إعـــــــلان

Collapse

.

,
See more
See less

عندي 28 سنة عاوز أغير مجالي -خصوصا مهندسين الاتصالات والالكترونيات-

Collapse
X
 
  • Filter
  • الوقت
  • Show
Clear All
new posts

  • عندي 28 سنة عاوز أغير مجالي -خصوصا مهندسين الاتصالات والالكترونيات-

    السلام عليكم ورحمة الله

    أعضاء المنتدى الافاضل والمحترمين ..... أنا عندي مشكلة وشاغلة تفكيري الفترة اللي فاتت وكنت عاوز اخد ارائكم لأنكم أصحاب خبرة في الحياة ومحترمين ..........

    البداية أنا خريج هندسة إتصالات والكترونيات دفعة 2008 ....... لما كنت بدرس كنت بحب الالكترونيات جدا ووجدت فيها ضالتي وكنت شغوف بالموضوع ده وحبيته واتعلمت فيه كتير وكان فيه جزء في الالكترونيات اسمه الميكروكنترولر أو الميكروبروسيسور -زي اللي في الكمبيوتر- بس امكانايات أصغر شوية استهواني جدا واتعلمت فيه كتير واتخرجت واول ما اتخرجت الحمد لله ربنا كرمني بشغل بس في مجال المقاولات -التيار الخفيف- اشتغلت فيه شوية وما استهوانيش وسبته ورحت شركة شغالة في مجال الالكترونيات بس بمرتب قليل أوي قلت مش مشكلة المهم اخد خبرة واشتغلت فيها فعلا في مجال برمجة الميكروكنترولر وقاعدت فيها 3 سنين والمرتب زاد حبة بسيطة قلت ماشي المهم اخد خبرة وبعد كده ربنا كرمني بسفرية للسعودية بمرتب معقول قلت الحمد لله المهم إني شغال في المجال اللي بحبه ..........

    طيب لحد كده كويس ايه المشكلة ............. المشكلة إني المرتب معقول وبالاصح قليل عن زملائي المناظرين ليا اللي شغالين في المقاولات أو الكهرباء أو أي فرع تاني جينا تقريبا في نفس الفترة بس هما ما شاء الله لا قوة الا بالله مرتباتهم زادت واللي نزل وجه على فرصة أحسن بكتير ......... ربنا يباركلهم يارب ........ بس المشكلة إن أنا المجال اللي شغال فيه ماعليهوش طلب في السوق ومرتباته كده مع إنه مجال متميز جدا وشغله حلو ........ أنا فكرت لما اتخرجت ان المجال المتميز مرتباته متميزة برضه ..... بس حقيقة السوق في الوطن العربي غير كده .......... المجال دلوقتي ما بيأكلش عيش وعندي طفل هيدخل المدرسة كمان سنتنين ورينج المرتبات عندنا في الشركة ثابت ومبيزدش ومفيش حوافز ومفيش أي حاجة ......... محدش يقولي دور على شركة تانية لأن المجال مش مطلوب في السوق ......... دلوقتي عيوب المجال مرتب قليل ...... مفيش career path يعني بعد كام سنة أنا مش عارف هبقى إيه ......... ياريت تنصحوني لأن بعض زمايلي قالولي خد كورسات شبكات سيسكو وادور على شغل في الشبكات شغلها حلو ومطلوب ........... بالمقارنة بين المجالين ....... الالكترونيات بحبها 9 من 10 الشبكات بحبها 7 من 10 ........... وأنا أخدت كورس في الشبكات زمان و certified كمان اللي هو CCNA وحبيت المجال برضه بس مش نفس الدرجة بس عندي قابلية أشتغل فيه عادي لأنه بالنسبة ليا حلو برضه ................. فدلوقتي تنصحوني بإية لأني لو خدت خطوة الشبكات هذاكر بنفسي اه بس امتحانات الشهادات بفلوس وهجيب معمل صغير في البيت كام راوتر على كام سويتش ...... الموضوع هيدخله في حدود من 10 الى 15 الف جنية لحد ما اخلص اول شهادتين CCNA , CCNP عشان أقدر الاقي وظيفة محترمة تناسب سني ............والقرار ده متوقف عليه حاجات كتير في حياتي ...... إية رأيكم وياريت تفيدونا بخبراتكم ............ والسلام عليكم ورحمة الله
    [FONT=Comic Sans MS]www.micro-controllers.com[/FONT]

