تجاربكم مع شهر العسل

[minicooper20]

طبعا السوال واضح
انا خلاص فقدت عقلى و هاتجوز

ها بقا اعمل شهر العسل فين
و فى مصر ولا بره مصر
يعنى غردقه و شرم و طابا و جو ده معنى مبحبهمش بس قشطه لو ليكو تجارب
كنت عايز اروح البرازيل بس اوفر كوست خالص
انا زورت ماليزيا و تاليند و سيشل و جولد كوست باستراليا بس دى اوفر اوفر كوست برضو هههههههه
انصحونا
و لو نصحتونى فى مصر قا مش عايز خليج نعمه و لا الفور سيزون شارم لان ليا زكريات مش لطيفه معاهم
ها ايه رايكم

[dede_dodo88]

واحد صاحبي لسة متجوز و طلع سنغافورة و بالي 12 يوم/11 ليلة و دي تكلفتها حوالي 35000 طيران و فندق بس..
انا عن نفسي لو اتجننت زيك كده و هتجوز فهيكون افضلي اطلع جولة في اوروبا احسن من مصر و شرق اسيا..

[Gelgel2004]

دهب - مرسى علم - سهل حشيش

و راجع نفسك .....
لسه ادامك فرصة تفكر :)

و الف مبروك:)

[أحمد كمال]

The Maldives ..... و اتسى بقى :)

جولة اوروبا تنفع بعد سنة جواز لانها كل يوم خروج و فرهدة ...... المالديفز .... شاليه وسط المحيط يا معلم و عيش و عيشني

[minicooper20]

واحد صاحبي لسة متجوز و طلع سنغافورة و بالي 12 يوم/11 ليلة و دي تكلفتها حوالي 35000 طيران و فندق بس..
انا عن نفسي لو اتجننت زيك كده و هتجوز فهيكون افضلي اطلع جولة في اوروبا احسن من مصر و شرق اسيا..

يا باشا يورب عايزه وقت و كمان انا بشوف اروبا مش ممتعه فى الشتاء خالص انا عايز حاجه جديده
و انا مبحبش شرق اسيا اصلن روحت بالى متبسطش
ماليزيا يعنى
تيلاند مش اوى
سيشل وهميه بس مش مناسبه للهانى مون
بفكر فى المالديف بس السيزون هناك هيمون وقت مهجوز و هتكون غاليه جدا
اما فى مصر ايه رايك فو اوبروى سهل
تشانجتر الجونه
تروبال
فانتزى مرسى علم

دهب - مرسى علم - سهل حشيش

و الف مبروك و راجع نفسك .....
لسه ادامك فرصة تفكر :)

هههههههههههه
اخيرا لقيتك يا باشا انتا فين دنا بدور عليك بقالى ١٠ شهور
و نزلت مصر ٣ مرات و مش عارف اعتر فيك
و شوف لقيتك بالصدفه البحته ههههههه سبحان الله
لو تفتكر انا كلمتك من يجى ١٠ شهور شان اعمل الشقه بس نمرتك ضاعت منى و معرفتش اوصلك خالص
يالله لعلو خير
اقترح فنادق بقا بس بالله عليك يكونو بيعملو المصرين كويس لحسن انا متعقد ههههههه
و ايه راىك يا باشا فى الفنادق الزكرتها فوق

[minicooper20]

the maldives ..... و اتسى بقى :)

جولة اوروبا تنفع بعد سنة جواز لانها كل يوم خروج و فرهدة ...... المالديفز .... شاليه وسط المحيط يا معلم و عيش و عيشني

و الله كان اول اقتراح عندى
بس هتكون هاى سيزون فى وقت جوازى فا هتكون غاليه اوى
صحيح بقا هو فى دايركت للمالديف من مصر
و لا لازم القاهره دبى المالديف لان الطيران الوحيد تقريبا البنزل المالديف دايركت الامارات و بتاخد كادو تكت للطايره البحريه لى جزيره تختارها

[mustafavet]

the maldives ..... و اتسى بقى :)

