الدال على الخير كفاعله

[grumby78]

اولا السلام عليكم
عندي كميه كبيرة من الملابس المستعمله بحاله كويسه وبعضها جديد كمان وعاوز اتبرع بيها لناس محتاجه حقيقي . المشكله اني متشكك في الجمعيات الخيريه الموجوده فياريت لو حد يرشحلي جمعية خيرية مجربه وموثوق فيها وتعمل على ايصال الملابس للمحتاجين فعلا .. جزاكم الله خيرا

[sayedafandy]

جمعية رسالة ناس محترمة جدا متصدقش اي حاجة بتتقال ، اتصل حضرتك بيهم وهيجولك لحد بيتك ويدوك ايصال باللي هيستلموا منك ،

[أبو آسر]

جمعية رسالة ناس محترمة جدا متصدقش اي حاجة بتتقال ، اتصل حضرتك بيهم وهيجولك لحد بيتك ويدوك ايصال باللي هيستلموا منك ،

بس أنا مصدق تكريمهم للرقاصات من فلوس الناس اللي بتتبرع لأني شفت ده بعيني محدش قالي !
تحب أجيب لحضرتك الفيديو ؟؟

[svneleven]

يا ريت تجيب الفيديو لو سمحت. معلش هتعبك معايا.

[أبو آسر]

يا ريت تجيب الفيديو لو سمحت. معلش هتعبك معايا.

عذرا أخي مش هقدر أحط اللينك هنا لأن الفيديو به نساء سافرات وشبه عرايا ولكن ممكن حضرتك تفتح يوتيوب وتبحث عن "جمعية رسالة تكرم بوسي" وهيظهرلك أول واحد

[Ahmed_Rahem]

التكريم من احد الفروع للمتبرعين كتشجيع للنشاط وطلع انها واحدة رقاصة، وصدر قرار من مجلس الادارة بعدم تكريم اى شخصية عامة إلا بعد الرجوع للمجلس.

[أبو صلاح]

انا عايز اسال سؤال
هو عمل الخير والتبرعات للجمعيات بقى محدد لاصحاب اللحى والملتزمين دينيا فقط؟
على كده بقى كنا طالبنا باعدام الاميرة ديانا على اللي كانت بتعمله

الناس اللي اتكرمت دي مشاهير وشخصيات عامة جايز كان ليها دور كبير ي جمع تبرعات للجمعية او هم بنفسهم اتبرعوا
كم سيكلف تكريمهم ؟ درع وايجار مسرح ؟ قارنه بالعائد من ذلك بان يتشجع هذا الشخص المشهور بجمع مزيد من التبرعات للجمعية عن طريق متابعينه

فعل الخير والجمعيات الخيرية العامة لا تقتصر على ديانة او توجه سياسي معين

طبعا مع تحفظي على وجود رقاصات في مثل هذه الاحتفالات
لكن لا امانع وجود فنانين وفنانات ومذيعين واعلاميين وشخصيات عامة وسياسية

[أبو آسر]

انا عايز اسال سؤال
هو عمل الخير والتبرعات للجمعيات بقى محدد لاصحاب اللحى والملتزمين دينيا فقط؟
على كده بقى كنا طالبنا باعدام الاميرة ديانا على اللي كانت بتعمله

الناس اللي اتكرمت دي مشاهير وشخصيات عامة جايز كان ليها دور كبير ي جمع تبرعات للجمعية او هم بنفسهم اتبرعوا
كم سيكلف تكريمهم ؟ درع وايجار مسرح ؟ قارنه بالعائد من ذلك بان يتشجع هذا الشخص المشهور بجمع مزيد من التبرعات للجمعية عن طريق متابعينه

فعل الخير والجمعيات الخيرية العامة لا تقتصر على ديانة او توجه سياسي معين

طبعا مع تحفظي على وجود رقاصات في مثل هذه الاحتفالات
لكن لا امانع وجود فنانين وفنانات ومذيعين واعلاميين وشخصيات عامة وسياسية

إن الله طيب لا يقبل إلا طيبا
الموضوع ليس له علاقة لا بلحى ولا بملتزمين دينيا
الموضوع إن طالما جمعية خيرية ارتضت لنفسها انها تاخد فلوس حرام من رقاصة وتخلطها بفلوسي الحلال اللي بتبرع بيها بل وتاخد فلوسي الحلال وتكرم بيها واحدة رقاصة - حتى لو كان تكلفة التكريم ده جنيه واحد - يبقى أنا من حقي أني لا أئتمن هذه الجمعية على فلوسي لأنهم ليسوا أهل ثقة ولا يتحروا الحلال فيما يجمعوه وفيما يصرفوه

[Ahmed_Rahem]

- لو واحد حرامى قال هتبرع بكل الى سرقتة واتوب مين ياخد فلوسة؟
- عرفت منين انها فلوسها حرام، ممكن يكون مصدرها ايجار املاك مثلاً، انت دخلت وفتشت وراها؟
- هى اصلاً متكرمة لية؟ علشان بترقص؟ لأ. علشان تبرعها لاحد انشطة الجمعية، هما مش مختارينها على فكرة، هما كرموا اكتر ناس نتتبرع او بتشارك وطلعت رقاصة! حظهم الاسود كدة.