  • #2
    وعليكم السلام ورحمة الله وبركاته
    اولا و قبل اى كلام الرازق هو الله و الرزق محدد
    لو انت فاكر انك لو اشتغلت فمكان تانى او استمريت فالمقاولات كان رزقك هيكون اكتر هقولك تبقى غلطان مرتبك هيكون اكتر بس مصاريفك هتكتر و هتظهر حاجات تاخد الفلوس و فالأخر هيتبقى نفس الفلوس معاك
    طبعا اوقات كتير الواحد بيحلم او بيتمنى حاجه و مش شرط تتحقق بس الحمد لله و ربنا بيختار الأفضل
    دلوقتى الــ 10 او 15 الف هتعرف تدبرهم من غير ما تضيق على نفسك و على اسرتك ؟؟
    على فكره انا اعرف واحد كان واخد الشهادات دى و فعلا كان بياخد مرتب محترم جدا بس من سنه او اكتر شويه قالى انه فالبيت مش بيشتغل لان مفيش شغل و الشركه عنده بقالها فتره مش بتدفع مرتبات حد و كان بيدور على شغل تانى
    ربنا يفرجها عليك و يرزقك رزق كتير اكتر مما تتمناه و يكون خير ليك ان شاء الله
    [SIZE=5][COLOR=Blue][sor2]http://s8.postimg.org/y3vj7185h/new5115.png[/sor2]
    سبحان الله و بحمده سبحان الله العظيم[/COLOR][/SIZE]

    Comment


    • #3
      اخى العزيز يجب ان يوضع فى الاعتبار ان الله هو الرزاق فمهما فعلت و اجتهدت و سعيت لن تأخذ الا ما كتبه الله لك
      و فى نفس الوقت يستحسن جدا ان تتعلم اشياء جديدة و تطور من نفسك و السؤال عن المجالات المطلوبة و تتعمق فيها و ربنا يكرمك و يوسع فى رزقك

      Comment


      • #4
        الرزق بيد الله عزوجل لا خلاف عليها

        لكن ربنا طلب مننا ناخد بالاسباب

        ان شايف ان لو غيرت مجال عملك ده من الاخذ بالاسباب

        نصيحه اخويه غير التخصص بتاعك بس يا ريت يكون تخصص مطلوب اكثر من الشبكات لان المجال ده بيدخله المتخصصين وغير المتخصصين

        انا شايف ان مجال شركات المقاولات مجال مناسب جدا ليك مجرد شويه خبره سنه او سنتين حتلاقى نفسك مسكت مركز وبقيت فى مكان مناسب مع مرتب محترم

        انا اعرف شخصيا مهندسين اكترونيات وشغالين مهندسين كهرباء تركبيات

        توكل على الله
        1- من من أصلح سريرته أصلح الله علانيته
        2-من أصلح ما بينه وبين الله أصلح الله ما بينه وبين الناس
        3-من عمل للآخرة كفاه الله الدنيا

        mecaneky سابقا

        Comment


        • #5
          بص انا هاقولك تعمل ايه
          اولا ارضى بما لديك الان لانك برضه زي مانت اقل من ناس انت احسن من ناس كتير قوى
          ثانيا خد كورسات فى اكتر التخصصات طلبا فى السوق فعندما تغير المجال تكون مستعد
          ثالثا لا تترك شغلك الا على فرصة احسن بوضوح من شغلك من ناحية المرتب و الاهم انها شركة تكون وضعها راسخ فى السوق يعنى مش تديك مرتب الضعف النهاردة و تمشيك بكرة
          [mshosh2]http://www.gtspirit.com/2012/02/24/official-bertone-nuccio-concept-revealed/?pid=45463&gallery=4010#tp[/mshosh2]