جولة اوروبا تنفع بعد سنة جواز لانها كل يوم خروج و فرهدة ...... المالديفز .... شاليه وسط المحيط يا معلم و عيش و عيشني

مش عارف انت زورتها ولا لا
بس السياحة في جزر المالديف الاغلي علي مستوي العالم

[minicooper20]

مش عارف انت زورتها ولا لا
بس السياحة في جزر المالديف الاغلي علي مستوي العالم

حسب يا باشا الفندق و السيزون و هتركب بوت و لا طياره بحريه
ممكن تقضى فى المالديف ٨ ايام ٧ ليال
ارخص من ماليزيا ١٠ ايام و ده عن تجارب كتير
و سيشل اغلى منها
و مورشيوس اغلى و اغلى بس كولو حسب السيزون

[أحمد كمال]

و الله كان اول اقتراح عندى
بس هتكون هاى سيزون فى وقت جوازى فا هتكون غاليه اوى
صحيح بقا هو فى دايركت للمالديف من مصر
و لا لازم القاهره دبى المالديف لان الطيران الوحيد تقريبا البنزل المالديف دايركت الامارات و بتاخد كادو تكت للطايره البحريه لى جزيره تختارها

مفيش كادوه و لا بتاع .....

مفيش دايركت من مصر ...... ممكن تسافر القاهرة-دبي-مالي ..... و ممكن دبي-مالي تسافرها على فلاي دبي ارخص من طيران الامارات كمان

الاوتيل اللي انت رايحه لو جزيرته قريبة من هولهولي (المطار اسمه مطار مالي بس هو في هولهولي اللي جنب مالي ما تفهمش ليه و ازاي بس ما علينا) بتروح بالسبيد بوت بتاع الاوتيل ....... لو بعيد بالطيارة ذات المحركات

مش عارف انت زورتها ولا لا
بس السياحة في جزر المالديف الاغلي علي مستوي العالم

زرتها بس ما طولتش بسبب الاسعار زي ما انت بتقول .....

[mesaharaty]

أنا داخل أهنى وأبارك
ألف مبروك وزواج سعيد بإذن الله

[minicooper20]

مفيش كادوه و لا بتاع .....

مفيش دايركت من مصر ...... ممكن تسافر القاهرة-دبي-مالي ..... و ممكن دبي-مالي تسافرها على فلاي دبي ارخص من طيران الامارات كمان

الاوتيل اللي انت رايحه لو جزيرته قريبة من هولهولي (المطار اسمه مطار مالي بس هو في هولهولي اللي جنب مالي ما تفهمش ليه و ازاي بس ما علينا) بتروح بالسبيد بوت بتاع الاوتيل ....... لو بعيد بالطيارة ذات المحركات






زرتها بس ما طولتش بسبب الاسعار زي ما انت بتقول .....

هو تكت ال طياره البحريه ب ٤٠٠ دولار صح

[أحمد كمال]

هو تكت ال طياره البحريه ب ٤٠٠ دولار صح

مش عارف بكام بس ممكن تجووجل Maldivian Air Taxi


انا كنت نازل في جزيرة Vadoo و دي ربع ساعة بالقارب من المطار فماكانتش مستاهلة طيارة

[أحمد كمال]

لو عايز تظبط مالديفز ابقى قول لي ........ اللي ظبطني هناك صديق مالديفي كان زميلي في الشغل من سنتين ......

[minicooper20]

مش عارف بكام بس ممكن تجووجل maldivian air taxi


انا كنت نازل في جزيرة vadoo و دي ربع ساعة بالقارب من المطار فماكانتش مستاهلة طيارة

طيب ايه اقترحاتك فى مصر يا احمد بيه

[أحمد كمال]

طيب ايه اقترحاتك فى مصر يا احمد بيه

بلاش الغردقة ...... خليك في

سهل حشيش ...... شرم الشيخ ..... كده يعني ...... و تروح طيران لان الطرق مش امان .......


بس هتلاقي نفسك اخر الاسبوع صارف لك مش اقل من 10 الاف مثلا او اكتر ...... يبقى من الاول كنت تسافر برة .......