فيه حد بيعرف في ظبط الدش ؟

[automea]

السلام عليكم ورحمة الله وبركاته

انا عندي دش وتقريبا خلال سنتين صلحته اكتر من 20 مرة ( كظبط وده بيكون يا اما عوامل جوية يا اما اي حد معدي يخبط في الطبق وانا مشبعرف اظبطه عمياني) وانا زهقت اني كل شوية
وغير الدكتور المهندس الاستاذ بتاع تركيب الدش
:d
فانا قررت (اعمل حاجتي بنفسي ) ودي مقولتي الشهيرة في البيت

ليا طلب لو حد يعرف الجهاز الي بيستخدمه الراجل بتاع الدشش لظبط الدش من غير ميطلع
التليفزيون فوق السطح اسمه ايه وسعره كام ويتجاب منين

واسف على الرغي الي فوق ده

:)

[nazar muharram]

المهندسين طلعو بيشتغلونى كتير اوى وبينصبو عليا اوى ويقولولى دا جى من برا وسعرو غالى جدا لحد مكنت بدور على رسيفر صغير جدا فالقيت رسيفر كويس اشتريتو وانا بقرا الكتالوج لقيت فى ميزة قرايت قوة الاشاره
الجهاز ده اسمو jac sat 2222
ب 100 جنيه او اكتر شويه مش فاكر
طريقة الاستخدام
هتجيبو وتوصلو
خلى بالك من النقطه دى لازم تدوس على ال menu الى فى الرموت هتظهرلك الاشاره فى الشاشه بتاع الرسيفر
وحرك الطبق يمين وشمال هتلاقى الاشاره بتعلى معاك

[mr_green]

هاقولك تجربتى مع ظبط الدش

أكيد مشكلتك فى lnb
مش الطبق نفسه لأن الطبق مش سهل يتحرك من الهوا لكن ال lnb الفيبره إللى ماسكها بتتكسر من الشمس و تفك

أولا إتأكد إن الفيبرة سليمة لو لأ إشترى واحده ب 5-10 جنيه حسب نضافتها و ممكن تلف عليها حبه لأن فى ناس هاتقولك مش بتتباع لوحدها بس هى بتتباع و أنا شاريها كذا مرة من كذا حد

ال lnb بتكون مظبوطة بزاوية 45 و بص على الأطباق إللى حواليك و إنت تعرف الإتجاه
ماتقفش قدام الطبق و إتصل [اى حد تحت فاتح على قوة و جودة الإشارة و شوف معاه لحد ما تظبط بعد كده ثبت و إنزل

[hhhhhm]

هاقولك تجربتى مع ظبط الدش

أكيد مشكلتك فى lnb
مش الطبق نفسه لأن الطبق مش سهل يتحرك من الهوا لكن ال lnb الفيبره إللى ماسكها بتتكسر من الشمس و تفك

أولا إتأكد إن الفيبرة سليمة لو لأ إشترى واحده ب 5-10 جنيه حسب نضافتها و ممكن تلف عليها حبه لأن فى ناس هاتقولك مش بتتباع لوحدها بس هى بتتباع و أنا شاريها كذا مرة من كذا حد

ال lnb بتكون مظبوطة بزاوية 45 و بص على الأطباق إللى حواليك و إنت تعرف الإتجاه
ماتقفش قدام الطبق و إتصل [اى حد تحت فاتح على قوة و جودة الإشارة و شوف معاه لحد ما تظبط بعد كده ثبت و إنزل

أه صحيح أنت ممكن تتصل وتفتح الخط ساعتين بجنيه وتفتح المايك وتظبط عادى والتليفزيون والريسيفر تحت
الله ينور عليك

[OMAR11112010]

ممكن حضرتك تخش علي منتدي مصراوي سات هيفيدك
دي حاجة
الحاجة التانية انك ممكن باي ريسيفر صيني لما تقف علي اي قناة في المنيو بيجيبلك الاشارة ع الشاشة بدل رقم القناة المفروض تظبط الدش علي تردد 10758 اول لما تجيب التردد دا باعلي اشارة تعرف ساعتها ان الدش كله اتظبط