عايز احجز تذكرة طيارة

[محمد مجدى]

السلام عليكم لكل اعضاء المنتدى المحترمين

لو سمحتم عايز احجز تذكرة طيارة سفر من اسكندرية لشرم الشيخ وعايز اعرف اقل الاسعار ايه او لو حد له تجارب يقول ليا الاسعار ايه نظامها وانهى افضل شركة فى الاسعار

[dedi]

المكاتب الخاصة بيبقى عندها صبر وطولة بال انة يدور على افضل سعر للعميل وبياخذوا عمولى من شركة الطيران
مثل توماس كوك او اى شركة محترمة

[grumby78]

اولا السلام عليكم
ياسيدي اسعار التذاكر بتختلف حسب السيزون والمده الزمنيه من الحجز الى السفر يعني لو قبلها بمده كافيه بتاخد سعر معقول عموما في شركة طيران اسمها smart aviation ودي ممتازه عن تجربة وسعرها معقول ومعروفه لشركات السياحه وممكن تتصل بمصر للطيران من الموبايل تستفسر وتحجز كمان لو لقيت السعر مناسب وبعدها تتوجه لاي فرع مصر للطيران للدفع واستلام التذاكر .. بالتوفيق

[ابو لؤى]

انا موظف طيران ومكتبنا فى وسط البلد لو حابب اشوفلك سعر ممكن تبعتلى رقم موبايلك على الخاص وانا تحت امرك

[محمد مجدى]

ربنا يخليكم على المساعدة الف شكر لكم جميعا

استاذ ابو لؤى انا من اسكندرية مش القاهرة ؛ وبالتالى اعتقد ان المناسب هو شركة توماس كوك لانى بشوف منها فروع فى اسكندرية

[ابو لؤى]

توماس كوك غاليه شويه ممكن حضرتك تشوف مينا تورز او مياسين طنطا او اى شركه تانيه

[محمد مجدى]

ربنا يحميك يا ابوى لؤى على مساعدتك ليا ؛ مينا تورز عندنا منها فروع فى محطة الرمل والمنشية ومياسين عند الغرفة التجارية ؛ يعنى الشركتين الحمد لله جنب بعض

[minicooper20]

انا موظف طيران ومكتبنا فى وسط البلد لو حابب اشوفلك سعر ممكن تبعتلى رقم موبايلك على الخاص وانا تحت امرك

ليك فى الدولى ياباشا و لا محلى بس

[ابو لؤى]

ليك فى الدولى ياباشا و لا محلى بس

دولى وبسعر ارخص من اى حد كمان

[minicooper20]

دولى وبسعر ارخص من اى حد كمان

طيب عايز القاهره كانكون فى المكسيك
ايه هى الشركه التدينى ارخص تكت

[ابو لؤى]

يوم كام السفر بتاع المكسيك ؟

[minicooper20]

من ١٦ ٩ الى ٤ ١٠
و ممكن ملتى سيتى عادى
و تسلم للمجهود

[ابو لؤى]

مصر الطيران مع الامريكان اير لاين يوم 21 / 9 السعر 6000

[minicooper20]

مصر الطيران مع الامريكان اير لاين يوم 21 / 9 السعر 6000

٦ الف جنيه و لا انهى عمله لحسن جالى هسس
و لكانون و لا مكسيكو سيتى و يوم ٢١ و العوده كام
و مش عارف اقلك ايه على تاعبك ده يا ابو لوى

[ابو لؤى]

لا دى ذهاب فقط والسعر 6000 جنيه مصرى لكانون