### لكيفية الشاي تبادل خبرات خش روق مزاجك ( اصحاب النسكافيه والفربتشينو يمتنعوا )

[DODGE2013]

مساء الخير


طبعا حختصر في الموضوع

مين فينا مبيشربش شاي الا القليل ودول منعرفهمش

وطبعا طقوس الشاي بتختلف من شخص للتاني

شخص يحب يشرب كوباية الشاي لوحدها وشخص تاني يحب يشرب معاها سيجاره (ربنا يتوب عليه)

وطبعا انا من الناس الي كنت بحب اشرب الشاي مع السيجارة وكان صعب اشربه من غيرها

بس دلوقتي خلاص مش فارقه D:

نيجي بقى لمراحل الشاي اليومية

كوباية بعد الفطار وديه المهم من غيرها يبقى بقيت اليوم صداع وتعب وكسل

كوباية شاي بعد الغدا وديه ضروري عشان تحبس وتهضم D:

الى اخره طبعا نيجي بقى لتبادل الخبرات

لاحظت ان اغلب الناس متعرفش الا حجات بسيطه عن الشاي يعني اخره يجيب الشاي ابو فتله وميه سخنه وشوية سكر ويشرب ولو خبير يحط نعناع ولو اكسبرت يحط حليب

نيجي بقى للمهم

حد جرب الشاي مع المراميه ؟؟؟؟ فيه كتير ميعرفوهاش مش حتكلم على فوايدها

بس طعمها مع الشاي مختلف تمامااااااااااااااااااااااااا وده شكلها



هيا شكلها قريب من نبته كده كلنا عارفنها D: وطبعا ديه لما بتتحط مع الشاي بتخليك ريلاكس واخر روقان وبتنشط كمان (خد بالك بتخسس وتحرق الدهون جااامد)

لو ممجربتهاش من الشاي مش حوصيك جربها

تعرف ان الشاي ابو فتله ده غير الشاي الفرط؟؟؟؟ جرب كده الشاي الفرط حتلاقي الفلافور فيه اشد من الشاي العادي ده غير لما بيبقى فرط مع الميه السخنه بيطلع كل فوايده والفلافور بتاعه


طيب جرب الشاي بنكهة البرغموت ؟؟؟؟ حتقولي جربت كتير بس ولا واحد منهم عجبني



اديك بقى خبرتي في نكهة البرغموت .. انا تقريبا جربت كل نكهات البرغموت كل النكهات الي تتصورها

من الايطاليا لللامريكي للأنجليزي واغلى الانواع الخ الخ الخ كلهم

النكهه فيها خفيفه جدا ومش لاصحاب المزاج العالي

احسن نكهة برغموت ممكن تجربها في حيااااااااااااااااااااااااااااااااااااتك كلها تعرف ايه ؟؟

احمد تي Ahmed Tea متستغربش ولو حد خبير يروح يجربه ويقولي حتلاقي لون العلبه احمر ومكتوب عليها بنكهة البرغموووووووووووت الغنيه ديه كوبايه دمااااااااااااااار جرب وادعيلي

وطبعا لو كييف شاي وحابب تجرب نكهة جامده بردوا مش حوصيك على ليبتون روسيان ايرل جراي

lipton russian earl grey ديه دماغ بردوا بس منحصش بيها في بداية اليوم ديه تنفع للي بيحب يشرب شاي بليل وخايف يحسن
يجبله ارق او يفضل سهران ديه تمزج بس ومتسهرش



وفيه ليبتون بلاك تي ده جامد بردوا شاي انجليزي

وطبعا كلنا عارفين شاي بنعناع بس اي ورقة نعناع تتحط تمزج ؟؟ الورق الصغير الي بيبقى فوق ده بيبقى مفعوله وطمعه شديد ومهضم ومنشط للجسم

وطبعا فيه الشاي باللمون وده مفيد جدا زي المضاد الحيوي وده مش بنفتكره الا في الشتا D:

واخيرا الشاي بالحليب هل جربته مع الهيل ؟؟؟ (الحبهان) جرب كده وقولي ايه رايك

واخيرا لو حابب كوباية شاي من دول فا انصحك لما تعمل كوباية الشاي غطيها باي حاجه وسيبها تعيش مع نفسها خمس دقايق وشيل الغطا واشرب وبالهنا والشفا

[DODGE2013]

وطبعا فيه الشاي الاخضر والشاي الصيني ودول جامدين للتخسيس بس مبحبهمش اوي فا نسيت اذكرهم