          Comment


          • #6
            انا فى نفس مجالك على فكرة بس لسة مخلصتش ومش عارف هشتغل اية ولا فين بعد ما اخلص إن شاء الله

            Comment


            • #7
              الرزق بيد الله سبحانه وتعالى
              وكون انك تدور انك تغير مجال شغلك ده برضه رزق من ربنا انه هداك للتفكير ده
              فانا شايف انك تغير مجال شغلك للى عاوزه السوق مش اللى انت بتحبه
              يعنى لو موضوع الشبكات هيكلف 15 الف وفيه مجال انك تشتغل فى الالكتروميكانيكال مثلا فده احسن لانه مطلوب فى معظم الشركات
              ممكن تمارس هواياتك اللى بتحبها مع نفسك او كعمل اضافى
              وبالتوفيق
              [SIZE="5"]لا اله إلا الله محمدُ رسول الله[/SIZE]

              Comment


              • #8
                مجال الشبكات أسمع إنه كويس جدا ومطلوب وطالما عندك خلفية كويسة ومعاك شهادة معتمدة كمان فجرب تذاكر وتاخد كورسات وتتعمق فيه وإن شاء الله ربنا هيكرمك وتلاقي فرصة عمل كويسة لأنه منتشر ومطلوب جدا في كل الدول
                [SIZE="4"][COLOR="Blue"][FONT="Century Gothic"]Freelancer Web Designer & E-marketer[/FONT][/COLOR][/SIZE]
                [SIZE="5"] ( --- [COLOR="Green"][URL="http://www.nilemotors.net/Nile/search.php?do=finduser&u=129815&starteronly=1"]جــمــيــــع مــوضــوعـــاتـي[/URL][/COLOR] --- )[/SIZE]

                [SIGPIC][/SIGPIC]

                Comment


                • #9
                  أشكر كل الاعضاء المحترمين اللي تعبوا نفسهم وردوا عليا ......... جزاكم الله خيرا جميعا يارب

                  -------------------------------------------------------------------------------------------
                  المشاركة الأصلية كتبت بواسطة shiko85 مشاهدة المشاركة
                  وعليكم السلام ورحمة الله وبركاته
                  اولا و قبل اى كلام الرازق هو الله و الرزق محدد
                  لو انت فاكر انك لو اشتغلت فمكان تانى او استمريت فالمقاولات كان رزقك هيكون اكتر هقولك تبقى غلطان مرتبك هيكون اكتر بس مصاريفك هتكتر و هتظهر حاجات تاخد الفلوس و فالأخر هيتبقى نفس الفلوس معاك
                  طبعا اوقات كتير الواحد بيحلم او بيتمنى حاجه و مش شرط تتحقق بس الحمد لله و ربنا بيختار الأفضل
                  دلوقتى الــ 10 او 15 الف هتعرف تدبرهم من غير ما تضيق على نفسك و على اسرتك ؟؟
                  على فكره انا اعرف واحد كان واخد الشهادات دى و فعلا كان بياخد مرتب محترم جدا بس من سنه او اكتر شويه قالى انه فالبيت مش بيشتغل لان مفيش شغل و الشركه عنده بقالها فتره مش بتدفع مرتبات حد و كان بيدور على شغل تانى
                  ربنا يفرجها عليك و يرزقك رزق كتير اكتر مما تتمناه و يكون خير ليك ان شاء الله
                  اللهم امين افرجها عليا وعلى جميع المسلمين يارب .... طبعا الرزق من عند الله وأنا مؤمن بكده والحمد لله .... ولكن اللي أنا بفكر فيه إن ربنا بيهديني للتفكير ده دلوقتي فده معناه رزق برضه من الله إني أفكر كده وأحاول أغير حياتي للأفضل من باب السعي في كسب الرزق والتوكل على الله ..... الموضوع مش موضوع مرتب بس الموضوع موضوع career path إن الواحد لازم يشوف نفسه بعد 5 أو 10 سنين هيبقى إيه بإذن الله .... وهل هيبقى مبسوط في الوضع ده ولا لأ .... أنا خايف اجي بعد 5 أو 10 سنين أقول ياريتني أو شئ من هذا القبيل .... أنا عاوز أكون واضح في حياتي وماشي في السكة الصح إن شاء الله

