فنادق شرم الشيخ

[محمد عز]

السلام عليكم شباب نايل موتورز
حد عنده فكره ايه احسن الفنادق الموجودة فى شرم الشيخ لقضاء اسبوع من ضمن شهر العسل

[ahmedfd]

أولاً ألف مبروك و ربنا يرزقك بالخلف الصالح إن شاء الله.
الحقيقة أنا بيعجبني هيلتون عامة و بالنسبة لشرم أنا جربت هيلتون الفيروز و كان شيك و نضيف جداً و ده بيقع في وسط خليج نعمة.
هو عامة خليج نعمة و المشاية اللي قدامه و منطقة الكافيهات أعتقد أكتر منطقة فيها حياة و مسلية و تحسسك إنك في شارم فعلاً و أقدم فندق فيها هوا هيلتون الفيروز و ده ليه أطول شاطئ على خليج نعمة بس خد بالك إن في 3 هيلتون في شارم الفيروز و dreams و كمان فيه sun 'n fun و دول أحسن ناس في شارم بيعملوا رحلات السفاري و الـdiving و الـ parasailing و الـ glass boats و الـ bedouin nights و الـ quad runners دي حاجات لازم كلها تجربها إن شاء الله.
ممكن تاخد بصة على www.wikimapia.com هتلاقي معظم الفنادق معمولها tag.
فيه طبعاً حياه ريجينسي أكيد تحفة بس بره خليج نعمة و فيه موفنبيك و سوفيتيل و غيرهم كتير و أكيد إخوانا في المنتدي هيفيدوك كمان.

و ألف مبروك مرة تانية.

[Islam_galal]

ألف مبروك و ربنا يجعلها زيجة صالحة ان شاء الله
لو حضرتك حتسافر طيران أو باوتوبيس يبقي خيك في خليج نعمه
لو بالعربيه ممكن تروح حتت تانيه (أحيانا أرخص)
هيلتون دريمز ممتاز (في رأيي أفضل من هيلتون فيروز في شهر العسل لان الخصوصيه أعلي و الشاطئ واحد-مشترك للفندقين)
نعمه باي
كتاراكت
روزيتا (مستوي أقل بس خصوصيه عاليه)
و زي ما قال صديقنا العضو ahmedfd جرب الفسح اللي قال عليها
أشهرهم و أنسبهم الجلاس بوت و السافاري (قبل الشروق أو الغروب) و أغلي مكان و أفضل مكان sun 'n fun
للحجز في هيلتون 19009 و لهم موقع رائع علي الانترنت http://www1.hilton.com/

الطيران التذكرة سمعت انها وصلت 1000 ج (0.5 ساعة من القاهرة)
الاتوبيس حوالي 100ج (خليك في السوبر جيت أحسن) (حوالي من 8 الي 9 ساعات)
و بصراحة السيارة أفضل وسيلة

[محمد عز]

شكرا يا احمد
شكرا يا اسلام

الحقيقة انا مرحتش قبل كده شرم الشيخ
ان شاء الله الجواز هيكون فى اول التلت الاخير من شهر نوفمبر يعنى 18 نوفمبر او 19 نوفمبر
هقعد اسبوع فى السويس مع الاهل وبعد كده هسافر شرم الشيخ اسبوع
وهرجع ان شاء الله قبل عيد الاضحي
يعنى هقعد اسبوع فى شرم الشيخ
انا دلوقتى محتار بين كذا فندق
1- روتانا جراند ريزورت ( وده اكتر واحد ميال ليه لان اعرف سمعه فنادق روتانا كويس وغير انه فندق اماراتى وانا جربته قبل كده هنا فى الامارات)
2- 4 سيزون بس مافيش اى معلومات عنه
3- حياة ريجنسى
4- الريتز كالرتون

الحقيقة انا خايف اغامر وعاوز حد عنده خبرة يقولوى ايه احسن فندق حتى لو مش موجود فى اللستة اللى فوق

ان يكون ليه شاطىء خاص
الغرفه بتطل على البحر
شيك وفخم
خدمة ممتازة
قريب من وسط البلد

تانى حاجة عاوز اسئل عليها اسافر بالعربيه ولا اسافر بالطايره
انا ساعتها هكون ماجر عربيه

[Sharky]

أولا الف مبروك ياباشا و ربنا يتمم بخير

أنا عن نفسى بفضل موفنبيك إللى فى خليج نعمة مش الجولف
لإنه فى خليج نعمه يعنى فى مكان الفسح و الخروجات و شيك و محترم جدا فى تعامله
دا غير فطار موفنبيك الشهير إللى مالوش حل

على العموم إنت مش حتحتاج العربية هناك خالص طول ما إنت فى شرم الشيخ و إللى بيطلع بالعربية علشان يوفر تمن تذكرة الطيران
فلو إنت مأجر أصلا العربية فى الفترة دى خلاص أطلع بيها لكن أعمل حسابك الطريق بياخد تقريبا 5 ساعات و نصف

[ahmedfd]

