اهل اسوان

[amz2011]

انا عايز احكيلكم على حاجه عشانها مضطر اروح اسوان
والدى عنده شركة بتاعت اجهزة معامل تربة و خرسانه و اسفلت.
المهم هندسة اسوان اعلنت عن مناقصة اجهزة معامل المهم اشتركنا فيها و كان فيها بنود كتير
من ضمن البنود جهاز بيتكون من جزئين و هما طالبين جزء واحد بس و الجهاز داه احنا مكناش جبناه قبل كده و نظرا لظروف البلد اللى زى زفت ابويا قدم عرض فى الجهاز داه و شوية اجهزه تانيه
المهم رسى عليا اربع اجهزه منهم الجهاز اللى بيتكون من جهازين داه
المهم بعت الاجهزة بشركة شحن و كان وزن الاجهزة 350 كيلو و قعدنا نتصل بيهم
قالو الحاجه وصلت و كله تمام اسبوعين بالضبط و الشيك تيجى تاخده
المهم مر 8 شهور المهم خناقات و فى الاخر يقولى اصل الجامعه ماكنش فيها فلوس و طلب منى اسافر اسوان عشان اشغل الاجهزة و اخد الشيك

المهم سافرت انا و معايا واحد فنى بالطياره و السفريه ديه كلفتنى 2200 + تاكسى 200 + غدا 200 جنيه المهم صرفنا 2600 جنيه و لما وصلنا سلمنا تلات اجهزة و الرابع اللى بيتكون من جزئين الدكتور اللى طلبه مش موجود قافل تليفونه المهم ازاى ياجدعان و ميعاد الطياره
المهم قالولى متقلقش انت جيت و بعدين احنا معندان الجزء التانى من الجهاز

يعنى كده كده مش هنعرف نشغله
اجع انت القاهره و اسبوع و هتلاقى الشيك جاهز

انا قولتلهم انتو قولتو ان الشيك جاهز المهم طلعو كدابين
المهم مر 6 شهور تانى
و عايزينى اسافرلهم تانى

عشان هما جابو الجزء التانى اللى بيتوصل بالجزء الاول اللى انا وردته حسب شروط المناقصه
المناقصه ديه انا كنت حاطط فيه ربح 6 الاف جنيه
طب عوضنا على الله فى البيعه ديه و اتضح ان اهل اسوان مش طييبين زى ما الناس بتقول

واحد من اسوان من اللى شغالين فى الجامعه بيقولى احنا بنستغل ان احنا بعيد عن القاهره فا بنقرف الشركات اللى موجوده فى القاهره
حسبى الله و نعم الوكيل فيهم

انا مضطر اسافرلهم تانى و مش ناوى امشى من هناك الا لما اجيب الشيك و لو ما اخدتش الشيك هرفع علىهم قضيه

المهم انا عايز اسافرلهم المره ديه يالعربيه مش بالطياره
فا ايه اخبار الطريق من هنا لاسوان و انهى اسرع طريق و اامن طريق

ياريت اللى فى المنتدى بيسافر اسوان يقولى بيروحها برى ازاى
و شكرا

[abdulkhaleq]

انا عارف انك عايز توفر بس سفر اسوان بالعربيه متعب جدا ليك
ياتشوف معرفه حد من اهل البلد يخلصلك الموضوع
ياتسافر بالطياره وجو محاضر اثبات حاله وقواضي والجو ده

[wrY]

افضل وسيلة سفر امنة ومريحة قطار النوم التذكرة من القاهرة 300 جنيه وممكن تحجز ذهاب وعودة الاتنين 600 جنيه

[dedi]

ممكن تسافر بطريق الجيش ودة زى الفل
او ممكن تسافر مع شركة go bus ودية من فترة قريبة شغالة على خط الصعيد ولغاية اسوان
بلاش القطار لكثرة توقفة وعدم انتظام مواعيدة التى ممكن تصل الى 14 ساعة واكتر بالرغم من انة اريح من الاتوبيس

[amz2011]