                  المشاركة الأصلية كتبت بواسطة canner مشاهدة المشاركة
                  اخى العزيز يجب ان يوضع فى الاعتبار ان الله هو الرزاق فمهما فعلت و اجتهدت و سعيت لن تأخذ الا ما كتبه الله لك
                  و فى نفس الوقت يستحسن جدا ان تتعلم اشياء جديدة و تطور من نفسك و السؤال عن المجالات المطلوبة و تتعمق فيها و ربنا يكرمك و يوسع فى رزقك
                  الرزق بإيد الله أكيد والرزق مش فلوس بس ولكنها مجموع أشياء .... طبعا هو ده اللي هعمله إني هشوف المجال المطلوب والاقرب إلى تفكيري وأبدأ فيه بإذن الله وشاكر مرور حضرتك

                  المشاركة الأصلية كتبت بواسطة M.ABDOU مشاهدة المشاركة
                  الرزق بيد الله عزوجل لا خلاف عليها

                  لكن ربنا طلب مننا ناخد بالاسباب

                  ان شايف ان لو غيرت مجال عملك ده من الاخذ بالاسباب

                  نصيحه اخويه غير التخصص بتاعك بس يا ريت يكون تخصص مطلوب اكثر من الشبكات لان المجال ده بيدخله المتخصصين وغير المتخصصين

                  انا شايف ان مجال شركات المقاولات مجال مناسب جدا ليك مجرد شويه خبره سنه او سنتين حتلاقى نفسك مسكت مركز وبقيت فى مكان مناسب مع مرتب محترم

                  انا اعرف شخصيا مهندسين اكترونيات وشغالين مهندسين كهرباء تركبيات

                  توكل على الله
                  كلامك مظبوط أوي ونصيحتك في محلها .... بس مجال الشبكات فيه voice والمجال ده مستهويني بإذن الله فأعتقد إن ده من صميم تخصصي بإذن الله .... وأنا اشتغلت فترة مقاولات بس صعب حد ياخدني في السن ده بالخبرة القليلة ده .... فعشان كده فكرت إن الشهادات العلمية هتعوض الموضوع ده وهبتدي بداية معقولة بإذن الله وشاكر ليك ياباشمهندس

                  المشاركة الأصلية كتبت بواسطة cameeron مشاهدة المشاركة
                  بص انا هاقولك تعمل ايه
                  اولا ارضى بما لديك الان لانك برضه زي مانت اقل من ناس انت احسن من ناس كتير قوى
                  ثانيا خد كورسات فى اكتر التخصصات طلبا فى السوق فعندما تغير المجال تكون مستعد
                  ثالثا لا تترك شغلك الا على فرصة احسن بوضوح من شغلك من ناحية المرتب و الاهم انها شركة تكون وضعها راسخ فى السوق يعنى مش تديك مرتب الضعف النهاردة و تمشيك بكرة
                  طبعا أنا راضي وأحسن من ناس كتير أوي الحمد لله ونعم ربنا مغرقاني ....... بالظبط هو ده اللي بفكر فيه الكورسات ده هتاخد في حدود سنة وبعد كده أدور على شغل بإذن الله في شركة محترمة وربنا يرزق يارب

                  المشاركة الأصلية كتبت بواسطة Astro BoY مشاهدة المشاركة
                  انا فى نفس مجالك على فكرة بس لسة مخلصتش ومش عارف هشتغل اية ولا فين بعد ما اخلص إن شاء الله
                  من رأيي تبعد عن المجال ده نهائي ياباشمهندس لأنك بعد فترة هتندم لأنك مش هتلاقي شركات بتطلبك ولا بتقدر المجهود اللي إنت بتعمله وإنت عارف الموضوع فيه تفكير أد إيه .... لو بتحب التحكم إدخل على PLC على طول نفس الفكرة بس السوق بيطلب المهندسين دول وليا أصدقائي شغالين في شركات محترمة وبياخدوا مرتبات كويسة ........ والموضوع ده شركات عالمية شغالة فيه وفيه مشاريع حلوة وهتاخد خبرة وهتتقدر بعد كده بإذن الله ولن تندم

