عايز افاتح بنت بالجواز بس مش عارف ازاي؟؟

[eng/ahmed_go]

انا دلوقتي يا جماعه خلاص نويت ان شاء الله اني اتقدم لواحده بس الفكره مش عارف ازاي ؟؟ هل اكلمها على طول بس خايف ترفض وتحرجني
وخايف أدخل وسيط الموضوع يكبر
الفكره كلها اني عايز اتكلم معاها الاول وأطلب منها تتحجب (كنت عملت موضوع قبل كده اسألكم عن رأيكم )
وفعلا انا فكرت كتير في الموضوع و توصلت للقرار ده وفعلا كلمت اهلي بس رفضوا اني اتقدملها قبل ما تتحجب
فأنا عايز اتكلم معاها واشوف لو موافقه عليه ولا لاء واطلب منها تتحجب ( عشان أخد اهلي ونروح رسمي

)مستني يا جماعه اراءكم ان شاء الله

[Mohab.Nabil]

انا عايز اقولك حاجة يا باشا بس يا ريت متفهمش كلامى غلط

بداية الموضوع انك تروح تقولها تلبس الحجاب كده هى ممكن تفهم انك من اولها عايز تتحكم فى حياتها .. انا متابع مواضيعك و عارف انك مش كده بس الفكرة نفسها ان انت بتطلب منها تعمل حاجة هى مش مقتنعة بيها من الاول و ديه ممكن تتفهم غلط .. ممكن تتحاول تتكلم مع اهلك تانى لأن الحجاب اه شىء جميل بس مش معنى ان البنت مش محجبة انها مش محترمة و العكس برضه صحيح .. اهم حاجة هى اخلاقها ايه

و بالتوفيق ان شاء الله

[M!SHO]

ابعت لها لينكات مواضيعك اللي عملتها :d

على فكره انا بتكلم جد

[eng/ahmed_go]

انا عايز اقولك حاجة يا باشا بس يا ريت متفهمش كلامى غلط

بداية الموضوع انك تروح تقولها تلبس الحجاب كده هى ممكن تفهم انك من اولها عايز تتحكم فى حياتها .. انا متابع مواضيعك و عارف انك مش كده بس الفكرة نفسها ان انت بتطلب منها تعمل حاجة هى مش مقتنعة بيها من الاول و ديه ممكن تتفهم غلط .. ممكن تتحاول تتكلم مع اهلك تانى لأن الحجاب اه شىء جميل بس مش معنى ان البنت مش محجبة انها مش محترمة و العكس برضه صحيح .. اهم حاجة هى اخلاقها ايه

و بالتوفيق ان شاء الله

شرف ليا يا باشا انك متابع كل مواضيعي ومتشكر جدا على اهتمامك
انا عارف ان طلبي هيكون رخم في الاول على طول كده بس هحاول اجيبها بطريقه لطيفه كرجاء مش تشرط وغر كده هحاول اوضح ليها ظروف اهلي المتدينين وهيا برده لو شرياني لازم تعمل حاحه
و حكايه اني اكلم اهلي دا امر محسوم بالرفض بشده (اذا كان هما رافضين فكره الجواز منها حتى لو اتحجبت فازاي يوافقوا وهيا مش محجبه) انا هضغط على اهلي جامد عشان يوافقوا اني اخطيها بعد ما تتحجب (ومش عايز اتكلم معاهم تاني دلوقتي غير لما أشوف رأيها الاول عشان متعبش نفسي على الفاصي

وشكرا ليك مره تانيه

[svneleven]

شارياك ايه؟ هي تعرفك كويس؟ مش ينفع تطلب منها الحجاب من قبل أي حاجة. لازم تعرفك و تقتنع بيك و بعد كده تتحجب عن اقتناع. أنا معاك لازم تتحجب لكن عن اقتناع مش مجرد ارضاء لشخص حتي لو شارياه.

[shiko85]

هى برده لو شرياني لازم تعمل حاجه
طيب ازاى و انت اصلا لسه مكلمتهاش و لسه مش عارف هى هتوافق ولا لأ يبقى شرياك ازاى ؟؟؟
و حكايه اني اكلم اهلي دا امر محسوم بالرفض بشده (اذا كان هما رافضين فكره الجواز منها حتى لو اتحجبت فازاي يوافقوا وهيا مش محجبه)
رافضين ليه ؟؟ هل فيه حد تانى عايزينك تتجوزه ؟؟
مش عايز اتكلم معاهم تاني دلوقتي غير لما أشوف رأيها الاول عشان متعبش نفسي على الفاضى
احسن قرار علشان متعملش مشاكل و فالأخر البنت ممكن تقول لأ