يعود تاريخ اكتشاف الشاي الى العام /2737/ قبل الميلاد والى زمن الامبراطور الصيني (شين تنغ) عندما كان يغلي الماء في الهواء الطلق حيث سقطت بعض أوراق الشاي داخل الوعاء الذي كان يغلي فيه الماء، فاصطبغ لون الماء بلون الشاي الذي نشربه اليوم، فجعل يشرب منه ويتذوقه وعندما وجد أن طعمه لذيذ ومنعش وانه شراب جديد أخذ يعتني بشجرته هذه التي تنمو بشكل طبيعي في تلك البلاد

وفي العام/1660م/ قامت شركات الهند الشرقية بتأسيس تجارة خاصة ومنتظمة لنقله من الهند الى أوروبا وآسيا

[damasry]

هااايل

بس انا بحب اشرف الشاى بورق الريحان بيعمل مزاج عالى اوى :)

بالنسبة للشاى العادى، ففى نوع اسمه شاى الكبوس، ده شاى فى اليمن معروف اوى هناك والصراحة طعمه تحفة

[omaranes77]

واللة ياباشا انت دماغ
طب حضرتك جربت احمد تي بالفراولة
وهمييييييييييييييييييييييي لدرجة خيالية

[MTAK]

جربت انواع كتير و اكتر واحد عجبني هو احمد تي - ايرل جراي
معظم الايرل جراي في الانواع التانيه يا بتكون النكهه خفيفه جدا يا قويه بزياده

اما عشقي اللي مبعرفش الاقيه الا كل حين و مين هو الشاي بالهيل
اول مره اشربه كنت في سوريا و خلصت ساعتها ترمس كامل في ساعتين و كان شاي سايب

و بعدين لقيت دلما منزلاه في مصر و معرفتش الاقيه تاني

و من سنتين كنت في دبي و لقيت نوع مش مشهور بس كان تحفه و مش عارف اجيبه تاني

[مصطفى-حسن]

احمد تى بالنسبة لى اساسى وجربت كل الانواع بتاعتة
بس دلوقتى هروح هايبر بعد ماقريت الموضوع واجرب الانواع الجديدة المذكورة عالية
...............
مساءك عنب

[almohaor]

جرب الشاى بالقرنفل...طعمه خرافة
===================
ضح مسارين او تلاته من القرنفل على الشاى الكشرى وعيش ايامك


كمان الشاى الاخضر بالياسمين(شاى احمد)
=======================
جميل جدا يخفض الكوليسترول والدهون على الكبد
وكمان غنى بمضادات الاكسدة التى تكسب الحيوية لخلايا الجسم
وطبعا بيستخدم فى التخسيس

[DODGE2013]

هااايل

بس انا بحب اشرف الشاى بورق الريحان بيعمل مزاج عالى اوى :)

بالنسبة للشاى العادى، ففى نوع اسمه شاى الكبوس، ده شاى فى اليمن معروف اوى هناك والصراحة طعمه تحفة

بس المشكله الاقي ريحان عدل فين ؟؟؟؟ وبتحط الورق ولا الي شبه الزهره (البثور)
مجربتوش وجاري التجربه يلا ابتدت تندع وجاري التجربه

والله ياباشا انت دماغ
طب حضرتك جربت احمد تي بالفراولة
وهمييييييييييييييييييييييي لدرجة خيالية

ربنا يخليك ياباشا هوا فيه احمد تي بالفراولة اول مره اعرف زي ما انا قلت لازم تبادل خبرات ههههههههه
حجربه واقولك وافتكر جربت مره ليبتون بالخوخ بس معجبنيش

جربت انواع كتير و اكتر واحد عجبني هو احمد تي - ايرل جراي
معظم الايرل جراي في الانواع التانيه يا بتكون النكهه خفيفه جدا يا قويه بزياده

اما عشقي اللي مبعرفش الاقيه الا كل حين و مين هو الشاي بالهيل
اول مره اشربه كنت في سوريا و خلصت ساعتها ترمس كامل في ساعتين و كان شاي سايب

و بعدين لقيت دلما منزلاه في مصر و معرفتش الاقيه تاني

و من سنتين كنت في دبي و لقيت نوع مش مشهور بس كان تحفه و مش عارف اجيبه تاني

طالما قلت احمد تي ايرل جراي يبقى انت رتبة الخبير d: فعلا نكهته جامده اوي ومش بيستخسر

وشاي الهيل جامد انا كنت بشوف ناس بتشربه وكنت بتريق عليهم وقلت اكيد طعمه في الاكل مش بيعجبني اكيد مع الشاي مش جامد بس لما جربته طلع جامد فعلا وخصوص مع الحليب وهم

وعلى فكره بقى فيه احمد تي بالهيل خيال جرب

احمد تى بالنسبة لى اساسى وجربت كل الانواع بتاعتة
بس دلوقتى هروح هايبر بعد ماقريت الموضوع واجرب الانواع الجديدة المذكورة عالية
...............
مساءك عنب