على فكرة أنا عيد ميلادي 19 نوفمبر بس جوازي بقي في 21 مارس.
الحقيقة لنا لما رحت رحت بالعربية و الطريق مش وحش بس طويل حوالي 500كم و لما رحت لقيت التاكسيات هناك كتير و نضيفة جداً تتراوح من فيرنا لكورولا و على قفا من يشيل و أغلب الفنادق الكبيرة بيكون ليها shuttle bus من المكار للفندق و للبلد.
و ممكن كمان تأجر العربية هناك و تسيبها هناك و ده أعتقد خيار ظريف و عملي و كل الأنواع متوفرة هناك بس يا ريت تعمل check مع الفندق الأول على توافر الغرف و العربيات لأن الفترة دي بتكون high season في شرم.
هوا rotana اللي في شرم هوا بتاع دبي و أبوظبي بس معرفش مستواه إيه في شرم بالنسبة للباقي.
المهم الفاصل في موضوع العربية هيكون هل إنت من النوع اللي بيحب السواقة كتير و هل هيكون معاك شيل كتير؟ لو مش ده أو ده .. ممكن تسافر بالطيارة و تأجر عربية لو هتقعد بره خليج نعمة إن كل خروجاتك هتكون هناك ... و لو هتقعد في خليج نعمة مش لازم حتى تأجر عربية و المشوار أو المشوارين بتوع البلد للتمشية ممكن بتاكسي.
على فكرة أنا إستمتعت بالمشوار لإن كان معايا صديق و زوجته طالعين معانا بعربيتهم كمان فكان الطريق ظريف و كمان قعدنا ليلتين في راس سدر في نص المسافة و ده كسر حدة و طول الطريق.

[محمد عز]

شكرا يا احمد
شكرا ياشاركى
انا دلوقتى دخلت على موقع Movenpick
وملقتيش اى فندق ليه فى شرم الشيخ
الفندق الموجود فى طابا
فممكن المساعدة ازاى الواحد يحجز فى موفينبك

[Islam_galal]

لو الاقامة في خليج نعمه العربية مش حتبقي مهمه هناك
التاكسيات أسعارها أقل مشوار 20ج
الفنادق اللي حضرتك قولت عليها للأسف معنديش معلومات ذات قيمة عنها

[Sharky]

فيه زميلنا هنا إسمه مصطفى فاروق شغال هناك ممكن يفيدك اكتر
لإن سمعت إن إسمهم إتغير

[tito17182]

في الاوول معلش عشان العربى المكسر بس عموماً
ألف ألف مبروك يا باشا
بص بقى يا سيدي
مبدئياً كدة إنت تحجز bed and breakfast عشان دا شهر عسل و هتكون عايز ديماً تروح فى حتت جديدة كل يوم

ثانياً
أنا هقولك على الفنادق الي البحر أمامها على طول في شعب و هتستمتع من غير أي رحلات بحرية
عندك سوفيتل و تكونتيننتل وريف اوسس إلي في الهضبة دول جامدين جداً و الفيو وهمي
و البحر بتاعهم مليان شعب ذي راس محمد تقريباً
لو موضوع الشعب د مش فارق معاك
يبقى عليك و على ايبروتيل ليدو دا الفندق رقم واحد في شرم
ود في نعمة
ملوش حل فعلاً
د كدة باختصار لو عايز حاجة تاني أسأل يا باشا

تم تعديل هجاء الرسالة بالكامل حتى تكون مقروءة-الادارة

[Sharky]

دى نمرتهم لقيتها عندى فى أجندة
0693600100

[محمد عز]

دى نمرتهم لقيتها عندى فى أجندة
0693600100

ياباشا تعبتك معايا
احرجتنى بذوقك

[Sharky]

يا باشا و لا إحراج و لا حاجة

المهم كلمتهم و لا عملت إيه ؟

[معاذ الشرباصى]

موفنبيك شرم خلاص بقى Maritim

سواء الجولف او الكازينو اللى فى خليج نعمة

حياة ريجينسى ممتاز على فكرة

[mohamedmostafa]

أولا ألف مبروك وعقبال الذرية الصالحة ان شاء الله انا عايز انصحك اولا بانك تشوف فندق بعيد عن نعمة باى لأن ده شهر عسل وانت هتحتاج خصوصية ومش عايز دوشة لكن فنادق نعمة باى اللى على المشاية منها للمشاية علطول والبلاج كله على بعضه زى ما يكون بلاج عام وغير كدة انت لما هاتحب تخرج من فندقك لو بعيد عن نعمة باى فاطمن كل الفنادق البعيدة فيها شاتل باص وده بياخدك من الفندق يوديك نعمة وبينزلك فى مكان معين ويرجع ياخدك من نفس المكان وبكدة انت ضربت عصفورين بحجر ، تانى نصيحة بلاش تطلع bed & breakfast خليك فى ال half board وده عن تجربة لأنى كنت بنزل أنا ومراتى يوميا ندور هاناكل فين وده موضوع محير ومتعب خصوصا للبنت لأنها فى أول الجواز أحيانا بيكونوا تعبانين شوية ومش بكامل قوتهم وربنا يتمملك بخير بإذن الله