دلوقتى لازم تتشجع و تروح تتكلم مع البنت انت عايز حاجه حلال (مش معقول اللى عايز الحلال يتردد و اللى عايز الحرام ماشى مجاهر بالمعصيه فالشارع و فكل مكان !!!)
اولا: قبل ما تكلمها صلى استخاره و اطلب من ربنا ان لو فيها و فزواجك منها خير ليك ربنا ييسرلك ده و يشرح صدرها للحجاب و تقبله و لو مش خير ليك يصرفك عنها و ربنا ان شاء مش هيحرمك من فضله ابدا
ثانيا: الكلام هيكون واضح وقاطع من غير ما تفتح معاها موضوع الحجاب و شوف هتقول ايه قالت موافقه قولها على الحجاب وافقت يبقى الحمد لله بس خلى بالك اوعى توصلها رفض اهلك ليها و انك هتضغط عليهم علشان يوافقوا و انها لازم تلبس الحجاب زى ما بتقول لازم هى كمان تعمل حاجه
و لو وافقت على الأرتباط ومش موافقه على الحجاب خليها تفكر يوم او 2 (رغم انى شايف ان الموضوع مش محتاج تفكير لو بتصلى كانت لبست الحجاب بس مش مشكله ممكن يكون ربنا اذن لها بالهدايه و تكون انت السبب) و لو وافقت مش لازم تروح تقول لأهلك, استنى شويه و بعد كده قولهم
حارب علشان توصل للى انت عايزه اوعى تستلم او تيأس فيه ناس ضيعت و بتضيع حلمهم و امنيتهم بخوفهم و ضعفهم و استسلامهم و فالأخر هم اللى بيندموا بس بيكون وقت الندم فات

[aldesha989]

ما ينفعش تطلب من واحده حاجه وانتا مافيش بينك وبينها اى حاجه
هى هتعمل كده ليه ؟
اللى بيشترى لازم يكون عارف هو بيشترى ايه
لكن هى ما تعرفكش علشان تسمع كلامك وكلام فى سرها او ممكن تقولهولك فى وشك
ليه هو انا بايره علشان تتحكم فيا ؟
ده تفكير البنات
والله اعلم ممكن بعد ما تخطبها تطلب منها تتحجب وتسمع كلامك او تقولك انا مستنيه لما اتخطب علشان اتحجب
حاول تدخل بنت وسيط بينكم تتكلم افضل ما تروح تتحرج

[eng/ahmed_go]

شارياك ايه؟ هي تعرفك كويس؟ مش ينفع تطلب منها الحجاب من قبل أي حاجة. لازم تعرفك و تقتنع بيك و بعد كده تتحجب عن اقتناع. أنا معاك لازم تتحجب لكن عن اقتناع مش مجرد ارضاء لشخص حتي لو شارياه.

ايوه عارفاني كويس بس برده مقدرش أتأكد اذا كانت معجبه بيا زي ما انا معجب بيها ولا لاء
وحكاية الحجاب معنديش حل تاني بس طبعا بعد ما أشوف رأيها الاول
شكرا لرأي حضرتك

[eng/ahmed_go]

دلوقتى لازم تتشجع و تروح تتكلم مع البنت انت عايز حاجه حلال (مش معقول اللى عايز الحلال يتردد و اللى عايز الحرام ماشى مجاهر بالمعصيه فالشارع و فكل مكان !!!)
اولا: قبل ما تكلمها صلى استخاره و اطلب من ربنا ان لو فيها و فزواجك منها خير ليك ربنا ييسرلك ده و يشرح صدرها للحجاب و تقبله و لو مش خير ليك يصرفك عنها و ربنا ان شاء مش هيحرمك من فضله ابدا
ثانيا: الكلام هيكون واضح وقاطع من غير ما تفتح معاها موضوع الحجاب و شوف هتقول ايه قالت موافقه قولها على الحجاب وافقت يبقى الحمد لله بس خلى بالك اوعى توصلها رفض اهلك ليها و انك هتضغط عليهم علشان يوافقوا و انها لازم تلبس الحجاب زى ما بتقول لازم هى كمان تعمل حاجه
و لو وافقت على الأرتباط ومش موافقه على الحجاب خليها تفكر يوم او 2 (رغم انى شايف ان الموضوع مش محتاج تفكير لو بتصلى كانت لبست الحجاب بس مش مشكله ممكن يكون ربنا اذن لها بالهدايه و تكون انت السبب) و لو وافقت مش لازم تروح تقول لأهلك, استنى شويه و بعد كده قولهم
حارب علشان توصل للى انت عايزه اوعى تستلم او تيأس فيه ناس ضيعت و بتضيع حلمهم و امنيتهم بخوفهم و ضعفهم و استسلامهم و فالأخر هم اللى بيندموا بس بيكون وقت الندم فات

شكرا يا باشا على ردك الجميل وعلى اهتمامك بكل التفاصيل وان شاء الله احكيلكم على اللي هيحصل ان شاء الله

[amrelsaqqa]

انت لو عاوز واحدة محجبة ليه فكرت في واحدة مش محجبة اصلا
الموضوع مش موضوع حجاب اكيد في مجموعة ايدلوجيات كتير مختلفة بينكم

