بدون إمكانية تسجيل فيديو و بدون فلاش.
و بعكس اي فون أيضاً، فإن نوكيا 5800 يسجل فيديو حتى جودة 640X480 بكسل و 30 إطار في الثانية. و هناك ديجيتال زوم للفيديو 4X و يشغل نوكيا 5800 ملفات فيديو حتى 5.2 ساعات متواصلة. و يمكن تسجيل فيديو حتى 3.6 ساعات متواصلة.
للأسف، ليس هناك تسجيل فيديو في اي فون ثري جي و لا مكالمات فيديو. و ليس هناك زوم بصري كما في نوكيا 5800

مع كل هذه الأسباب المذكورة أعلاه. هناك إحتمال أن يكون نوكيا 5800 هو القاهر المحتمل لاي فون الصعب المنال. وحدة الزمن سيبين ذلك.

[Ahmed Selim]

شوية معلومات عن ال iPhone عن تجربة

البلوتوث بتشتغل مع السماعات بس ومينفعش تنقل ملفات غير لو نزلتله برامج معينة
أنا عندى بلوتوث كار كيت بس بصراحة مجربتوش معاها لأنى بقالى فترة مش بستخدمها......بس هحاول أجربه وأقولك

الكاميرا 2 ميجا بكسل .......ظريفة بس مش قوية وال 3G بيجي بكاميرا واحدة مش 2

ال 3G برضه حسب معلوماتى مش بيتفك لحد دلوقتى زى ال 2G بس ممكن تستخدم ما يسمى ب Turbo Sim وده بيتحط مع شريحة الخط وبيشغله على أى شبكة بس تجيبه من بره وسعره تقريباً فى حدود من 30 الى 50 دولار وممكن أقل شوية من على epay
ال iPhone فيه منه 32 جيجا كمان والحاجة الظريفة فيه أن الأغانى أو ملفات الصوت عموماً بيدخلها هن طريق برنامج بتاعه ( iTunes ) وبيحافظ على جودة الصوت بس بيقلل حجم الملفات جامد ( يعنى أنا عندى ال 8 جيجا ال 2G وحاطط عليه حوالى 900 ملف صوتى عبارة عن أغانى والقرآن كامل و كمان منزل عيه برامج كتير ولسه عندى 2.6 جيجا فاضيين )
تصوير الفيديو والزوم و التعريب وكتابة الرسائل العربية و رسائل الملتيميديا و طلب الأرقام صوتياً و الكثير من الخيارات الأخرى عن طريق برامج 90% منها مجانية
وكذلك تدعم نسخة السوفت وير الجديدة فيه أرسال الرسائل لأكثر من شخص

مميزاته الأخرى: سريع جداً فى التصفح
كل التعامل فيه عن طريق اليد وليس عن طريق قلم ولا يوجد به أزرار غير 3 أزرار فقط ( باور وسيلنت وقائمة ) ودى ممكن تكون أحد عيوبه بالنسبة لبعض الناس

سعر ال iPhone ال 2G و 8 جيجا كان ب 400 دولار فقط وال 16جيجا كان ب 500
ال 3G و 8 جيجا ب 200 وال 16 جيجا ب 300 وال 32 جيجا كان تقريباً ب 400 بس بيشترطو أنك تاخد معاه عقد لمدة سنة من مقدم الخدمة ( AT&T فى أمريكا ) ولو حبيت تلغى العقد بتدفع حوالى 250 دولار حسب ما سمعت وعشان يقللو من أن حد يشتريه وهو فى زيارة لأمريكا أعتقد كان لازم يكون معاه Social Security Number ( الرقم القومى بتاعهم :) )
بس أعتقد أن فيه work around للموضوع ده لأن واحد معايا فى الشغل لسه جايبه من هناك من شهر

[د.محمود صلاح]

ال HTC Touch pro بنسخته العربية هو أفضل جهاز فى وجهة نظرى ( سينزل الاسواق على نوفمبر )
1- نظام وندوز موبايل بمميزاته الرائعة وبرامجه المنتشرة رام 128 وروم 518 ميجا بايت
2- كاميرا بفلاش 3 ميجا بكسل اوتو زوم + كاميرا امامية
2- جيل تُالث ويتكنولوجيا ادج وثلاثى الموجات ولبوتوث وواى فاى لان
4- ملاحة
5- راديو اف ام
6- مخرج تلفزيونى تناظرى (TV out ) يمكن بث المحاضرات على بروجكتور بدون لاب توب
سعرة 3400 ريال سعودى تقريبا
7- شاشة تاتش 2,6 بوصة تاتش فلو
لمزيد من خصائصه راجع منتدى www.ce4arab.com