ممكن تسافر بطريق الجيش ودة زى الفل
او ممكن تسافر مع شركة go bus ودية من فترة قريبة شغالة على خط الصعيد ولغاية اسوان
بلاش القطار لكثرة توقفة وعدم انتظام مواعيدة التى ممكن تصل الى 14 ساعة واكتر بالرغم من انة اريح من الاتوبيس

تقصد طريق الكريمات (الطريق الشرقى) لحد الاقصر و بعدين اكمل باستخدام اسيوط الغربى
تذكرة السفر مع شركة gobus بكام؟

[Ahmed_Rahem]

واضح ان دى البيراقراطية المصرية وليس لها علاقة باهل أسوان خالص

[mk3]

اولا العنوان ليس له اى علاقه بالمشكلة .اطلب تغيره
ثانيا دى مشكلة توريدات الحكومه وكان لازم لازم لازم تحط النقط فوق الحروف مع الحكومة...لاما فلوسك فى جيبك احسن...يا راجل ده انا مره اتعرض شغلانه بيقولى هنعمل لجنه واللجنه طلعت مش فاهمه وعملت لجنه ههههههههههههههه

[aminibrahim]

تقصد طريق الكريمات (الطريق الشرقى) لحد الاقصر و بعدين اكمل باستخدام اسيوط الغربى
تذكرة السفر مع شركة gobus بكام؟

بص حضرتك انا بسافر بالعربيه مع الاولاد ،،، وباخد طريق السخنه الغردقه ومنه سفاجه قنا الاقصر اسوان وطريق سالك وامان ،،، وربنا يوفقك،،، وراجع منه الخميس الجاي ان شاء الله

[dedi]

تقصد طريق الكريمات (الطريق الشرقى) لحد الاقصر و بعدين اكمل باستخدام اسيوط الغربى
تذكرة السفر مع شركة gobus بكام؟

تمام صح كدة انا باسافر علية من الاقصر
تكلفة تذكرة الاتوبيس مع gobus للاقصر 85 تقريبا ولاسوان 130 او 120 تقريبا بس احجز بدرى علشان تاخذ كرسى فى اول الاتوبيس

[amz2011]

تمام صح كدة انا باسافر علية من الاقصر
تكلفة تذكرة الاتوبيس مع gobus للاقصر 85 تقريبا ولاسوان 130 او 120 تقريبا بس احجز بدرى علشان تاخذ كرسى فى اول الاتوبيس

شكر على الاهتمام و الرد

[amz2011]

بص حضرتك انا بسافر بالعربيه مع الاولاد ،،، وباخد طريق السخنه الغردقه ومنه سفاجه قنا الاقصر اسوان وطريق سالك وامان ،،، وربنا يوفقك،،، وراجع منه الخميس الجاي ان شاء الله

اولا ترجع بالسلامة انت و الاسره
ثانيا انا بشكرك على اهتمامك و ردك و انت مسافر
انا كان كل تفكرى بين طريق اسيوط الغربى و طريق الجيش اللى هو بيبداء من الكريمات
هو الطريق اللى قولتلى عليه داه حلو بس حاسيس انه اطول من الطريقين اللى انا كنت بفكر فيهم
هو الطريق بيعمل معاك كام كليو وبتاخده فى وقت اد ايه؟.
الف شكر مره تانيه

[aminibrahim]

اولا ترجع بالسلامة انت و الاسره
ثانيا انا بشكرك على اهتمامك و ردك و انت مسافر
انا كان كل تفكرى بين طريق اسيوط الغربى و طريق الجيش اللى هو بيبداء من الكريمات
هو الطريق اللى قولتلى عليه داه حلو بس حاسيس انه اطول من الطريقين اللى انا كنت بفكر فيهم
هو الطريق بيعمل معاك كام كليو وبتاخده فى وقت اد ايه؟.
الف شكر مره تانيه

1000
كيلو ياتمام

[dedi]

زى ماقلت لحضرتك طريق الجيش افضل طريق و اقصرهم بس المهم تكون حالة العربية كويس علشان مافيش خدمات علية