هل يوجد حل لنحافة الوجه بعد الريجيم؟

[أبو_يوسف]

السلام عليكم
الموضوع باختصار: في شخص كان وزنه زيادة شوية وقرر يخس وقلل في الأكل وتعاطى بعض حوارق الدهون..
المهم وزنه نزل ومعاه وشه خس اوي لدرجة ان كل الناس تشوفه تقوله سلامتك مالك؟
لدرجة انه بقى نفسه يتخن تاني..:)
السؤال: هل يوجد حل أو علاج يحل المشكلة دي؟ يعني وجهه يتخن او يرد تاني؟

[أحمد كمال]

قول له يسيبه من الناس ....... ده بس عدم تعود منهم على منظره الجديد زي اما تربي دقن او شنب ..... او يبقى عندك دقن او شنب و تحلقهم ......

الرفع احسن و اكثر صحة .......

[amrelsaqqa]

الرياضة وشرب المية كتير والفاكهة والخضار وما يحرمش نفسه من الاكل بدرجة قاسية
واحدة واحدة وشه هيبقى كله حيوية وشباب وخصوصا لو شرب مية كتير
والناس اصلا هتبدأ تعتاد شكله الجديد ، اصل بنفس الفكرة ممكن الناس تبقى واخده على شكل جسمه كله ، مش وشه بس ، فمش معنى كدة انه يتخن تانى ويبقى بكرش !

الناس كدة كدة مش بتبطل كلام
لما يبقى واحد مش متجوز ايه يابنى انت هتفضل صايع كدة طول عمرك ، اول ما يتجوز ليه بس عملت في نفسك كدة
بعدها بشوية ، ويا سلام بقى لو واحدة ست ، مفيش حاجة جاية في السكة ؟ وبعد ما تجيب اول عيل ، يلا بقى هاتى التانى ، بعد ما ييجى التانى ، ما كنتى تستنى شوية ، بعدها: هاتيلك بنت ، بعد ما الطفل التالت ييجى ، ماكان كفاية عيلين ! هههههههههه

فالواحد يعمل الصح واللى هو مقتنع طالما الناس كدة كدة مش بتسكت

والوش طالما طبيعى ، مش كأن علامات مرض فعلا ( يعنى ما يبقاش في شحوب او اصفرار في الوجه او عروق بارزة وكدة ) يبقى ولا يهمه من اي حاجة وهو كدة الصح وعقبالنا كلنا لما نبقى في الشكل والوزن المظبوطين

بس هو خس كام كيلو وفي فترة قد ايه وايه النظام اللى كان ماشى عليه بالظبط ؟

[M R. Z E C O]

خليه يكبر دماغو

[drcobra]

الخميرة سواء اقراص فى الصيدلية او خميرة البيت
بتتاخد بعد الاكل بساعتيين علشان زيادة الوجه فقط ومتزودش الوزن

[Idisagree]

مفيش حاجة أسمها spot reduction, يعنى عمر ماحد يقدر يشيل دهون من منطقة معينة بس, لازم كل حاجة تخس مع بعضها, لكن فيه مناطق أكثر عرضة لتخزين الدهون زى البطن فى الرجال.

فيه فرق بين أنه شكله مريض, وأن وشه رفع و أتحدد أكثر, يعنى عضم الفك بقى باين, وهكذا, وده طبيعى, وناس كتير بتحب الوش المحدد, بمعنى أن شكله بقى أكثر رجولة.

خليه ياكل لبان سمارة كتير علشان يقوى عضلات الفك (بجد مش هزار).

[أبو_يوسف]

هو فعلا مش مهتم اوي بكلام الناس
بس فعلا نحافة الوجه معاه شكلها مرضي شوية..

وهو مكانش ماشي على نظام معين
هو قلل الأكل مع استخدام الحوارق نزل من 110 ل 88 كجم مع انه مش وزن نحافة أوي بس باين عليه النحافة والهفتان :) يمكن لانه في مرة زود المدة شوية مع الادوية دي

هل الخميرة الفورية تنفع ؟

[mohamed_mohsen]

ممكن أعرف إستخدم حوارق إيه بالضبط؟
وهل ليها آثار جانبية؟

[أبو_يوسف]

ممكن أعرف إستخدم حوارق إيه بالضبط؟
وهل ليها آثار جانبية؟

oxyelite

أظن الآثار العادية لكل الحوارق.. العصبية - الارق..
لان مكونها الاساسي الكافيين..