[SHNORY]

الموقع ده يا جماعه عليه خصائص اي موبايل في العالم http://www.gsmarena.com/
وفيه فوق خانه بحث ممكن تشوف فيها الموبايل اللي انت بتدور عليه
انا عن نفسي برجعله لما احب اشوف مواصفات موبايل من اللي بيجولي بحكم شغلي
وفيه برضه موقع الشناوي ودي سلسله محلات عندنا في اسكندريه متخصصه لبيع الموبيلاتوحتلاقي السعر ولينك لكل موبايل بيعرض مواصفاته الفنيه

http://www.elshennawy.com/prices/main.php

ولو فيه اي استفسار عن اي عيوب في السوفت وير انا موجود وتحت امركم
وتحياتي ليك ابو هاشم باشا واتشرفت بمقابلتك في شهر 9

[SAbuhashem]

romio11192
Ahmed A.Maksoud

واضح جداً إن ال-Iphone إتشال من القائمة لأن مواصفاته مش ماشية مع متطلباتي بالإضافة إن البديل الأقوى في نظرنا جميعاً وهو 5800 موجود وحستنى لحد ما أعرف تمنه من إسلام شاهين
وشكراً جداً على تحليل ال بالشكل الممتع ده iphone

د. محمود صلاح
شكراً على الافاده لكن أنا لسة ماشفتش ال-toutch pro اللي شفته هو ال-HD هحاول أشوف على النت إن شاء الله لكن هل تعتقدوا إنه هيكون أفضل من التانيين في القائمه ؟

Shnory
أنا كمان إتشرفت بمعرفتك . السايت أنا عارفه لكن المشكلة اني بطلب ارائكم في المواصفات اللي معروضة لكل جهاز أي واحد أقوى وأحدث وأسهل في صيانته داخل المحروسة وقوللي أخبار ال-HTC في مصر إيه


Thanks
Eng.Sherif Shaker

[Nader]

كان ليا سؤالين بقى ، ال-E66 بينزل ب navigator ٣ شهور بس
معنى كدة إنه في مصر مش هيشتغل لأن مفيش خدمة الاشتراك أساساً وهل ال 5800 نفس الموضوع ؟

Thanks
Eng.Sherif Shaker

بالنسبة للاشتراك يا شريف بيكون لاستخدام خدمة الملاحة والتوجية

الصوتي فقط، لكن تحديد المواقع على الخريطة بيكون شغال عادي بدون

اشتراك.

والجديد ان انت ممكن تجيب برنامج تاني غير Nokia Maps

اسمة McGuider من انتاج Sygic ودة علية خريطة مصر

بالملاحة والتوجية الصوتي وانا شغال علية على الـN82 بدون

مشاكل.

[SAbuhashem]

شكراً يا نادر معلومه مفيده

هل ده معناه إن أي جهاز ييجي من بره مصر ممكن نشغل في مصر GPSباستخدام McGuider والاستغناء عن Nokia Maps ؟

و كيف نحصل على هذا البرنامج يا نادر ؟ :)

بكده 5800 في القمة وراه E66 وبعديهم السوني إريكسون

أي مداخله للتوضيح عن ال-HTC HD واللا يستبعد ؟


Thanks
Eng.Sherif Shaker

[Goodle]

والله يا جماعة معلوماتكم غزيرة
انا متابع باهتمام

[SHNORY]

Shnory
أنا كمان إتشرفت بمعرفتك . السايت أنا عارفه لكن المشكلة اني بطلب ارائكم في المواصفات اللي معروضة لكل جهاز أي واحد أقوى وأحدث وأسهل في صيانته داخل المحروسة وقوللي أخبار ال-HTC في مصر إيه

