محتاج ارائكوا

[midoabdeen]

السلام عليكم ورحمة الله وبركاته
ازيكم يا جماعه
بقالي كتير مش بدخل على المنتدي لظروف الشغل
بجد والله الواحد واحشه اوى الناس اللى المحترمه اللى هنا

المهم بقي اني راجع بشويه افكار لمشاريع ومحتار جدا فى الاختيار بينهم

خلينا نبدا واحده واحده

1- مغلسه سيارات

دى حاجه اصلا انا بحلم بيها من زمان

مكان كار كير مبدئيا وبعدين( جراج )او مركز صيانه متكامل ياعني اللى يدخل عندك توفرله اى حاجه محتاجها من اول الفواحه لغايه قطعه الغيار
خامات وكمان صنايعيه

بس فكرت انى ابدا ب كار كير لغايه ما اوفر راس مال كويس وكمان سمعه وزبون كويس وبعدين ابدا اطور من المكان


2- تربيه الدواجن

اللى عرفته عن الموضوع انك تجيب الفرخ بحوالي 7 جم والدوره مدتها حوالى 45 يوم للفراخ البيضه و 70 يوم للفراخ الحمرا
الميزه فى الفراخ الحمرا ان مناعتها اعلى وكمان بترمي وزن اكتر وسعرها اعلى بس عيبها ان دورتها مدتها طويله

الموضوع انا لسه مسالتش فيه اوووى لان فيه مشكله كبيره وهى المكان ولغايه دلوقتى مش لاقي ليه حل لانه فعلا مشكله كبيره فى المشروع دا

3- تعبئه وتوزيع السكر والتوابل

المشروع دا كنت شغال فيه قبل كده هو كويس بس المشكله فى راس ماله محتاج فلوس كتيير جدا وصبر جااامد اوى



انا مش عارف كل حاجه كويس ياعني تكاليف كل مشروع وكمان دراسات جدوي انا بس باخد رائيكوا ايه اكتر حاجه ممكن تكون مناسبه لظروف البلد الحاليه

[Medo.Malek]

السلام عليكم ورحمة الله وبركاته



انا بس باخد رائيكوا ايه اكتر حاجه ممكن تكون مناسبه لظروف البلد الحاليه

و عليكم السلام و رحمة الله و بركاته
احفظ نفسك و احفظ كرامتك و سافر برة
بالتوفيق

[midoabdeen]

والله عندك حق
بس لو كل واحد عمل كده يبقي منلمش غير نفسنا فى الاخر لان العيب فينا احنا
احنا اللى وصلنا البلد لكده مش حكامنا

[ramymechanics]

البلد دى مش بتاعة مشاريع هتلاقى كل يوم واحد ناطط لك عاوز خمسين ولا 100 جنيه يا اما تكون شايفلك واسطة كويسة

انا شايف مشروع كاركير ممتاز لأنه مفيهوش مغامرة بس محتاج صنايعية كويسين ولسان حلو عشان المصريين ما شاء الله عليهم ممتازين فى تطفيش الزباين

[salodas]

أفضلهم بالترتيب car care ويليه مزرعة الدواجن .
ربنا يوفقك ويصلح حالك

[qkash.com]

متابع ومنتظر اراء الناس
وياريت من له خبرة سابقة يفيدنا وجزاكم الله خيراً

وبالتوفيق للجميع