لاعضاء نادي وادي دجلة

[khaloooda]

سؤال لاعضاء وادي دجلة
بفكر اشترك في النادي
ممكن اعرف ايه ظروف النادي
انا سمعت مثلا انه بسبب عدم خضوعه لوزارة الشباب فالمسألة استثمار وحلب فلوس من الناس
سمعت انه بقي زحمة جدا بسبب ان الادارة اهم حاجة عندها الفلوس
ايه مستوي الرياضة فيه مثلا لو عاوز لشترك لابني او بنتي
ايه نظام الانشطة الاجتماعية وتكلفتها

واخيراااا ،، معلومة غرييييبة كنت سمعتها ودي الاهم من وجهة نظري هو ان النادي لا يسمح بدخول المنقبات والملتحين
هل الكلام ده صحيح

[salodas]

[QUOTE=khaloooda;3875565086]سؤال لاعضاء وادي دجلة
بفكر اشترك في النادي
تفكر سليم

ممكن اعرف ايه ظروف النادي
زى الفل ... نادى محترم

انا سمعت مثلا انه بسبب عدم خضوعه لوزارة الشباب فالمسألة استثمار وحلب فلوس من الناس
اشك انه مش خاضع للوزارة ... عموما خاضع أو مش خاضع ... كله بيدور على الفلوس (مش موضوعنا)

سمعت انه بقي زحمة جدا بسبب ان الادارة اهم حاجة عندها الفلوس
هو فعلا زحمة خصوصا في المناسبات ... كمان في رمضان مش بتلاقى كرسى فاضى.

ايه مستوي الرياضة فيه مثلا لو عاوز لشترك لابني او بنتي
أنا مشترك لأبنى وبنتى سباحة وشايف انهم موفقين في السباحة وكمان بشوف أولاد بيتدربو سله وباتيناج وكاراتية وجمباز ...

ايه نظام الانشطة الاجتماعية وتكلفتها
مش عارف .. بس أكد كل حاجة بفلوس.


واخيراااا ،، معلومة غرييييبة كنت سمعتها ودي الاهم من وجهة نظري هو ان النادي لا يسمح بدخول المنقبات والملتحين
غير صحيح.

[mohamed hussei]

المنقبات والملتحين غير صحيح ميزة جيم ببلاش بسين ببلاش الاكل انا شايفة رخيص مش كل الاكل هناك رخيص عيوبة الانشطة الرياضية غالية خصوصا السباحة دية الي عرفت سعرها انا مروحتش غير فرع المعادي لسا زحمة ايام الاجزات بس اكيد هتلاقي مكان

[A.Saad]

ابعد عنه

[foxhonda2008]

انا مشترك من سنه
للامانه مشفتش فيه حاجه وحشه
كفايه انه عملك 6 فروع وليك الحق انك تدخلهم كلهم
بالنسبه للانشطه انا كنت بتفرج على مدرسه السباحه و عجبتني جدا
توكل على الله

[Anaslbda]

انساه خالص.

[eslam34]

بص في فروع حلوة جدا زي اكتوبر الجديد والتجمع الخامس ﻻكن ابعد عن المعادي وبعدين حضرتك من حقك تدخل اي فرع بس هوة عموما كويس ونضيف جدا وللعلم كل النوادي في مصر بتكون زحمة في اﻻجازات

[khaloooda]

طب يا جماعة انتو كده حيرتوني بزيادة

ممكن اللي قالولي بلاش يقولولي ليه

وايه عيوب فرع المعادي لانه الاقرب لي

[svneleven]

و سعر الاشتراك في الأنشطه كام؟ يعني السباحة كام مثلا و كام واحد في المجموعة؟

[A.Saad]

المعادى زحمة

الاعضاء بيلموا اى حد على اى حاجة
اخر حاجة عرفتها محاولة الاعتداء على طفلة داخل احد الفروع قرب شم النسيم

فيه كذا موضوع عنه اتعملوا زمان

[eslam34]

والله اسوء فرع في وادي دجلة فرع المعادي انا روحته مرة واحدة ومعجبنيش وزحمة جدا وكل الشكاوى بتيجي من الفرع دة لكن فرع التجمع و اكتوبر زي الفل بصراحة انا مفيش عندي اي مشكلة في النادي وشايف انه افضل من نوادي تانية في نفس المستوى اما عن حادث اﻻعتداء على الطفلة مفيش حد ثبت الموضوع دة وبعدين دة مكان عام وﻻزم يكون في توعية للطفل وممكن دة يحصل في اي مكان عام
وربنا يسترها على اوﻻدنا جميعا يارب

[bobbozo4b]

ابعد عنه

طب ليه ؟؟؟
انت عضو فيه وله سامع كلام من اعضاء فيه وله سمعت كلام بس بيتنقل
وكمان ايه اقتراحاتك بنوادى تانيه ؟

انساه خالص.

طب ليه ؟؟؟
انت عضو فيه وله سامع كلام من اعضاء فيه وله سمعت كلام بس بيتنقل
وكمان ايه اقتراحاتك بنوادى تانيه ؟

المعادى زحمة

الاعضاء بيلموا اى حد على اى حاجة

مش فاهم يعنى ايه ؟؟؟ يعنى المفروض يبقى فى صفوة الناس والباقى يغور فى داهيه

اخر حاجة عرفتها محاولة الاعتداء على طفلة داخل احد الفروع قرب شم النسيم

فعلا اتنشر خبر عن الموضوع بس انت قريت التفاصيل ؟؟يعنى عامل ضعيف النفس
يبقى كل الناس ضعيفة النفس ؟؟؟؟؟؟؟؟

فيه كذا موضوع عنه اتعملوا زمان

باختصار لكل اللى عاوز يشترك
روح الفرع اللى انت هاتروحه باستمرار
فى الاجازات والمناسبات والايام العاديه
لف واتفرج واسال على كل حاجة من اشتراكات العاب واسعار للمأكولات ومشروبات
واتفرج على كمية العماله بتوع النظافة وبتوع الامن
اتفرج على كل حاجة واحكم بنفسك وماتخدش برائ حد
انت اللى هاتدفع وانت اللى هاتشترك وانت اللى هاتقابل كل المواقف

[nomercy22]

انا عايز اشترك في فرع اكتوبر حد يعرف السعر في حدود كام

[eslam34]

انا عايز اشترك في فرع اكتوبر حد يعرف السعر في حدود كام

السعر تقريبا 75000 بالتقسيط ومفيش حاجة اسمها فرع اكتوبر العضوية بسمحلك بدخول كل الفروع والمنتجعات السياحية

[Ahmed_selmy]

والله انا مشترك من سنه وشايف انه معقول جدا......هو فعلا زحمه فى ايام الاجازات والمناسبات والاعياد زى اى مكان فى مصر واى نادى واى مول بيكون زحمه فى الاوقات دى.
انما فى الاوقات الاخرى بيكون رايق جدا ....لدرجه انى الاسبوع اللى فات روحت علشان انزل انا وبنتى حمام السباحه ....من كتر ما كان الحمام فاضى انا سالتهم هو مش شغال......قالولى لا شغال اتفضل .....وفعلا دخلت و استمتعت جدا ....
بالنسبه للاهتمام بيكون فى امن بيلفوا فى النادى علطول .....وفى مراقبين على حمام السباحه ....واى حد بيعمل حاجه مش مظبوطه بيوقفوة وينبهوا..