مساء البرغموت مرشوش عليه حبهان يا باشا d: لو جربت الليبتون الروسي حتدعيلي من هنا لبكره d:

جرب الشاى بالقرنفل...طعمه خرافة
===================
ضح مسارين او تلاته من القرنفل على الشاى الكشرى وعيش ايامك


كمان الشاى الاخضر بالياسمين(شاى احمد)
=======================
جميل جدا يخفض الكوليسترول والدهون على الكبد
وكمان غنى بمضادات الاكسدة التى تكسب الحيوية لخلايا الجسم
وطبعا بيستخدم فى التخسيس

بالقرنفل فكره جامده معدتش عليا وبحثت شويه كده لقيت ان ليه تأثير جامد على المزاج
باشا شكلك كده صاحب مزاج عالي ههههههههههههههههه جاري التجربه

جربت الشاي بالياسمين (شاي بيتشرب ) مش الشاي اياه بتاع عادل امام ههههههههههههه
مش عارف ليه معجبنيش بس مش فاكر كان نوع ايه بس جاري تجربة احمد تي

[DODGE2013]

على الله الحكومه متشوفش الموضوع وتفرض ضريبه على الشاي تقول ايه ده الشعب كان ميعمل دماغ ويتمزج واحنا مش عارفين ________________ بس الضريبه حتبقى ازاي

لكل مواطن 3 كوبيات شاي وكل كبايه بعدها عليها 20 % في الميه ضرايب وطبعا بقى لو برغموت ولا هيل 50 %

ربنا يستر


وفيه نكهة شاي مجنونه بس مرضتش اقولها اعرف واحد غاويها


شاي بالشطه و شاي بنكهة الفراخ ههههههههههههههههههههه الراجل ده بيجيب النكهه الي في كيس الاندومي ويحطها ههههههههههههههههه

[omaranes77]

باشا هو يا احمد تي يا ربيع حاجة منهم
باذن اللة يوم اثلاثاء هاقول لسعتك علي نوعة

[Anaslbda]

نكهة البرغموت ده ليبتون نزّلت منه في فترة من الفترات وكان مكتوب عليه "لفترة محدودة",
كان طعمه خرافي فعلاً.

[marsguy]

جربت انواع كتير و اكتر واحد عجبني هو احمد تي - ايرل جراي
معظم الايرل جراي في الانواع التانيه يا بتكون النكهه خفيفه جدا يا قويه بزياده

اما عشقي اللي مبعرفش الاقيه الا كل حين و مين هو الشاي بالهيل
اول مره اشربه كنت في سوريا و خلصت ساعتها ترمس كامل في ساعتين و كان شاي سايب

و بعدين لقيت دلما منزلاه في مصر و معرفتش الاقيه تاني

و من سنتين كنت في دبي و لقيت نوع مش مشهور بس كان تحفه و مش عارف اجيبه تاني

ممكن حضرتك تشتري حبهان مطحون من عند العطار وتعمله إنت

[M R. Z E C O]

احلى شاي يتشرب بتاع الاردنيين ومتسالنيش ايه الخلطة عشان معرفهاش بس طعم انسى نفسك

[damasry]

جرب الشاى بالقرنفل...طعمه خرافة
===================
ضح مسارين او تلاته من القرنفل على الشاى الكشرى وعيش ايامك

كنت مدمن شاى بالمسامير وفعلا كنت بحط 3 مسامير فى الكوباية بس بعد ما جربت الريحان بقيت مدمن ريحان لأن تأثيره ونكهته فى الشاى اعلى كتير.

بس المشكله الاقي ريحان عدل فين ؟؟؟؟ وبتحط الورق ولا الي شبه الزهره (البثور)
مجربتوش وجاري التجربه يلا ابتدت تندع وجاري التجربه


بالقرنفل فكره جامده معدتش عليا وبحثت شويه كده لقيت ان ليه تأثير جامد على المزاج
باشا شكلك كده صاحب مزاج عالي ههههههههههههههههه جاري التجربه

انا بزرع الريحان يا باشا عندى فى البلكونة عشان اضمن يبقى الريحان فريش :) وفى ناس بتجيبه ليا بردو لما الشجر عندى بيموت :(

انا بحط الورق دايما ولما اكون عايز دماغ قوية احط العود اللى فيه الزهر

بس عايز اقولك طالما مزاجك راح للقرنفل فاحب اقولك ان الريحان اقوى كتير خصوصا لما الورق يكون فريش وتسيبه كده دقيقتين تلاتة وتبص للكوباية تلاقى الزيوت بتاعت الريحان على وش الكوباية تعرف انه بقى شاى كده

[الاستاذ]

هو اية اسم النوع من شاى احمد القريب من شاى العروسة