                  المشاركة الأصلية كتبت بواسطة amr011111 مشاهدة المشاركة
                  الرزق بيد الله سبحانه وتعالى
                  وكون انك تدور انك تغير مجال شغلك ده برضه رزق من ربنا انه هداك للتفكير ده
                  فانا شايف انك تغير مجال شغلك للى عاوزه السوق مش اللى انت بتحبه
                  يعنى لو موضوع الشبكات هيكلف 15 الف وفيه مجال انك تشتغل فى الالكتروميكانيكال مثلا فده احسن لانه مطلوب فى معظم الشركات
                  ممكن تمارس هواياتك اللى بتحبها مع نفسك او كعمل اضافى
                  وبالتوفيق
                  كلامك صح وهخلي اللي بحبه ده هواية أو شئ من هذا القبيل لأني لازم أعقل بجد وأدور على مصلحتي لأني متزوج والالتزامات اللي عليا والمصاريف بتزيد والله المستعان

                  المشاركة الأصلية كتبت بواسطة أبو آسر مشاهدة المشاركة
                  مجال الشبكات أسمع إنه كويس جدا ومطلوب وطالما عندك خلفية كويسة ومعاك شهادة معتمدة كمان فجرب تذاكر وتاخد كورسات وتتعمق فيه وإن شاء الله ربنا هيكرمك وتلاقي فرصة عمل كويسة لأنه منتشر ومطلوب جدا في كل الدول
                  شكرا ليك يا أبو اسر منور الموضوع والله ويشرفني ردك ..... أنا هعمل كده فعلا هبتدي اخد الكورسات وأتعمق في الموضوع وكله هيبقى self study حضرتك عارف الكورسات ملهاش لازمة وبتدي قشور العلم فقط وأنا بحب أتعمق في الموضوع وهمتحن الامتحانات الدولية فقط ..... والله المستعان يارب
                  [FONT=Comic Sans MS]www.micro-controllers.com[/FONT]

                  Comment


                  • #10
                    المشاركة الأصلية كتبت بواسطة #MAAM# مشاهدة المشاركة
                    شكرا ليك يا أبو اسر منور الموضوع والله ويشرفني ردك ..... أنا هعمل كده فعلا هبتدي اخد الكورسات وأتعمق في الموضوع وكله هيبقى self study حضرتك عارف الكورسات ملهاش لازمة وبتدي قشور العلم فقط وأنا بحب أتعمق في الموضوع وهمتحن الامتحانات الدولية فقط ..... والله المستعان يارب
                    أيوة طبعا أنا أقصد كورسات أونلاين أو تحملها من النت مش اللي في المراكز التعبانة اللي عندنا هتوفر فلوس كتير أولا وهتاخد خبرات مش موجودة عند كتير من ال instructors اللي عندنا ثانيا
                    جرب تدور على كورسات Cisco تورنت هتلاقي كتير إن شاء الله وربنا يوفقك
                    [SIZE="4"][COLOR="Blue"][FONT="Century Gothic"]Freelancer Web Designer & E-marketer[/FONT][/COLOR][/SIZE]
                    [SIZE="5"] ( --- [COLOR="Green"][URL="http://www.nilemotors.net/Nile/search.php?do=finduser&u=129815&starteronly=1"]جــمــيــــع مــوضــوعـــاتـي[/URL][/COLOR] --- )[/SIZE]

                    [SIGPIC][/SIGPIC]

                    Comment


                    • #11
                      المشاركة الأصلية كتبت بواسطة #maam# مشاهدة المشاركة
                      السلام عليكم ورحمة الله

                      أعضاء المنتدى الافاضل والمحترمين ..... أنا عندي مشكلة وشاغلة تفكيري الفترة اللي فاتت وكنت عاوز اخد ارائكم لأنكم أصحاب خبرة في الحياة ومحترمين ..........