شوية اسئلة بس.
مش كل حاجة كويسة وفيها حتة طلعت وحشة نهدها ممكن نقومها، ننصحهم. مش لازم فكرة يا الطريق المستقيم الكامل ياما الهدم الكامل. وفى الامثال بيقولوا " الكمال لله وحده".
وحتى الان كل موضوع يطلع عليهم بيصلحوة وبيحاولوا بتجنبوا تكرارة.
والسلام ختام

[أبو صلاح]

إن الله طيب لا يقبل إلا طيبا
الموضوع ليس له علاقة لا بلحى ولا بملتزمين دينيا
الموضوع إن طالما جمعية خيرية ارتضت لنفسها انها تاخد فلوس حرام من رقاصة وتخلطها بفلوسي الحلال اللي بتبرع بيها بل وتاخد فلوسي الحلال وتكرم بيها واحدة رقاصة - حتى لو كان تكلفة التكريم ده جنيه واحد - يبقى أنا من حقي أني لا أئتمن هذه الجمعية على فلوسي لأنهم ليسوا أهل ثقة ولا يتحروا الحلال فيما يجمعوه وفيما يصرفوه

اصلا الجمعية مش محددة ليها اي توجه سياسي او ديني
يعني ما اعلنتش انها تدعم اي طائفة بعينها
يعني وارد يكون في ادراتها والموظفين فيها كل طوائف المجتمع المصري بكل اشكاله
دي مسلمات معروفة
يعني قبل ما حد يروح يحط عندهم جنيه المفروض يكون فاهم ده تلقائي

وارجع واقولك ان فعل الخير وحب عمل الخير غير مقصور على فئة بعينها دون الاخرى
ولو حضرتك عايز تتحرى الدقة بالشكل ده في جمعيات هويتها واتجاتها معروفة ومحددة
ولو انت اتبعت المبدا ده يبقى نمنع التبرعات لمعاهد السرطان والاورام ومعاهد القلب والجمعيات اللي بتخدم القرى الفقيرة بحجة ان فلوس التبرعات بتاعت حضرتك هتختلط بلفوس الفنانة او الرقاصة ونسيب الناس دي تموت
يا فندم الدين يسر وليس عسر
والعمل بالنية

[أبو صلاح]

بمناسبة جمعية رسالة وتجميع الملابس وشغل البالة واعادة البيع
المنظومة دي انا عارفها كويس جدا لان في واحد صاحبي اشتغل معاهم فترة كبيرة جدا وكان بياخد راتب كويس وكان في ناس كتيرة جدا بتشتغل معاه في نفس المعرض على ما اتذكر انه كان في المطرية
ده بخلاف المخزن والفرز وافراد التجميع من البيوت

وبعد كده ظبط حاله وراح اشترك مع ناس اصحابنا وفتحوا محل ملابس مستعملة في منطقة شعبية
وبدا يشتري من المستودع مباشرة بضاعة وهو وحظه وكانت العملية ماشية معاه تمام جدا

في موضوع زي ده شوف كام بيت اتفتح وكام شخص رزق
وكام شخص لبس بنطلون جينز جديد بمبلغ لا يتعدى 25 ج وجاكت شتوى ايضا جديد لا يتعدى 30 جنيه
وذلك بخلاف قسم الاجهزة الكهربائية واثاث المنازل
وعلى فكرة كل ده مفصول عن التبرعات اللي بتيجي من الشركات نفسها
يعني التجميع من البيوت حاجة والتجميع من الشركات منفصل عنه لانه بيكون جديد بس يبيبقى رواكد او تبرع بحالة كويسة

[أبو آسر]

كل واحد حر طبعا يتبرع بفلوسه لأي جهة حتى لو كان تاجر مخدرات وعامل جمعية رعاية أيتام
أنا رديت بس على أخينا الفاضل اللي قال متصدقش أي كلام بيتقال على جمعية رسالة إن ده مش أي كلام وإنه حقيقي
كون بقى شخص مش معتبر تكريم جمعية خيرية لراقصات إن ده عمل غير مشين ولا يؤثر على سمعتها وإن مش معنى كده نسيب الناس تموت على أساس إن الجمعيات دي مفيش غيرها ولولاها كانت الناس ماتت ! فدي حرية شخصية وكل واحد بينام على الجنب اللي يريحه
أما أنا فلا زلت أؤمن أن الله طيب لا يقبل إلا طيبا وأن الجمعيات دي بأفعالها المشبوهة دي تخلط الحلال بالحرام وإن فلوس الرقاصة الأصل فيه إنه حرام مليش دعوة بقى بتأجر شقق ولا فاتحة مطعم حتى ! وأنا أتحرى الحلال في مالي اللي بتبرع بيه وفي المصدر اللي بعطيه ليه حتى يتقبله الله وأرجو أن يتقبله والموضوع ليس له علاقة لا بتوجهات ولا بجماعات ولا بفئات ولا بطوائف
شكرا لكم جميعا

