البقاء لله ... الرجولة ماتت

[aif]

من 3 ايام تقريبا حصل الموقف ده وكتبته ساعتها ع الفيسبوك وده كوبي منه


...
طلعت ابص من الشباك دلوقتي علي صوت عاااالي
افتكرت عربيتين بيتخانقو مع بعض علي مين اللي يعدي او ما شابه .... بس الساعة 1.40 صباحا ... والصوت حريمي .... هو مش حريمي اوي يعني
لقيت واحد ومراته ومعاهم طفلين حوالي 6 -8 سنوات و طفل رضيع ابوه شايله
الراجل ماشي قدام والست ماشية وراه ب مترين كدة والعيلين في أيدها.....
والست ماشية ف الشارع تسب الدين لزوجها .... اة والله العظيم ...
بعلو صوتها ف الشارع لدرجة الناس طلعو ف البلكونات يشوفو فيه ايه .....
والراجل مش بيرد من فوق ولا من تحت
ماشي كأنه بيتلقى تحية الجماهير بمنتهي الفخر والاعتزاز
وفضلت تشتم فيه وتسبله الدين لغاية ما بعدو عن المنطقة
انا لله وانا اليه راجعون

[wrY]

الرجولة ماتت والدين كمان !

[mostafa magdy]

لا حول ولا قوه إلا بالله .. !!!

[blazer]

وكل حاجه ماتت و عليه العوض فى البلد بالى فيها
ربنا يخرجنا منك يا مصر انتى وناسك على خير غير مفتونين

هنلاقيها من ايه ولا ايييه

[M R. Z E C O]

البت دي تتلق وتترمي فالشارع ...البقاء لله كانت رجولة طيبة

[qkash.com]

اللهم ارفع مقتك وغضبك عنا ولا تؤاخذنا بما فعل السفهاء منا

[J A G U A R]

شاكله شورتها

[mahmoud_ali]

الراجل لو معرفش يحكم بيته من اول يوم يبقى عليه العوض ومنه العوض فيه ويبقى يقرا الفاتحه على رجولته

[Bassem Youssef]

و نعم الاخلاق الحميده

[canner]

من فترة قدام البيت عندنا كان واحد و مراته و ابنهم واقفين و الراجل و الست بيتخانقوا و بعدين الراجل ادى للست مقلب حرامية و وقعها على الارض و هى قعدت تعيط شويه و بعدين قومها و كملوا طريق عادى خالص قدام الواد ابنهم و الذيذ فى الموضوع ان مافيش حد طلع و لا ادخل و واضح انهم كانوا بيتفرجوا برضه من بعيد لبعيد و انا كمان خفت ادخل الاقى الاتنين سابوا الخناقة و اتخانقوا معايا انا و الكلام ده حوالى 12 بالليل

[S O P H O S]

للاسف الموضوع انتشر
وبقيت بشوفه حتي فالعربيات
والصوت العالي سمة جديدة والطرف التاني صامت

[drcobra]

لو الموضوع كدة يبقى عندك حق

[fepsceasar]

يمكن هو متربي عنها

[maheralsisi]

ممكن اسأل حضرتك سؤال
تعرف منين انه ما رماش عليها اليمين مثلا و سابها و مشى ؟؟؟
ممكن سؤال تانى لو سمحت
لو انت شفت العكس و لقيته بيضربها و يجرجرها من شعرها فى الشارع كنت هاتقول عليه ايه ؟؟
اقل حاجة انه عربجى و بلطجى صح ؟؟
يا ترى ايه مقياس الحكم عند الناس ؟؟
و ليه بتحكم بالمظاهر بس بدون معرفة الداخليات ؟؟؟
ارجو الاجابة

[fepsceasar]

ممكن اسأل حضرتك سؤال
تعرف منين انه ما رماش عليها اليمين مثلا و سابها و مشى ؟؟؟
ممكن سؤال تانى لو سمحت
لو انت شفت العكس و لقيته بيضربها و يجرجرها من شعرها فى الشارع كنت هاتقول عليه ايه ؟؟
اقل حاجة انه عربجى و بلطجى صح ؟؟
يا ترى ايه مقياس الحكم عند الناس ؟؟
و ليه بتحكم بالمظاهر بس بدون معرفة الداخليات ؟؟؟
ارجو الاجابة

احييك فعلا يا ريت ما نحكمش على الناس