                      البداية أنا خريج هندسة إتصالات والكترونيات دفعة 2008 ....... لما كنت بدرس كنت بحب الالكترونيات جدا ووجدت فيها ضالتي وكنت شغوف بالموضوع ده وحبيته واتعلمت فيه كتير وكان فيه جزء في الالكترونيات اسمه الميكروكنترولر أو الميكروبروسيسور -زي اللي في الكمبيوتر- بس امكانايات أصغر شوية استهواني جدا واتعلمت فيه كتير واتخرجت واول ما اتخرجت الحمد لله ربنا كرمني بشغل بس في مجال المقاولات -التيار الخفيف- اشتغلت فيه شوية وما استهوانيش وسبته ورحت شركة شغالة في مجال الالكترونيات بس بمرتب قليل أوي قلت مش مشكلة المهم اخد خبرة واشتغلت فيها فعلا في مجال برمجة الميكروكنترولر وقاعدت فيها 3 سنين والمرتب زاد حبة بسيطة قلت ماشي المهم اخد خبرة وبعد كده ربنا كرمني بسفرية للسعودية بمرتب معقول قلت الحمد لله المهم إني شغال في المجال اللي بحبه ..........

                      طيب لحد كده كويس ايه المشكلة ............. المشكلة إني المرتب معقول وبالاصح قليل عن زملائي المناظرين ليا اللي شغالين في المقاولات أو الكهرباء أو أي فرع تاني جينا تقريبا في نفس الفترة بس هما ما شاء الله لا قوة الا بالله مرتباتهم زادت واللي نزل وجه على فرصة أحسن بكتير ......... ربنا يباركلهم يارب ........ بس المشكلة إن أنا المجال اللي شغال فيه ماعليهوش طلب في السوق ومرتباته كده مع إنه مجال متميز جدا وشغله حلو ........ أنا فكرت لما اتخرجت ان المجال المتميز مرتباته متميزة برضه ..... بس حقيقة السوق في الوطن العربي غير كده .......... المجال دلوقتي ما بيأكلش عيش وعندي طفل هيدخل المدرسة كمان سنتنين ورينج المرتبات عندنا في الشركة ثابت ومبيزدش ومفيش حوافز ومفيش أي حاجة ......... محدش يقولي دور على شركة تانية لأن المجال مش مطلوب في السوق ......... دلوقتي عيوب المجال مرتب قليل ...... مفيش career path يعني بعد كام سنة أنا مش عارف هبقى إيه ......... ياريت تنصحوني لأن بعض زمايلي قالولي خد كورسات شبكات سيسكو وادور على شغل في الشبكات شغلها حلو ومطلوب ........... بالمقارنة بين المجالين ....... الالكترونيات بحبها 9 من 10 الشبكات بحبها 7 من 10 ........... وأنا أخدت كورس في الشبكات زمان و certified كمان اللي هو ccna وحبيت المجال برضه بس مش نفس الدرجة بس عندي قابلية أشتغل فيه عادي لأنه بالنسبة ليا حلو برضه ................. فدلوقتي تنصحوني بإية لأني لو خدت خطوة الشبكات هذاكر بنفسي اه بس امتحانات الشهادات بفلوس وهجيب معمل صغير في البيت كام راوتر على كام سويتش ...... الموضوع هيدخله في حدود من 10 الى 15 الف جنية لحد ما اخلص اول شهادتين ccna , ccnp عشان أقدر الاقي وظيفة محترمة تناسب سني ............والقرار ده متوقف عليه حاجات كتير في حياتي ...... إية رأيكم وياريت تفيدونا بخبراتكم ............ والسلام عليكم ورحمة الله
                      ليه محاولتش تفتح مركز صيانة الاجهزة الكترونية

