مهندس ميكانيكا أم ضابط متخصص ؟ أرجو الأفاده

[ahmedbasuny]

السلام عليكم
أنا طالب بكليه هندسه فى السنه الأخيره قسم ميكانيكا وأن شاء الله شهور قليله وحتخرج
ومحتار جدا بين امرين هو أنى أمشى فى طريقى عادى كمهندس
أو أنى ألتحق بالكليه الحربيه وأكون ضابط مهندس بالجيش
بالنسبه للحياه العسكريه أنا حاببها ومش مشكله بالنسبالى بس أكيد مجربتهاش لسه ومش عارف يمكن لو جربتها اغير رأيي
لكن انا ممكن أتغاضى عن التعب والبهدله فى سبيل مستقبل الوظيفه ألى حبقى فيها وكمان عارف الحياه بره الجيش برده بهدله مش سهله

فى كتير نصحونى أقدم حاليا فى الجيش أفضل لأن المرتبات دلوقتى أتحسنت كتير عن زمان وكمان وضع الجيش بقى أحسن وحلاقى مميزات كتير وأستقرار

وفى برضه نصحونى أنى أبعد عن الجيش خلينى حر بره بحيث أتنقل من شركه للتانيه وأخد خبرات وممكن مرتبى يبقى أضعاف مضافعه للمرتب ألى ممكن أحصل عليه من الجيش خصوصا أن مليش جيش فالفرصه قدامى كويسه جدا بره الجيش

الصراحه بقيت محتار جدا وفعلا مش عارف أخد قرار ..هو المفروض أدخل فى المجال ألى بحبه لكن الأتنين بالنسبالى بحب مجال العمل فيهم سواء مهندس أو كظابط
عشان كده بحاول أشوفها من الناحيه العمليه ..أتمنى لو حد يقدر يفيدنى وعن تجربه ياريت جدا ينصحنى فى الأختيار عشان أحدد قرارى وأسعى فيه وفى الأول والأخر نصيب

وأسف على الأطاله

[blazer]

انا جالى الفرصه وسبت الجيش و كملت فى شغلى ولو رجع بى الزمن هعمل نفس الى عملته
و قرايبى الى شغالين شغل عادى بيحمدوا ربنا انهم مدخلوش الجيش " كفنية عسكريه او ضباط متخصصون"
راى بلاش خصوصاااااااااااا لو انت شاطر و فاهم مجالك كويس وعندك طموح و عندك استعداد تتعب شويه فى الاول سواء فى كورسات لغه و كورسات تخصصيه فى مجالك ان شاء الله هتلاقى فرص حلوه كتير

[Hikayat]

امسك الموضوع ده انا كنت فاتحه من فتره .. هيفيدك

http://www.nilemotors.net/Nile/389444-a.html

[aif]

مهندس افضل
الا لو انت غاوي ميري ونفسك تتحرك باوامر وتصاريح وتطيع القادة طاعة عمياء وطموحك دايما له سقف وظيفي ومادي وانسي انك يبقي لك طموح في السفر خارج المحروسة الا تبع الجيش
لكن ميزة الجيش انك ح تتخرج تشتغل علطول ...... وطبعا مزايا الجيش المعروفة
انا رأيي الشخصي .... مهندس افضل