مين أحسن دكتور أنف وأذن وحنجرة في القاهرة؟

[mr_who515]

تحياتي ليكم جميعاً..

بأعاني من مشكلة شبه مزمنة في الأنف ومحتاج أروح لدكتور شاطر وتشخيصه مظبوط يكون بيفهم ويسمع كويس من المريض ويتقي ربنا ومش بتاع فتح شغل وعمليات إلا في الضرورة القصوى؟

تمنياتي بدوام الصحة والعافية لرواد المنتدى.

[أحمد كمال]

اسامة عبد النصير في مستشفى كليوباترا

[mr_who515]

متشكر على سرعة الرد..

أحد الأفاضل رشح لي دكتور/ أحمد الخربوطلي، رئيس قسم تطبيقات الليزر الطبية بالمعهد القومي لعلوم الليزر، فهل سمع أحد به أو لديه تجربة معه؟

[A.Saad]

احمد شوقى

عيادة بالمعادى

وايضا السلام الدولى

[canner]

الف سلامة و انا كمان كنت محتاج دكتور انف و اذن كويس

[Ahmed Sharaf]

دكتور أحمد نصار مستشفي كليوباترا

[mr_who515]

للأسف أنا روحت لدكتور اسمه علي الجارم في مستشفى الجارم في المعادي كشفه بـ 150 جنيه،
بس ما رتحتش لطريقة كشفه وتشخيصه نهائي كان بيلكلك وطول الوقت وهو بيكشف بالمنظار على الأنف كان بينهج أوي في وشي عشان بس قام اتحرك من ورا مكتبه لحد عندي..
وفي الآخر حاولني لعيادة الأسنان اللي عنده في المستشفى، مش فاهم أنا أيه علاقة وجود تسوس خفيف لضرس عندي بالتهاب الجيوب الأنفية!!
وعلى فكره عمل كده مع واحده كانت دخلت قبل مني برضه حولها للأسنان وراحت الإستقبال دفعت فلوس كشف تاني لعيادة الأسنان اللي عنده في المستشفى بتاعته..
المهم هو لما لاقيني مش مقتنع بحوار الأسنان ده كتبلي على علاج عبارة عن محلول قلوي للاستنشاق + بخاخة مية بحر + 2 مضاد حيوي + دوا للحساسية لمدة 10 أيام بعدها استشارة ولو مفيش تحسن هايحولني برضه للأسنان (مصمم) ويعمل أشعة على الأنف.

[canner]

الف سلامة و الراجل ده من الاخر بيشتغلك انا برضه رحت لواحد ربنا يسامحه و كتابلى على موضوع البخاخة ده و مافيش تحسن و قبليه دوا الحساسية و الاشعة المقطعية

[mk3]

الخربوطلى
المنيل القاهره

[mr_who515]

الله يسلمك.. وألف سلامة عليك أخبارك أيه دلوقتي؟ وياترى لقيت حد كويس ولا عملت ايه؟
أنا روحتله بعد ترشيحات من كذا حد ولو أني مقاطع للأطباء في مصر لإن الغالبية العظمى دون المستوى بمراحل وعندي إني أفضل تعبان ولا أروح لحد منهم يزود تعبي و يفضل يجرب معاي شوية أدوية وعلاجات يا صابت يا خابت بدون تشخيص دقيق!
واللي اسمه علي الجارم ده واخد شهرة ع الفاضي ولا شكل دكتور أصلا من حيث الهندام والنضافة سواء لشخصه أو لأدواته..
القطاع الطبي في مصر في الحضيض، منتهى الإهمال والقذارة لإن الرقابة شبه معدومة و مفيش لا مسئولية ولا محاسبة.. وماتفرقش كتير سواء كانت مستشفيات حكومية و لا خاصة أو الدولية كله محصل بعضه..
وليه تجربة برضه كانت في منتهى السوء من حوالي سنة ونصف مع المركز الطبي العالمي اللي على طريق مصر الإسماعيلية الصحراوي!

[canner]

الله يسلمك المشكلة لسه هى هى و بعد ما رحت لكذا دكتور قولت اخد هدنة و بعدين اجرب كمان علشان كنت جبت اخرى منهم و كمان بدور على حد كويس و كمان كان فيه واحد مشهور جدا مش فاكر اسمه دلوقتى بس كان فى مصر الجديدة و رحنا ليه بأبن اختى كان اللوز بتاعته ملتهبه و اداله دوا الكل قالوا عليه غلط و بيسبب ادمان

[seliem]

احسن واحد الدكتور رجائى نصار

احسن واحد فى مصر كلها
لواء طبيب / رجائى نصار
استشارى و جراح انف واذن
موجود فى مستشفى القوات المسلحة و كمان متعاقد مع مستشفى الشرطة و معروف زى الشمس هو كان موجود من فترة فى المركز الطبى لتخصصى بوزارة الداخلية

[tamalbiot]

.................................................. .
وقف نهائى