فكر بالراحة وواحدة واحدة وادى نفسك فرصة وشوف نفسك الاول معجب بيها بجد ولا لا ، ولا لمجرد انك الفت القعدة والكلام معاها بحكم انها زميلة بس فتهيألك انك معجب بيها ؟

انا لو عاوز مراتى محجبة ومش متخيلها غير انها تكون محجبة ، مفيش واحدة غير محجبة اصلا هتلفت نظري انى افكر فيها كزوجة ؟
انا بصراحة شايفك متسرع في قرارك او عاوز تعقد الامور على نفسك ، يمكن خبرتك قليلة شوية او بتفكر بالعاطفة وده مش عيب ولا حاجة بس القصد انك تحسب كل حاجة صح عشان ما تتعبش في حياتك ، وربنا يوفقك للى فيه الخير :)

[eng/ahmed_go]

ما ينفعش تطلب من واحده حاجه وانتا مافيش بينك وبينها اى حاجه
هى هتعمل كده ليه ؟
اللى بيشترى لازم يكون عارف هو بيشترى ايه
لكن هى ما تعرفكش علشان تسمع كلامك وكلام فى سرها او ممكن تقولهولك فى وشك
ليه هو انا بايره علشان تتحكم فيا ؟
ده تفكير البنات
والله اعلم ممكن بعد ما تخطبها تطلب منها تتحجب وتسمع كلامك او تقولك انا مستنيه لما اتخطب علشان اتحجب
حاول تدخل بنت وسيط بينكم تتكلم افضل ما تروح تتحرج

بس زي ما قولت هيا عرفاني يمكن مش معرفه جامده قوي بس اتكلمنا مع بعض كام مره
وحكاية اني أدخل بنت كوسيط خايف الموضوع يكبر ولو حصل رفض منها امة لا اله الا الله كلها تعرف :d

[amr011111]

انا فاكرك مفيش كلام بينك وبينها نهائى علشان كده بتسأل ازاى تفاتحها فى الموضوع
انما طالما فيه بينكم كلام قبل كده
تكلمها على موضوع الجواز والحجاب تشوف رأيها
وافقت على الاتنين مره واحده ماشى
موافقتش اصرف نظر عنها علشان متضيعش وقتك

[cameeron]

بس زي ما قولت هيا عرفاني يمكن مش معرفه جامده قوي بس اتكلمنا مع بعض كام مره
وحكاية اني أدخل بنت كوسيط خايف الموضوع يكبر ولو حصل رفض منها امة لا اله الا الله كلها تعرف :d

خلاص يبقى اتكل على الله و اسالها هل هى ممكن توافق على الارتباط بيك و اعمل موضوع الحجاب فى صيغة سؤال مش طلب او شرط يعنى تقولها مثلا اللى ممكن ترتبطى بيه لو طلب منك الحجاب هل توافقى و الا ايه؟

[eng/ahmed_go]

انت لو عاوز واحدة محجبة ليه فكرت في واحدة مش محجبة اصلا
الموضوع مش موضوع حجاب اكيد في مجموعة ايدلوجيات كتير مختلفة بينكم

معاك حق بس فعلا انا شوفت بنات كتير مش محجبات ويمكن احلى منها وعمري ما فكرت اني ارتبط بيهم عشان الفكره عندي مرفوضه بس لما حصل موقف خلاني اتعرف على البنت دي ابتديت اغير اساسيات كانت عندي في موضوع الجواز ازاي مش عارف يمكن عاطفه يمكن شخصيتها عجبتني ............... وفعلا عندك حق في اختلاف الايدلوجيات ما بين العيلتين

فكر بالراحة وواحدة واحدة وادى نفسك فرصة وشوف نفسك الاول معجب بيها بجد ولا لا ، ولا لمجرد انك الفت القعدة والكلام معاها بحكم انها زميلة بس فتهيألك انك معجب بيها ؟
انا فعلا اديت نفسي فتره طويله (حوالي شهرين) عشان افكر في الموضوع بالمنطق وفعلا كان غالبا التفكير المنطقي بيخليني ارفض فكرة الارتباط بيها بس برده ارجع اغير قراري بعديها بكام ساعه

انا لو عاوز مراتى محجبة ومش متخيلها غير انها تكون محجبة ، مفيش واحدة غير محجبة اصلا هتلفت نظري انى افكر فيها كزوجة ؟
انا بصراحة شايفك متسرع في قرارك او عاوز تعقد الامور على نفسك ، يمكن خبرتك قليلة شوية او بتفكر بالعاطفة وده مش عيب ولا حاجة بس القصد انك تحسب كل حاجة صح عشان ما تتعبش في حياتك ، وربنا يوفقك للى فيه الخير :)

شكرا لرد حضرتك و ربنا يكرمك

[shiko85]

شكرا يا باشا على ردك الجميل وعلى اهتمامك بكل التفاصيل وان شاء الله احكيلكم على اللي هيحصل ان شاء الله

العفو يا باشا
ربنا يكرمك و يسرلك كل عسير و يجعلك فيها نصيب ان كانت فيها خير لك