Thanks

Eng.Sherif Shaker

بص يا باشا

مجموعه السمارت فون والويندوز موبايل والاي فون
منزلهاش بوكسات او انتر فيس معين علشان نقدر نبرمجه زي النوكيا والسامسونج
وموديلات تانيه كتير بيلزملها هارد وير وكابلات معينه علشان نقدر نعيد البرمجه بتاعتها ونفك شفراتها وكل الجزئيات المتعلقه بصيانه سوفت الموبايل واعاده البرمجه لتصليح العيوب
انما ليها طرق تانيه 80% منها مجاني وممكن حضرتك تعمله وانت قاعد في البيت بكابل الجهاز الاوريجنال فقط لا غير وببرنامج الاي تونز مثلا للاي فون
وبرامج تانيه مجانيه وحاجات كتير بس محتاجه خبره ودرايه بالموضوع زي انك تكون عارف فيرجن تليفونك ونوع البوت لودر بتاعه وازاي ممكن تعمل ابجريد او داون جريد للجهاز من غير ما يموت منك
غير كده صعب اوي ان الاجهزه دي زي ما بنقول في مجالنا تقع سوفت وير لان البرمجه بتاعتها ثابته بشكل عجيب (حاجه تقرف بصراحه مش اجهزه مش بتبوظ)
الا لو حصل محاولات من المستخدم لاعاده البرمجه زي ما قولت لحضرتك بدون درايه
لان احيانا بنفك شفره الجهاز ولما يتعمله ابجريد بيرجع يتشفر تاني
الشرح دا علي قد معلوماتي مع الاجهزه دي لاني متعرضتش ليها كتير في شغلي او مجاليش منها مشاكل كتير
وكل يوم بينزلها حلول اكتر من الاول يعني مثلا الاي فون كنا بنفكه بشريحه وكانت العمليه بتكلف حوالي 600 جنيه علي العميل وفي يوم وليله نزل برنامج يخليك تفكه بضغطه زرار وانت قاعد مريح في البيت

بالنسبه لموضوع الهارد وير والصيانه داخل الجهاز فاحب اقولهالك بصراحه لو الموضوع اكتر من شاشه او سماعه او اي جزء منفصل داخل الجهاز فممكن يتصلح لو موجود ليه قطع غيار من موبايل تاني يكون ميت ونفس الموديل
بالنسبه لرفع الايسيهات وتغيرها فالمعادله حتكون صعبه شويه علي الاقل اليومين دول
لان قطع الغيار بتيجي من اجهزه بنقول عليها خرده العميل جه يصلحه ومتصلحش الجهاز فالمركز بيشتريه منه ويعمله قطع غيار
وفي ظل التطور الرهيب في صناعه الموبيلات فبرضه احب اوضح ان فيه اجهزه بنفتحها منلاقيش حاجه نشتغل فيها يا اما الاي سي عليه حمايه مينفعش يترفع سليم
او اتنين اي سي متركبين فوق بعض ودول محتاجين ساحر علشان يطلعهم شغالين وبعد كده يركبهم تاني في الجهاز وطبعا مش حياخد شويه في مصنعيته
او يكون الاجهزه كلها مثلا عيبها علي سبيل المثال اي سي الشحن وفي الحاله دي مش حتلاقي واحد سليم يحل محل البايظ في جهازك لانهم كلهم بايظين
وبرضه مساحه بورده الموبايل صغرت بيكون الجهاز كله عباره عن شاشه كبيره وبورده لا تتعدي عرض صباعين من صوابع الايد وبتكون حساسه جدا لعمليه التسخين والتغيير ودي الحاوي مش حيعرف يعمل فيها حاجه واللي بيعمل بيكون غالي جدا
يعني من الاخر احب اوضح لو العيب مش بسيط مش حيتعمل الا في مراكز معينه واسعارهم مش قليله واحتماليه رجوع العيب موجوده وقائمه وعلشان كده في ناس تقولك اقعد جرب جهازك ولما تطلع من باب المحل معرفكش
مفيش غير التوكيل فقط لا غير اللي بيدي ضمان علي الصيانه 3 شهور وبرضه بيرفض عيوب كتير جدا منها عيوب بتكون بسيطه
فنصيحتي لاي حد حيجيب اي جهاز يكون الجهاز معاه ضمان ويا ريت لو تامين حتي لو حيدفع اكتر
والناس تحاسب علي اجهزتها علشان زمن ان الجهاز يقع ويبقي 100 حته وتلمه يشتغل دا راح من زمان دلوقتي انا بنصح الناس لما الجهاز يقع تسيبه وتمشي ومتوجعش قلبك
http://www.gsmhosting.com/vbb/index.php
واللينك ده لاكبر موقع في العالم لصيانه المحمول
ممكن تدخل تشوف هل الجهاز عيوبه كتير ولو فيه عيوب ممكن تتحل ولا لاء وبرضه حتاخد منه خبره كويسه قبل ما تشتري اي موبايل
واي استفسار انا موجود واتنمي اكون قدرت اقدم معلومه جديده لحضراتكم

اخوكم
محمد الشنوري