تكلفة بناء حائط فى الشقه وتكلفة المونه والهدم

[new_man]

من فضلكم يارجاله
حيطة المطبخ عايز اهدها وهى عرض 160 فى ارتفاع 280 وهعملها ازاحه لبره شويه نص متر
يعنى هتبقى بعد البنا بشكل حرف l يعنى هتبقى بعد التعديل 210 عرض فى 280 ارتفاع

عايز اعرف ال 210 عرض فى 280 ارتفاع دول اللى هبنيهم يحتاجوا كام طوبه تقريبا؟؟هل 1000 ولا 500 كفايه؟؟ولا اقل؟
وكام شيكارة اسمنت؟؟ وكام متر رمل؟؟ ومصنعيه هدم وبناء ؟؟ وياخدوا وقت قد ايه؟؟

وياريت اسعار المونه زى شيكارة الاسمنت ومتر الرمل والالف طوبه

انا عشمى فيكم كبير لانى ميح فى الحاجات دى

[nazar muharram]

انا كنت بعمل جراج وبنيت الف طوبه وكرست حطين فاهقولك انا جبت ايه وبكام

الف طوبه 110 جنيه

4 شكاير اسمنت الشيكاره 38 جنيه

1 متر رمله 40 جنيه

هيا الحيطه 150 او 200 غير الاكل والسجاير

والبنا 120 جنيه والعامل المونه 80جنيه

والمحاره 6 شكاير اسمنت 3 شكاير جبس

وهياخد فى حدود 200 او 250

لو مش عايز تتعب نفسك شوف واحج مقاول يقوم بالليله دى

[aldesha989]

بص الاسعار كلها بتتراوح من ناس لناس ومن مجيره لمجيره
والعمال من عمال لعمال مش كلهم زى بعض

انا لسه هادد شباك عندى ومقفل نصه تمام
جيبنا 350 طوبه ورجعت منهم 110
يعنى الحيطه اخدت حوالى 240 طوبه وفى حاجه بسيطه فا انتا بتهيئلى هتحتاج اكتر من كده واللى هيقولك عايز كام طوبه بالظبط هو البنا علشان لا تجيب بالزياده ولا بالناقص
وهتجيب متر رمله وهتجيب بتهيئلى تلات شكاير اسمنت الشيكاره فى حدود 40 جنيه او اقل مش فاكر بتهيئلى اقل ان شاء الله
الطوبله عامله 40 قرش وفى فى اماكن تانيه الطوبه ب 30 قرش على حسب
العمل اللى هيكسر هو اللى هيبنى وهيبقى معاه واحد يناوله كام بالظبط مش عارف هما اللى جم عندى كانو بيأخد يوميات
يعنى هما اشتغلو يوم قالولى ادينى يوميه ب 150 جنيه البنى واللى بيساعده 50
يوم هيكسر ويبنى فيه واليوم التانى هيمحرها
متر الرمله رخيص جدآ فى حدود 20 جنيه والله الاسعار تايهه من دماغى بس الموضوع مش مكلف بزياده يعنى هتلاقى كله على قد ايدك بأمر الله وربنا يكرمك ان شاء الله

[nazar muharram]

الالف طوبه 400 جنيه معلش غلط

[new_man]

شكرا ليكم اخوتى جداااااااااااا

[sha2e]

لو الحيطه الى هتبنيها فيها حنفيه مش هينفع عشان السقوط بتاع صرف الحنفيه
حاول تجيب مهندس يشوف الوضع ايه الاول
وبعدين اسأل صاحب البيت السقف مصبوب ازاى هل بلدي ( يعنى عملو العمدان وبعديه سددوا بالطوب وبعد كده صبو السقف) ولا عمدان وسقف وبعد كده طوب
لو بلدي (عمدان وطوب وبع كده سقف) يبقى بلاش تلعب فى حاجه عشان متلقيش السقف الى فوقيك بدأ ينشح وينقط فوقك