                      لو احتجت حاجة فى الخبرات اخواك موجود

                      Comment


                      • #12
                        المشاركة الأصلية كتبت بواسطة أبو آسر مشاهدة المشاركة
                        أيوة طبعا أنا أقصد كورسات أونلاين أو تحملها من النت مش اللي في المراكز التعبانة اللي عندنا هتوفر فلوس كتير أولا وهتاخد خبرات مش موجودة عند كتير من ال instructors اللي عندنا ثانيا
                        جرب تدور على كورسات cisco تورنت هتلاقي كتير إن شاء الله وربنا يوفقك
                        أكيد طبعا يا أبو اسر هو ده الطريق اللي همشي فيه بإذن الله

                        المشاركة الأصلية كتبت بواسطة ابوحبيبة2010 مشاهدة المشاركة
                        ليه محاولتش تفتح مركز صيانة الاجهزة الكترونية

                        لو احتجت حاجة فى الخبرات اخواك موجود
                        والله موضوع التجارة أو الكلام ده أنا فاشل فيه أنا أنفع موظف بس .... وجزاك الله خير ولو احتجت حاجة هطلبها من إخواتي هنا في المنتدى
                        [FONT=Comic Sans MS]www.micro-controllers.com[/FONT]

                        Comment


                        • #13
                          اخي العزيز
                          نصيحه اخويه انك لا تحاول انك تقارن نفسك بغيرك ... بمعني انه اتعرض علي حضرتك نفس مجال الشغل في مقاولات low current وانت اخترت انك تتركه .... وطبعا حضرتك عارف ان شغل الlow current بيشمل اعمال البنيه التحتيه للكومباوندز و القري السياحيه و بيشمل اعمال شبكات الاتصالات ايضا فالبالتالي بيبقي في ارتباط كبير بين التوسعات العقاريه والشغل ده بالتالي طبيعي تكون مرتباتهم عاليه ..... عشان المشقه بس فنيا مش هيتقدم بس هيكتسب مهارات اداريه و هيتقدم فيها .
                          لكن مجال برمجه الميكروكنترول والPLC بيبقي مقفول شويه وبيعتمد اكثر علي الموهبه الفنيه بس بيقتصر علي المصانع ومش اي مصانع كمان .... و شغل الصيانه بتاعه مش كتير ..
                          اللي اقصده حضرتك انك ما تحاولش تقولب نفسك علي حاجه عكس طبيعتك , او تحس انك اقل من غيرك عشان ما تسخطش علي وضعك لو ما عرفتش تنقل من مجالك ممكن توصل لمرحله انك تسيب كل حاجه و تقعد في البيت وطبعا ده ما ينفعشي دلوقتي وانت مسئول ..
                          الخلاصه حضرتك ودي وجهه نظري , ان لو التيكنيكال عندك عالي في مجال الميكروكنترولر و الميكروبروسيور سواء اقتصر ذلك علي البرمجه او تصميم الدوائر الاكترونيه و PCB .... الخ , انصحك تكمل و تدرس في مجال FPGA و ASIC و البرمجه بلغه VHDL علي ما اذكر ... ده هيبقي امتداد طبيعي لمجالك انت ممكن تتعب شويه في الأول بس انصحك بSELF STUDY عشان توفر
                          لكن لا انصحك انك تدخل مجال الشبكات لأنك هتبعد قوي عن مجالك و بعدين CCNA و CCNP ممكن تخادها SELF STUDY او تاخد CCNA في اي مركز وتكمل لوحدك ومش هتحتاج لاب في البيت , في برامج محاكاه ممتازه تغنيك عن كده , و لو عايز لاب ممكن تأجر .....
                          سيدي الفاضل , انا بنصحك نصيحه اخويه وبأعتذر لو كان اسلوبي قوي شويه , بس دي مراحل كلنا مرينا بيها وانا بكلمك وانا مش عندي 40 سنه ..انا ممكن اكون اكبر منك ب 3 سنين ... بس يا ريت يا ريت اياك وحاله السخط و تسيب شغلك .... طور مجالك واتعب شويه وان شاء الله ربنا يرزقك .... والله الموفق والمستعان .
                          zozoderaz سابقا