[Ahmed_Rahem]

كل واحد حر طبعا يتبرع بفلوسه لأي جهة حتى لو كان تاجر مخدرات وعامل جمعية رعاية أيتام
أنا رديت بس على أخينا الفاضل اللي قال متصدقش أي كلام بيتقال على جمعية رسالة إن ده مش أي كلام وإنه حقيقي
كون بقى شخص مش معتبر تكريم جمعية خيرية لراقصات إن ده عمل غير مشين ولا يؤثر على سمعتها وإن مش معنى كده نسيب الناس تموت على أساس إن الجمعيات دي مفيش غيرها ولولاها كانت الناس ماتت ! فدي حرية شخصية وكل واحد بينام على الجنب اللي يريحه
أما أنا فلا زلت أؤمن أن الله طيب لا يقبل إلا طيبا وأن الجمعيات دي بأفعالها المشبوهة دي تخلط الحلال بالحرام وإن فلوس الرقاصة الأصل فيه إنه حرام مليش دعوة بقى بتأجر شقق ولا فاتحة مطعم حتى ! وأنا أتحرى الحلال في مالي اللي بتبرع بيه وفي المصدر اللي بعطيه ليه حتى يتقبله الله وأرجو أن يتقبله والموضوع ليس له علاقة لا بتوجهات ولا بجماعات ولا بفئات ولا بطوائف
شكرا لكم جميعا

انا عايز انقلك الى حصل فعلاً: الجمعية عملة تكريم للمتبرعين وصدف انة طلع رقاصة يبقى خطاء مين؟ هى كجمعية مبتسألش على شخصية المتبرع، لان هدفها عمل الخير.
انا بتبرع فيها وفى غيرها عمر ما حد سأل انت مين وجبت الفلوس دى منين؟ كل الى ممكن تتسأله تحب تصرفها فين؟ رعاية ايتام ...الخ
اذا كانت مرة طلعت بالشكل دة فهى كبوة ولا يلاموا فيها بالهجوم الى حصل ساعتها.
انت حر تحط فلوسك مطرح متحب بس زى مبتتحرى مكان تبرعك كمان تحرى قبل متتهم وتقول خلط وافعال مشبوهة.
والسلام ختام

[abou-yahia]

الدال علي الخير كفاعله

[أبو آسر]

انا عايز انقلك الى حصل فعلاً: الجمعية عملة تكريم للمتبرعين وصدف انة طلع رقاصة يبقى خطاء مين؟ هى كجمعية مبتسألش على شخصية المتبرع، لان هدفها عمل الخير.
انا بتبرع فيها وفى غيرها عمر ما حد سأل انت مين وجبت الفلوس دى منين؟ كل الى ممكن تتسأله تحب تصرفها فين؟ رعاية ايتام ...الخ
اذا كانت مرة طلعت بالشكل دة فهى كبوة ولا يلاموا فيها بالهجوم الى حصل ساعتها.
انت حر تحط فلوسك مطرح متحب بس زى مبتتحرى مكان تبرعك كمان تحرى قبل متتهم وتقول خلط وافعال مشبوهة.
والسلام ختام

أنا آسف بس رد حضرتك هو اللي يدل على إن حضرتك اللي لم تتحرى بخصوص الموضوع ده
أولا الرقاصة لم يتم تكريمها لأنها متبرعة ولكنها تم تكريمها بسبب حضورها حفل الاحتفال بالأم المثالية
يعني الموضوع مش صدفة ، الموضوع مرتب ليه ، دعوة الرقاصة للحضور ثم دعوتها للصعود على المسرح للتكريم ، والدليل إن مش هي بس اللي اتكرمت بل كرموا ممثلات تانيين معرفش راندا ورنا ومش عارف إيه
حضرتك بتتبرع وعمرهم ما سألوا جبت الفلوس منين ده كلام مفيهوش أي مشكلة أكيد مش هيسألوا كل واحد بيتبرع بتكسب فلوسك ازاي ومش هيفتحوا محضر ليه ! لكن إني أكرم واحد معين باسمه وأنا عارف إن الشخص ده بيشتغل شغلانة غير محترمة وبالتالي يفترض أن فلوسه حرام (خليه تاجر مخدرات مشهور بلاش رقاصة يمكن الرقاصة عليها خلاف !!) فتخيل معي فلان الفلاني تاجر مخدرات مشهور ومعروف أنه يتاجر في المخدرات وتسبب في إدمان العديد من الشباب وأفسدهم وقتلهم وتأتي جمعية خيرية تكرمه باسمه علنا والناس يصفقون له ويحصل على درع الجمعية !! ترضاها حضرتك ؟؟