                          Comment


                          • #14
                            المشاركة الأصلية كتبت بواسطة #maam# مشاهدة المشاركة
                            اللهم امين افرجها عليا وعلى جميع المسلمين يارب .... طبعا الرزق من عند الله وأنا مؤمن بكده والحمد لله .... ولكن اللي أنا بفكر فيه إن ربنا بيهديني للتفكير ده دلوقتي فده معناه رزق برضه من الله إني أفكر كده وأحاول أغير حياتي للأفضل من باب السعي في كسب الرزق والتوكل على الله ..... الموضوع مش موضوع مرتب بس الموضوع موضوع career path إن الواحد لازم يشوف نفسه بعد 5 أو 10 سنين هيبقى إيه بإذن الله .... وهل هيبقى مبسوط في الوضع ده ولا لأ .... أنا خايف اجي بعد 5 أو 10 سنين أقول ياريتني أو شئ من هذا القبيل .... أنا عاوز أكون واضح في حياتي وماشي في السكة الصح إن شاء الله
                            انا معاك ان الواحد لازم يدور على يجتهد و يفكر فبكره و مش غلط ابدا ان الواحد يفكر و يتمنى و يسعى و يحاول انه يكون فوظيفه احسن و مرتب اكبر
                            كان كل قصدى انك اولا لازم تحمد ربنا على اللى انت فيه حاليا لانك افضك كتير جدا من غيرك
                            ثانيا الله هو الرزاق اطلب منه و ربنا سبحانه و تعالى هيرزقك باكتر من اللى طلبته فالله كريم جدا
                            ثالثا انوى ان طلبك للوظيفه الأفضل و المرتب الأكبر يكون للتوسعه على اسرتك و اهلك
                            رابعا انوى التصدق بمبلغ كل شهر للفقراء و المرضى
                            خامسا لو انت مقصر فالطاعه حاول تقرب اكتر من الله و تكثر من الطاعه " كن لله كما يريد يكن لك فوق ما تريد"
                            سادسا استغفر الله كتير جدا

                            بسم الله الرحمن الرحيم فقلت استغفروا ربكم انه كان غفارا يرسل السماء عليكم مدرارا و يمددكم بأموال و بنين و يجعل لكم جنات و يجعل لكم انهارا
                            صدق الله العظيم
                            سابعا سورة الواقعه
                            ثامنا ادعيلى بالفرج القريب و اجابة دعائى و تحقيق امنيتى

                            عَن أَبي الدَّردَاءِ رَضِي اللَّه عنْهُ أَنَّهُ سمِعَ رَسُولَ اللَّهِ صَلّى اللهُ عَلَيْهِ وسَلَّم يَقُولُ : (ما مِن عبْدٍ مُسْلِمٍ يَدعُو لأَخِيهِ بِظَهرِ الغَيْبِ إِلاَّ قَالَ المَلكُ ولَكَ بمِثْلٍ) رواه مسلم
                            عَنْهُ أَنَّ رسُول اللَّه صَلّى اللهُ عَلَيْهِ وسَلَّم كانَ يقُولُ : (دَعْوةُ المرءِ المُسْلِمِ لأَخيهِ بِظَهْرِ الغَيْبِ مُسْتَجَابةٌ ، عِنْد رأْسِهِ ملَكٌ مُوكَّلٌ كلَّمَا دعا لأَخِيهِ بخيرٍ قَال المَلَكُ المُوكَّلُ بِهِ : آمِينَ ، ولَكَ بمِثْلٍ) رواه مسلم

                            [SIZE=5][COLOR=Blue][sor2]http://s8.postimg.org/y3vj7185h/new5115.png[/sor2]
                            سبحان الله و بحمده سبحان الله العظيم[/COLOR][/SIZE]

                            Comment


                            • #15
                              بس لما تيجى تدعي قول شريف مش shiko85
                              و انا مستنى الدعاء
                              منك و من باقى الأعضاء ان امكن و ربنا يتقبل ان شاء الله منكم و لكم مثله
                              [SIZE=5][COLOR=Blue][sor2]http://s8.postimg.org/y3vj7185h/new5115.png[/sor2]
                              سبحان الله و بحمده سبحان الله العظيم[/COLOR][/SIZE]

                              Comment

                              Working...
                              X